Morgunblaðið - 15.05.2001, Blaðsíða 20
LANDIÐ
20 ÞRIÐJUDAGUR 15. MAÍ 2001 MORGUNBLAÐIÐ
Meistarakokkarnir
hafa unnið afrek
Guðni Ágústsson landbúnaðarráð-
herra kom til veislunnar með fríðu
föruneyti. Hann sagði meðal annars í
ræðu sinni að lambakjötið væri ein-
hver besti veislukostur sem fólkið í
veröldinni ætti aðgang að. Íslending-
ar væru heppnir að eiga þessa afurð
sem bændur stæðu ekki einir um að
kynna. Íslensku meistarakokkarnir
hefðu unnið mikið og þakkarvert af-
rek við vörukynningu.
„Landið okkar, sem er hreint og
ósnortið, á sterka bændastétt sem á
metnað og sóknarhug og kann til
verka. Við áttum okkur æ betur á því
að framleiðslustigið sjálft þarf ekki
eingöngu á framleiðendum að halda.
Það þarf einnig á þeim að halda sem
bera lambakjötið á borð fyrir neyt-
endur, meistarakokkar þessa lands
hafa unnið vel og tekið tryggð við ís-
lenska bændastétt,“ sagði Guðni.
Hann þakkaði eldhugunum Þór-
arni Guðlaugssyni fyrir framtakið og
einnig Gunnari Páli Ingólfssyni kjöt-
iðnaðarmeistara og hljómlistar-
manni fyrir áratuga baráttu við ötula
kynningu á lambakjötinu og með-
höndlun þess. Gunnar var einmitt
viðstaddur og lék kvöldverðartónlist
fyrir veislugesti. Guðni sló víða á
létta strengi eins og honum er einum
lagið, hann sagði meðal annars að ís-
lenska forystukindin hefði vit á við
meðal stjórnmálamann.
Í föruneyti ráðherra var m.a. Jó-
hannes Kristjánsson skemmtikraft-
ur og fór á kostum að venju.
Skemmtu veislugestir sér konung-
lega og nutu veislunnar.
LANDSSAMBAND sauðfjárbænda
og markaðsráð kindakjöts buðu til
veislu á Flúðum síðastliðið þriðju-
dagskvöld, sem á annað hundrað
manns sótti. Að sögn Össurar Lár-
ussonar framkvændastjóra Lands-
sambands sauðfjárbænda er þetta
hugmynd Þórarins Guðlaugssonar
matreiðslumeistara að koma saman
kjötiðnaðarmönnum, matreiðslu-
mönnum og bændum til að kynna
nýjar og breyttar aðferðir í vinnslu
og matreiðslu á lambakjöti.
Össur sagði að aðstaðan væri góð í
félagsheimilinu á Flúðum, starfsfólk
Hótels Flúða hefði verið boðið og bú-
ið að veita aðstoð, því hefði verið
ákveðið að byrja þar en að efnt yrði
til kynningar með svipuðu sniði með
haustinu.
„Það hefur verið unnin mikil þró-
unarvinna á síðustu árum með sauð-
fjárafurðir m.a. með sérstökum
skurði á skrokkunum og matreiðslu
á kjötinu. Það er því nauðsynlegt að
sýna framleiðendum hvað verið er að
gera í þessum efnum en neikvæðar
raddir hafa heyrst um að of lítið væri
gert í markaðssetningu. Það er ekki
svo, það er ekki lengur verið að selja
kjötið í pokum og kössum. Það er
mikil framþróun í meðferð og mat-
reiðslu lambakjöts og þetta er liður í
því að kynna það fyrir bændum,“
sagði Össur.
Barist fyrir málstað bænda
Jakob H. Magnússon meistara-
kokkur sem var veislustjóri sagði
meðal annars í ávarpi að matreiðslu-
menn á Íslandi hefðu til margra ára
barist fyrir málstað bænda. Sérstak-
lega sauðfjárbænda vegna þeirra af-
burða gæða sem íslenska lambakjöt-
ið hefði ef rétt væri með það farið.
Gera þyrfti bændunum hátt undir
höfði m.a. til þess að auka verðmæti
afurðanna. Matreiðslumenn hefðu
gert margt til að auka hróður þessa
afbragðs vöru og þeir væru í faglegu
sambandi við helstu matreiðslu-
meistara víðsvegar um heiminn til að
kynna lambakjötið sem alltaf hefði
fengið mikið lof sem úrvals hráefni.
Það hefði margoft unnið til verð-
launa eins og kunnugt væri.
Jakob sagði að sérstaka áherslu
þurfi að leggja á kjötskurðinn með
betri nýtingu í huga, þá væru allir
matreiðslumenn sérvitrir og vildu fá
vöruna vandlega snyrta. Jakob lýsti
hvernig hentugast væri að skera nið-
ur skrokkinn til að nýtingin yrði sem
best. Hann sagði að matreiðslu-
meistarar vildu gjarnan meiri sam-
vinnu við bændur og kjötvinnslu-
menn. Eftir að Jakob hafði lýst
nokkrum matreiðsluaðferðum lagði
hann áherslu á að möguleikar á meiri
nýtingu lambakjötsins væru miklir
eins og sjá mætti á hlaðborði kvölds-
ins sem var afar fjölbreytt.
Lambakjötið er hágæðavara
Árni Þorvaldsson á Bíldsfelli for-
maður félags sauðfjárbænda í Ár-
nessýslu sagði að hann væri mjög
ánægður með þetta framtak og sagð-
ist vonast til að þetta verði á lands-
vísu. Það væri mikil lyftistöng að sjá
nýtinguna á öllum skrokknum á svo
mjög fjölbreyttan hátt og allt væri
faglega unnið og mjög gott.
„Meistarakokkarnir eiga heiður
skilinn fyrir þetta framtak og hafa
unnið einstakt starf við kynningu á
lambakjötinu. Sauðfjárbændur hafa
átt undir högg að sækja, salan hefur
þó aðeins aukist undanfarið á kjöt-
inu. Margir bændur hafa selt fram-
leiðslurétt sinn og sauðfé þ fækkað
mikið, á síðastliðnu ári var t.d. 5%
fækkun fjárstofnsins. Við megum
ekki fækka mikið meira eins og stað-
an er í dag, bæði upp á félagslega
þáttinn að gera svo og framleiðslu-
getuna,“ sagði Árni.
Árni sagði að erfitt væri að eiga
við útflutninginn, við ættum að
kynna lambakjötið betur hér heima,
leggja áherslu á menningarþáttinn
og notfæra okkur það. Einkum
þyrfti að kynna ferðamönnum þessa
hágæðavöru enn frekar sem væri í
rauninni lífrænt ræktuð á fjölbreytt-
um gróðri.
Sauðfjárbændur og markaðsráð buðu til veislu á Flúðum
Liður í átaki um breytta
úrvinnslu lambakjöts
Morgunblaðið/Sigurður Sigmundsson
Hrunamannahreppur
Meistarakokkarnir sem sáu um veisluna. Frá vinstri: Sverrir Þór Hall-
dórsson, Ólafur Helgason, Kristján Sæmundsson, Eysteinn Hjörleifsson,
Þorvarður Óskarsson, Jakob H. Magnússon og Þórarinn Guðlaugsson.
Sótt var í munaðarvöruna; lambakjötið, sem matreitt var á ýmsa vegu.
Sverrir Þór Halldórsson mat-
reiðslumeistari með flamberuð
lambalæri í veislunni.
HJÁ Kristjáni Ólafssyni og Huldu
Valdísi Steinarsdóttur tómstunda-
bændum á Ísafirði er mikil frjó-
semi í fé. Á fimmtudag voru 20
kindur bornar, 17 tvílembur, tvær
þrílembur og ein fjórlemba.
Fjórlembingarnir og móðir
þeirra voru öll við bestu heilsu
þegar Morgunblaðið leit við. Einu
afföllin í sauðburðinum voru að
einn þrílembingurinn fæddist
dauður, svo af þessum 20 kindum
komu 43 lömb. Ólafur Vilhjálmsson
74 ára faðir Kristjáns hefur að
mestu séð um sauðburðinn fyrir
son sinn, en hann er öllum hnútum
kunnugur og natinn við búskapinn,
enda séð um fé frá því að hann gat
gengið. Faðir Ólafs Vilhjálmur
Jónsson póstur á Ísafirði var alltaf
með fé á húsum við íbúðarhús sitt
undir Stórurðinni á Ísafirði. Þar
hefur Ólafur alla tíð búið og verið
með bú og tún, þar til að vaxandi
bær flæmdi hann burt með sauð-
féð. Nú eru fjárhúsin í húsum sem
áður voru notuð sem minkabú í
Engidal, þar sem margir tóm-
stundabændur á Ísafirði halda
kindur og hesta.
Ólafur sagði í samtali við blaðið
að mikil og góð gjöf og góð húsa-
kynni ættu mestan þáttinn í frjó-
seminni. Afburðagott tíðarfar hef-
ur verið á Ísafirði í vetur og
óvenjulegt að tún séu orðin græn
fyrir miðjan maí eins og algengt er
nú.
Morgunblaðið/Úlfar Ágústsson
43 lömb frá
20 kindum
Ísafjörður
KVENNAKÓRINN Norðurljós frá
Hólmavík hélt tónleika í Árnes-
kirkju nýlega og voru það loka-
tónleikar vorsins.
Að sögn Sigríðar Óladóttur,
stjórnanda og kórstjóra, er kórinn
skipaður 27 konum og er það ná-
lægt þriðjungur kvenna á Hólma-
vík, þetta voru fimmtu og síðustu
tónleikar vorsins en þær héldu tón-
leika fyrr í vetur og vor á Hólma-
vík, í Bústaðakirkju í Reykjavík, á
Búðardal og Drangsnesi og nú síð-
ast í Árnesi. Undirleikari með kórn-
um, bæði á gítar og harmonikku, er
Gunnlaugur Bjarnason.
Norðurljós
frá Hólmavík
Árneshreppur