Morgunblaðið - 15.05.2001, Blaðsíða 49

MINNINGAR
MORGUNBLAÐIÐ ÞRIÐJUDAGUR 15. MAÍ 2001 49
✝ Helga Guðjóns-dóttir fæddist í
Ytri-Skógum í Kol-
beinsstaðahreppi,
Snæfellsnesi 6. októ-
ber 1924. Hún lést á
Landspítalanum við
Hringbraut 4. maí
síðastliðinn. Foreldr-
ar hennar voru Guð-
jón Jónsson bóndi, f.
19. febrúar 1889, d.
11. apríl 1972, og
Ágústa Júlíusdóttir
húsfreyja, f. 20.
ágúst 1895, d. 25.
mars 1982. Systkini
Helgu eru Kristín, f. 6. október
1917, d. 27. júlí 1976, Margrét hús-
freyja í Dalsmynni á Snæfellsnesi,
f. 3. mars 1923, Svava, f. 3. nóv-
ember 1928, d. 24. júlí 1947, Har-
aldur bifreiðasmiður í Reykjavík,
f. 28. maí 1926, og Sigurður bif-
reiðasmiður í Reykjavík, f. 3.
ágúst 1930.
Hinn 1. desember 1944 giftist
Helga Júlíusi Kristni Jóhannes-
syni, starfsmanni Ritsímans í
Reykjavík, f. 17. nóvember 1909,
d. 1. apríl 1982. Foreldrar hans
voru Jóhannes Bjarni Jóhannes-
son bóndi, f. 15. september 1874,
d. 15. apríl 1924, og Sigríður Júl-
íusdóttir húsfreyja, f. 6. nóvember
1886, d. 3. febrúar 1967. Börn
Helgu og Júlíusar eru: 1) Sigríður
hárgreiðsludama, f.
12. september 1948,
sambýlismaður
Kristján Ásberg
Reynisson smiður, f.
1955, börn hennar
eru Trausti Pálsson,
f. 1967, og Júlíus
Símon Pálsson, f.
1971. 2) Svava
Ágústa gjaldkeri, f.
28. desember 1950,
dóttir hennar er Ey-
rún Dögg Ingadótt-
ir, f. 1973. 3) Bryndís
þroskaþjálfi, f. 4.
júní 1953, sambýlis-
maður Jörgen Juhl Jörgensen
kjötiðnaðarmaður, f. 1961, börn
hennar eru Ásta Gréta Sigmunds-
dóttir, f. 1971, og Heiðar Sig-
mundsson, f. 1974. 4) Bjarki, lög-
giltur endurskoðandi, f. 30. apríl
1956, kvæntur Elfu Björk Björg-
vinsdóttur, framreiðslumanni og
nema, f. 1967, börn hans eru Ólaf-
ur Brynjar, f. 1977, og Helga
Gunnlaug, f. 1992. 5) Valur bif-
reiðasmiður, f. 8. ágúst 1962,
maki Guðlaug Þórhallsdóttir
kerfisfræðingur, f. 1964, börn
þeirra eru Atli, f. 1989, og Þór-
hallur, f. 1991. Barnabarnabörn
Helgu eru átta.
Útför Helgu fer fram frá Bú-
staðakirkju í dag og hefst athöfn-
in kl. 13.30.
Komið er að kveðjustund, látin
er tengdamóðir mín, Helga Guð-
jónsdóttir. Við fráfall hennar kem-
ur svo margt upp í hugann og þá
sérstaklega það hvað sterk kona
hún var. Ég hef dáðst að henni frá
þeim degi sem við kynntumst fyrir
þann dugnað, kjark og visku sem
streymdi frá henni. Ég dái þann
styrk sem hún hefur sýnt undan-
farið í þeim rannsóknum og í þeim
veikindum sem að lokum urðu þess
valdandi að hún lést, aldrei kvart-
aði hún og öllu tók hún með stakri
ró.
Helga var uppfull af fróðleik og
má þar nefna að hún var meðlimur
í „gáfumannafélagi“ eldri borgara
tengdum Vesturgötu 7, en sá
félagsskapur tók þátt í spurninga-
keppnum milli félagsmiðstöðva
eldri borgara. Gaman hafði hún af
lestri bóka og var sama hvar borið
var niður í umræðunni, hún hafði
örugglega lesið um það. Það var
stórkostlegt hvað hún var opin fyr-
ir öllu því sem var að gerast í
kringum hana hvort sem það var
hér á landi eða erlendis, hvert sem
málefnið var. Hún var minnug með
afbrigðum og ómissandi þátttak-
andi í umræðum um heima og
geima og gaman var að hvað hún
hafði sterkar skoðanir og ósmeyk
við að láta þær í ljós. Húmorinn
var aldrei langt undan og alltaf sá
hún spaugilegu hliðarnar á tilver-
unni.
Barnabörn og barnabarnabörn
munu sakna hennar sárt, það að
hafa öðlast það að umgangast slíka
ömmu og langömmu verður þeim
dýrmætt veganesti og minningin
um hana mun lifa með okkur öllum.
Blessuð sé minning þín elsku
Helga.
Þín tengdadóttir
Elfa Björk.
Föstudaginn 4. maí lést amma
mín, Helga Guðjónsdóttir. Síðustu
daga hef ég hugsað mikið um
ömmu og rifjað upp atvik tengd
henni. Við barnabörnin vorum mik-
ið hjá henni þegar við vorum að
alast upp. Afi og amma bjuggu þá á
Ægisíðunni í rúmgóðu húsi þar
sem pláss var fyrir alla. Þar mátti
allt gera, við t.d teppalögðum stof-
una og borðstofuna með Andrés-
blöðum til að gá hvort amma ætti
nógu mörg blöð til að þekja allt
gólfið. Stundum komum við hund-
blaut inn eftir að hafa leikið okkur
við sjóinn en amma skammaði okk-
ur ekki, hún bara hitaði te og rist-
aði brauð með osti til að við fengj-
um hita í kroppinn. Á sumrin
slitum við upp rabarbarann í garð-
inum og komum milljón ferðir inn
til ömmu því að hún leyfði okkur
alltaf að stinga honum í sykurkar-
ið. Svona var amma alltaf við okk-
ur, ekkert að gera of mikið vesen
úr neinu. Matur, hlýja og notaleg-
heit. Þannig tilfinningu fæ ég þeg-
ar ég hugsa um ömmu, svona
heimatilfinningu. Amma var líka
alltaf dansandi, hún elskaði að
dansa. Þegar gott lag var í útvarp-
inu fór hún dansandi um íbúðina til
að kenna manni að dansa gömlu
dansana. Nú sé ég eftir því að hafa
ekki lært meira af henni, spurt
fleiri spurninga og hlustað betur.
Amma mín hefur nefnilega alltaf
verið eilíf í mínum augum, hún
hafði svo mikinn karakter, svo upp-
full af fróðleik, svo gáfuð. Hún las
allt sem hún náði í og mundi allt
sem hún hafði lesið og heyrt. Ef
maður vildi vita eitthvað, sama
hvort það var landafræði eða saga
eða bara eitthvað þá var hægt að
hringja í ömmu og hún vissi svarið.
Hún vissi um alla merka staði á
landinu, hvað hafði gerst þar og
hvenær. Í sumarfríum var fínt að
hafa samband við ömmu og hún gat
bent manni á markverða staði til að
skoða og hvernig ætti að komast
þangað. Elsku amma, takk fyrir að
hafa gefið mér góðar minningar til
að ylja mér á. Takk fyrir allan tím-
ann sem þú gafst okkur og fyrir að
vera besta amma í heimi. Ég á eftir
að sakna þín.
Fylgdu vini
þúsund mílna leið,
en á endanum
þarftu þó
að kveðja.
(Kínverskt spakmæli.)
Bless amma mín, sjáumst síðar.
Eyrún.
HELGA
GUÐJÓNSDÓTTIR
ÞÁ ER lokið síðasta námskeiði
vetrarins á vegum Hafnarfjarðar-
kirkju, þar sem fjallað hefur verið
um margvísleg trúarbrögð heims-
ins og áhrif þeirra í samtímanum.
Markmið námskeiðanna var að
opna umræðu um samskipti mis-
munandi menningarheima og
trúarbragða og þar með að eyða
fordómum. Fyrsta námskeiðið var
haldið á liðnu hausti. Þar var
fjallað um margvíslegar nýtrúar-
hreyfingar á Vesturlöndum og
kristna trú. Annað námskeið
haustsins fjallaði um þróun hug-
mynda um dauðann og eilífðina í
biblíunni og samkvæmt gyðing-
dómi. Þessar „eilífðarhugmyndir“
voru síðan speglaðar í hugmyndum
annarra trúarbragða. Eftir áramót
var tekið fyrir hið fjölmenningar-
lega samfélag sem við blasir á Ís-
landi í dag. Og nú á vormánuðum
var haldið námskeið um íslam, eða
múhameðstrú eins og trú múslíma
kallast á íslensku. Öll þessi nám-
skeið voru fullskipuð og þétt setin
og sóttu milli 40 og 60 manns hvert
námskeið. Miklar umræður ein-
kenndu námskeiðin eins og efni
stóðu til. Næsta haust verður síðan
fram haldið með þessa umfjöllun
og mun fyrsta námskeið komandi
vetrar fjalla um búddisma.
Sr. Þórhallur Heimisson.
Safnaðarstarf
Áskirkja. Opið hús fyrir alla ald-
urshópa í neðri safnaðarsal kl. 10-
14 í umsjá Þórönnu Þórarinsdótt-
ur. Skemmtiganga kl. 10.30. Júlí-
ana Tyrfingsdóttir leiðir
gönguhópinn. Bæna- og fyrirbæna-
stund í kirkjunni kl. 12 í umsjá
Guðrúnar K. Þórsdóttur djákna.
Léttur hádegisverður á vægu verði
eftir stundina. Samvera foreldra
ungra barna kl. 14-16 í neðri safn-
aðarsal.
Hallgrímskirkja. Fyrirbænaguð-
sþjónusta í dag kl. 10.30. Beðið
fyrir sjúkum.
Laugarneskirkja. Þriðjudagur
með Þorvaldi kl. 21. Lofgjörðar-
stund þar sem Þorvaldur Halldórs-
son leiðir söng við undirleik Gunn-
ars Gunnarssonar. Ólöf I.
Davíðsdóttir, kórfélagi í kirkjunni,
flytur guðs orð og bæn.
Neskirkja. Tíðasöngur kl. 12. Litli
kórinn, kór eldri borgara, kl.
16.30-18. Stjórnandi Inga J. Back-
man. Foreldramorgunn miðviku-
dag kl. 10-12. Sumarferð í Fjöl-
skyldu- og húsdýragarðinn.
Seltjarnarneskirkja. Foreldra-
morgunn kl. 10-12. Kaffi og spjall.
Verið öll hjartanlega velkomin.
Árbæjarkirkja. Lokadagur for-
eldramorgna kl. 10-12. Lokaveisla,
pizza, súpa og brauð á Blásteini.
Hittumst, kynnumst, fræðumst.
Breiðholtskirkja. Bænaguðsþjón-
usta með altarisgöngu kl. 18.30.
Bænaefnum má koma til sóknar-
prests í viðtalstímum hans. Bach í
Breiðholtskirkju kl. 20.30. Ath.
breyttan tíma, verður nú þriðja
þriðjudag í mánuði hverjum í sum-
ar kl. 20.30. Þetta eru 14. tónleik-
arnir í tónleikaröðinni. Þýski org-
anistinn Jörg E. Sondermann
leikur orgelverk eftir J.S. Bach.
Aðgangseyrir rennur til Hjálpar-
starfs kirkjunnar.
Digraneskirkja. Kirkjustarf aldr-
aðra. Leikfimi kl. 11.20. Léttur
málsverður, samvera og kaffi.
Fella- og Hólakirkja. Göngustund.
Á þriðjudögum kl. 10.30 er lagt af
stað frá Fella- og Hólakirkju í
göngu í umsjón Lilju G. Hallgríms-
dóttur djákna. Gangan er ætluð
fólki á öllum aldri. Á eftir er boðið
upp á djús eða kaffi í safnaðar-
heimilinu.
Grafarvogskirkja. Opið hús fyrir
eldri borgara kl. 13.30. Helgistund,
handavinna, spil og spjall. Alltaf
eitthvað gott með kaffinu. Kirkju-
krakkar í Engjaskóla kl. 18-19 fyr-
ir börn á aldrinum 7-9 ára.
Hjallakirkja. Bæna- og kyrrðar-
stund kl. 18.
Kópavogskirkja. Foreldramorg-
unn í dag kl. 10-12 í safnaðarheim-
ilinu Borgum.
Seljakirkja. Foreldramorgnar. Op-
ið hús milli kl. 10-12. Kaffi og
spjall.
Víðistaðakirkja. Aftansöngur og
fyrirbænir kl. 18.30.
Hafnarfjarðarkirkja. Opið hús fyr-
ir 10-12 ára börn í Vonarhöfn,
Strandbergi, kl. 17-18.30.
Fríkirkjan í Hafnarfirði. Opið hús
kl.17-18.30 fyrir 7-9 ára börn.
Vídalínskirkja. Opið hús fyrir
eldri borgara kl. 13-16 í safnaðar-
heimili Vídalínskirkju. Kaffi á
könnunni. Hægt að grípa í spil,
rabba saman og yfirleitt að hitta
mann og annan í góðu tómi.
Lágafellskirkja. Fjölskyldumorg-
unn í safnaðarheimili Þverholti 3,
3. hæð frá kl. 10-12.
Grindavíkurkirkja. Foreldramorg-
unn kl. 10-12.
Borgarneskirkja. TTT tíu - tólf
ára starf alla þriðjudaga kl. 17- 18.
Helgistund í kirkjunni sömu daga
kl. 18.15- 19.
Þorlákskirkja. Mömmumorgnar,
þriðjudögum kl. 10-12.
Hvammstangakirkja. Æskulýðs-
fundur í kvöld kl. 20 í Hrakhólum.
Krossinn. Almenn samkoma kl.
20.30 í Hlíðasmára 5. Allir vel-
komnir.
Frelsið, kristileg miðstöð. Biblíu-
skóli í kvöld kl. 20.
Mikil þátttaka
í trúarbragða-
námskeiðum
KIRKJUSTARF
Klukkan var ekki
orðinn sjö um morgun-
inn þegar Ásgeir
renndi í hlað á Hi-Lux-
inum. Bankaði á
gluggann og beið síðan
í bílnum þar til ég
drattaðist út. Það voru
ekki margir komnir á
fætur fyrir utan þröstinn og ein-
staka þýska túrhesta.
Það er fallegt í Hreðavatsskála á
sumrin. Og stutt niður í Norðurá.
Ásgeir er hress og vel hvíldur en
ég reyni að bera mig vel eftir að
hafa farið seint að sofa. Hann hlær
að mér og ég dáist að því hvað hann
er alltaf pottþéttur og með allt á
hreinu. Mér fannst ekki sangjarnt
að menn væru svona hæfileikaríkir.
Að geta verið doktor í vísindum,
framúrskarandi veiðimaður, mynd-
arlegri en Kennedy og betri píanisti
en margir sem hafa atvinnu af því að
slá þá hvítu og svörtu. En þetta var
allt satt. Við göntumst með ýmislegt
alveg niður að á en þar er byrjað að
renna fyrir fiskinn samkvæmt
ÁSGEIR
BJARNASON
✝ Ásgeir Bjarna-son fæddist í
Hafnarfirði 2. mars
1958. Hann lést 23.
apríl síðastliðinn og
fór útför hans fram í
kyrrþey.
ákveðnum stuðlum og
reglum sem hljómuðu
eins og einhver leyni-
regla fyrir mér en allt-
saman eðlilegt fyrir
honum enda var hann
þá búinn að vera að
„gæda“ í norðurá í
nokkur sumur. þetta
vissi ég ekki þá. Hann
kom alltaf á óvart.
Hann reif upp tvo laxa
og lét mig síðan taka í
stöngina og var ekki
ánægður fyrr en ég var
búinn að draga einn
upp. Hann vildi að ég
veiddi. Og ég veiddi.
Þetta var góður dagur. Geislandi
lífs galdur.
Ég man líka þegar við gengum
niður að Lake Mendota og horfðum
á tunglið í vatninu. Það var á þess-
um sumarkvöldum í Madison sem
við kynntumst og varð strax vel til
vina.
Það var alltaf ævintýri að vera í
fygld með Ásgeiri og aldrei að vita
hvað gerðist. Ég er ósegjanlega
þakklátur fyrir að hafa kynnst hon-
um.
Hans er sárt saknað. En vel
minnst.
Mínar innilegustu samúðarkveðj-
ur til allra aðstandenda.
Sigtryggur Baldursson.
EIGI minningargrein að birt-
ast á útfarardegi (eða í sunnu-
dagsblaði ef útför er á mánu-
degi), er skilafrestur sem hér
segir: Í sunnudags- og þriðju-
dagsblað þarf grein að berast
fyrir hádegi á föstudag. Í mið-
vikudags-, fimmtudags-, föstu-
dags- og laugardagsblað þarf
greinin að berast fyrir hádegi
tveimur virkum dögum fyrir
birtingardag. Berist grein eftir
að skilafrestur er útrunninn
eða eftir að útför hefur farið
fram, er ekki unnt að lofa
ákveðnum birtingardegi. Þar
sem pláss er takmarkað getur
þurft að fresta birtingu greina,
enda þótt þær berist innan hins
tiltekna skilafrests.
Skilafrestur
minning-
argreina
8$

 
  

37 ('"" !

' $  AC%!
'( (!
 
% 
 
*   %
 
01


033
8 " #!

0!
 # "" )"!
3
0! $  )"!
3   "
0!
'" $    '0!
$ $
0! ' $D   " )"
)$  " "
ÚTFARARSTOFA ÍSLANDS
Sími 581 3300
Allan sólarhringinn — www.utforin.is
Suðurhlíð 35, Fossvogi
Sverrir
Olsen
útfararstjóri
Bryndís
Valbjarnardóttir
útfararstjóri
Sverrir
Einarsson
útfararstjóri
Landsbyggðarþjónusta. Áratuga reynsla.