Morgunblaðið - 11.01.2000, Side 30
30 ÞRIÐJUDAGUR11. JANÚAR 2000
MORGUNBLAÐIÐ
LISTIR
Staða leikhússtjóra Borgarleikhússins auglýst laus til umsóknar
„Eðlilegt að skipt sé
um leikhússtjóra“
STAÐA leikhússtjóra Borgarleik-
hússins er auglýst laus til umsóknar
og verður nýr leikhússtjóri ráðinn til
fjögurra ára frá 1. september næst-
komandi. Núverandi leikhússtjóri er
Þórhildur Þorleifsdóttir en hún tók
við starfmu vorið 1996.
Páll Baldvin Baldvinsson, formað-
ur leikhúsráðs Leikfélags Reykja-
víkur, sagði í samtali við Morgun-
blaðið að leikhúsráðið hefði ákveðið í
desember að staða leikhússtjórans
skyldi ávallt auglýst þegar ráðning-
artíma starfandi leikhússtjóra lyki.
„Það eru ákveðnar breytingar í upp-
siglingu varðandi skipulag hússins.
Undanfarna mánuði hefur átt sér
stað vinna við uppgjör byggingar-
kostnaðar og viðskipti borgarsjóðs
og Leikfélagsins varðandi leikhús-
bygginguna. Af mörgum ástæðum
var talið eðlilegt að þetta færi fram
núna. Þá er verið að byggja við húsið,
bæta við einum leikhússal og taka
aðra hluta hússins undir annan
rekstur. Þegar þetta verður allt
komið í gagnið má segja að núver-
andi forsendur ráðningarsamnings
leikhússtjóra séu svo breyttar að
rétt sé að endumýja hann í samræmi
við það.“
Páll Baldvin segir að ákvörðun
leikhúsráðsins megi skoða í sam-
hengi við ný leiklistarlög þar sem til-
tekið er að að starf Þjóðleikhússtjóra
skuli ávallt auglýst. „Ég hef ekki
orðið var við annað en að leikhúsfólk
hafi almennt fagnað þessari ákvörð-
un. Þegar litið er til baka yfir 50 ára
sögu Þjóðleikhússins þar sem fjórir
menn hafa gegnt stöðu leikhússtjóra
og þegar litið er til baka yfir 36 ára
sögu leikhússtjóra hjá LR þar sem
tveir þessara sömu fjögurra ein-
staklinga hafa gegnt starfi leikhús-
stjóra hlýtur að vera Ijóst að sitji
leikhússtjóri lengur en eitt ráðning-
artímabil er hann farinn að hafa gríð-
arlega mikil áhrif á framgang list-
rænnar starfsemi í öðru af tveimur
stærstu atvinnuleikhúsum landsins.
Hann er einnig farinn að ráða miklu
um framgang leikara, leikstjóra og
leikmyndateiknara svo spyrja má
hvort ekki sé eðlilegt að jafnan sé
skipt um leikhússtjóra. Ekki síst
þegar litið er til þess að fram kemur
á hverjum áratug stór hópur af vel
menntuðu fólki frá virtum mennta-
stofnunum víða um heim.“
Páll Baldvin segir að staða Leikfé-
lagsins við áramót núna sé þokkaleg.
„Eftir tíu ára rekstur í Borgarleik-
húsinu situr félagið uppi með skulda-
hala upp á 80 milljónir. I tíð núver-
andi leikhússtjóra hefrn- tekist að
halda þessum skuldum í horfinu en
það er ekkert launungarmál að þessi
skuldahali er Leikfélaginu erfiður,"
sagði Páll Baldvin Baldvinsson, for-
maður leikhúsráðs Leikfélags
Reykjavíkur.
Víóla, selló og kontra-
bassi í Kaffíleikhúsinu
Morgunblaðið/Kristinn
Þau koma fram í Kaffíleikhúsinu: Svava Bemharðsdúttir á víólu, Gunn-
laugur Torfí Stefánsson á kontrabassa og Sigurður Halldórsson á selló.
ÓVENJULEGIR tónleikar verða
miðvikudaginn 12. janúar í Kaffíleik-
húsinu í Hlaðvarpanum. Þar verður
fiðlufjölskyldan í öndvegi að fiðlunni
sjálfri slepptri. Dökkir tónar
strengjanna verða kallaðir fram á
víólu, selló og kontrabassa.
Efnisskráin er einleikur, dúettar
og tríó eftir Rossini, Dittersdorf,
Barriére, Teppo Hauta-aho og M.
Haydn.
Fram koma Svava Bernharðsdótt-
ir á víólu, Sigurður Halldórsson á
selló og Gunnlaugur Torfi Stefáns-
son á kontrabassa. Öll eru þau með-
limir í Bach-sveitinni í Skálholti á
sumrin en eru að öðru leyti dreifð um
víðan völl.
Svava Bernharðsdóttir nam víólu-
leik við Tónlistarskólann í Reykja-
vík, Konunglega Tónlistarháskólann
í Haag og Julliard-skólann í New
York. Síðan stundaði hún nám við
Schuola Cantorum í Basel á barokk-
fiðlu, gömbu og miðaldafiðlu. Svava
er meðlimur í slóvensku fílharmón-
íuhljómsveitinni og Bachsveitinni í
Skálholti og dósent í víóluleik við
Tónlistarháskóla Ljubljana.
Gunnlaugur T. Stefánsson nam
kontrabassaleik við Tónlistarskól-
ana á Akureyri og í Reykjavík, Kon-
unglega Tónlistarháskólann í Ant-
werpen og Konunglega
Tónlistarháskólann í Brussel. Hann
er meðlimur í Bachsveitinni í Skál-
holti (á barokkbassa) og Sinfón-
íuhljómsveit Norðurlands. Hann
kennir við Tónlistarskólann á Akur-
eyri og Tónskóla Sigursveins.
Sigurður Halldórsson nam selló-
leik í Reykjavík og í London við Gu-
ildhall School of Music and Drama.
Sigurður hefur síðustu ár lagt stund
á barokksellóleik og er virkur bæði
sem einleikari og félagi í Bachsveit-
inni í Skálholti. I júlí nk. mun hann
leika allar svítur Bachs fyrir einleik-
sselló á Sumartónleikum í Skálholts-
kirkju. Hann leikur með kammer-
hópunum Caput og Camerarctica.
Reuters
Höggmyndir horfínn-
ar listakonu heilla
SKÖPUNARARFLEIFÐ
löngu látinnar Iistakonu er
orðin að aðdráttarafli fyrir
fólk, Ieika sem lærða, hvað-
anæva úr heiminum í Nieu
Bethesda, afskekktu þorpi í
Suður-Afríku.
Listakona þessi, hin sér-
lundaða Helen Martins, svipti
sig lífi árið 1976, tæplega átt-
ræð að aldri. Fáir höfðu þá
heyrt hennar getið. Það er
hins vegar ekkert nýmæli að
listamenn vaxi eftir dauða
sinn og hundruð höggmynda
sem Martins skildi eftir sig
laða nú þúsundir ferðamanna
að þessu kyrrláta þorpi í
hjarta Karoo-eyðimerkurinn-
ar.
Sagt er að fráfall foreldra
Martins hefði örvað sköpun-
argáfu hennar á sínum tíma
og breytti hún heimili sínu í
einskonar listasafn í kjölfarið. Hef-
ur það hlotið nafnið Ugluhúsið eftir
fjölxnörgum höggmyndum af uglum
úr gleri og steinsteypu sem slá
skjaldborg um það.
Á meðfylgjandi myndum getur
að líta tvær höggmynda listakon-
unnar.