Morgunblaðið - 15.05.2001, Blaðsíða 1
108. TBL. 89. ÁRG. ÞRIÐJUDAGUR 15. MAÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 15. MAÍ 2001
AUÐKÝFINGURINN Silvio Berl-
usconi bjó sig í gær undir að taka aft-
ur við embætti forsætisráðherra
Ítalíu eftir að kosningabandalag
hans bar sigurorð af bandalagi mið-
og vinstriflokka í þingkosningum á
sunnudag. Berlusconi hét því að
styrkja tengsl Ítalíu við Evrópusam-
bandið og mynda sterka ríkisstjórn
sem gæti verið við völd út kjörtíma-
bilið.
Bandalag mið- og hægriflokk-
anna, undir forystu Berlusconis,
fékk nauman meirihluta í efri deild
þingsins og því var spáð öruggum
meirihluta í neðri deildinni. „Þeir
sem kusu sýndu að þeir vilja breyt-
ingu. Við bregðumst þeim ekki og
munum stjórna með stöðugleika út
allt fimm ára kjörtímabilið,“ sagði
Berlusconi í sjónvarpsávarpi í gær-
kvöldi.
Alls hafa 58 ríkisstjórnir verið
myndaðar á Ítalíu frá 1945 og engin
þeirra hefur verið við völd heilt kjör-
tímabil án þess að skipt hafi verið um
forsætisráðherra eða samstarfs-
flokka.
Francesco Rutelli, forsætisráð-
herraefni Ólífubandalagsins, kosn-
ingabandalags mið- og vinstriflokk-
anna, játaði sig sigraðan á
blaðamannafundi í Róm.
Samkvæmt lokatölum innanríkis-
ráðuneytisins fékk bandalag Berl-
usconis 177 þingsæti af 315 í efri
deildinni og Ólífubandalagið 125.
Mið- og hægriflokkunum var spáð
330–365 þingsætum af 630 í neðri
deildinni og miðju- og vinstri-
mönnum 250–280 sætum.
Ekki var ljóst í gær hvort banda-
lag Berlusconis hefði fengið starf-
hæfan meirihluta í efri deildinni án
Norðurbandalagsins, sem varð fyrri
stjórn auðkýfingsins að falli árið
1994 þegar hún hafði verið við völd í
sjö mánuði. Norðurbandalagið sagð-
ist hafa fengið 16–17 sæti í efri deild-
inni, en það myndi þýða að stjórn
Berlusconis þyrfti ekki á stuðningi
bandalagsins að halda.
Varfærnisleg viðbrögð í
öðrum ESB-ríkjum
Þurfi Berlusconi ekki að reiða sig
á stuðning Norðurbandalagsins,
undir forystu Umbertos Bossis, er
talið líklegt að stjórn hans verði ein
af sterkustu ríkisstjórnum Ítalíu
eftir síðari heimsstyrjöldina.
Norðurbandalagið og annar sam-
starfsflokkur Berlusconis, Þjóðar-
bandalagið, hafa barist gegn inn-
flytjendum og látið í ljósi efasemdir
um Evrópusambandið. Hefur það
valdið áhyggjum meðal ráðamanna í
öðrum ESB-ríkjum, en viðbrögð
þeirra við sigri bandalags Berlusc-
onis voru þó varfærnisleg í gær og
þeir hótuðu ekki refsiaðgerðum eins
og þeim sem gripið var til gegn Aust-
urríki í fyrra vegna stjórnarþátttöku
flokks Jörgs Haiders.
„Ég virði lýðræði Ítalíu og ber
traust til ítölsku þjóðarinnar,“ sagði
Hubert Vedrine, utanríkisráðherra
Frakklands, sem beitti sér fyrir ein-
angrunaraðgerðum ESB-ríkjanna
gegn austurrísku stjórninni. „En í
ljósi stöðu landsins í Evrópu þurfum
við að fylgjast grannt með myndun
stjórnarinnar og stefnu hennar.“
Gerhard Schröder, kanslari
Þýskalands, kvaðst virða úrslit kosn-
inganna en athygli vakti að hann
óskaði ekki sigurvegurunum til ham-
ingju.
„Við erum stolt af því að vera hluti
af Evrópusambandinu og í sérstök-
um tengslum við Bandaríkin. Við
ætlum að efla þessi tengsl,“ sagði
Berlusconi í sjónvarpsávarpi sínu.
Berlusconi og bandamenn hans sigruðu í kosningunum á Ítalíu
Lofar sterkri stjórn
út allt kjörtímabilið
Róm. Reuters, AP.
AP
Silvio Berlusconi flytur sjón-
varpsávarp eftir sigur mið- og
hægriflokkanna á Ítalíu.
Horfur á sterkustu stjórn/26
FIMM palestínskir lögreglumenn
biðu bana þegar ísraelskir her-
menn hleyptu af vélbyssum á varð-
stöð þeirra á Vesturbakkanum í
gær. Tveir Palestínumenn voru
skotnir til bana í átökum á Gaza-
svæðinu.
Yasser Arafat, leiðtogi Palestínu-
manna, fordæmdi árásina á lög-
regluvarðstöðina og sagði að allir
lögreglumennirnir nema einn hefðu
verið sofandi þegar þeir voru
„myrtir af ásettu ráði“. „Þetta var
fúlmannleg og siðlaus árás. Ísrael-
ar verða að gera sér grein fyrir því
að þeir fá harðan dóm fyrir þennan
glæp,“ sagði Arafat.
Lögreglumennirnir voru á aldr-
inum 17–29 ára og urðu fyrir vél-
byssuskotum í varðstöð nálægt
bænum Beituniya á Vesturbakkan-
um, að sögn palestínskra embættis-
manna. Er þetta mannskæðasta
árásin í átökum Ísraela og Palest-
ínumanna frá 14. febrúar þegar
Palestínumaður varð átta Ísraelum
að bana með því að aka rútu á hóp
fólks sunnan við Tel Aviv.
Raanan Gissin, ráðgjafi Ariels
Sharons, forsætisráðherra Ísraels,
sagði að skotið hefði verið á ísr-
aelska hermenn úr palestínsku lög-
regluvarðstöðinni og þeir hefðu
svarað árásinni. Hann kvaðst hins
vegar ekki vita með vissu hvort
lögreglumennirnir fimm hefðu gert
árásina.
Sprengjuárásir á
palestínskar öryggissveitir
Ísraelskar herþyrlur skutu
sprengjum á skotmörk á Gaza-
svæðinu, meðal annars byggingu
palestínskrar öryggissveitar, lög-
reglustöð og skrifstofur Fatah,
hreyfingar Arafats. Fjórir særðust
í árásunum og tíu brynvarðar bif-
reiðar eyðilögðust.
Ísraelskir hermenn skutu tvo
Palestínumenn til bana og særðu
tvo aðra í borginni Khan Yunis á
Gaza-svæðinu. Talsmaður Ísraels-
hers sagði að Palestínumennirnir
hefðu hleypt af byssum og kastað
handsprengju á varðstöð hersins.
Colin Powell, utanríkisráðherra
Bandaríkjanna, sagði það „mikið
áhyggjuefni“ hvernig átökin hefðu
stigmagnast að undanförnu. „Við
ætlum að tala hreinskilnislega við
báða aðila, hvetja þá til að gera allt
sem þeir geta til að draga úr of-
beldinu,“ sagði Powell í viðtali við
CNN í gærkvöldi.
Ísraelskir hermenn skjóta fimm palestínska lögreglumenn til bana
Arafat for-
dæmir „siðlausa
árás“ Ísraela
AP
Palestínumenn í bænum Nablus á Vesturbakkanum mótmæla drápum
Ísraelshers og halda á myndum af Kofi Annan, framkvæmdastjóra Sam-
einuðu þjóðanna, og fjögurra mánaða palestínskri stúlku sem lét lífið í
sprengjuárás hersins á flóttamannabúðir á Gaza-svæðinu 7. maí.
Beituniya. Reuters, AP.
FILIPPSEYINGAR gengu til þing-
kosninga í gær og talið er að þær
ráði úrslitum um hvort hægt verði
að afstýra enn meiri ólgu í stjórn-
málum landsins í kjölfar ákær-
unnar á hendur Joseph Estrada,
fyrrverandi forseta, sem var hand-
tekinn í janúar og sakaður um
spillingu.
Kjörsóknin var rúm 80% og kosn-
ingarnar fóru friðsamlega fram
þótt 79 manns hafi látið lífið í átök-
um í kosningabaráttunni síðustu
vikurnar. Búist er við að úrslitin
liggi fyrir eftir tæpar tvær vikur.
Estrada greiðir hér atkvæði
ásamt syni sínum á hersjúkrahúsi í
Manila.
Kosið á
Filipps-
eyjum
Reuters
UTANRÍKISRÁÐHERRAR
ríkja Evrópusambandsins
deildu í gær um tillögu þess
efnis að í aðildarsamningum við
Mið- og Austur-Evrópuríki yrði
kveðið á um allt að sjö ára að-
lögunartíma frjálsra flutninga
vinnuafls milli þessara ríkja og
núverandi aðildarríkja ESB.
Þjóðverjar og Austurríkis-
menn kröfðust slíks aðlögunar-
tíma þar sem þeir óttast að
ódýrt vinnuafl streymi inn á
vinnumarkað þeirra frá
Austur-Evrópu. Spánverjar
sögðust aftur á móti ekki geta
stutt tillöguna nema þeir fengju
örugga tryggingu fyrir því að
fjárstyrkir ESB til fátækra
héraða í Suður-Evrópu yrðu
ekki skertir eftir að Mið- og
Austur-Evrópuríkin fengju að-
ild að Evrópusambandinu.
Þjóðverjar og Austurríkis-
menn sögðu ekki koma til
greina að veita slíka tryggingu
og sökuðu Spánverja um að
stofna áformunum um stækkun
ESB í hættu.
Deilt um
aðlögun-
artíma
Brussel. AP.
Stækkun ESB