Morgunblaðið - 15.05.2001, Blaðsíða 12

LÖGREGLAN í Reykjavík lýs-
ir eftir myndum sem stolið var
úr innbroti í Svarthamar-List-
hús við Skólavörðustíg þann 27.
apríl sl.
Alls er 18 mynda saknað,
þ.m.t. mynda eftir Ásgrím
Jónsson, Kristján Davíðsson,
Louisu Matthíasdóttur, Sigur-
björn Jónsson, Snorra Arin-
bjarnar, og Svavar Guðnason.
Ljósmyndir af sumum mál-
verkanna má nálgast á vefsíðu
lögreglunnar í Reykjavík,
www.lr.is, undir tenglinum:
Stolið – eftirlýst.
Lögreglan handtók mann
skammt frá Skólavörðustíg en
hann hafði þá 45 málverk undir
handleggnum. Maðurinn gaf
þær skýringar að hann hefði
fundið málverkin á leið sinni í
vinnuna.
Þeir sem geta gefið upplýs-
ingar sem koma að gagni við
rannsókn málsins eða hafa vitn-
eskju um eitthvert verkanna
eru beðnir um að hafa samband
við lögregluna í Reykjavík,
auðgunarbrotadeild, í síma 569
9000.
Lýst eftir
18 stolnum
málverkum
TIL átaka kom milli hóps Pat-
reksfiðinga og Bolvíkinga við
verstöð á Patreksfirði aðfara-
nótt sunnudags. Rúður voru
brotnar í verbúðinni, húsið
grýtt og barið utan með bar-
eflum. Lögreglan á Patreks-
firði segir að um tugur manna
hafi tekið þátt í átökunum.
Samkvæmt upplýsingum frá
lögreglunni munu átökin hafa
átt sér upptök í deilum milli
Patreksfirðings og Bolvíkings á
skemmtistað í bænum fyrr um
nóttina. Seinna um nóttina fór
hópur Patreksfirðinga að ver-
búðinni þar sem sló í brýnu
milli hópanna. Lögreglunni á
Patreksfirði tókst að stöðva
átökin og róa mennina niður en
enginn var þó handtekinn. Bú-
ist er við að kærur verði gefnar
út vegna málsins innan tíðar.
Átök við
verbúð á
Patreksfirði
FRÉTTIR
12 ÞRIÐJUDAGUR 15. MAÍ 2001 MORGUNBLAÐIÐ
ÓLÖF Guðný Valdimarsdóttir, arki-
tekt frá Núpi í Dýrafirði, var kjörin
nýr formaður Landverndar á aðal-
fundi samtakanna sem haldinn var á
Egilsstöðum sl. laugardag. Tekur
hún við af Jóni Helgasyni frá Segl-
búðum, fyrrverandi þingmanni og
ráðherra, sem verið hefur formaður
síðustu fjögur árin.
Í ávarpi á fundinum sagði Ólöf
Guðný að mikill árangur hefði náðst í
landverndarmálum, náttúruvernd
væri ekki lengur mál fámennra hópa
eða einstaklinga heldur tækju margir
afstöðu í dag, þyrðu að eiga sér
drauma og kynnu að meta fegurð og
náttúrugæði.
Jón Helgason, fráfarandi formað-
ur, sagði skilning hafa aukist á því
hversu lífsnauðsynleg góð umgengni
við náttúru og umhverfi væri. Hann
sagðist hafa fundið það í starfi sínu
sem formaður að ómetanlegt hefði
verið að finna góðar undirtektir þeg-
ar leitað væri eftir framgangi mála.
Ályktað um erfðabreyttar
lífverur og matvælaöryggi
Samþykktar voru fjórar ályktanir
á aðalfundinum, um umhverfismál á
höfuðborgarsvæðinu, laxeldi í sjó,
erfðabreyttar lífverur og matvælaör-
yggi. Hér fara hér á eftir kaflar úr
þeim:
„Landvernd minnir á mikilvægi
þess að beita varúðarreglunni þegar
meta á hvort skynsamlegt sé að
heimila notkun erfðabreyttra lífvera
sem kunna að skapa hættu fyrir líf-
ríkið og heilbrigði. Öryggissjónarmið
mega ekki víkja fyrir skammtímavið-
skiptahagsmunum. Landvernd hvet-
ur stjórnvöld til að hraða innleiðslu
nýrrar tilskipunar Evrópusambands-
ins um erfðabreyttar lífverur. Með
henni fær varúðarreglan skýrara
hlutverk en í núgildandi löggjöf.“
Í ályktun um umhverfismál á höf-
uðborgarsvæðinu segir m.a.: „Land-
vernd hvetur sveitarfélögin á höfuð-
borgarsvæðinu til að auka samstarf
um skipulags- og umhverfismál og
ljúka við gerð svæðisskipulags. Ein-
stök mannvirki sem hafa áhrif langt
út fyrir viðkomandi sveitarfélag þarf
að skoða í samstarfi við önnur sveit-
arfélög á svæðinu.
Landvernd leggur til að sveitar-
félögin á höfuðborgarsvæðinu geri 5
ára áætlun um uppbyggingu stíga-
kerfis sem skapi nýjar og bættar for-
sendur fyrir göngufólk og hjólreið-
ar.“
Laxeldi í sjó
„Landvernd telur að stjórnvöld
hafi heimilað eldi á laxi í sjókvíum í
mun meiri mæli en samræmist var-
úðarsjónarmiðum og telur nauðsyn-
legt að undirbúa betur það laxeldi í
sjókvíum sem nú er áformað,“ segir í
ályktun um laxeldi. Segir einnig að
marka verði skýrari stefnu um
verndun íslenska laxins, setja þurfi
sjókvíaeldi skýran lagaramma og
skipuleggja þurfi eftirlit og vöktun
lífríkis sem starfsemin kunni að ógna.
Þá hvetur Landvernd íslenska
bændur og stjórnvöld til að vinna
markvisst að uppbyggingu vistvæns
og lífræns landbúnaðar á Íslandi sem
starfi í sátt við umhverfið og fram-
leiði hollar og hreinar búvörur þann-
ig að bændur treysti stöðu sína sem
framleiðendur öruggra og góðra
matvæla sem framleidd eru með
sjálfbærum hætti. „Stjórnvöld eru
hvött til að beina stuðningi og rann-
sóknum með markvissum hætti í
þennan farveg. Jafnframt þarf að
stuðla að framþróun lífræns landbún-
aðar svo að hann geti orðið raunhæf-
ur og öflugur valkostur í framleiðslu
matvæla. Minnt er á mikilvægi þess
að vernda fjölbreytileika og sérstöðu
íslensks búfjár og að gæta þarf mik-
illar varúðar við innflutning erlendra
tegunda.“
Ólöf Guðný Valdimarsdóttir
nýr formaður Landverndar
Ólöf Guðný Valdimarsdóttir, nýr formaður Landverndar, og Jón Helga-
son, fráfarandi formaður.
Morgunblaðið/jt
MÁL eru sögð hafa skýrst nokkuð
varðandi framtíðarskipan mála við
Norðlingafljót í Borgarfirði, en á
síðasta ári voru fjörugar umræður
um að koma laxi í ána og leggja
jafnvel laxastiga um jarðgöng fram
hjá Barnafossi. Sá möguleiki sem
nú er hins vegar kannaður er að
veita ánni í Hvítá fyrir neðan gljúfr-
in sem hýsa Barnafoss og Hraun-
fossa.
Ef við rifjum þessa umræðu upp
þykir það sannað að Norðlingafljót
þykir henta afar vel sem sjálfbær
laxveiðiá. Er það sagt líkjast að
mörgu leyti Kjarrá og hafa bol-
magn til að vera viðlíka sterk lax-
veiðiá. Vandinn hefur verið sá að áin
fellur í Hvítá fyrir ofan Barnafoss.
Bæði er hann ólaxgengur og fleiri
fossar ofar erfiðir og auk þess fellur
svo gríðarlega kalt vatn í ána undan
hrauninu í Hraunfossum að vatns-
hiti nær tæplega því hitastigi sem
þarf til að lax gangi hiklaust fram.
Fram voru komnar hugmyndir
um laxastiga um jarðgöng fram hjá
Barnafossi sem ekki má hrófla við
vegna friðlýsingar. Aðrir valkostir
voru að leiða ána í Hvítá fyrir neðan
hina köldu Hraunfossa. Gallinn við
þær leiðir er sá að hafbeitarlaxi hef-
ur verið sleppt í Fljótið um árabil og
hann hefur raðað sér í ána eins og
búast má við að villtur stofn myndi
gera. Þannig geta menn séð í hendi
sér að með því að leiða ána í Hvítá
neðan Hraunfossa munu geysilega
sterkir veiðistaðir og hrygningar-
svæði tapast.
Þetta er það sem menn hafa velt
til og frá, að setja jarðgöngin fram
hjá Barnafossi og lagfæra fossa of-
ar og taka áhættuna, að laxinn
gangi um ískalt vatnið, eða fórna
veiði- og hrygningarstöðum fyrir
öryggið að laxinn skili sér í ána. Það
síðarnefnda virðist hafa orðið ofan
á. Það mun þó taka allmörg ár að
byggja Norðlingafljót upp sem lax-
veiðiá, en búast má við að seiða-
sleppingar hefjist von bráðar svo og
kortlagning á nýjum farvegi.
20 punda urriði?
Nýlega barst sú frétt að veiði-
maður hefði dregið 20 punda urriða
úr Minnivallalæk. Tók risinn flug-
una black ghost, straumflugu núm-
er 6 í Stöðvarhyl. Fiskinum var
sleppt og var því aldrei veginn ná-
kvæmlega og auk þess hafa ýmsir
séð mynd þar sem svo virðist sem
fiskurinn sé vart meira en 10–12
pund sem þó er enginn smáfiskur.
Þröstur Elliðason, leigutaki
Minnivallalækjar, sagði í samtali
við Morgunblaðið að hann hefði
upplýsingar um fiskinn frá fyrstu
hendi og sér virtist engu logið um
stærð urriðans. „Þessi urriði var
lengdarmældur, 90 sentímetrar.
Laxar af þeirri lengd eru yfirleitt
um 8 kg, en urriði af þessari stærð-
argráðu er að öllu jöfnu miklu mun
sverari og þessi fiksur var í góðum
holdum. Veiðimaðurinn var að auki
með vigt sem tók mest 8 kg. Hann
skellti háfnum með urriðanum í á
vigtina og hún var keyrð í botn í ein-
um rykk, fiskurinn greinilega mun
þyngri. Samkvæmt erlendum stöðl-
um um stærð og þyngd á urriða ætti
90 sentímetra fiskur í eðlilegum
holdum að vera 22 til 24 libs, eða um
eða rétt yfir 20 íslensk pund.“
Málin að skýrast
við Norðlingafljót
ERU ÞEIR AÐ FÁ’ANN?
UMBOÐSMAÐUR Alþingis hefur í
nýlegu áliti sínu komist að þeirri
niðurstöðu að ákvörðun úthlutunar-
nefndar atvinnuleysisbóta fyrir
Norðurland vestra um að fella niður
bætur til konu í búrekstri á þeim
forsendum að hún væri sjálfstætt
starfandi einstaklingur hafi verið
ólögmæt. Konan, sem hafði þegið
atvinnuleysisbætur nær samfellt í
rúm tvö ár þegar þær voru felldar
niður, kvartaði til umboðsmanns yf-
ir úrskurði úrskurðarnefndar at-
vinnuleysisbóta sem staðfesti
ákvörðun úthlutunarnefndar. Beinir
umboðsmaður því til úrskurðar-
nefndarinnar að taka mál konunnar
fyrir að nýju, óski hún þess.
Konan hélt því fram að úrskurð-
urinn hefði ekki verið í samræmi við
lög um atvinnuleysistryggingar og
reglugerð um bótarétt sjálfstætt
starfandi einstaklinga úr Atvinnu-
leysistryggingasjóði, þar sem hún
væri ekki sjálfstætt starfandi í
skilningi reglugerðarinnar, enda
hefði hún aldrei staðið skil á trygg-
ingagjaldi með reglubundnum
hætti.
Umboðsmaður bendir á í áliti
sínu, eftir að hafa kynnt sér málið ít-
arlega, að ekki hafi legið fyrir til-
skilin gögn um það hvort konan hafi
staðið skil á tryggingargjaldinu, né
upplýsingar um að þeirra hafi verið
óskað af hálfu úrskurðaraðila. Telur
umboðsmaður að úrskurðarnefnd-
inni hafi borið, samkvæmt stjórn-
sýslulögum, að afla frekari gagna
um meintan rekstur konunnar. Seg-
ir umboðsmaður að upplýsingar um
að konan hafi verið skráð fyrir virð-
isaukaskattsnúmeri hjá skattstjóra
hafi virst ráða niðurstöðu úrskurð-
arnefndarinnar í málinu. Er það því
niðurstaða umboðsmanns að úr-
skurður úrskurðarnefndarinnar hafi
verið ólögmætur.
Úthlutunarnefndin gætti ekki
ákvæða stjórnsýslulaga
Kvörtun konunnar til umboðs-
manns beindist einnig að fyrri
ákvörðun úrskurðarnefndar um að
vísa máli hennar til endurupptöku
hjá úthlutunarnefnd atvinnuleysis-
bóta á þeim grundvelli að hún, þ.e.
úthlutunarnefndin, hafi ekki gætt
ákvæða stjórnsýslulaga við ákvörð-
un sína. Umboðsmaður rekur í áliti
sínu ákvæði laga um endurupptöku
og tekur fram að umrædd heimild
sé bundin við að fram komi beiðni
frá aðila máls. Stjórnvöld geti því
ekki á grundvelli þessa ákvæðis
beint því til lægra settra stjórnvalda
að endurupptaka fyrri ákvarðanir.
Vekur umboðsmaður athygli á því
að stjórnvöld hafi hins vegar heim-
ild samkvæmt stjórnsýslulögum til
að afturkalla ákvörðun sína að eigin
frumkvæði. Með vísan til þessa telur
umboðsmaður Alþingis að úrskurð-
arnefndinni hafi ekki verið heimilt
að vísa máli konunnar til endurupp-
töku hjá úthlutunarnefndinni. Hins
vegar hafi henni verið skylt að end-
urskoða ákvörðun úthlutunarnefnd-
arinnar og úrskurða í málinu í sam-
ræmi við stjórnsýslulög.
Atvinnuleysisbætur til konu í búrekstri voru felldar niður
Ólögmætur úr-
skurður að mati um-
boðsmanns Alþingis
Lögreglu-
bíl bakkað
á ljósastaur
LÖGREGLUMAÐUR í Vest-
mannaeyjum bakkaði lög-
reglubifreið á ljósastaur að-
faranótt sunnudags en
lögreglumaðurinn var að
bakka til að forða árekstri við
ölvaðan ökumann. Lögreglu-
bíllinn og ljósastaurinn
skemmdust nokkuð. Ökumað-
urinn gaf sig fram við lögregl-
una stuttu síðar.
Samkvæmt upplýsingum frá
lögreglunni í Vestmannaeyj-
um ók maðurinn inn á bif-
reiðastæði lögreglustöðvarinn-
ar um nóttina. Þar ók hann
nokkra hringi og „reykspól-
aði“ og hafði í frammi ógnandi
tilburði við lögreglumenn sem
voru fyrir utan stöðina. Lög-
reglan veitti honum eftirför en
hann sneri þá við og ók beint
á móti lögreglubílnum. Öku-
maður lögreglubílsins taldi þá
rétt að bakka bílnum til að
koma í veg fyrir árekstur en
bíllinn lenti á rennisteini og
hafnaði loks á ljósastaurnum.
INNLENT