Morgunblaðið - 17.04.1998, Blaðsíða 67
FOLK I FRETTUM
MORGÚNBLAÐIÐ
FÖSTUDAGUR 17. APRÍL 1998 67
„Karlkyns-
þungun“
► NÝ sýning var opnuð á Vís-
indahátíð Edinborgar á dögunum
og mátti finna þar ýmislegt liarla
óvenjulegt. Dr. Tom Pringle er
hér með gegnsæju „karlkyns-
þungunina“ sem hann hannaði í
tilefni sýningarinnar. Sýningin
kallast „Dr. Bunliead’s Chem-
istry of Love“ og er ætlað að
fjalla um mikilvæg félagsleg mál
sem tengjast bamsburði.
FÖSTUDAGSMYNDIR SJONVARPSSTOÐVANNA
MYND KVOLDSINS:
Stöð 2 ► 20.55 Klikkaði
prófessorinn (The Nutty
Professor ‘96). Sjá umfjöllun í
ramma.
Sjónvarpið ►21.10 Kavanagh
lögmaður: Blóðpeningar
(Kavanagh Q.C. - Blood Money)
(‘97). Frumsýning á sjónvarpsmynd
í myndaröð um lögmanninn
Kavanagh. Sækir mál fyrir konu
sem missti mann sinn í
skurðaðgerð.
Sjónvarpið ► 22.30 í leit að
réttlæti (Quest for Justice) (‘97)
fannst eftir mikla leit undir nafninu
Passion for Justice: The Hazel
Brannon Story, á einum stað,
IMDb. Enginn notandi hafði lagt
dóm á þessa sjónvarpsmynd, sem
er ein af nokkrum sem James
Keach (bróðir Stacey) hefur
leikstýrt með konu sinni, Jane
Seymour, í aðalhlutverki. Hér
leikur hún blaðakonu sem flækist í
óþægileg mál sem varða
kynþáttamisrétti í Suðurríkjunum á
sjöunda áratugnum. Ég veðja ekki
á hana.
Stöð 2 ► 22.40 Auga fyrir auga
(Eye for an Eye) (‘96). Það örlar
ekki á fomri frægð leikstjórans,
Johns Schlesingers, í nýjustu
myndinni hans. Sally Field fer með
aðalhlutverk ósköp venjulegrar
konu sem missir áttirnar þegar
dóttur hennar er nauðgað og hún
myrt. Gerist refsivöndur
réttlætisins. Illþolandi mjmd með
góðum mannskap (Ed Harris, Joe
Mantegna), sem fer í súginn. ★★
Sýn ► 23.30 Spennumyndin
Samtökin (Cartel) (‘90) fær vonda
dóma í All Movie Guide sem gefur
★. Michael O’Keefe leikur
fyrrverandi hermann í útistöðum
við Mafíuna. Kunnuglegt. Með
tveimur, góðum Hollywoodskúrkum
frá fyrri tíð; William Smith og Don
Stroud.
Stöð 2 ► 0.35 Enn ein
endursýning í loft upp (Blown
Away) (‘95), um refskák írsks
hryðjuverkamanns (Tommy Lee
Jones) og sprengjusérfræðings
lögreglunnar í Boston (Jeff
Bridges). ★★%
Stöð 2 ► 2.35 Síðasta mynd
kvöldsins, Við rætur eldfjallsins
(Under the Volcano) (‘84) ★★★, er
ein af athyglisverðari seinni
myndum Johns Hustons. Við AI
segjum m.a. í
Myndbandahandbókinni: „Það á
ekki illa við að hinsta dag
útbrunninnar fyllibyttu,
menntamanns og ræðismanns hans
hátignar í bæ í Mexíkó (Albert
Finney), ber uppá allra heilagra
messu - dag hinna dauðu. Kona
hans (Jacquline Bisset) er komin til
hans aftur og reynir hvað hún
getur, ásamt bróður hans (Anthony
Andrews), að stöðva þennan
virðulega drykkjurút á hraðferð
hans til glötunnar. Huston tókst
það sem flestir töldu ógerlegt, að
kvikmynda þetta kunna verk
Malcolms Lowrys. Vissulega er
handritið bókmenntalegt en
fumlaus leikstjórn og afburðaleikur
Finneys gera myndina að
eftirminnilegri sorgarsögu um
fagra drauma, sokkna i tequila, og
sjálfseyðingarhvöt svo sterka, að
jafnvel ástin fær engu áorkað.“
Sæbjörn Valdimarsson
Spaugari í sjö gervum
Stöð 2 ►20.55 Gamanmyndin Klikkaði prófessorinn
(The Nutty Professor ‘96) er endurgerð myndar með sama
nafni, sem sprellarinn Jerry Lewis skrifaði, leikstýrði og
lék í aðalhlutverkið árið 1963. Þá breyttist prófessorinn í
poppstjömu. Eddie Murphy, með hjálp kraftaverka nútíma
kvikmyndatækni, bætir um betur og leikur heila hjörð
persóna. Fyrst og fremst feitan og feiminn prófessor sem
kemst yfir töfraformúlu sem breytir honum í andstæðu
sína, tággrannt stertimenni og kvennabósa. Murphy lætur
ekki þar við sitja, heldur leikur hann m.a. allar persónumar
í fjölskylduboði. Myndin er oftast fyndin, Murphy er mikil
hermikráka og alltaf skemmtilega kotroskinn. Hann hefur
þægilega framkomu og er einkar létt að fíflast með
smitandi árangri, en hefur því miður tæpast leikið í
myndum honum samboðnum í árafjöld. Þessi mynd hífði
hann aftur upp úr meðalmennskunni og færði honum
aðalhlutverkið í endurgerð Dr. Doolittle, sem vafalaust
verður einn af sumarsmellunum í ár.