Morgunblaðið - 11.01.2000, Blaðsíða 12

12 ÞRIÐJUDAGUR11. JANÚAR 2000
MORGUNBLAÐIÐ
FRÉTTIR
Fjarðalistinn ítrekar sjálf-
stæði gagnvart Samfylkingu
FJARÐALISTINN, bæjarmálafélag félags-
hyggjufólks í Fjarðabyggð, sendi frá sér yfirlýsingu
á sunnudag þar sem hann ítrekar að hann hafi ekki
verið í neinum skipulagslegum tengslum við þing-
flokk Samfylkingarinnar enda innan listans fjöl-
margir félagar sem hvorki eru í samfylkingarfélag-
inu á Austurlandi né í þeim flokksfélögum sem að
Samfylkingunni standa. Var yfirlýsingin einróma
samþykkt á félagsfundi Fjarðalistans um helgina.
Smái’i Geirsson, oddviti Fjarðalistans, og Einar
Már Sigurðarson, þingmaður Samfylkingarinnar á
Austurlandi, segja yfirlýsinguna gefna út til þess að
taka af öll tvímæli um sjálfstæði Fjarðalistans
gagnvart Samfylkingunni og til að ítreka stuðning
listans við byggingu Fljó tsdalsvirkj unar og álvers
við Reyðarfjörð. Einar Már tekur fram að þetta hafi
ekki áhrif á stöðu hans í þingflokknum en Smári
segist aðspurður ekki hafa tekið ákvörðun um það
hvort hann hyggist taka þátt í stofnfundi Samfylk-
ingarinnar sem væntanlega verður haldinn í mars
eða apríl nk.
„Fjarðalistinn hefur að undanfömu oft verið
tengdur þingflokki Samfylkingarinnar en við erum
með yfirlýsingunn að ítreka að svo sé ekki,“ segir
Smári. Hann segir yfirlýsinguna ekki síst lagða
fram í ljósi umræðunnar um FJjótsdalsvirkjun og
þeirrar staðreyndar að meirihluti þingflokks Sam-
fylkingarinnar hafi ekki stutt tillögu iðnaðarráð-
herra um framhald framkvæmda við
Fljótsdalsvirkjun á Alþingi skömmu fyrir jól.
Framhald framkvæmdanna við Fljótsdalsvirkjun
og bygging álvers á Reyðarfirði hefur hins vegar
verið eitt af helstu baráttumálum Fjarðalistans. í
yfirlýsingunni er hnykkt á því að Fjarðalistinn
muni í framtíðinni starfa sem sjálfstætt bæjarmála-
félag og kappkosta að hafa gott samstarf við alla þá
þingmenn sem tilbúnir eru að leggja lið hagsmun-
abaráttu Fjarðabyggðar og Austurlands alls.
Stangast ekki á við veru í þingflokknum
Einar Már Sigurðarson var einn af þeim sem
samdi umrædda yfirlýsingu á félagsfundi Fjarða-
listans um helgina og segir hann að hún þurfi ekk-
ert að stangast á við veru hans í þingflokki Samfylk-
ingarinnar. Hann hafi með stuðningi við
yfirlýsinguna einungis verið að ítreka sjálfstæði
Fjarðalistans og taka undir þau byggðar- og at-
vinnumálasjónarmið sem Fjarðalistinn stendur fyr-
ir. „í yfirlýsingunni var tekið undir málflutning
minn í Fljótsdalsvii’kjunarmálinu þannig að ég er
afar brattur og ánægður," segir Einar Már.
Þegar Smári hins vegar er spurður að því hvort
hann hyggist mæta á stofnfund Samfylkingarinnar
segist hann ekkert hafa ákveðið í þeim efnum. „Ég
hef ekkert ákveðið það og það eru fjölmargir í okk-
ar hópi sem ætla að taka sér tíma til að velta því fyr-
ir sér.“ Smári hefur starfað fyrir Samfylkinguna
m.a. fyrir síðustu alþingiskosningar en aðspurður
segir hann ekki tímabært að fullyrða neitt um það
hvort hann hyggist hætta afskiptum af Samfylking-
unni.
„Ég held það sé ekki hægt að fullyrða neitt um
það á þessari stundu," segir hann en tekur fram að
enginn ágreiningur sé milli hans og Einai-s Más,
þingmanns Samfylkingarinnar á Austurlandi. „Við
erum mjög samstiga í okkar viðhorfum, þannig að
þetta er kannski ekkert einföld staða,“ segii- hann.
Listínn þakkar þingmönnum
stuðninginn við virkjunina
I lok yfirlýsingai' Fjarðalistans frá því á sunnu-
dag segir að listinn fagni þeim áfangasigrum sem
náðst hafa á sviði undirbúnings að byggingu Fljóts-
dalsvirkjunar og álvers við Reyðarfjörð. „Þá vill
Fjarðalistinn koma á framfæri þakklæti til allra
þeirra þingmanna sem studdu þingsályktunartil-
lögu um áframhald framkvæmda við Fljótsdalsvir-
kjun sem afgreidd var frá Alþingi skömmu fyrir jól.
Með samþykkt tillögunnar er í reynd tekið undir
þau sjónarmið að virkjun og iðjuver á Austurlandi
sé mikilvæg byggðaaðgerð og nauðsynlegur þáttur
til að vega á móti fækkun starfa í frumvinnslugrein-
um og þeirri ískyggilegu byggðaröskun sem við
blasir.“
Bannað
að reykja
hjá ríkis-
lögreglu-
stjóra
RÍKISLÖGREGLUSTJÓRI
hefur sett reglur sem banna
tóbaksreykingar með öllu í
nýju húsnæði embættisins
sem tekið verður í notkun síð-
ar á árinu. Þessi ákvörðun er
tekin með vísan til reglna
heilbrigðis- og tryggingamála-
ráðuneytisins um tóbaks-
varnir á vinnustöðum.
Ríkislögr eglustj ór aembætt-
ið flytur á árinu starfsemina í
nýtt húsnæði á Skúlagötu 21 í
Reykjavík. Bannið nær til alls
húsnæðis embættisins og tek-
ur gildi frá og með þeim tíma
er embættið flytur í nýja hús-
ið.
Jafnframt hefur verið
ákveðið að tóbaksreykingar
verði með öllu bannaðar í bif-
reiðum embættisins.
Hafna gagnrýni Finns Ingólfssonar
„Þetta er rugl“
A snjóbrettum í illviðri
Áhugamenn um snjóbretti láta sér ekki allt fyrir veðurspáin væri ekki gdð og hélt áfram að renna sér
brjósti brenna þegar útivist er annars vegar. Þess þar meðal nokkur möguleiki var vegna versnandi
vegna mætti hópur þeirra í Bláfjöll á laugardag þótt veðurs.
Stéttarfélög náðu ekki
samningum um fargjöld
FRÉTTASTJÓRAR Ríkissjón-
varpsins og Stöðvar 2 vísa á bug
gagnrýni Finns Ingólfssonar Seðla-
bankastjóra á fréttamenn sem fram
kom í viðtali við Finn í Morgunblað-
inu sl. sunnudag.
I viðtalinu var Finnur m.a. spurður
um umfjöllun fjölmiðla um stjórn-
málamenn og sagði það hafa komið
sér mest á óvart í fjöhniðluninni hvað
einstakir blaða- og fréttamenn kæm-
ust upp með. Síðan sagði Finnur:
„Ljósvakamiðlunum virðist ekki vera
ritstýrt með sama hætti og blöðunum.
Því geta einstakir fréttamenn sett
fram nánast hvað sem er, jafnvel þótt
þeim hafi verið sagt að upplýsingarn-
ar væru rangar. Eg gæti nefnt nokk-
ur dæmi af því tagi. Ég hef tekið eftir
því að þetta er meira áberandi um
helgar, það er eins og menn hafi enn
minna aðhald þá. Þannig eru nokkrii'
blaða- og fréttamenn beinlínis í póli-
tískum leik, menn sem hafa pólitískar
skoðanir og nota starf sitt til að berja
á pólitískum andstæðingum og flokk-
um. Vandaðri fjölmiðlar taka ekld
svona mál upp,“ sagði Finnur.
Skamma boðberann án þess að
fínna orðum sinum stað
Bogi Ágústsson, fréttastjóri frétt-
astofu Ríkissjónvarpsins, sagði að
hér væri á ferðinni enn eitt dæmið um
stjómmálamann sem skammaði boð-
berann með almennum yfirlýsingum,
án þess að finna orðum sínum stað.
„Ég vísa því á bug að fréttastofa
sjónvarps hafi verið eða sé notuð í
pólitískum tilgangi af einhverjum ein-
stökum mönnum. Þetta er rugl en
kannski skiljanlegt að menn, sem
horfa á alla veröldina út frá pólitísk-
um sjónarmiðum og sjá pólitík í öllu,
telji alla aðra hugsa eins. Ég get upp-
lýst Finn Ingólfsson um að svo er
ekki,“ sagði Bogi.
Páll Magnússon, fréttastjóri Stöðv-
ar 2 og Bylgjunnar, sagði erfitt að
svara þessum ummælum Finns þar
sem hann tilgreindi engin dæmi máli
sinu til stuðnings eða hvaða fjölmiðla
hann ætti við. „A meðan hann tiltekur
ekki dæmin er afar erfitt að svara
þessu. Hann talar um einstaka blaða-
og fréttamenn én nefnir þá ekki held-
m- til sögunnar. Ég veit því satt að
segja ekki við hvað maðurinn á,“
sagði hann.
Páll sagðist ekki telja að neinn
munur væri á ritstýringu ljósvaka-
miðla og dagblaða og hann kannaðist
ekki heldur við að einhver munur
væri á fréttastjóm um helgar og á
virkum dögum eins og Finnur hélt
fram í viðtalinu. „Ég botna bara ekk-
ert í því hvað hann er að fara,“ sagði
Páll.
„Ég skil ekki hvað hann er að fara
með þessum ummælum,11 sagði Kári
Jónasson, fréttastjóri Ríkisútvar-
psins-Hljóðvarps. Hann sagðist hafna
ásökunum Finns. Kári sagði að traust
almennings á fréttastofu Útvarps
hefði margsinnis verið staðfest. Finn-
ur nefndi ekki dæmi og Kári kvaðst
ekki vita hvað hann ætti við.
Yfírlýsing
frá Flugleiðum
Ekki við-
höfn vegna
dætra for-
setans
MORGUNBLAÐINU hefur
borist eftirfarandi yfirlýsing
frá Flugleiðum:
„í tilefni frétta á Stöð 2 sl.
sunnudag, þar sem fjallað var
um embætti forseta Islands og
fjölskyldu forseta, óska Flug-
leiðir eftir að eftirfarandi komi
fram:
í upphafi embættisferils síns
óskaði forseti íslands sérstak-
lega eftir því við Flugleiðir að
dregið yrði úr þeirri viðhöfn
sem höfð væri af hálfu félagsins
þegar forseti Islands væri á
ferð með flugvélum þess. Flug-
leiðir hafa fari að þessum ósk-
um.
Flugleiðum hafa aldrej borist
óskir um það frá forseta íslands
eða embætti hans að nein sér-
stök viðhöfn yrði viðhöfð þegar
fjölskylda forseta eða aðrir á
hans vegum ferðast með félag-
inu, til dæmis að ferða þeirra
yrði sérstaklega getið. Félagið
hefur enga slíka viðhöfn.
Yfirstjórn Flugleiða hefur
engar staðfestar heimildir um
að dætur forseta hafi verið sér-
staklega ávarpaðar þegar þær
hafa ferðast með vélum félags-
ins. Hafi það verið gert sam-
ræmist það ekki vinnureglum
félagsins og hefur ekki verið
gert að ósk forseta íslands.“
EKKI hafa náðst samningar á milli
ferðanefndar stéttarfélaganna og
Flugleiða um lág fargjöld fyrir fé-
lagsmenn stéttarfélaganna á helstu
áfangastaði Flugleiða erlendis
næsta sumar þar sem fulltrúar
Flugleiða hafa lýst því yfir að þeir
treysti sér ekki til bjóða stéttar-
félögunum lægstu fargjöld á um-
rædda áfangastaði, að sögn Péturs
Maack, forstöðumanns hjá Verslun-
armannafélagi Reykjavíkur, sem á
sæti í ferðanefnd stéttarfélaganna.
Samvinnuferðum-Landsýn fal-
ið að leita annarra leiða
Hafa forsvarsmenn stéttarfélag-
anna því óskað eftir við Samvinnu-
ferðir-Landsýn, að leitað verði ann-
arra leiða, svo hægt verði að bjóða
félagsmönnum launþegasamtak-
anna upp á ódýr sumarleyfisfar-
gjöld næsta sumar, að sögn hans.
Pétur sagði að komið hefði í Ijós á
fundum með fulltrúum Flugleiða
fyrir áramót að þeir treystu sér
ekki til að veita stéttarfélögunum
lægstu fargjöld að þessu sinni en á
undanförnum árum hefur verið
samið um 5.000 fargjöld til 12 borga
á sérstöku stéttarfélagsverði.
„Þeir sögðust vera með það í far-
vatninu að svo gæti farið að þeir
myndu bjóða lægri fargjöld til ein-
stakra staða og þar sem við erum
að selja þessi fargjöld í janúar,
febrúar og mars, í fyrirframsölu, þá
treystum við okkur ekki til að gera
samning við þá og eiga síðan von á
einhverjum tilboðum eins og þeir
eru til dæmis með á Netinu. Þannig
að úr varð að við gerum ekki samn-
ing við Flugleiðir," sagði hann.
Buðu á ný til viðræðna í gær
Alls standa 17 sambönd og stétt-
arfélög, með um 107 þúsund félags-
menn, að ferðanefnd stéttarfélag-
anna, auk Landssambands eldri
borgara. Pétur sagði að samtök
launafólks hefðu samið við Flug-
leiðir um flugfargjöld á helstu
áfangastaði erlendis á stéttarfé-
lagsverði á hverju ári allt frá 1989.
Að hans sögn höfðu forsvarsmenn
Flugleiða samband í gær og buðu
til viðræðna á ný.