Morgunblaðið - 15.05.2001, Blaðsíða 4

FRÉTTIR
4 ÞRIÐJUDAGUR 15. MAÍ 2001 MORGUNBLAÐIÐ
Til sölu MMC Pajero GLS
3200 diesel, sjálfskiptur, ný-
skráður, 25,05,2000 leðurinn-
rétting, sóllúga, ekinn 24,000,
km. Ásett Verð 4.250.000
BJÖRN Sigtryggsson, fyrrver-
andi bóndi í Framnesi í Blöndu-
hlíð, varð 100 ára í gær, 14. maí.
Björn lauk búfræðiprófi frá
Hólaskóla og bjó í Framnesi frá
árinu 1924 og til 1990. Síðustu
árin í samvinnu við son sinn
Brodda.
Björn gegndi mörgum trún-
aðarstörfum, sat í hreppsnefnd
og átti sæti um árabil í stjórn
Kaupfélags Skagfirðinga.
Árið 1935 kvæntist Björn
Þuríði Jónsdóttur frá Flugu-
mýri, og eignuðust þau 8 börn
og eiga 25 barnabörn.
Þau Þuríður og Björn dvelja
nú á Dvalarheimili aldraðra á
Sauðárkróki. Björn er ern og
heilsugóður og fylgist vel með.
Hélt upp
á 100 ára
afmælið
Sauðárkróki. Morgunblaðið.
KARLMAÐUR var fluttur með
sjúkraflugi til Reykjavíkur eftir
árekstur tveggja bíla skammt frá
bænum Enniskoti í Húnaþingi
vestra síðdegis á sunnudag.
Maðurinn var ökumaður fólksbíls
sem lenti í árekstri við jeppling en
samkvæmt upplýsingum frá lögregl-
unni á á Blönduósi virðist sem jepp-
lingnum hafi verið ekið yfir á rangan
vegarhelming. Við áreksturinn valt
fólksbíllinn út af veginum.
Auk mannsins var kona hans og
barn í bílnum og voru þau öll flutt á
Heilbrigðisstofnunina á Blönduósi.
Þaðan var maðurinn fluttur með
sjúkraflugi til Reykjavíkur en hann
var þó ekki talinn í lífshættu.
Bílarnir eru báðir mikið skemmdir
og er fólksbíllinn talinn ónýtur.
Fluttur með sjúkra-
flugi eftir árekstur
VEÐURBLÍÐAN lék við ferðalanga
í Þórsmörk um helgina þegar skáli
Ferðafélags Íslands, Skagfjörð-
sskáli, var formlega opnaður í byrj-
un sumarvertíðar. Vinnuhópur frá
Ferðafélaginu vann að því alla
helgina að koma húsinu og um-
hverfi í rétt horf fyrir sumarið og
var m.a. reist ný fánastöng og
göngubrú sett yfir Krossá rétt við
skálann. Erla Björk Jónsdóttir,
skálavörður, segir að með tilkomu
göngubrúarinnar verði auðveldara
fyrir fólk að komast að staðnum,
þegar ekki þarf að fara í bíl yfir
Krossána. Fólk geti lagt hinum
megin við ána, gengið yfir brúna og
látið sækja það dót sem það ekki
ber með sér.
Að sögn Erlu gekk allt vel um
helgina og farnar voru opn-
unarferðir í glampandi sól. Svæðið
kemur mjög vel undan vetri þó
gróður sé lítt farinn að grænka
ennþá. Gert er ráð fyrir talsverðri
umferð í skála Ferðafélagsins í
Þórsmörk í sumar og stór hópur
tók forskot á sæluna fyrir rúmri
viku og fyrsti hópurinn kom í dags-
ferð í gær.
Morgunblaðið/Vilhelm Gunnarsson
Börnin nutu sín vel í veðurblíðunni í Þórsmörk um helgina. Snorri Þór Ingólfsson og Ólöf Sjöfn Jóhannsdóttir
standa á brúnni en Viktor Einar Vilhelmsson situr og horfir í átt að skálanum.
Vorverk í veðurblíðu í Þórsmörk
ÞAÐ ER blómlegt í Garði hjá odd-
vitahjónunum í Grímsey, Huldu
og Þorláki. Ærin Gústa bar fjór-
um lömbum. Gústa á sér langa
frægðarsögu. Fyrst skal nefna að
hún er fjórlembingur sjálf sem
kom í heiminn á óvenjulegum
tíma fyrir á, nefnilega í ágúst og
þaðan fær hún nafnið sitt.
Undanfarin fjögur vor hefur
Gústa skilað húsbændum sínum 15
lömbum og geri aðrar ær betur!
Árin 1998 og 1999 var hún fjór-
lembd og vorið 2000 bar hún
þremur lömbum.
Fjórlembingar Gústu eru tvær
gimbrar og tveir hrútar sem öll
eru kolsvört. En það er bjart í
kringum móðurina, Gústu, því
lömbin hennar hafa ávallt skilað
sér með tölu heim að hausti.
Enn fékk
Gústa í Garði
fjórlembinga
Morgunblaðið/Helga Mattína
Oddvitahjónin í Grímsey, Þorlákur og Hulda. með fjórlembuna Gústu.
Grímsey. Morgunblaðið.
FJÖGUR hundruð blaðamenn og
dekkjakaupmenn frá allri Evrópu
eru væntanlegir til landsins næstu
daga á vegum ítalska dekkjafram-
leiðandans Pirelli til þess að prófa
nýjustu tegund vetrardekkja frá fyr-
irtækinu. Fyrsti hópurinn kom í gær
og kemur nýr hópur á hverjum degi
næstu níu daga. Hver hópur hefur
viðdvöl hér á landi í þrjá daga.
Fyrsta daginn er farið með hóp-
ana í Bláa lónið og á öðrum degi flog-
ið með þá í Húsafell. Þaðan er farið í
reynsluakstur á jeppum á nýju
dekkjunum upp að Langjökli, en þar
taka breyttir jeppar við og flytja
fólkið upp á jökulinn.
Sportbílar á Langjökli
Pirelli leggur hundruð milljóna
króna í kynninguna og hafa m.a. 15
Porsche- og Jagúar-sportbílar verið
fluttir upp á jökulinn til reynsluakst-
urs. Einnig hafa verið ruddar akst-
ursbrautir þar sem ferðamennirnir
munu kynnast íslenskum jeppaferð-
um af eigin raun.
Fyrirtækið Íslenskar ævintýra-
ferðir hefur undirbúið komu hóp-
anna síðastliðin tvö ár og er t.d. búið
að byggja snjóhús fyrir ferðamenn-
ina á jöklinum, sem Arngrímur Her-
mannsson hjá Íslenskum ævintýra-
ferðum fullyrðir að sé stærsta
snjóhús í heimi. 975 rúmmetrar af
snjó voru notaðir í snjóhúsið sem
verður notað sem athvarf fyrir
blaðamennina og bílageymsla.
Pirelli hefur stærstu markaðshlut-
deild í dekkjum fyrir sportbíla og
dýra merkjabíla á borð við Jagúar og
Porsche.
Pirelli prófar ný dekk á Langjökli
Byggðu stærsta
snjóhús í heimi
HÉRAÐSDÓMARI hafnaði í gær
kröfu um að felld yrði úr gildi
synjun sýslumannsins í Reykjavík
um að leggja lögbann við útboði
um rannsóknahús við Háskólann á
Akureyri í einkaframkvæmd.
Arikitektar Glámu/Kím ehf., sem
hafa hannað nýbyggingar á há-
skólasvæðinu og aðlagað eldra
húsnæði þar, fóru fram á lögbann-
ið vegna þess að hönnun rann-
sóknahússins er boðin út.
Arkitektarnir lögðu höfundar-
réttinn til grundvallar í þessu
máli, og er hann virðurkenndur í
forsendum og niðurstöðum Skúla
J. Pálmasonar dómara: „Bygging
þess (rannsóknahússins) kann því
að raska heildarsvip og ásýnd Sól-
borgarlóðarinnar og breyta þannig
skipulagstillögu sóknaraðila, sem
telja verður að hann eigi höfund-
arrétt að og varnaraðili (ríkisvald-
ið) samþykkti og kaus að vinna
eftir.“
Tímasetning kröfunnar um lög-
bannið virðist hinsvegar hafa unn-
ið gegn sókn arkitektanna því
dómarinn segir að forval að útboði
rannsóknahússins geti ekki talist
athöfn eins og lög um lögbann
setja skilyrði um. „Forval það,
sem varnaraðili stóð fyrir beinist
eingöngu að því að velja þá úr hópi
umsækjenda, sem hæfastir þykja
til að sjá um og kosta byggingu
fyrirhugaðs rannsóknahúss, eiga
og reka.“
Raskar ekki
lögvörðum rétti
Forvalið raskar því ekki lög-
vörðum rétti sóknaraðila með þeim
hætti, að lögbanni verði beitt, að
mati dómarans. „Það gæti á hinn
bóginn leitt til þess, að síðar verði
efnt til útboðs meðal þeirra, sem
valdir verða,“ stendur í niðurstöð-
um dómara.
Dómari segir að eftir eigi að
koma í ljós „hvers eðlis þær fram-
kvæmdir (í fyrirmælum útboðs)
verða, hvar rannsóknahúsið verður
staðsett og nánari upplýsingar
liggja fyrir um það, hvort fram-
kvæmdirnar muni raska réttindum
sóknaraðila ...“ og hann ályktar að
„því þyki rétt, eins og hér stendur
á, að hafna kröfu sóknaraðila um
að felld verði úr gildi synjun sýslu-
mannsins ...“
Niðurstaðan úr forvalinu fékkst
í febrúar og taka Íslenskir að-
alverktakar með ISS Ísland og
Nýsir með Ístaki þátt í útboðinu.
Arkitektar Glámu/Kím hafa
tvær vikur til að meta hvort farið
verðo með málið fyrir Hæstarétt.
Lögbanni á rannsókn-
arhús HA hafnað