Morgunblaðið - 15.05.2001, Blaðsíða 72
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 15. MAÍ 2001 VERÐ Í LAUSASÖLU 165 KR. MEÐ VSK.
FYRSTU umræðu um frumvarp sjávarútvegsráð-
herra til að binda enda á sex vikna sjómannaverk-
fall lauk á Alþingi á ellefta tímanum í gærkvöldi.
Var málið að því búnu sent sjávarútvegsnefnd til af-
greiðslu. Var búist við áliti hennar í nótt og stóð til
að dreifa því strax til þingmanna. Stefnt er að því að
önnur umræða um málið hefjist í dag klukkan 10.
Í gær kom fram gagnrýni á 3. grein frumvarps-
ins, þar sem segir að gerðardómur, sem skipa á
vegna málsins takist samningar ekki, skuli taka mið
af kjarasamningi Vélstjórafélagsins og LÍÚ, sem
gerður var 9. maí sl. Undir lok umræðnanna í gær-
kvöldi boðaði Árni M. Mathiesen sjávarútvegsráð-
herra stefnubreytingu í málinu. Sagði hann að vel
mætti vera að í leiðbeiningum til gerðardóms væri
gengið of langt og fór þess á leit við sjávarútvegs-
nefnd að hún færi yfir málið og legði mat á það
hvort ástæða væri til að leggja fram breytingartil-
lögu. Samkvæmt heimildum Morgunblaðsins felst í
breytingartillögu meirihluta sjávarútvegsnefndar
að 3. grein frumvarpsins er breytt á þann veg að
numið er brott ákvæðið um viðmið við kjarasamn-
ing vélstjóra en gerðardómi þess í stað falið að
ákveða gildistíma samningsins með hliðsjón af öðr-
um kjarasamningum.
Umræðurnar á Alþingi stóðu í tæpar 13 klukku-
stundir í gær. Við umræðurnar kom fram hörð
gagnrýni stjórnarandstöðunnar á frumvarpið.
Samninganefndir Sjómannasambandsins, Far-
manna- og fiskimannasambandsins, Alþýðusam-
bands Vestfjarða og samninganefnd LÍÚ komu til
sáttafundar hjá ríkissáttasemjara kl. 10 í gærmorg-
un. Samninganefndir deiluaðila sátu á fundum hvor
í sínu lagi en komu ekki saman til viðræðna.
Þórir Einarsson ríkissáttasemjari sleit fundi kl.
12 á hádegi og hefur annar fundur ekki verið boð-
aður. Þórir sagðist ætla að vera í sambandi við
samninganefndirnar en að það réðist af framvindu
mála á næstunni hvort ástæða væri til að boða til
nýs sáttafundar.
Samninganefnd Sjómannasambandsins kom
saman til fundar síðdegis í gær til að fara yfir stöðu
málsins. Á fundinum var m.a. rætt um hvort rétt
væri að aflýsa verkfallinu, en að sögn Sævars Gunn-
arssonar, formanns Sjómannasambandsins, var
engin ákvörðun tekin. Hann sagðist sannfærður um
að ef ákvörðun yrði tekin um að aflýsa verkfallinu
stæðu félögin innan sambandsins saman um hana.
Hann sagði að samninganefndin myndi aftur koma
saman í dag til að fjalla um málið.
Í hádeginu í gær var stjórnarfundur í Sjómanna-
félagi Reykjavíkur. Jónas Garðarsson, formaður
félagsins, sagði að á fundinum hefði verið rætt um
að aflýsa verkfallinu, en ekki hefði verið tekin end-
anleg ákvörðun. Sjálfur sagðist hann sannfærður
um að það eina sem sjómenn gætu gert í þeirri
þröngu stöðu, sem þeir væru í, væri að aflýsa verk-
fallinu.
Fyrstu umræðu um frumvarp um kjaramál fiskimanna lauk á Alþingi í gærkvöldi
Sjávarútvegsnefnd legg-
ur fram breytingartillögu
Frumvarp/10, 36–37
fatlaðra til sveitarfélaganna og dregið
til baka frumvörp þar að lútandi sem
hafa verið til meðferðar á Alþingi.
Páll sagði að ástæðuna fyrir þessari
ákvörðun mætti rekja til þess að kom-
ið hefði í ljós mikil andstaða við málið í
þremur öflugum sveitarfélögum,
Reykjavík, Kópavogi og Hafnarfirði.
Þá hefði fulltrúaráðsfundur Sam-
bands íslenskra sveitarfélaga mót-
mælt því að frumvörpin yrðu afgreidd
á þessu þingi, en félagsþjónustufrum-
varpið og fylgifrumvörp hefðu einnig
verið til meðferðar á Alþingi í fyrra.
Það væri ekki tiltækilegt að leggja
frumvörpin fram í þriðja sinn.
„Það getur vel verið að einhvern
tíma í framtíðinni komi sveitarfélögin
til með að óska eftir því að fá að taka
þennan málaflokk yfir, en þangað til
það gerist gerum við ekki meira. Það
var búið að leita allra leiða.“
PÁLL Pétursson félagsmálaráðherra
hefur í samráði við ríkisstjórnina
horfið frá því að færa félagsþjónustu
Báðu um málaflokkinn árið 1992
Páll sagði að sveitarfélögin hefðu
upphaflega beðið um að fá þennan
málaflokk árið 1992. Síðan hefði verið
unnið að þessu og það væri „sorglegt
að láta alla þá vinnu fara til ónýtis, en
það er ekki gott að gera úr því að and-
staðan í þessum mektugu sveitar-
félögum var svona mikil eða hjá for-
ráðamönnum þeirra og embættis-
mönnum,“ sagði Páll.
Hann bætti við að búið hefði verið
að leggja mat á hvaða fjármunir
þyrftu að fylgja með til sveitarfélag-
anna til þess að þau gætu tekið við
málaflokknum og rekið hann eftir að
biðlistum hefði verið eytt og ekki
hefði verið ágreiningur um það út af
fyrir sig. Aftur á móti væri auðvitað
hægt að ímynda sér að hægt væri að
leggja meira fé til þessa málefnis.
Þær stéttir sem ynnu að stórum hluta
að þessum málaflokki væru ekkert
sérstaklega vel launaðar og ef til vill
hefði þessi andstaða sveitarfélaganna
að einhverju leyti markast af því að
þau hefðu búist við að kjara-
samningar yrðu erfiðir.
Hann sagði að samkvæmt útreikn-
ingum færu núna rúmlega 3,5 millj-
arðar til málaflokksins. Ef biðlistar
yrðu jafnframt kláraðir þyrfti að
verja til þessa málefnis 600 milljónum
kr. til viðbótar eða 4,1 milljarði kr.
samtals. Að auki hefði frumvarpið
haft í för með sér viðbótarkostnað
fyrir sveitarfélögin, þannig að saman-
lagt var um að ræða 4,4 milljarða kr.
sem færa hefði þurft yfir til sveitar-
félaganna. Páll sagði að það hefði líka
haft sín áhrif að Öryrkjabandalagið
lagðist gegn því á endasprettinum að
málaflokkurinn yrði færður.
EFTIR einmuna veðurblíðu á
Norðurlandi síðustu daga snerist
veðrið til norðlægrar áttar í gær
og í nótt var spáð snjókomu og
éljagangi. Í dag er spáð allt að
tveggja gráða frosti á Norður-
landi.
Eiríkur Hreiðarsson, garð-
yrkjubóndi á Grísará í Eyjafjarð-
arsveit, og hans fólk voru í óða
önn að breiða plast yfir skógar-
plöntur er ljósmyndari Morgun-
blaðsins var þar á ferð í gær. „Ég
er að búa mig undir slæma nótt
og vont veður,“ sagði Eiríkur og
bætti við að í þessari starfsgrein
færi drjúgur tími í að verjast
veðri og vindum.
„Maður gerir lítið annað á
þessum árstíma en að berjast við
veðrið.“ Eiríkur var að breiða
plast yfir skógarplöntur sem
hann er að rækta fyrir Norður-
landsskóga, en hluti plantnanna á
að vera tilbúinn til afhendingar
innan tíðar.
Eiríkur sagði að hitastigið
hefði farið niður undir frostmark
í fyrrinótt og hann vildi því vera
við öllu búinn fyrir enn kaldari
tíð sem spáð væri þessa vikuna.
Eiríkur garðyrkjubóndi á Grísará í Eyjafjarðarsveit
„Er að
búa mig
undir vont
veður“
Morgunblaðið/Kristján
Eiríkur Hreiðarsson, garðyrkjubóndi á Grísará, og Ragnar Páll Ólafsson breiða plast yfir skógarplöntur.
Horfið frá að færa málefni
fatlaðra til sveitarfélaga
ÁKVEÐIÐ hefur verið að fresta um
sinn ákvörðunum er varða deili-
skipulag Skuggahverfis frá Lindar-
götu að Hverfisgötu.
Í viðtali við Ingibjörgu Sólrúnu
Gísladóttur borgarstjóra í Morgun-
blaðinu í dag kemur fram að í síðustu
viku var ákveðið að ljúka deiliskipu-
lagi á svæðinu frá Skúlagötu að
Lindargötu. Vegna athugasemda frá
íbúum var hins vegar ákveðið að taka
lengri tíma í að ákvarða deiliskipulag
hverfisins frá Lindargötu að Hverf-
isgötu en á því svæði eru langflest
þeirra húsa, sem gert var ráð fyrir að
rífa samkvæmt hugmyndum sem
íbúum voru nýlega kynntar.
Deiliskipulagi
Skuggahverf-
is frestað
Hugmyndirnar ganga/14
FÉLAG íslenskra hjúkrunarfræð-
inga hefur boðað tveggja sólarhringa
verkfall 30. og 31. maí nk.
Á vegum hjúkrunarforstjóra
Landspítala – háskólasjúkrahúss
verður fjallað um verkfallsboðunina í
dag, þriðjudag, þar sem afleiðingar
verkfallsins verða ræddar.
Verkfallið beinist gegn íslenska
ríkinu og þeim stofnunum þess sem
félagsmenn Félags íslenskra hjúkr-
unarfræðinga starfa hjá, ásamt þeim
stofnunum sem ríkið hefur samn-
ingsumboð fyrir. Atkvæðagreiðsla
um boðun verkfalls stóð dagana 3. til
9. maí 2001. Talning atkvæða fór
fram 12. maí 2001. Niðurstaða at-
kvæðagreiðslunnar var eftirfarandi:
Á kjörskrá voru 1.812 félagsmenn.
Þátt í atkvæðagreiðslunni tóku 1.081
eða 59,7% félagsmanna. Úrslit í at-
kvæðagreiðslunni voru eftirfarandi:
925 sögðu já eða 85,6% þeirra sem
tóku þátt í atkvæðagreiðslunni.
145 sögðu nei eða 13,4% þeirra
sem tóku þátt í atkvæðagreiðslunni.
Auðir og ógildir seðlar voru 11.
Hjúkrunar-
fræðingar
hafa boðað
verkfall
♦ ♦ ♦