Morgunblaðið - 15.05.2001, Blaðsíða 15

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 15. MAÍ 2001 15
gáfu sumir þeirra fiskunum
á leiðinni út og heim aftur.
Hver ferð tekur um
þrjár klukkustundir
Elding – hvalaskoðun fer í
daglegar ferðir og er lagt af
stað kl. 10.30 að morgni.
Hver ferð tekur um þrjár
klukkustundir og er ensku-
mælandi leiðsögumaður til
staðar og fer yfir það sem
fyrir augu ber. Í þessari
ferð hljóp Vignir Sigur-
sveinsson þó í skarðið sem
leiðsögumaður, en hann er
annars skipstjóri á móti
Helga Jóhannssyni, sem
hélt um stýrið að þessu
sinni.
Eftir um 20 mínútna sigl-
ingu birtust nokkrar hnísur,
en voru styggar og létu sig
hverfa allsnarlega. Litlu síð-
ar kom Vignir auga á hrefnu
í fjarlægð, en hún vildi ekk-
ert með fólkið eða skipið
hafa og lét sig einnig hverfa,
líkt og hnísurnar áður.
Áfram var siglt og lengi vel
sást ekkert, en loks birtust
hnýðingar og léku á als
oddi. Þar var um að ræða
10-15 dýr í hópi, jafnt ung
sem eldri og af báðum kynj-
um og sáust alls þrír slíkir
hópar í ferðinni. En þrátt
fyrir stím Eldingar þvers og
kruss næsta tímann og bet-
ur, sáust engar fleiri hrefn-
ur eða þaðan af stærri hval-
ir.
Enginn veit fyrirfram
hvernig túrinn verður
Að sögn Vignis er ekki á
vísan að róa þegar hvalir
eru annars vegar, því eng-
inn viti fyrirfram hvort eitt-
hvað komi til með að sjást. Í
fyrra hafi þó sést hvalur í
næstum hverri einustu ferð.
Daginn áður, laugardaginn
12. maí, höfðu t.d. 10 hrefn-
ur verið allt í kringum bát-
inn á nákvæmlega þessum
slóðum, í blankalogni, og
verið mjög spakar. Munaði
engu að ein þeirra færi í
skrúfu Eldingar. Og svipað
var upp á teningnum nokkr-
um dögum fyrr. „Maður veit
aldrei fyrirfram hvernig túr-
inn verður, en við erum
gjarnan búin að sigla innan
við klukkustund, þegar eitt-
hvað fer að sjást,“ sagði
Vignir. „Yfirleitt erum við
um 10 sjómílur vestur af
Gróttu, en það kemur fyrir
að við þurfum að sigla alveg
að Garðskaganum, og þá
verða túrarnir aðeins lengri,
eða fjórir tímar. Höfrungar
og hrefnur sjást í yfir 90%
tilfella og aðrir hvalir í yfir
60% tilfella,“ sagði Vignir,
og felldi svo talið og bjóst til
að skyggnast eftir fleiri
hvölum, sem þennan dag
ákváðu einhverra hluta
vegna að vera einhvers stað-
ar á öðrum miðum.
En á morgun er nýr dag-
ur.
Morgunblaðið/Ómar
Á MEÐAL farþega voru
hjónin Carola Martone og
Hans Karlsson frá bænum
Köping í Svíþjóð. Þetta var
fyrsta heimsókn þeirra til
Íslands og þau höfðu aldrei
séð hval áður.
„Mér fannst þetta mikil
upplifun,“ sagði Hans. „En
konan mín varð sjóveik og
missti því miður af öllu,“
bætti hann við. Þau sögðust
hafa búið við stórfljót en
þar hafi aldrei verið svona
miklar og háar öldur.
„Maður varð að horfa á ein-
hvern fastan hlut til að
verða ekki sjóveikur líka,“
sagði Hans. Þau hjón komu
til landsins síðastliðinn
fimmtudag og höfðu farið
víða síðan.
Taka börnin með næst
„Já, við erum búin að
heimsækja Bláa lónið, Gull-
foss og Geysi og marga
fleiri staði. Þetta er búið að
vera mjög fínt en það verð-
ur svo mikið að að fara á
svona marga staði á ekki
lengri tíma, svo að við ætl-
um að hafa þetta öðruvísi
næst. Þá ætlum við að
koma með börnin líka og
gefa þessu öllu betri tíma,“
sagði Carola en þau hjón
lögðu af stað heim til Sví-
þjóðar í morgun.
Með afa á sjó
Yngsti farþeginn í túrn-
um var Sigrún Elfa Reyn-
isdóttir. Hún er 4 ára og
býr í Hafnarfirði. Hún var
um borð í Eldingu í fyrsta
sinn, en hafði þó áður farið
á sjóinn. Það var afi henn-
ar, Helgi Jóhannsson, sem
bauð henni með í hvala-
skoðunarferðina og hann
var reyndar skipstjóri í
ferðinni. Sigrún vissi lengra
nefi sínu, þrátt fyrir ungan
aldur, því hún kannaðist við
hvalina sem sáust. „Þetta
voru höfrungar,“ sagði hún
og fannst þeir fallegir.
„Mikil
upplifun“
Morgunblaðið/Ómar
Sænsku hjónin Carola Mart-
one og Hans Karlsson voru
hæstánægð með túrinn og
ætla að koma aftur að ári.
Sigrún Elfa Reynisdótt-
ir sagði að höfrungarnir
væru fallegir.
ÍBÚAR við Miðholt í Mos-
fellsbæ hafa farið fram á við
bæjaryfirvöld að komið verði
upp leiksvæði fyrir börn sem
búa við götuna. Deiliskipulag
svæðisins gerir ráð fyrir leik-
svæði í götunni en vegna mót-
mæla íbúa, sem búa næst
staðnum þar sem leiksvæðið
átti að vera, var hætt við að
koma því upp.
Að sögn Örnu Bech, eins
íbúanna í Meðalholti, er að-
staða fyrir börn lítil sem eng-
in í hverfinu. Gæsluvöllur sé
fyrir enda götunnar en hann
sé einungis ætlaður börnum
til fimm ára aldurs auk þess
sem reglur segi til um að barn
megi ekki sækja völlinn
hvorutveggja fyrir og eftir há-
degi. „Ég er með þrjú lítil
börn sem eru tveggja, fjög-
urra og fimm ára en þau hafa
enga möguleika til að vera á
afmörkuðu svæði því í Mið-
holtinu er ekkert nema göt-
urnar fyrir krakkana til að
leika á,“ segir hún.
Hún bendir á að mikil um-
ferð sé við götuna vegna ná-
lægðar við Kjarnann sem er
eitt aðalverslunarsvæði bæj-
arins. „Þannig að þar sem
krakkarnir eru við götuna er
ekið á ofsalegum hraða auk
þess sem Vesturlandsvegur-
inn er þarna rétt við.“
Að sögn Örnu langt í næsta
svæði fyrir utan Miðholtið en
mikið sé af börnum í hverfinu.
Enda hafi verið mikill einhug-
ur meðal íbúa um að óska eftir
svæðinu og fylgdu erindinu 32
undirskriftir íbúa í götunni.
Aðeins hafi íbúar þriggja
íbúða verið ósammála er-
indinu og því ekki skrifað
undir erindið.
Mótmæli íbúa hindruðu
byggingu leiksvæðisins
Jóhann Sigurjónsson, bæj-
arstjóri í Mosfellsbæ, segir að
á sínum tíma hafi verið gert
ráð fyrir leiksvæði við fjöl-
býlishúsin samkvæmt deili-
skipulagi en íbúar þess húss
sem næst var á svæðinu hafi
mótmælt og því hafi ekki ver-
ið farið í framkvæmdirnar.
Nú sé hins vegar verið að
kanna möguleika á að taka
svæði sem tengist gæsluvell-
inum undir leikvöll en það
krefjist deiliskipulagsbreyt-
inga og grenndarkynningar.
Hann segir það markmið
bæjarins að hafa góð leik-
svæði sem næst barnahverf-
unum. „Síðan þetta var hefur
ekki komið þrýstingur fyrr en
nú á að setja upp leiksvæðið.
Þessvegna er gott að þessi
beiðni er komin fram því þá
tökum við málið upp á ný og
vonandi verður það til þess að
við getum klárað þetta mál í
góðri sátt við íbúana.“
Vilja leiksvæði við Miðholt
„Börnin leika
á götunum“
Mosfellsbær