Morgunblaðið - 17.04.1998, Blaðsíða 68

68 FÖSTUDAGUR 17. APRÍL 1998
MORGUNBLAÐIÐ
FÓLK í FRÉTTUM
KVIKMYNDIR/SAMBÍÓIN hafa tekið til sýninga spennumyndina Red Corner. í aðalhlutverkum eru Richard Gere, sem leikur
lögfræðing sem kemst í kast við kínverska réttarkerfið, og kínverska leikkonan Bai Ling. Leikstjóri er Jon Avnet.
JACK (Richard Gere) í höndunum á harkalegum löggæslumönnum
kínverska alræðisins.
LÖGFRÆÐINGUR hans (Bai Ling) fylgir honum í réttinn og lendir
upp á kant við yfirvöld.
I kínversku fangelsi
Frumsýning
RICHARD Gere leikur Jack
Moore, lögfræðing banda-
rísks sjónvarpsfyrirtækis,
sem er á ferðalagi til Kína í því
skyni að ganga frá risastórum
samningi um sjónvarpsréttindi.
Pegar hann er að halda upp á vel-
gengni sína við samningaborðið í
lok ferðarinnar hittir hann gullfal-
lega, unga, kínverska konu og
morguninn eftir vaknar hann upp
við hlið hennar látinnar.
Hann er sakaður um nauðgun og
morð. Jack Moore situr fastur í
gildru réttarkerfis þar sem menn
njóta ekki þess réttar að teljast
saklausir uns sekt er sönnuð og á
sér enga von aðra en þá að kín-
verski lögfræðingurinn, sem trúir á
sakleysi hans (Lin Bai), geti forðað
honum frá dauðadómi. Asamt
henni verður Moore að komast að
rótum þess samsæris sem hefur
fangað hann í vef sinn.
Leikstjórinn Jon Avnet, sem áð-
ur hefur m.a. leikstýrt Fried Green
Tomatoes, Up Close and Personal
og Risky Business, lenti í vanda-
málum í Beijing þegar hann var að
kynna sér aðstæður með kvik-
myndatökur á staðnum í huga.
Vopnaðir verðir komu í veg fyrir að
hann tæki ljósmyndir í dómhúsi í
borginni.
Avnet segist hafa verið hlutlaus
gagnvart málefnum Kína þegar
hann kom til landsins en eftir dvöl-
ina var hann sannfærður baráttu-
maður gegn alræðisstjórninni.
I Red Corner eru meðal annars
notaðar fréttamyndir frá opinberri
aftöku í Kína og myndir af fram-
ferði stjórnarhersins á Torgi hins
himneska friðar þar sem 1.000 ung-
menni voru skotin til bana og
kramin undir beltum skriðdreka.
í nýlegri umfjöllun í bandaríska
tímaritinu Business Week er því
haldið fram að kínversk stjórnvöld
hafi tekið við af Sovétríkjunum
sem óvinur Hollywood nr. 1. Þá er
vísað til allra myndanna sem gerð-
ar hafa verið um hernám Tíbets
undanfarið, mynda á borð við
Seven Years in Tibet og Kundun.
Pað fer vel á því að færa í tal
Tíbet og Kína þar sem Richard
Gere er annars vegar. Gere er op-
inber talsmaður Dalai Lama, hins
útlæga leiðtoga andlegs samfélags
Tíbeta, í Bandaríkjunum. Árið 1993
vakti Gere heimsat-
hygli þegar hann mis-
notaði tækifæri það
sem honum gafst til
að afhenda Óskars-
verðlaun í beinni út-
sendingu til milljarðs
manna og notaði það
tilefni til að vekja at-
hygli á hernámi Kín-
verja í Tíbet og hvetja
fólk til þess að sjá í
gegnum tilraunir kín-
versku alræðisstjórn-
arinnar til að koma
sér í mjúkinn hjá
bandarískum stjórn-
völdum.
A sínum tíma var
talið að Gere yrði útskúfað fyrir
uppátækið en síðan hafa hlutirnir
þróast honum í hag og nú er mál-
staður Tíbeta í mikilli tísku í
Hollywood.
I Red Corner er hvergi minnst á
Tíbet en Richard Gere segir að
engu að síður séu tengslin augljós
og að hann hafi leikið í myndinni til
að vekja athygli á málstaðnum.
„Þetta er nýtt sjónarhorn á Tí-
bet-málið,“ sagði hann í viðtali við
Boston Herald. „Þegar menn eru
að segja sögu af réttarkerfinu í
Kína er um leið verið að segja sögu
af ástandinu í nýlendum Kínverja.
Ef ástandið er svona slæmt í Kína,
ímyndaðu þér þá hvernig það er í
Tíbet.“
Gere, sem iðkar innhverfa íhug-
un að hætti búddista a.m.k. tvisvar
sinnum á dag í fjörutíu og fimm
mínútur í hvort skipti, talar einnig
um að það hafi verið sér andleg
reynsla að sitja tímunum saman
nakinn í fangaklefa meðan á tökum
stóð.
„Það voru þau atriði sem ég naut
einna mest að vinna við þrátt fyrir
allt. Mér leið vel, þetta var eins og
að dvelja í kytru munks,“ segir
leikarinn, sem alla marsmánuði
dvelst í Indlandi við
andlega iðkan undir
leiðsögn Dalai Lama.
„Þetta er það sem ég
hef verið að reyna í
minni andlegu ástund-
un, að afklæðast venj-
um, varpa af mér eins
og klæðnaði frægðinni
og öllum þessum ytri
táknum, sem skipta
engu máli.“
Gere, sem er stjama
kvikmynda á borð við
An Officer and a
Gentleman, American
Gigolo, Pretty Woman
og slðast Jackal, segist
vera búddisti fyrst og
leikari síðan. Búddisminn og mál-
staður Tíbeta sé köllun hans í lífinu
en leiklistin lifibrauð, sem færi
honum það vald og þá opinberu at-
hygli sem hann þarf til að sinna
köllun sinni af krafti. Með hlutverk
verjanda hins nauðstadda banda-
ríska lögfræðings í myndinni fer
hin kínverska Bai Ling, lítið þekkt
leikkona, sem er sögð hafa verið
ein mótmælendanna á Torgi hins
himneska friðar.
Hún er nú sögð súpa seyðið af
þátttöku sinni í myndinni og í við-
tölum sem tekin voru við frumsýn-
ingu myndarinnar segist hún búast
við því að verða gerð brottræk úr
heimalandi sínu fyrir aðild að
henni.
Jon Avnet leikstýrir
Red Corner.
NONAME
' COSMETICS-----------
Snyrtivörukynning í dag kl. 14-18.
Silla förðunarfræðingur kynnir
HoSame andiit ársins og gefur ráðleggingar.
SPES, HÁALEITISBRAUT 58-60, SÍMI 581 3525
AFFL
Stórdansleikur um helgina
Hljómsveitin Svartur ís
leikur með aðalsöngvara Platters
í broddi fylkingar fyrir dansi
föstudags- og laugardagskvöld.
Missið ekki af þessu tækifæri.
Sigrún Eva, Þórir og Þröstur
halda uppi fjörinu á sunnudagskvöld.
Heitasti staðurinn í bænum!
KVIKMYNDIR/STJÖRNUBÍÓ hefur tekið til sýninga spennandi gaman-
mynd, 8 Heads in a Duffelbag með Joe Pesci, Kristy Swanson, David
Spade, Andy Comeau, Dyan Cannon og George Hamilton í aðalhlutverkum.
Höfuðlausn
leigumorð-
ingjans
Atvinnuglæpamaðurinn og
leigumorðinginn Tommy
Spinelli (Joe Pesci) þarf að
vinna rútínuverk. Hann þarf að
mæta til guðföðurins síns með sönn-
unargögn um að hann hafí lokið við
átta síðustu verkefnin sem hann tók
að sér. Venju samkvæmt pakkar
hann höfðum fórnarlambanna niður
í poka og kaupir sér flugfar. Hann
segist ekki vera með neinn farang-
ur, aðeins handfarangur en starfs-
fólk flugfélagsins heimtar að hann
skilji pokann við sig.
Þá byrja vandræðin. Sessunautur
Tommys í flugvélinni er skólastrák-
urinn Charlie (Andy Comeau), sem
talar og talar á leiðinni. Þegar vélin
lendir í San Diego gerist það svo að
Charlie tekur pokann með hausun-
um í misgripum og heldur með
hann í farangrinum til móts við
kærustuna sína (Kristy Swanson)
og foreldra hennar (Dyan Cannon
og George Hamilton) en með þeim
ætlar hann í frí til Mexíkó.
Nú er Tommy í vondum málum
en hann hefur upp á herbergisfélög-
um Charlies (David Spade) og
heimtar það sem honum ber, annars
fái fleiri hausar að fjúka.
Leikstjóri og handritshöfundur-
myndarinnar heitir Tom Sehulman.
Aðalleikendurnir eru góðkunnir.
Joe Pesci hefur slegið í gegn í
TOMMY (Joe Pesci) pakkar niður fyrir flugferðina
örlagaríku til San Diego.
HERBERGISFÉLAGAR Charlies, David Spade og Todd Louiso lenda
í vondum málum þegar Tommy leitar að Charlie og týndu hausunum.
myndum á borð við My Cousin
Vinny, Private Eye og GoodFellas.
David Spade lék í Sex, lies and vid-
eotape og White Palace svo eitthvað
sé nefnt. Gömlu brýnunum Dyan
Cannon og George Hamilton bregð-
ur þarna einnig fyrir ásamt smá-
stiminu Kristy Swanson.