Morgunblaðið - 15.05.2001, Blaðsíða 26

ERLENT
26 ÞRIÐJUDAGUR 15. MAÍ 2001 MORGUNBLAÐIÐ
ÞING Makedóníu samþykkti á
sunnudag með miklum meirihluta
skipun nýrrar þjóðstjórnar. Mark-
miðið með myndun hennar er að
reyna að binda enda á átök við al-
banska skæruliða. Einungis einn
þingmaður greiddi atkvæði gegn
stjórninni.
„Þetta er í fyrsta skipti í sögunni
sem þjóðstjórn er mynduð í landinu.
Ástæðan er ekki kærleikar milli
flokkanna heldur brýn þörf, stjórnin
er mynduð til að vinna bug á hryðju-
verkum og ofbeldi,“ sagði Branko
Crvenovski, þingmaður jafnaðar-
manna.
Til átaka kom á sunnudag er
skæruliðar réðust á búðir stjórnar-
hersins í tveimur þorpum í norður-
hluta landsins og var þeim árásum
svarað af stórskotaliði stjórnarinnar.
Ljubco Georgievski, forsætisráð-
herra Makedóníu, sagði í gær að ver-
ið væri að herða ólina um háls
skæruliða. Nú ætti einungis eftir að
ákveða hvort þeir yrðu brotnir á bak
aftur í einu stóru áhlaupi eða hvort
það yrði gert í smærri skrefum.
„Það sem við óttumst helst er að ef
við ráðumst inn í þorpin til að berjast
við þá muni makedónskir hermenn
falla og ekki síður óttumst við um
mannfall meðal almennra borgara,“
sagði forsætisráðherrann. Hann úti-
lokaði hins vegar viðræður við
skæruliða.
Þjóðstjórn mynduð í Makedóníu
Hafnar viðræð-
um við skæruliða
Skopje. AFP, AP.
LJÓST þótti í gær, að hinn umdeildi
fjölmiðlajöfur, Silvio Berlusconi, og
bandalag mið- og hægriflokka hefðu
unnið sigur í þingkosningunum á
Ítalíu. Hafði bandalagið unnið góðan
sigur á Ólífubandalaginu, kosninga-
bandalagi mið- og vinstriflokka, í
kosningunum til neðri deildarinnar
en svo virtist sem það fengi aðeins
nauman meirihluta í efri deild. Fari
svo kann það að vera ávísun á áfram-
haldandi óstöðugleika í ítölskum
stjórnmálum.
Ítalskir kjósendur létu það ekki á
sig fá þótt ýmsir erlendir fjölmiðlar
hefðu talið hann óhæfan til að stýra
Ítalíu vegna þeirra hagsmuna, sem
hann hefur að gæta í ítölsku við-
skipta- og fjölmiðlalífi; vegna ótal
málaferla gegn honum og viðskipta-
veldi hans og vegna bandalags hans
við tvo hægriöfgaflokka. Um miðjan
dag í gær tilkynnti ítalska innanrík-
isráðuneytið, að bandalag Berluscon-
is, Hús frelsisins, hefði fengið að
minnsta kosti 161 þingmann af 315 í
efri deildinni og tölvuspár bentu til,
að það fengi á bilinu 330 til 365 sæti í
neðri deildinni en þar eru þingmenn
630. Á eftir Húsi frelsisins kom síðan
Ólífubandalagið, sem hefur verið við
völd á Ítalíu frá 1996. Leiðtogi þess
er Francesco Rutelli, fyrrverandi
borgarstjóri í Róm.
Massino D’Alema, fyrrverandi for-
sætisráðherra og leiðtogi stærsta
flokksins í Ólífubandalaginu, Lýð-
ræðissinnaðra vinstrimanna, viður-
kenndi í raun ósigur sinna manna í
gær þegar hann sagði, að svo virtist
sem næsta ríkisstjórn yrði skipuð
mið- og hægrimönnum.
Úrslitin eru að sjálfsögðu mikill
sigur fyrir Silvio Berlusconi, sem var
forsætisráðherra í sjö óróasama
mánuði á árinu 1994, og hann mun nú
taka að sér að leiða 59. ríkisstjórnina
á Ítalíu frá stríðslokum.
Bossi reiður vegna fylgishruns
Norðurbandalagsins
Ekki er þó alveg víst, að siglingin
verði Berlusconi miklu auðveldari nú
en 1994 en það mun fara mikið eftir
því hvort Norðurbandalagið undir
forystu Umberto Bossis, flokkur,
sem berst gegn innflytjendum og
jafnvel Evrópusambandinu, verður í
oddaaðstöðu í efri deildinni.
Það var Norðurbandalagið, sem
felldi stjórn Berlusconis 1994 vegna
deilna um umbætur á lífeyriskerfinu,
og nú þegar úrslitin liggja nokkurn
veginn fyrir, eru Bossi og flokks-
bræður hans ævareiðir kosninga-
bandalaginu, Húsi frelsisins. Er
ástæðan sú, að Norðurbandalagið
fékk líklega aðeins um 4% atkvæða
en fékk um 10% í kosningunum 1996.
Bossi sagði í gær, að kosninga-
bandalagi Berlusconis væri um að
kenna þessi litli árangur:
„Við höfum greitt stuðninginn við
bandalagið dýru verði,“ sagði Bossi.
„Við gerðum allt til að gera veg þess
sem mestan en hefðum við staðið ein-
ir, þá hefðum við fengið miklu fleiri
atkvæði.“ Bætti Bossi því við, að
hugsanlega yrði boðað til aukaþings
hjá flokknum í september.
Ýmsir erlendir fjölmiðlar sögðu
fyrir kosningarnar, að Berlusconi
væri óhæfur til að stjórna Ítalíu
vegna hagsmunaárekstra og minntu
á, að hann hefði margsinnis verið
sakaður um mútur og ólöglega, póli-
tíska fjármögnun. Hefur hann að
vísu verið sýknaður af þessum sökum
flestum en hans bíða þó enn tvenn
réttarhöld vegna ásakana um mútur
og skattsvik. Þá hefur hann að auki
verið sakaður um óeðlileg tengsl við
ítölsku mafíuna.
Lítil viðbrögð innan
Evrópusambandsins
Leiðtogar annarra Evrópusam-
bandsríkja hafa af þessum sökum
nokkurn vara á sér gagnvart Berlus-
coni og þá ekki síður vegna þess, að
hann er í slagtogi með Norðurbanda-
laginu og Þjóðarbandalaginu, eins
konar arftaka fasistaflokks Mussol-
inis. Ekki er þó búist við neinum
refsiaðgerðum að hálfu ESB enda
gáfust þær ekki svo vel gagnvart rík-
isstjórnarþátttöku Jörg Haiders og
flokks hans í Austurríki. Hubert
Vedrine, utanríkisráðherra Frakk-
lands, sagði þó í gær, að vel yrði
fylgst með ríkisstjórn Berlusconis og
kosningabandalags hans.
Styrk stjórn
jákvæð fyrir Ítalíu
Væntanleg ríkisstjórn verður að
tryggja sér meirihluta í báðum deild-
um þingsins áður en Carlo Azeglio
Ciampi forseti getur lagt blessun
sína yfir hana. Eins og staðan var í
gær benti flest til, að Hús frelsisins
fengi þann meirihluta og ýmsir
stjórnmálaskýrendur telja, að það sé
það jákvæðasta við kosningaúrslitin.
Væntanleg stjórn verði því sú sterk-
asta á Ítalíu frá stríðslokum og búist
er við, að fjármálamarkaðirnir muni
einnig bregðast vel við því.
Tæplega 50 milljónir manna voru á
kjörskrá og var kjörsóknin 81,2%,
litlu minni en 1996 þegar hún var
82,9%. Tafðist talningin mikið vegna
þess, að kjörfundur var framlengdur
til að tryggja, að allir, sem biðu við
kjörstaðina, gætu kosið. Ösin við þá
stafaði aftur af því, að fráfarandi
stjórn fækkaði þeim um þriðjung í
sparnaðarskyni. Kalla margir það
hneyksli enda kom víða til átaka úti
fyrir kjörstöðunum.
Féllu en fara
samt á þing?
Enzo Bianco, innanríkisráðherra
Ítalíu, sem bar ábyrgð á því, að kjör-
stöðunum var fækkað, féll í sínu kjör-
dæmi og svo var líka með umhverfis-,
samgöngu- og fjármálaráðherra frá-
farandi stjórnar. Þrátt fyrir það
munu þeir hugsanlega sitja á þingi
áfram vegna ítölsku kosningalag-
anna, sem kveða á um, að auk ein-
menningskjördæmanna skuli fjórð-
ungur þingmanna kosinn hlut-
fallskosningu. Gagnast þetta litlu
flokkunum sérstaklega og er talið
eiga mikinn þátt í þeirri óreiðu, sem
lengi hefur einkennt ítölsk stjórnmál.
Rutelli játaði í gær ósigur og sagði,
að Ólífubandalagið myndi veita
stjórn Berlusconis öflugt aðhald.
Kosningabandalag Berlusconis stefndi í meirihluta í báðum deildum ítalska þingsins
Horfur á
sterkustu
stjórn frá
stríðslokum
Norðurbandalagið, flokkur Umberto
Bossis, gæti sett strik í reikninginn
Róm. AFP, Reuters.
AP
Margir urðu að bíða klukkustundum saman eftir að komast að til að kjósa og sums staðar kom til uppþota.
Svona var ástandið á einum kjörstaðanna í Napólí eftir að hópur manna hafði sett þar allt á annan endann.
FYRRVERANDI sænskur prins,
Sigvard Bernadotte, hyggst
draga sænska ríkið fyrir mann-
réttindadómstól Evrópu til að
endurheimta titilinn sem hann
var sviptur árið 1934. Fullyrðir
prinsinn fyrrverandi að sænska
hirðin hafi brotið mannréttindi
hans þegar hann missti prinstit-
ilinn fyrir að kvænast borg-
aralega.
Bernadotte segir ákvörðun
Karls Gústafs Svíakonungs,
bróður hans, um að svipta hann
titlinum ekki hafa haft neina stoð
í lögum. Hefur Bernadotte ítrek-
að tekið málið upp við bróðurson
sinn, núverandi Svíakonung, en
svarið er ævinlega að engar
breytingar verði gerðar á titlum
meðlima konungsfjölskyldunnar.
Harmaði Bernadotte þetta í sjón-
varpsþætti sem sýndur var á
sunnudagskvöld og sagði það
bera vott um skort á velvilja.
Lögfræðingur Bernadotte seg-
ir málið spurningu um sjálfs-
mynd prinsins sem er elsti núlif-
andi meðlimur
konungsfjölskyldunnar. Hann
var sviptur titli og arfi er hann
kvæntist borgaralega en síðar
var reglunum breytt og árið
1976 kvæntist Bertil prins borg-
aralega án þess að glata arfi eða
titli.
Prins vill endur-
heimta titilinn
Kaupmannahöfn. Morgunblaðið.
Bakpoki
aðeins 1.600 kr.
NETVERSLUN Á mbl.is