Morgunblaðið - 15.05.2001, Blaðsíða 61
MORGUNBLAÐIÐ ÞRIÐJUDAGUR 15. MAÍ 2001 61
DAGBÓK
STJÖRNUSPÁ
ef t i r Frances Drake
NAUT
Þú ert fundvís á réttu orðin
til að tjá hinar ýmsu tilfinn-
ingar og átt auðvelt með
að vinna hlustendur þína
á þitt band.
Hrútur
(21. mars - 19. apríl)
Þú ert fljótur að sjá fyrir þér
hvernig hrinda megi í fram-
kvæmd tillögum bæði þínum
og annarra. Þetta er dýrmæt-
ur eiginleiki sem þú verður að
nota af heiðarleika.
Naut
(20. apríl - 20. maí)
Þér hættir til nokkurrar fljót-
færni sem skemmir fyrir þér
og því er nauðsynlegt að þú
söðlir um og gaumgæfir hlut-
ina áður en þú hefst handa.
Tvíburar
(21. maí - 20. júní)
Gættu þess að hlaupa ekki
upp til handa og fóta þótt ein-
hver tali til þín af miklum
sannfæringarkrafti. Það er
gott að íhuga sjálfur hvað í
orðunum felst.
Krabbi
(21. júní - 22. júlí)
Ýmsir möguleikar standa þér
nú til boða og það sannast að
sá á kvölina sem á völina en
gefðu þér bara góðan tíma til
að velja og þá fer allt vel.
Ljón
(23. júlí - 22. ágúst)
Einhvern veginn ertu að
missa tökin og verður að taka
þig á ef hlutirnir eiga ekki að
renna út í sandinn hjá þér.
Sýndu dugnað og áræði.
Meyja
(23. ágúst - 22. sept.)
Einhver hlutur setur allt á
annan endann hjá þér í dag
en í raun og veru hefur þú
bara gott af því að breyta
vinnutilhögun þinni.
Vog
(23. sept. - 22. okt.)
Skynsemin verður að vera í
fyrirrúmi þegar þú tekur
ákvarðanir í starfi þínu og
þess vegna verður þú að fara í
gegnum málin áður en þú
ákveður eitthvað.
Sporðdreki
(23. okt. - 21. nóv.)
Ýmis verkefni sem þú hefur
trassað heima fyrir geta nú
ekki lengur beðið svo þú verð-
ur að finna þér tóm til þess að
afgreiða þau ef friðurinn á að
haldast.
Bogmaður
(22. nóv. - 21. des.)
Þeir sem sækjast eftir vináttu
þinni eru ekki allir af sama
sauðahúsi svo þú skalt fara
þér hægt áður en þú bindur
trúss við einhvern þeirra.
Steingeit
(22. des. - 19. janúar)
Þú ert eitthvað uppstökkur
um þessar mundir og ættir að
finna þér tíma til þess að líta í
eigin barm og gera upp þau
mál sem angra þig.
Vatnsberi
(20. jan. - 18. febr.)
Þú þarft að læra að nýta þér
þann eiginleika sem fær fólk
til þess að opna hjarta sitt
fyrir þér. En sá sem hjálpar
öðrum verður að sýna mikinn
trúnað.
Fiskar
(19. feb. - 20. mars)
Þú et uppfullur af hugmynd-
um og veist hreint ekki hverj-
um þeirra þú átt að reyna að
koma í verk. Þessvegna er
nauðsynlegt að þú hægir að-
eins á þér.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
ÍSLENDINGAR urðu Bik-
armeistarar Norðurlanda
um síðustu helgi, en mótið
er haldið á tveggja ára
fresti í Rottneros-herra-
garðinum í Svíþjóð.
Ríkjandi bikarmeistarar
hverrar þjóðar vinna sér
rétt til þátttöku í mótinu og
það var sveit Subaru sem
fór fyrir Íslands hönd –
reynar þó svolítið breytt,
því allir sveitarmeðlimir
áttu ekki heimangengt. Lið-
ið í Svíþjóð var skipað Jóni
Baldurssyni, Sverri Ár-
mannssyni, Karli Sigur-
hjartarsyni og Magnúsi E.
Magnússyni. Spiluð var ein
umferð, fimm leikir, og
fékk Ísland 95 stig eða
19,00 að meðaltali úr leik.
Norðmenn urðu í öðru
stæti með 86 stig, en Svíar
þriðju með 82.
Norður
♠ 743
♥ ÁK75
♦ 43
♣ K976
Vestur Austur
♠ Á6 ♠ 1092
♥ G3 ♥ D9864
♦ KD9752 ♦ 108
♣ 543 ♣ DG8
Suður
♠ KDG85
♥ 102
♦ ÁG6
♣ Á102
§
Þetta spil er úr annarri
umferð mótsins, þegar Ís-
land mætti Dönum. Karl
spilaði fjóra spaða í suður
og fékk út tígulkóng. Karl
dúkkaði og vestur spilaði
tígli áfram. Karl fór inn í
borð á hjarta til að spila
spaða. Vestur gaf, en fékk
næsta slag á spaðaás og
spilaði tígli, sem makker
hans gat trompað með tí-
unni. Austur spilaði sér svo
út á hjartadrottningu.
Nú hefur vörnin fengið
þrjá slagi, svo engan má
gefa á lauf. Þvingun í hjarta
og laufi er eini möguleikinn
og Karl spilaði upp á þá
legu. Hann byrjaði á því að
fara inn í borð á spaðasjöu
til að stinga hjarta. Til-
gangurinn með því var að
einangra hjartavaldið við
annan mótherjann ef litur-
inn hefði brotnað 4-3. Í
þessu tilfelli reyndist vand-
virknin óþörf, því austur
átti fimmlit í hjarta og DG í
laufi. Karl spilaði síðasta
trompinu og henti laufi úr
borði. Austur átti ekkert
svar við því – hann hélt á
hæsta hjarta og varð að
henda laufi í þeirri von að
makker hans ætti tíuna. Er
hún var á hendi Karls og
varð hans tíundi slagur.
BRIDS
Umsjón Guðmundur Páll
Arnarson
Árnað heilla
DEMANTSBRÚÐKAUP. Í dag þriðjudaginn 15. maí eiga 60
ára brúðkaupsafmæli hjónin Áslaug Sólbjört Jensdóttir og
Valdimar Kristinsson, Núpi, Dýrafirði, til heimilis að Bú-
staðavegi 73, Reykjavík.
70 ÁRA afmæli. Í dag,þriðjudaginn 15. maí,
verður sjötugur Karl Jó-
hann Ormsson, fyrrverandi
deildarfulltrúi, Gautlandi 5,
Reykjavík. Hann verður að
heiman á afmælisdaginn.
STAÐAN kom upp á afmæl-
ismóti Viktors Kortsnojs
sem lauk nýverið.
Garry Kasparov
(2.827) hafði hvítt
gegn Nigel Short
(2.676). 18. Bh6!
gxh6?! 18. ...Dxb5
hefði verið hyggi-
legra þó að stað-
an væri ekki
glæsileg eftir 19.
Bxg7. 19. Dd2 f5
20. exf6 Bd8 21.
Dxh6 Ha7 22.
Rg5 Dxb5 23. f7
Hxf7 24. Rxf7 og
svartur gafst upp
enda verður hann
mát eftir 24.
SKÁK
Umsjón Helgi Áss
Grétarsson
Hvítur á leik.
...Kxf7 25. Dg7#. Skákin
tefldist í heild sinni: 1. e4 e6
2. d4 d5 3. Rd2 c5 4. Rgf3 Rf6
5. e5 Rfd7 6. c3 b6 7. Bb5 Be7
8. 0-0 0-0 9. He1 a5 10. Rf1
Ba6 11. a4 Bxb5 12. axb5 He8
13. Rg3 Rf8 14. Rh5 Rbd7 15.
g3 Rg6 16. h4 Rdf8 17. Kg2
Dd7 o.s.frv.
Með morgunkaffinu
Er ekki erfitt að vera
kona, og eiga ekki
konu til að segja sér
hvað þarf að gera?
LJÓÐABROT
VÆRINGJAR
Vort land er í dögun af annarri öld.
Nú rís elding þess tíma, sem fáliðann virðir.
– Vor þjóð skal ei vinna með vopnanna fjöld,
en með víkingum andans um staði og hirðir.
Vort heimslíf er tafl fyrir glöggeygan gest,
þar sem gæfan er ráðin, ef leikurinn sést, –
og þá haukskyggnu sjón ala fjöll vor og firðir.
Svo fangvíð sig breiða hér flói og vík
móti fjarlægu ströndunum handan við sæinn:
En verin fábyggð og vetrarrík
byggja Væringjans krafta við háfjalla blæinn.
Hann stendur hér enn, sem hann stóð hér fyrr,
með stórgerðan vilja, þögull og kyrr,
og langferðahugann við lágreista bæinn.
– – –
Einar Benediktsson
50 ÁRA afmæli. Í dag,þriðjudaginn 15. maí,
verður fimmtug Þuríður
Vigfúsdóttir, einkaritari,
Álftamýri 22, Reykjavík.
Hún tekur á móti ættingjum
og vinum á heimili sínu nk.
laugardag, 19. maí, frá kl. 20.
MORGUNBLAÐIÐ
birtir tilkynningar um
afmæli, brúðkaup,
ættarmót og fleira les-
endum sínum að
kostnaðarlausu. Til-
kynningar þurfa að
berast með tveggja
daga fyrirvara virka
daga og þriggja daga
fyrirvara fyrir sunnu-
dagsblað. Samþykki
afmælisbarns þarf að
fylgja afmælistilkynn-
ingum og/eða nafn
ábyrgðarmanns og
símanúmer. Fólk get-
ur hringt í síma 569-
1100, sent í bréfsíma
569-1329, eða sent á
netfangið ritstj
@mbl.is.
Einnig er hægt að
skrifa :
Árnað heilla,
Morgunblaðinu,
Kringlunni 1, 103
Reykjavík
ATVINNA mbl.is
Öll númerin verða birt í Lögbirtingablaðinu. Auk þess eru
númer úr fjórum fyrsttöldu flokkunum hér að ofan birt hér
í blaðinu í dag. Upplýsingar um útdregin húsbréf liggja
frammi hjá Íbúðalánasjóði, í bönkum, sparisjóðum og
verðbréfafyrirtækjum.
1. flokki 1991 – 38. útdráttur
3. flokki 1991 – 35. útdráttur
1. flokki 1992 – 34. útdráttur
2. flokki 1992 – 33. útdráttur
1. flokki 1993 – 29. útdráttur
3. flokki 1993 – 27. útdráttur
1. flokki 1994 – 26. útdráttur
1. flokki 1995 – 23. útdráttur
1. flokki 1996 – 20. útdráttur
2. flokki 1996 – 20. útdráttur
3. flokki 1996 – 20. útdráttur
Nú hefur farið fram útdráttur húsbréfa í
eftirtöldum flokkum:
Útdráttur
húsbréfa
Húsbréf
Koma þessi bréf til innlausnar 15. júlí 2001.
FRÆÐSLUMIÐSTÖÐ BÍLG
REIN
A
Bílasalar
Námskeið til undirbúnings prófs
fyrir þá sem vilja afla sér leyfis til sölu
notaðra bifreiða verður haldið
dagana 21. maí til 11. júní í Reykjavík.
Tekið er við skráningu í síma 586 10 50.
Staðfesta þarf þátttöku fyrir 16. maí
með greiðslu þátttökugjalds.
PRÓFNEFND BIFREIÐASALA
FRÆÐSLUMIÐSTÖÐ BÍLGREINA HF.