Morgunblaðið - 17.04.1998, Blaðsíða 33
MORGUNBLAÐIÐ
FÖSTUDAGUR 17. APRÍL 1998 33
LISTIR
Vortónleikaröð
Karlakórs Selfoss
Selfossi. Morgnnblaðið.
ÞAÐ ER mikið starf framundan
hjá Karlakór Selfoss, sem er um
þessar mundir að heíja sína ár-
legu vortónleikaröð, og verða
tónleikar kórsins á eftirtöldum
stöðum: Fjölbrautaskóla Suður-
lands á Selfossi fimmtudaginn
23. apríl kl. 20.30, Þorlákskirkju,
Þorlákshöfn, sunnudaginn 26.
apríl kl. 16.00, Selfosskirkju
föstudaginn 1. maí kl. 20.30, fé-
lagsheimilinu Flúðum laugardag-
inn 2. maí, þar sem Karlakór
Hreppamanna kemur einnig
fram og syngur nokkur lög. Síð-
ustu tónleikarnir verða síðan í
Vestmannaeyjum laugardaginn
13. maí.
Söngstjóri kórsins er Ólafur
Sigurjónsson og undirleikari Hel-
ena Káradóttir. Einsöngvarar á
tónleikunum eru Helgi Helgason,
Gylfi Þ. Gíslason og Þorvaldur
Guðmundsson. Tvísöngur er í
höndum þeirra Sigurðar Karls-
sonar og Jónasar Lillendahl ann-
ars vegar og Sigurdórs Karlsson-
ar og Ölafs Björnssonar hins veg-
ar. A efnisskrá tónleikanna eru
m.a. lög eftir Björjgvin Þ. Valdi-
marsson, Sigurð Agústsson, Loft
S. Loftsson, Pálmar Þ. Eyjólfs-
son, Ólaf „Labba“ Þórarinsson
og Asbjörn „Bubba“ Morthens.
í haust er síðan fyrirhuguð
tónleikaferð til Þýskalands og
mun kórinn dvelja þar í níu daga
við tónleika- og skemmtanahald.
Morgunblaðið/Sig. Fannar
KARLAKÓR Selfoss ásamt Ólafi Sigurjónssyni stjórnanda og Helenu Káradóttur undirleikara.
Að elska guð sinn herra
VALDIMAR Leifsson kvikmyndagerðarmaður og
Ari Trausti Guðmundsson jarðfræðingur.
Alþjóðleg kvikmyndahátíð á Ítalíu
Þórsmörk - í skjóli jökla
valin til sýningar
MYND Valdimars Leifssonar kvik-
myndagerðarmanns Þórsmörk - í
skjóli jökla hefur verið valin til sýn-
ingar á alþjóðlegri kvikmyndahátíð
á Italíu.
Hátíðin nefnist International
Filmfestival of Mountains, Ex-
ploration and Adventure „Citta di
Trento" og er nú haldin í 46. skipti í
borginni Trento, dagana 24. apríl til
2. maí.
Myndirnar sem sýndar eru á há-
tíðinni eru eftir kvikmyndagerðar-
menn hvaðanæva úr heiminum og
er keppt um bestu myndina.
Það var fjrir atbeina vinafélags
Ítalíu og íslands, Associazione
Amici Dell’Islanda, sem Valdimar
var boðið að senda mynd í keppnina.
Hann valdi nýjustu náttúrulífs-
mynd sína, myndina um Þórsmörk,
en handrit hennar og texta vann Ari
Trausti Guðmundsson jarðfræðing-
ur. Þórsmörk - í skjóli jökla var
frumsýnd í Sjónvarpinu á pálma-
sunnudag.
ERLENDAR
BÆKUR
Spennusaga
MAÐURINN SEM ELSKAÐI GUÐ
William X. Kienzle: „The Man
Who Loved God“. Ballantine
Books 1998. 304 sfður.
FAÐIR Koesler er aðalpersónan
í næstum því tveimur tugum
spennusagna eftir bandaríska rit-
höfundinn William X. Kienzle. Sú
nýjasta heitir Maðurinn sem elskaði
guð eða „The Man Who Loved
God“. í þessari bók fer faðir
Koesler, sem er kaþólskur prestur
með sérstakan áhuga á einkaspæj-
arastörfum, illu heilli í frí og það má
vel vera ástæðan fyrir því að sagan
er með öllu óspennandi og lang-
dregin. Sá sem leysir hann af í
sókninni er faðir Zaehary Tully,
hálfbróðir Aionzo Tullys, lögreglu-
mannsins sem Koesler er vanur að
aðstoða. Er nýi presturinn með öllu
óspennandi persóna og málið sem
hann rannsakar með bróður sínum
svo útflatt að það verður lítt áhuga-
vert.
William X. Kienzle er fyrrum
prestur sem snúið hefur sér að
sakamálskrifum og nýtir mjög
þekkingu sína á biblíusögunum og
störfum presta í bókum sínum lík-
lega á svipaða vegu og John Gris-
ham notfærir sér þekkingu á lög-
fræði í bókaskrifum sínum; Kienzle
fmnur reyndar fyrirmynd þessarar
sögu sinnar í frásögnum um Davíð
konung. Presturinn er nú hættur að
þjóna fyrir altari og hefur alfarið
snúið sér að bókaskrifum en fyrsta
sagan sem hann reit vakti talverða
athygli. Hún hét „The Rosary
Murders" og var kvikmynduð á sín-
um tíma með að mig minnir Donald
Sutherland í aðalhlutverki. Síðan
hefur hver sagan komið frá honum
á fætur annarri og sumar orðið met-
sölubækur. Hann býr í bílaborginni
Detroit þar sem aðalpersóna hans,
faðir Koesler, er prestur.
I Manninum sem elskaði guð seg-
ir frá þvf þegar Zachary Tully leysir
föður Koesler af hólmi og kynnist
vinalegum bankaeiganda, sem hann
skrýðir þakklætisorðu kirkjunnar
fyrir góðgerðarstarfsemi. Við það
sama tækifæri tekur hann eftir því
þegar gullfalleg kona læðir litlum
pappírsmiðum til bankaeigandans
og þríggja af framkvæmdastjórun-
um í bankanum hans en lesendur
hafa fengið að vita að á miðunum
stendur að konan sé ólétt eftir ein-
hvern af þessum fjórum mönnum.
Hún hefur haldið framhjá eigin-
manni sínum, enn einum starfs-
manni bankans, með þeim öllum og
hyggst nú konan láta hvern og einn
halda sér uppi ríkulega eftir að
barnið er fætt. Skömmu síðar er
eiginmaður hennar myrtur og hún
sjálf lent í nokkurri hættu og berast
böndin vitanlega að eiganda bank-
ans og framkvæmdastjórunum
hans.
Kannski helsti gallinn við söguna
sé sá að hin nýja aðalpersóna
Kienzle er ákaflega lítilfjörlegur og
meinlaus prestur sem hefur yndi af
að láta bjóða sér í mat og sitja og
skrafa fram eftir öllu. Því miður
finnst Kienzle eins og hann þui’fi
endilega að skrifa allt það niður sem
fram á varir hans kemur og það
verður heldur' leiðinlegur lestur
þegar til lengdar lætur ef ekki hrút-
leiðinlegur. Bókin er nær eingöngu
byggð upp á samtölum sem eru ekki
sérlega skemmtileg, næstum alfarið
laus við húmor og dragast óþarflega
mikið á langinn á kostnað fram-
vindu sögunnar.
Aðrar persónur sögunnar eru svo
sem ekki mikið áhugaverðari og
þegar við bætist að Kienzle hefur
ekki lagt nokkra áherslu á að búa til
spennu af neinni sort er fátt eftir
sem gleður lesandann.
Arnaldur Indriðason
STOLT O K l< A R ALLRA
HOFUÐBORG NORÐUR ATLANDSHAFSINS ^
^REYKJAVIK
Nýtt byggingarsvæði á uppfyllingu
fró Granda út að Akurey í vestur
Nýtt hafnarsvæði
A'
Hótel Borg
Sunnudaginn 19 apríl
MfÐBORGAR
RAÐSTEFNA
DAGSKRA
Hótelturnar
á uppfyllingum
norðan Sæbrautar
12:30 Aðalfúndur Miðborgarsamtaka Reykjavíkur.
Samkeppni í verslun, markaðssetning, umferð, bílastæðamál og fleira.
Kl. 12:30- 13:00 Matarhlé.
Kl. 13:00 - 13:45 Skipulag höíúðborgarsvæðisins og miðborgarinnar, nýtt 25.000 manna
miðborgarhverfi, nýtt stofnbrautakerfi, nýr nútímalegur miðborgarhluti.
- Öm Sigurðsson, arkitekt
- Gestur Ólafsson, arkitekt og skipulagsfræðingur
- Þorsteinn Þorsteinsson, lektor og verkfræðingur
“A strategy for Reykjavík city centre” Bemard Engle archit. and planners
- Edda Sverrisdóttir, varaformaður Miðborgarsamtaka Reykjavíkur
Kaffihlé.
Stefna Miðborgarsamtaka Reykjavíkur.
- Guðmundur G. Kristinsson, formaður Miðborgarsamtaka Reykjavíkur.
Framboðslistar í Reykjavík kynna stefnu sína í miðborgarmálum.
Þróunarfélag Reykjavíkur
-Jóhann J. Olafsson, kaupmaður.
Opnar umræður og fyrirspumir. Ráðstefnustjóri
Kl. 13:45-14:05
Kl. 13:55-14:05
Kl. 14:05 - 14:25
Kl. 14:25 - 15:05
Kl. 15:05-15:12
Kl. 15:12-15:55
Kl. 15:55-16:00
Ráðstefhulok.
Ágústina Ingvarsdóftir