Morgunblaðið - 15.05.2001, Síða 27

ERLENT
MORGUNBLAÐIÐ ÞRIÐJUDAGUR 15. MAÍ 2001 27
Lygilegt tilbo› !
TIMOTHY McVeigh er nú að íhuga
hvort hann vilji láta taka sig af lífi
og bandarískir þingmenn telja
koma til greina að hafin verði rann-
sókn á því hvers vegna Alríkislög-
reglan (FBI) lét ekki í té öll gögn
vegna sprengjutilræðisins í Okla-
hóma fyrir nokkrum árum.
Þegar McVeigh ákvað upphaflega
að reyna ekki frekar að áfrýja
dauðadóminum yfir sér hafði hann
ekki hugmynd um að FBI hefði set-
ið á gögnum í málinu, sagði lögmað-
ur McVeighs, Robert Nigh.
McVeigh var dæmdur til dauða
fyrir að sprengja í loft upp opinbera
byggingu í Oklahómaborg í Banda-
ríkjunum 19. apríl 1995, en
168 manns fórust í tilræð-
inu, þar af 19 börn. Aftak-
an átti að fara fram á
morgun en hefur verið
frestað til 11. júní vegna
þess að FBI greindi nýlega
frá því að upplýsingum um
rannsókn málsins – þ. á m.
viðtalsgögnum og ljós-
myndum, bréfum og seg-
ulböndum – hefði ekki verið komið
til verjenda McVeighs.
Nokkrir þingmenn hafa hvatt til
þess að þingnefnd verði skipuð til
að kanna hvers vegna FBI hafi ekki
lagt fram umrædd gögn fyr, en lög-
menn McVeighs eru nýbún-
ir að fá þau í hendur. Hefur
öldungadeildarþingmaður-
inn Charles Schumer sagst
munu fara fram á það við
George W. Bush forseta að
sérstök nefnd verði skipuð
til að rannsaka alla starf-
semi FBI.
Fyrrverandi saksóknari í
málinu, Beth Wilkinson,
sagðist ekki telja að umræddum
gögnum hafi verið stungið vísvit-
andi undir stól og ólíklegt væri að
þau myndu breyta nokkru um nið-
urstöðu málsins. „Hann hefur játað
á sig glæpinn. Sönnunargögnin við
réttarhöldin voru yfirþyrmandi,“
sagði Wilkinson. „Ég tel afar ólík-
legt að fram komi nokkrar upplýs-
ingar sem geti nýst McVeigh.“
McVeigh og verjendur hans eru
nú að meta það hvort reynt verði að
fá aftökunni frestað enn frekar.
McVeigh hafði gert grein fyrir því
„að hann vildi ekki eyða því sem eft-
ir er ævinnar í þröngum klefa,“
sagði Nigh. En það hafi verið þegar
öllum áfrýjunarbeiðnum hafi verið
hafnað og áður en þessar nýju upp-
lýsingar hafi komið fram. Það væri
á endanum McVeighs að ákveða
hvort reynt yrði að áfrýja aftök-
unni.
McVeigh metur stöðuna
Washington. AP.
McVeigh
HAFIST verður handa við að lyfta
rússneska kjarnorkukafbátnum
Kúrsk af botni Barentshafs um miðj-
an næsta mánuð, að því er Ilja Kleb-
anov, aðstoðarforsætisráðherra
Rússlands, greindi frá í gær.
Áætlað er að verkið taki þrjá mán-
uði og á því að ljúka um 20. sept-
ember, að því er Klebanov tjáði
fréttastofunni Interfax. Bætti hann
því við að Rússar væntu þess að
skrifa undir samning við hollensk og
norsk fyrirtæki á sunnudaginn kem-
ur, en þau munu taka þátt í björg-
unaraðgerðunum.
Kúrsk sökk í ágúst sl. og fórst öll
áhöfnin, 118 manns. Klebanov sagði
að björgunaraðgerðirnar yrðu í
tveim liðum, en útskýrði þær ekki
nánar. Í fyrra var stofnaður söfnun-
arsjóður í Brussel til að safna þeim
80 milljónum Bandaríkjadala sem
björgunaraðgerðirnar munu kosta.
Klebanov sagði að rússnesk stjórn-
völd myndu tryggja fjármögnun að-
gerðanna hversu miklum peningum
sem sjóðurinn myndi safna.
Lyfta Kúrsk
í næsta
mánuði
Moskvu. AFP.
KJÓSENDUR í Baskahéruðum
Spánar hafa lýst sig fylgjandi frek-
ara sjálfstæði héraðanna en kæra sig
ekki um frekari uppgang stjórn-
málaarms aðskilnaðarhreyfingar-
innar ETA. Eru þetta niðurstöður
kosninga er fram fóru í héruðunum á
sunnudag.
Stjórnmálaarmur ETA, Eusko
Herritarrok (EH), tapaði helmingi
þingsæta sinna í kosningunum. Of-
beldisverkum ETA, sem berst fyrir
sjálfstæði Baskalands í fjórum hér-
uðum á Spáni og þremur í Frakk-
landi, hefur fjölgað undanfarið, en
alls hafa um 800 manns fallið í blóð-
ugri aðskilnaðarbaráttu ETA undan-
farin 33 ár.
Sigurvegari kosninganna var hóf-
samur þjóðernisflokkur, Þjóðernis-
flokkur Baska (PNV), sem hefur
verið við völd í héruðunum síðan
1980. Hlaut flokkurinn 42,3% at-
kvæða og fjölgaði þingsætum hans
og samstarfsflokks hans, Eusko Alk-
artasuna, úr 29 í 33.
Bandamenn
ETA tapa
San Sebastian. AFP.
♦ ♦ ♦
M O N S O O N
M A K E U P
litir sem lífga