Morgunblaðið - 15.05.2001, Blaðsíða 11
FRÉTTIR
MORGUNBLAÐIÐ ÞRIÐJUDAGUR 15. MAÍ 2001 11
LÍKUR eru á að fallið verði frá því
dómsmáli sem Samband íslenskra
bankamanna hafði höfðað gegn
Byggðastofnun vegna þeirra starfs-
manna sem ekki vildu flytjast með
stofnuninni norður á Sauðárkrók.
Um er að ræða átta starfsmenn, allt
konur. Friðbert Traustaston, for-
maður Sambands íslenskra banka-
manna, sagði að samkvæmt samn-
ingsdrögum sem kynnt hefðu verið
sambandinu hefði stofnunin gengið
að flestum kröfum starfsmannanna.
Hann sagðist þó ekki hafa fengið
endanlega útgáfu samningsins í
hendur og á meðan væri dómsmálið
ekki dregið til baka.
„Málið fór fyrir dómstóla þar sem
Byggðastofnun vildi ekki samþykkja
að þessi flutningur jafngilti niður-
lagningu á þessum störfum. Til við-
bótar við það að biðlaunarétturinn
yrði viðurkenndur var tilgangur
okkar með málshöfðun sá að tryggja
áframhaldandi veru þessara starfs-
manna í lífeyrissjóði ríkisstarfs-
manna með fullum réttindum. Til
þess varð að skilgreina þetta sem
niðurlagningu á starfi til að tryggja
áfram réttindi í lífeyrissjóðnum þó
að starfsmennirnir færu til annarra
fyrirtækja en ríkisins. Þessu tókst að
ná fram með samningi við Byggða-
stofnun og við getum ekki annað en
fagnað því. Þó eigum við eftir að sjá
samninginn,“ sagði Friðbert.
Samkvæmt samningnum viður-
kennir Byggðastofnun að störf þess-
ara átta kvenna séu formlega lögð
niður. Þær sem ekki fá vinnu annars
staðar fá biðlaun í tólf mánuði.
„Sárast að fá neitun í marga
mánuði við okkar kröfum“
Friðbert áréttaði að með samn-
ingnum væri Byggðastofnun ekki að
samþykkja að flutningurinn sem
slíkur jafngilti niðurlagningu á störf-
um. Aðeins væri verið að leggja nið-
ur þau störf sem eftir voru í stofn-
uninni. Þessi samningur hefði því
ekki fordæmisgildi fyrir aðra flutn-
inga ríkisstofnana út á land en Frið-
bert sagði að starfsmenn Rarik
hefðu fylgst náið með málinu vegna
fyrirhugaðs flutnings höfuðstöðva
þess fyrirtækis til Akureyrar.
„Það sem okkur þykir sárast er að
fá neitun í marga mánuði frá stjórn
Byggðastofnunar og viðskiptaráðu-
neytinu við okkar kröfum og þurfa
að ganga svona langt með mál sem
að okkar mati er augljóst. Hins veg-
ar erum við að hugsa um hagsmuni
viðkomandi starfsmanna og af þeim
sökum erum við ánægð með niður-
stöðuna,“ sagði Friðbert.
Hann bætti því við að Samband ís-
lenskra bankamanna myndi fylgjast
vel með hvort viðkomandi starfs-
menn fengju aðra vinnu. Búið er að
útvega 3–4 störf hjá öðrum stofnun-
um ríkisins sem Friðbert vonaði að
væru framtíðarstörf og hinir fengju
viðunandi lausn sinna mála.
Líklegt að fallið verði frá málaferlum vegna flutnings Byggðastofnunar
Gengið að kröfum um líf-
eyris- og biðlaunarétt
VINNA við Upphéraðsveg, 12,5
km kafla milli Brekku og Valþjófs-
staðar í Fljótsdalshreppi, stendur
nú yfir. Jafnframt uppbyggingu
vegarins og lagningu slitlags verða
byggðar tvær brýr, önnur á yfir
Hengifossá en hin yfir Bessa-
staðaá.
Héraðsverk vinnur að vegarlagn-
ingunni en tilboð þess í verkið nam
64 milljónum króna. Vegurinn er
byggður upp og sett verður á hann
slitlag. Verklok eru áætluð 15.
ágúst næstkomandi. Þá eiga einnig
brýrnar tvær að vera tilbúnar en
Malarvinnslan annast smíði þeirra.
Þær eru hvor um sig liðlega 20
metra langar. Tilboðsupphæðin í
brúarsmíðina var um 57 milljónir
króna.
Að sögn Sigurþórs Sigurðssonar,
framkvæmdastjóra Malarvinnsl-
unnar og setts framkvæmdastjóra
Héraðsverks til næstu mánaða-
móta, starfa nú um 20 manns við
verkefnin en þeim á eftir að fjölga
eitthvað er á líður þegar brúar-
smíðin kemst í fullan gang. Sig-
urþór segir verkin bæði ganga vel,
vegarlagningin sé heldur á undan
áætlun og brúarsmíðin standist
áætlun. Þá er í undirbúningi smíði
nýrrar brúar yfir Jökulsá í Fljóts-
dal en hún verður reist mun utar
en núverandi brú, raunar innarlega
í sjálfu Lagarfljóti. Starfsmenn
Vegagerðarinnar vinna nú við að
reka niður staura fyrir brúarsökkl-
ana en sjálf brúarsmíðin hefur ver-
ið boðin út. Á að opna tilboð í hana
næstkomandi mánudag. Brúin
verður um 250 m löng og verður
vegurinn lagður á fyllingu að
brúnni beggja vegna. Brúin á að
vera tilbúin 1. júní á næsta ári.
Morgunblaðið/jt
Nú er unnið að vega- og brúargerð innarlega við Lagarfljót og verður 12,5 km langur kafli endurnýjaður og
tvær nýjar brýr smíðaðar.
Brúarsmíði og vega-
lagning í Fljótsdal
UNDIRRÉTTUR í Hollandi hefur
samþykkt framsalsbeiðni sem dóms-
málaráðuneytið fór fram á vegna Ís-
lendings sem grunaður er um aðild að
smygli á um 17 kílóum af hassi til Ís-
lands. Dómnum hefur verið áfrýjað til
hæstaréttar Hollands. Maðurinn var
handtekinn í Hollandi 19. október sl.
um leið og tveir menn voru handtekn-
ir hér á landi í tengslum við málið.
Meirihluti hassins, um 10 kíló,
fannst um borð í Skógarfossi síðasta
haust. Lögreglan hafði fylgst náið
með ferðum skipsins vikum saman en
hassið náðist í þriðju ferð skipsins til
landsins eftir að eftirlitið hófst.
Grunaður um
aðild að smygli
á 17 kílóum af hassi
Fram-
salsbeiðni
samþykkt
í undir-
rétti
DAVÍÐ Á. Gunnarsson, ráðuneytis-
stjóri í heilbrigðis- og trygginga-
málaráðuneytinu, var kosinn annar
tveggja formanna aðal vinnuhóp-
anna á 54. þingi Alþjóða heilbrigð-
ismálastofnunarinnar sem hófst í
Genf í gærmorgun. Um þúsund
fulltrúar 124 þjóða sitja þetta 54.
þing Alþjóða heilbrigðismálastofn-
unarinnar.
Kosinn for-
maður
vinnuhóps
GAGNVIRKUR farsímaleikur og
íþróttaupplýsingar í farsímann
voru á meðal nýjunga sem fyr-
irtækið Kast ehf. hefur kynnt.
Fyrirtækið, sem er dótturfyrir-
tæki Landssímans, hefur verið að
þróa ýmsa þjónustu fyrir farsíma-
notendur og segir Andri Gunnars-
son, verkefnastjóri hjá fyrirtæk-
inu, að ýmis erlend síma- og
fjölmiðlafyrirtæki hafi sýnt áhuga
á þeim nýjungum sem fyrirtækið
ásamt hugbúnaðarfyrirtækinu
Stefju hefur þróað. Kynnt var
þjónusta þar sem áhugafólk um
íþróttir fær sendar í símann upp-
lýsingar t.d. um fótbolta- og hand-
boltaleiki sem haldnir eru og lið
sem keppa á þeim. Þá opnaði Árni
Johnsen, formaður samgöngu-
nefndar Alþingis, nýjan gagnvirk-
an farsímaleik sem fyrirtækið
stendur fyrir í samstarfi við út-
varpsstöðina Fm 9,57.
Íþróttaupp-
lýsingar í
farsímann
Morgunblaðið/Kristinn
Árni Johnsen sótti og sendi fyrstu skilaboðin í nýjum farsímaleik. Með
honum á myndinni eru Magnús Einarsson, fjármálastjóri Kast, og Ómar
Einarsson framkvæmdastjóri.
FJÖLSKIPAÐUR dómur Héraðs-
dóms Reykjavíkur sýknaði í gær 22
ára gamlan mann af ákæru fyrir að
hafa nauðgað tvítugri stúlku í Ingólfs-
stræti 16. september sl. Stúlkan var
flutt á neyðarmóttöku á Landspítal-
anum í Fossvogi og kærði atburðinn.
Fram kom fyrir dómi að kærandi
og ákærði hefðu þekkst, þar sem þau
hefðu hist einu sinni áður. Fyrir dómi
sagðist ákærði hafa kynnst stúlkunni
í gegnum svokallað yrki á Netinu.
Að mati dómsins varð að leggja til
grundvallar að kærandi og ákærði
hefðu farið inn í húsasund og haft
kynmök á palli, skammt frá húshorni
við Ingólfsstræti. Fyrir dómi skýrði
kærandi svo frá að hún hefði lagst á
pallinn eftir að ákærði hefði reynt
kynmök við hana standandi. Þá
kvaðst kærandi ekki hafa mótmælt
því að ákærði hefði við hana kynmök
og ekki gert tilraun til að standa upp
eða fara meðan á því stóð. Þá bar
stúlkan að ákærði hefði verið ágengur
en ekki ógnandi.
Ákærði neitaði sök en viðurkenndi
að hafa reynt samfarir við stúlkuna í
húsasundinu. Taldi hann það hafa
verið að frumkvæði hennar og með
hennar samþykki. Honum hafi hins
vegar ekki tekist að hafa við hana
samfarir einkum þar sem hann hefði
ekki haft fulla stinningu.
Héraðsdómararnir Valtýr Sigurðs-
son, Gréta Baldursdóttir og Eggert
Óskarsson kváðu upp dóminn. Ragn-
heiður Harðardóttir saksóknari flutti
málið fyrir hönd ákæruvaldsins.
Sveinn Andri Sveinsson var verjandi
ákærða.
Sýknað-
ur af
nauðgun-
arákæru
SAMNINGUR hefur verið undirrit-
aður um að koma upp sameiginlegum
vef á Netinu um landbúnað. Eftir-
taldir aðilar gerðu samninginn, að því
er fram kemur á vef Bændasamtak-
anna: Aðfangaeftirlitið, Landbúnað-
arháskólinn á Hvanneyri, Lífeyris-
sjóður bænda, Rannsóknastofnun
landbúnaðarins (RALA), Yfirkjöt-
mat ríkisins og Bændasamtökin.
Á vefnum verður hægt að nálgast
upplýsingar um íslenskan landbúnað
á einum stað, upplýsingar sem ann-
ars hefði þurft að leita á mörgum
vefjum. Reiknað er með að fleiri að-
ilar komi að málinu á seinni stigum.
Gengið var til samninga við Hóp-
vinnukerfi ehf. um hönnun og upp-
setningu vefjarins.
Landbún-
aðarvefur
í undir-
búningi
♦ ♦ ♦
♦ ♦ ♦