Morgunblaðið - 15.05.2001, Blaðsíða 2
Guðjón Valur Sigurðsson gerði
þriggja ára samning við Essen/B1
16 síðna blaðauki um Símadeildina í
knattspyrnu/C-blað
24 SÍÐUR48 SÍÐUR
Sérblöð í dag
Á ÞRIÐJUDÖGUM
Morgunblaðinu
í dag fylgir blað
frá Slysavarna-
félaginu
Landsbjörg.
2001 ÞRIÐJUDAGUR 15. MAÍ BLAÐ C
B L A Ð A L L R A L A N D S M A N N A
ÁRANGUR LIÐANNA Í MEISTARABARÁTTUNNI FRÁ 1991 / C8,C9
ÞAÐ þarf ekki að fara mörgum orðum um að
baráttan um Íslandsmeistaratitlinn í knatt-
spyrnu verður hörð í sumar, eins og undanfarin
ár. Tíu lið eru kölluð til leiks, en aðeins eitt verð-
ur krýnt Íslandsmeistari 2000. Þó nokkrar breyt-
ingar hafa verið í herbúðum liðanna tíu. KR-
ingar fögnuðu Íslandsmeistaratitlinum 1999 eftir
31 árs bið og þeir vörðu hann í fyrra. Að mati
forráðamanna liðanna, þjálfara og fyrirliða,
koma KR-ingar til að verja meistaratitil sinn á ný
í ár. Á merkjum liðanna hér á síðunni má sjá í
hvaða röð liðin verða ef spáin gengur eftir. Liðin
eru kynnt hér í blaðinu og spáð í styrkleika
þeirra, auk þess sem þjálfarar segja álit sitt á
spánni. Ýmsar fróðlegar upplýsingar eru um
leikmenn liðanna og sagt er frá dómurunum sem
dæma í efstu deild (Símadeildinni).
Hart barist um
meistaratitil
Morgunblaðið/Brynjar Gauti
Fylkismaðurinn Sævar Þór Gíslason sparar ekki kraftana og einbeitinguna við markskot sitt. Félagi hans, Theodór Óskarsson, fylgist grannt með og
Keflvíkingurinn Garðar Newman fær engum vörnum við komið.
Meistarabaráttan 2001
Morgunblaðið/Árni Sæberg Morgunblaðið/Kristinn Morgunblaðið/Brynjar Gauti
FRÉTTIR
2 ÞRIÐJUDAGUR 15. MAÍ 2001 MORGUNBLAÐIÐ
ALLIR leikskólar og gæsluvellir í
rekstri Hafnarfjarðarbæjar, tólf
talsins, hafa verið lokaðir síðan í
gær, mánudag, vegna verkfalls 400
félagsmanna í verkalýðsfélaginu
Hlíf. Verkfallið gekk í gildi á mið-
nætti á sunnudag eftir árangurs-
lausan samningafund hjá ríkissátta-
semjara.
Á klukkustundarlöngum fundi í
gær, mánudag, þokaðist ekkert í
samkomulagsátt og verður næsti
fundur á morgun, miðvikudag.
Vegna verkfallsins eru 1.100 leik-
skólabörn í Hafnarfirði án leikskóla-
pláss.
Verkfallið nær til um helmings
alls starfsfólks á leikskólunum og er
þar um að ræða ófaglærða leiðbein-
endur á leikskóladeildum, starfs-
menn í ræstingu og eldhúsum.
Verkfallið hefur ennfremur áhrif á
starfsemi grunnskóla í Hafnarfirði
þar sem ræstingum, sem félags-
menn Hlífar vinna við, hefur verið
hætt meðan á verkfalli stendur.
Grunnskólunum
verður lokað á morgun
Að sögn Magnúsar Baldurssonar
hjá skólaskrifstofu Hafnarfjarðar
verður grunnskólunum að öllum lík-
indum lokað á morgun, miðvikudag,
ef ekki semst. Um 3.400 börn eru í
grunnskólum Hafnarfjarðar og
verða þau utan skóla í verkfallinu.
Tónlistarskóla Hafnarfjarðar verður
þó hægt að halda lengur gangandi
þar sem ræsting þar fer ekki ekki
fram nema annan hvern dag, auk
þess sem um mun minni ræstingu er
að ræða í samanburði við grunn-
skólana. Þess er vænst að hægt
verði að halda úti kennslu út vikuna.
Um 500 nemendur stunda nám við
tónlistarskólann.
Undanþága til að sinna brýn-
ustu verkefnum heimaþjónustu
Verkfallið nær einnig til starfs-
fólks í félagslegri heimaþjónustu, en
í gær fékk félagsþjónustan í Hafn-
arfirði undanþágu fyrir nokkra
starfsmenn til að sinna um það bil
tíu skjólstæðingum félagsþjónust-
unnar sem ekki geta án hennar ver-
ið. Heimaþjónustan nær til tæplega
300 manns á 200 heimilum í Hafn-
arfirði og eru þá ótaldir þeir sem fá
mat sendan heim og borða í mötu-
neytunum. Heimaþjónustan felst í
aðstoð við dagleg störf þeirra sem
ekki eru færir um slíkt vegna aldurs
eða sjúkleika. Starfsmenn heima-
þjónustunnar fara allt frá einu sinni
á dag upp í hálfsmánaðarlega til
skjólstæðinga sinna. 6 til 8 manns
þurfa á daglegri þjónustu að halda. Í
félagslegri heimaþjónustu felst
einnig heimsending á mat, sem ekki
hefur stöðvast þrátt fyrir verkfallið,
vegna innkaupa frá öðrum aðila.
Mötuneyti félagsþjónustunnar, sem
eru tvö talsins, hætta hins vegar
starfsemi sinni í verkfallinu, en tæp-
lega 90 manns borða þar daglega.
Þá stöðvast kaffisala í félagsstarfi
aldraðra.
Lamandi áhrif verkfalls 400 starfsmanna Hlífar
Gæti bitnað á rúmlega
fjögur þúsund börnum
RÚSSAR búsettir á Íslandi hafa
skrifað Minjavernd erindi og falast
eftir ÍR-húsinu gamla sem réttrún-
aðarkirkju Rússa og safnaðarheim-
ili. Rúmlega 400 Rússar eru búsett-
ir á Íslandi og er verið að stofna
samtök þeirra í tengslum við þetta
mál. Í gamla ÍR-húsinu var fyrsta
kaþólska kirkjan á Íslandi eftir
siðaskipti.
Að sögn Jóns Ólafssonar, for-
stöðumanns Hugvísindastofnunar
Háskóla Íslands, hefur lengi verið á
dagskrá að rússneska réttrún-
aðarkirkjan stofnaði söfnuð á Ís-
landi. Jón tengist málinu á þann
hátt að kona hans er rússnesk og er
hún ásamt tveimur öðrum konum í
forsvari fyrir landa sína hér á landi
vegna þessa máls.
Kirkjan skiptist snemma í tvær
deildir, þ.e. Austurkirkjuna og
Rómarkirkjuna. Þjóðkirkjur Aust-
urkirkjunnar eru sjálfstæðar og er
rússneska kirkjan þeirra stærst.
Jón segir að eftir að Sovétríkin liðu
undir lok hafi kirkjan gengið í
gegnum mikla endurreisn og stofn-
aðar hafa verið kirkjudeildir er-
lendis þar sem búa margir Rússar.
Rússneska kirkjan ákvað í fyrra að
gera athugun á því að stofnuð yrði
kirkjudeild á Íslandi. Síðastliðinn
vetur kom rússneskur biskup hing-
að til lands til þess að leggja drög
að þessu. Þá var stofnuð safn-
aðarnefnd og er hennar hlutverk
m.a. að fá tilskilin leyfi til þess að
rússneska kirkjan geti komið hér á
fót söfnuði. Gangi þetta eftir verð-
ur hér á landi í fyrsta sinn til trú-
félag réttrúnaðarkirkjunnar á Ís-
landi og rússneskur prestur yrði
hér með fast aðsetur.
Hugmyndir um
samstarf Serba og Rússa
Jafnframt hafa Serbar búsettir
hér á landi, sem eru um 300 talsins,
í huga að stofna sína eigin kirkju-
deild á Íslandi. Þeir tilheyra einnig
réttrúnaðarkirkjunni og komið hef-
ur til tals að samstarf yrði á milli
Rússanna og Serbanna, jafnvel
sameiginleg samtök og sameig-
inlegt kirkjuhús þótt trúfélögin
yrðu tvö.
Reykjavíkurborg er skuldbundin
til þess að láta gera húsið upp í sem
næst upprunalegri mynd. Þorsteinn
Bergsson, forstöðumaður Minja-
verndar, segir að ekki hafi verið
tekin afstaða til framtíðarnotkunar
hússins eða staðsetningar þess. Af
þessum sökum hafi erindi Rússanna
enn ekki verið svarað. Hann segir
að fleiri hugmyndir hafi vaknað um
nýtingu hússins, einkum í tengslum
við íþróttaiðkun. Þorsteinn segir að
sér lítist alls ekki illa á þann valkost
að kirkja réttrúnaðarsafnaðar
Rússa yrði í húsinu.
Vilja að ÍR-húsið
verði rússnesk rétt-
trúnaðarkirkja
Morgunblaðið/Árni Sæberg
Frá flutningi ÍR-hússins að Ægisgarði í mars síðastliðnum.
HAFÍSINN hefur nálgast landið
óðfluga síðustu dagana og búast
má við að hann eigi eftir að færast
enn nær landi næstu tvo dagana að
minnsta kosti því spáð er óhag-
stæðum vindáttum á svæðinu.
Næst landi 21 sjómílu
norður af Kögri
Landhelgisgæslan fór í ískönn-
unarflug í gær og reyndist hafísinn
vera mun nær landinu en hann var
í síðasta ískönnunarflugi sem farið
var á fimmtudaginn í síðustu viku.
Hafísinn var næst landi 21 sjómílu
norður af Kögri en var 45 sjómílur
norður af Kögri á fimmtudaginn
var.
Þór Jakobsson, verkefnisstjóri
hafísrannsókna á Veðurstofu Ís-
lands, sagði í samtali við Morg-
unblaðið að spáð væri norðan- og
norðvestanátt á svæðinu í dag og
suðvestanátt á morgun. Allar vest-
lægar áttir væru óhagstæðar
vegna þess að þær stöðvuðu fram-
rás íssins suður Grænlandssund.
Báðar áttirnar myndu því færa
hafísjaðarinn nær landi og það
væri ekki fyrr en á fimmtudag sem
spáð væri heppilegri vindátt á
svæðinu. Þá væri spáð suðaust-
anátt.
Aðspurður hvort hætta væri á að
hafísinn næði landi, sagði Þór full-
snemmt að segja til um það að svo
komnu. Það gæti skýrst frekar í
dag því fylgst yrði náið með fram-
haldinu.
Þór benti jafnframt á að engir
togarar væru á svæðinu vegna
verkfalls sjómanna og því væru
einu upplýsingarnar um hafísjaðar-
inn þær sem fengjust með ískönn-
unarflugi Landhelgisgæslunnar.
Mest hætta á hafís
á þessum árstíma
Þór sagði að mest hætta væri á
hafís á þessum árstíma. Ísinn hefði
safnast fyrir í Grænlandssundi yfir
veturinn og væri mestur í maí-
mánuði. Hann færi ekki að minnka
fyrr en í júníbyrjun.
Hafís færist hratt nær landi
ÍBÚÐARHÚSIÐ á eyðibýlinu Ytri-
Bakka í Kelduhverfi hrundi í Jökulsá
á Fjöllum líklega einhvern tíma á
sunnudag vegna þess að áin hefur
grafið undan undirstöðum hússins.
Ekki hefur verið búið í húsinu frá
árinu 1964.
Jökulsá á Fjöllum heitir Bakka-
hlaup á þessu svæði. Hún skipti um
farveg snemma á síðustu öld og hef-
ur ágangur árinnar síðan verið mik-
ill. Hún hefur jafnt og þétt brotið á
landinu að austanverðu þar sem
Ytri-Bakki stendur og hefur áin
færst nær íbúðarhúsinu ár frá ári.
Ljósmynd/Guðmundur Ómar
Landbrot árinnar hefur verið gífurlegt á Ytri-Bakka eins og myndin sýnir, en hún var tekin síðastliðið sumar.
Íbúðarhús-
ið hrundi
í ána