Morgunblaðið - 15.05.2001, Blaðsíða 6
FRÉTTIR
6 ÞRIÐJUDAGUR 15. MAÍ 2001 MORGUNBLAÐIÐ
VERÐLAUN og viðurkenningar í
ljósmyndasamkeppni fréttaritara
Morgunblaðsins voru afhent á að-
alfundi Okkar manna, félagi
fréttaritaranna, síðastliðinn laug-
ardag. Sigurður Jónsson á Sel-
fossi fékk aðalverðlaunin fyrir
mynd sína, Kærleikskossinn.
Okkar menn, félag fréttaritara
Morgunblaðsins, heldur aðalfund
annað hvert ár. Að þessu sinni
mættu um þrjátíu fréttaritarar á
fundinn sem haldinn var í Morg-
unblaðshúsinu. Samþykkt var til-
laga um að efla menningarsjóð
Okkar manna og hugmyndir sett-
ar fram að úthlutun símennt-
unarstyrkja úr honum. Stjórn
félagsins var endurkjörin en hana
skipa Grímur Gíslason í Vest-
mannaeyjum, formaður, Jón
Gunnlaugsson á Akranesi, ritari,
og Jón Sigurðsson á Blönduósi,
gjaldkeri.
Auk venjulegra aðalfund-
arstarfa var fjallað um breyt-
ingar á skipulagi Morgunblaðsins
og samskipti blaðsins við frétta-
ritara sína. Björn Vignir Sig-
urpálsson fréttaritstjóri, Karl
Blöndal aðstoðarritstjóri og Ólaf-
ur Þ. Stephensen aðstoðarrit-
stjóri sögðu frá skipulaginu og
störfum á blaðinu og sátu fyrir
svörum ásamt Styrmi Gunn-
arssyni ritstjóra. Urðu miklar
umræður um efni framsöguer-
indanna og almennt um blaðið og
starf fréttaritarans.
Myndirnar
sífellt betri
Í lok fundarins voru afhent
verðlaun í ljósmyndasamkeppni
sem Okkar menn og Morg-
unblaðið standa fyrir meðal
fréttaritaranna. Í þessari sam-
keppni sem nær yfir árin 1999 og
2000 bárust á sjöunda hundrað
myndir frá 24 fréttariturum og
ljósmyndurum á landsbyggðinni.
Keppnir af þessu tagi hafa verið
haldnar í nokkur skipti og kom
fram í áliti dómnefndar að frétta-
ritararnir verða sífellt betri ljós-
myndarar og að myndirnar sem
skilað var í keppnina að þessu
sinni voru betri en nokkru sinni
áður.
Veitt voru verðlaun fyrir
myndir í níu keppnisflokkum.
Mynd Sigurður Jónssonar, Kær-
leikskossinn, var valin mynd
keppninnar. Á henni sést Guðni
Ágústsson landbúnaðarráðherra
sýna hug sinn til íslensku kýr-
innar með því að láta vel að
Skrautu í fjósinu á Laugardælum
eftir að hann kynnti áætlun um
innflutning norskra fósturvísa.
Sigurður tók við verðlaunum sín-
um úr hendi Haralds Sveinssonar,
stjórnarformanns Árvakurs hf.
sem er útgáfufélag Morgunblaðs-
ins.
Verðlaun og viðurkenningar
hlutu einnig: Jónas Erlendsson í
Fagradal sem fékk viðurkenn-
ingar í sex flokkum, Jón Sigurðs-
son á Blönduósi, Egill Egilsson
sem var um tíma fréttaritari á
Flateyri, Finnur Pétursson á
Tálknafirði, Birkir Fanndal Har-
aldsson í Mývatnssveit, Sigurður
Aðalsteinsson á Vaðbrekku,
Theodór Kr. Þórðarson í Borg-
arnesi sem fengið hefur verðlaun
eða viðurkenningar í hverri ein-
ustu ljósmyndasamkeppni frétta-
ritara frá upphafi, Halldór Svein-
björnsson á Ísafirði, Benjamín
Baldursson á Ytri-Tjörnum, Að-
alheiður Högnadóttir á Hellu,
Svavar B. Magnússon á Ólafsfirði,
Valdimar Guðjónsson í Gaul-
verjabæ, Sigurður Sigmundsson í
Hrunamannahreppi, Atli Vigfús-
son á Laxamýri og Hafþór Hreið-
arsson á Húsavík.
Myndirnar hafa verið settar
upp á sýningu sem verður í Vín-
búðinni í Hyrnutorgi í Borgarnesi
frá og með morgundeginum til
föstudagsins 25. maí.
Fréttaritarar Morgunblaðsins á fundi Okkar manna
Morgunblaðið/Kristinn
Fulltrúar á aðalfundi Okkar manna, verðlaunahafar í ljósmyndasamkeppni og nokkrir starfsmenn Morgunblaðsins stilla sér upp til myndatöku.
Verðlaun af-
hent í ljós-
mynda-
samkeppni
Morgunblaðið/Kristinn
Haraldur Sveinsson, stjórnarformaður Árvakurs hf., afhendir Sigurði
Jónssyni aðalverðlaun ljósmyndasamkeppni fréttaritara.
SVO virðist sem verðsamkeppni
olíufélaganna sé lokið því verð á
95 oktana bensíni var í gærmorg-
un mjög svipað á bensínstöðvun-
um og hafði hækkað um nálægt 8
kr. lítrinn frá því sem það var
ódýrast. Ódýrast varð bensínið
90,90 kr. á stöð Orkunnar á Ak-
ureyri á sunnudag. Á sunnudags-
kvöld var verð á lítranum af 95
oktana bensíni komið upp í 98,30
kr. á sjálfsafgreiðslustöðvum Ork-
unnar og á sjálfsafgreiðsludælu
Esso á Ægissíðu var verðið 98,60
kr. Þar með er verðið á sjálfs-
afgreiðslustöðvum orðið talsvert
hærra en áður en verðsamkeppnin
hófst, þegar það var um eða yfir
96 kr. lítrinn.
Hjá ÓB-stöðvum Olís og hjá
Esso Express kostar lítrinn kr.
98,50. Verð með fullri þjónustu
hjá Esso og Shell er eftir sem áð-
ur 102,90. Hjá Esso er veittur af-
sláttur ef fólk dælir sjálft á bíla
sína. Mestur er þessi afsláttur kr,
4,80 af lítranum á völdum stöðv-
um. Annarsstaðar er hann 2 kr.
Lítraverð með fullri þjónustu hjá
Olís er krónu lægra en hjá Esso
og Shell; kr. 101,90. Við sjálfs-
afgreiðsludælur Olís er veittur af-
sláttur frá kr. 2,0–4,0 kr., misjafnt
eftir stöðvum.
„Komið út í vitleysu“
Gunnar Skaptason, fram-
kvæmdastjóri Bensínorkunnar hf.,
segir að skýringin á því að verðið
hafi hækkað svo mikið sé einfald-
lega það að það hafi verið komið
of langt niður. „Við vorum komnir
langt niður fyrir öll eðlileg mörk
sem hægt var að selja bensín á til
lengri tíma. Þetta var í rauninni
komið út í vitleysu. Við urðum
hins vegar bara að standa þetta af
okkur því við höfum alltaf sagt við
þjóðina alla að hún geti treyst því
að bensínverðið er alltaf lægst hjá
Orkunni,“ segir Gunnar.
Hann segir að þetta væri her-
kostnaður og þegar salan væri
deild niður á allt árið vonuðust
menn til þess að fyrirtækið væri
réttum megin við strikið.
Runólfur Ólafsson, fram-
kvæmdastjóri Félags íslenskra
bifreiðaeigenda, segir að verð-
hækkunin leiði hugann að því
hvort hér hafi sýndarverðstríð
geisað. „Það vekur líka athygli að
það verð sem sjálfsafgreiðslu-
stöðvarnar stilla upp núna er
hærra en það verð sem neytend-
um stóð til boða í kjölfar hækk-
unar Orkunnar um síðustu mán-
aðamót áður en verðstríðið
byrjaði. Þá var verð hjá Orkunni í
96,20 kr. og er núna í 98,30 kr.
Þeir bjóða sínum viðskiptavinum
lítrann á 2,10 kr. dýrari en var áð-
ur. Það munar ekki nema 3,60 kr.
á milli ódýrustu sjálfsafgreiðslu-
stöðvar og þar sem verðið er hag-
kvæmast með fullri þjónustu. Það
er minnsti verðmunur sem ég
man eftir. Eru menn í kjölfar
þessara verðæfinga að láta neyt-
endur borga brúsann?“ segir Run-
ólfur.
Bensínlítrinn
hækkaði um 8 krón-
ur á einum degi
SIGURGEIR
Sigurðsson, bæj-
arstjóri Seltjarn-
arnesbæjar, hef-
ur tekið ákvörðun
um að láta af
störfum eftir
kosningarnar
vorið 2002, en
hann hefur setið í
bæjarstjórastóli
samfleytt frá
janúar 1965. Sigurgeir hefur verið
bæjarstjóri sem fulltrúi Sjálfstæðis-
flokksins og nú hefur fulltrúaráð
flokksins boðað prófkjör í fyrstu viku
nóvember í haust fyrir sveitarstjórn-
arkosningar á næsta ári. Reiknað er
með að efsti maður á lista flokksins
verði bæjarstjóri, takist sjálfstæðis-
mönnum að halda meirihlutanum
sem flokkurinn hefur haldið frá 1962.
Að sögn Sigurgeirs er kominn tími
á að draga sig í hlé og segist hann
treysta sínu fólki vel til að taka við.
Nú þegar hafa nöfn fimm einstak-
linga verið orðuð við slaginn um
efsta sæti listans, að sögn Sigur-
geirs. Það eru þau Inga Hersteins-
dóttir, forseti bæjarstjórnar, Jón-
mundur Guðmarsson, 2. varaforseti
bæjarstjórnar, Ásgerður Halldórs-
dóttir, María E. Ingvadóttir og Ingi-
mar Sigurðsson. Sigurgeir segist
jafnvel búast við fleiri frambjóðend-
um og nú sé verið að ýta við fólki að
taka ákvörðun. Enginn hefur til-
kynnt þátttöku formlega enda hefur
prófkjörið ekki ennþá verið auglýst
formlega.
Aðspurður sagði Sigurgeir það
leggjast ágætlega í sig að draga sig í
hlé. „Ég held að ég geti sagt með
nokkurri vissu að fólk taki hér við
góðu búi, þannig að það er ósköp
þægilegt að vita til þess. Ég þykist
vera búinn að gera hér töluvert mik-
ið og verulegar breytingar hafa orðið
á Nesinu síðan ég fluttist hingað árið
1956.“
Sigurgeir Sigurðsson,
bæjarstjóri Seltjarnar-
ness, hættir næsta vor
Bæjar-
stjóraefni
valið í
prófkjöri
Sigurgeir
Sigurðsson