Morgunblaðið - 15.05.2001, Side 17

AKUREYRI
MORGUNBLAÐIÐ ÞRIÐJUDAGUR 15. MAÍ 2001 17
VOGIR
Eltak sérhæfir sig í sölu
og þjónustu á vogum
Bjóðum eitt mesta úrval
á Íslandi af smáum
og stórum vogum
Hafðu samband
Síðumúla 13, sími 588 2122
www.eltak.is
TÍU unglingar í Leikklúbbnum Sögu
á Akureyri hafa staðið í ströngu við
æfingar á spunaverki síðustu vikur,
en þeir eru á leiðinni í leikför um
Norðurlöndin í sumar. Leikklúbbur-
inn Saga hefur um árabil tekið þátt í
norrænu unglingaleikhúsi sem geng-
ur undir nafninu Fenris, en fyrsta
Fenris-verkefnið var sýnt árið 1985.
Upphafið má rekja til lauslegra
tengsla sem komið var á milli 6 ung-
lingaleikhópa á Norðurlöndum í til-
efni af alþjóðlegu ári unglinga á veg-
um Sameinuðu þjóðanna. Að tillögu
danska leikhópsins sameinuðust
hóparnir um leiksýningu sem m.a.
fékk stuðning frá Norræna menn-
ingarsjóðnum. Leikklúbburinn Saga
hefur verið með frá upphafi, sem og
danski hópurinn Ragnarock.
Þemað er hræðslan
við hið óþekkta
Verkefnið sem nú er unnið að
gengur út á þemað tabú og hræðslu
við hið óþekkta og hafa unglingarnir
unnið með eigin hugmyndir og út-
fært þær í leikstjórn Agnars Jóns
Egilssonar.
Alls taka um 100 ungmenni þátt í
Fenris-verkefninu, en auk Íslands
koma þeir frá Færeyjum, Græn-
landi, Álandseyjum, Noregi, Svíþjóð
og Danmörku. Sýningin sem sett
verður upp í júlímánuði og farið
verður með í leikför um Norðurlönd-
in er því afar viðamikil og krefst mik-
ils og vandaðs undirbúnings. Agnar
Jón sagði að um áramót hefði hóp-
urinn sem að verkefninu stendur
komið saman í Svíþjóð og um
páskana í Danmörku þar sem settar
voru upp vinnubúðir og farið var yfir
málin. Að öðru leyti vinna hóparnir í
sinni heimabyggð hver að sínu verk-
efni og hafa svo nokkra daga saman
áður en sýningar hefjast. Nú er verið
að skoða hvort möguleiki sé á að fara
með verkið til annarra staða en Ak-
ureyrar, að sögn Agnars Jóns.
„Metnaður okkar er sá að krakk-
arnir geri sem mest sjálfir og unnið
sé með þeirra hugmyndir,“ sagði
hann. Þrír aðalhönnuðir eru þó að
sýningunni, auk hans sem er leik-
stjóri, þeir Sigurður Kaiser sem sér
um búninga, leikmynd og ljós og
Christjan Blak sem sér um tónlist.
„Það er draumur hvers leikstjóra
sem vinnur með ungu, hressu og
hæfileikaríku fólki að fá það til að
gera sem mest og það hefur verið
magnað að fylgjast með þessum
krökkum og sjá þau yfirstíga hverja
hindrunina á fætur annarri,“ sagði
Agnar Jón.
Unglingar í leikklúbbnum Sögu æfa stíft þessa dagana
Með Fenris í
leikför um
Norðurlöndin
Morgunblaðið/Kristján
Félagar í Leikklúbbnum Sögu æfa spunaverk sem farið verður með í
leikför um Norðurlönd í sumar.
RÚMLEGA tvítugur piltur hefur
verið dæmdur í Héraðsdómi Norður-
lands eystra í fimm mánaða fangelsi,
skilorðsbundið til þriggja ára. Mað-
urinn, sem er með dvalarstað í Kópa-
vogi, gerðist sekur um að stela um
25.000 krónum sem stúlka á svipuðum
aldri hafði safnað í fötu, en um var að
ræða smámynt. Stuldurinn átti sér
stað á Húsavík. Að auki var pilturinn
dæmdur til að greiða allan kostnað
sakarinnar. Viðurkenndi hann að hafa
tekið 18 .000 kr. úr fötu stúlkunnar en
hann hélt því fram að hún skuldaði
sér fé og átti umrædd smámynt að
ganga upp í skuldina. Stúlkan neitaði
að hafa skuldað piltinum pening og þá
bar hún og hafði til vitnis vinkonur
sínar að 25.000 kr. hefðu verið í föt-
unni þegar hún taldi féð skömmu áður
en því var stolið. Á árunum 1997 til
2001 hefur pilturinn alloft hlotið refs-
ingar fyrir ýmis brot og með um-
ræddu broti rauf hann skilorð.
Héraðsdómur
Norðurlands eystra
Skilorð vegna
stuldar
á smámynt
TÓNLEIKAR verða á sal Tónlistar-
skólans á Akureyri á morgun, mið-
vikudaginn 16. maí, kl. 20.30. Þar
koma fram Katrín Harðardóttir, sem
leikur á klarinett, og Helena G.
Bjarnadóttir, sem spilar á píanó.
Katrín er nemandi á 8. stigi og er að
hverfa frá námi við Tónlistarskólann.
Á fimmtudag verða vortónleikar
Suzuki-nemenda haldnir í Glerár-
kirkju og hefjast þeir kl. 18. Þar koma
fram fiðlu- og sellónemendur við Tón-
listarskólann á Akureyri.
Tónlistarskólinn
á Akureyri
Útskriftar-
tónleikar
Glerártorg
býður í sund
Í TILEFNI af alþjóðlegum degi fjöl-
skyldunnar í dag, þriðjudag, ætla
eigendur verslana í verslunarmið-
stöðinni Glerártorgi að bjóða öllum
frítt í sundlaugarnar á Akureyri.
Gildir þetta bæði um Sundlaug Ak-
ureyrar og sundlaug Glerárskóla.
Með þessu framtaki vill verslunar-
miðstöðin leggja lóð sitt á vogarskál-
ina svo fjölskyldan geti átt saman
ánægjulega stund og sameinast um
holla hreyfingu.
♦ ♦ ♦
NETVERSLUN Á mbl.is
Drykkjarbrúsi
aðeins kr. 400
♦ ♦ ♦