Morgunblaðið - 16.09.2005, Blaðsíða 57

MORGUNBLAÐIÐ FÖSTUDAGUR 16. SEPTEMBER 2005 57
ÞÓ EKKI kannist kannski allir við nafnið
Páll Torfi Önundarson þá hefur maðurinn
sá verið ansi lengi að fást við og gefa út
tónlist, eða yfir þrjátíu ár. Á þessum tíma
hefur hann leikið með hinum ýmsu hljóm-
sveitum, s.s. Diabolus in Musica, JB blús-
bandinu og Combó Jóhönnu Þórhalls svo
einhverjar séu nefndar. Hann sendi nýverið
frá sér plötuna Jazzskotin með eigin lögum
sem eru, eins og nafnið gefur til kynna,
djassskotin þótt daðrað sé við fleiri
tónlistarstefnur.
Það verður að segjast, að hér á þessari
plötu er valinn maður í hverju rúmi, einvala
lið reynslubolta sem allir skila sínu af stakri
prýði. Hljóðfæraleikur, sem og flutningur
allur, er með eindæmum. Sjálfur er Páll
Torfi afbragðs gítarleikari, sérlega leikinn á
hinn „akústiska“ gítar sem hann kýs svo að
kalla. Einn er það þó flytjenda, sem að öðr-
um ólöstuðum, stendur uppúr, en það er
Páll Óskar Hjálmtýsson. Hann sýnir það
hér enn og aftur hversu afburða góður
söngvari hann er, sér í lagi í glæsilegri
djassvalsnálgun Páls Torfa á Stökum
(„Enginn grætur Íslending“) Jónasar Hall-
grímssonar. „Ensk manvísa frá 14. öld“,
einnig í flutningi Páls
Óskars, er líka mjög
smekkleg lagsmíð
með skemmtilega
angurværu gítarspili.
„Í gömlum Skóda“ og
„Vetrarmorgunn“ eru
róleg og tregablandin
í frábærum flutningi
Ellenar Kristjánsdóttur, eins og hennar er
von og vísa. „Vetrarmorgunn“ er glæsilegt
lag sem í óaðfinnanlegum flutningi Ellenar
verður að djass-standard eins og þeir ger-
ast bestir. „Kristnir menn og márar“, með
sínum spænska blæ, er einkar gott og fer
Jóel Pálsson þar algjörlega á kostum á
sópransaxófón. Framangreind lög eru þau
rismestu plötunni, önnur ná sér einfaldlega
ekki á flug þó sum þeirra hafi sitthvað til
sína ágætis, en mismikið þó. Í lögunum
„Um verkun saltfisks“ og „Nærmynd“ er
t.d. ekki laust við að maður fái það sterk-
lega á tilfinninguna að hér séu Millj-
ónamæringar á ferð, sem er miður.
Helsti styrkur plötunnar er kannski líka
hennar stærsti veikleiki; allt er svo ótrúlega
pottþétt, spilamennska og flutningur lýta-
laus, hljómur og hljóðblöndun eins og best
verður á kosið og lagasmíðar góðar. Allt
þetta gerir það að verkum, með nokkrum
undantekningum þó, að tónlistin verður ein-
hvern veginn dauðhreinsuð, og missir þar af
leiðandi sálina, sjálfan grunntónninn. Velta
má fyrir sér hvort það sé hinn klíníski bak-
grunnur tónlistarmannsins, sem veldur. Það
er einhvern veginn þannig, þegar hlutir eru
skilgreindir í þaula, njörvaðir niður í fyr-
irfram ákveðnar formúlur, þá er fátt eftir
sem komið getur á óvart.
Kannski var það heldur aldrei ætlunin, en
útkoman er þrátt fyrir allt áferðarfalleg og
hljómþýð plata.
Smekklegt en
sótthreinsað
TÓNLIST
Geisladiskur
Út er komin ný plata með Páli Torfa Önundarsyni,
sem nefnist Jazzskotin. Hér flytur Páll Torfi eigin lög
við ljóð og texta ýmissa höfunda. Hljóðfæraleikarar
eru, auk Páls sjálfs, sem leikur á gítar, Tómas R. Ein-
arsson (kontrabassi), Matthías Hemstock (áslátt-
ur), Eyþór Gunnarsson (píanó), Jóel Pálsson (sópr-
an- og tenórsaxófónar), Þórður Árnason (gítar) og
Þórir Baldursson (Hammond-orgel). Söngvarar eru
Ellen Kristjánsdóttir, Kristjana Stefánsdóttir, Páll
Óskar Hjálmtýsson og Ragnheiður Gröndal. Upp-
tökur og hljóðblöndun fóru fram í hljóðveri FÍH, upp-
tökustjóri Þórir Baldursson. Útgefandi er Dr. Blood,
dreifing Zonet.
Páll Torfi Önundarson – Jazzskotin

Grétar M. Hreggviðsson

S.V. / Mbl.

KRINGLAN
Með hinum eina sanna Johnny Depp (“Pirates of
the Caribbean”) og frá snillingnum Tim Burton
kemur súkkulaðiskemmtun ársins.
LANG VINSÆLASTA MYNDIN Á ÍSLANDI Í DAG
Búið ykkur undir bragðbestu skemmtun ársins.
Kalli og sælgætisgerðin
TOPP5.IS
KVIKMYNDIR.COM
KVIKMYNDIR.IS
H.J. / Mbl.
Ó.H.T. / RÁS 2
DV
NÝ GAMANMYND FRÁ LEIKSTJÓRA ÍSLENSKA
DRAUMSINS OG MAÐUR EINS OG ÉG
I Í
I I
CHARLIE AND THE kl. 4 - 6.15 - 8.15 - 10.30
SKY HIGH kl. 4 - 6.10 - 8.15 - 10.30
STRÁKARNIR OKKAR kl. 8.30 - 10.30 B.i. 14 ára.
RACING STRIPES m/ísl.tali. kl. 4 - 6.10
Frábær leikin ævintýramynd
frá Disney hlaðin ótrúlegum
flottum tæknibrellum í anda
“The Incredibles”
DISNEY
ÁLFABAKKI
THE CAVE kl. 6.15 - 8.20 - 10.40 B.i. 16 ára.
THE CAVE VIP kl. 8.20
SKY HIGH kl. 3.50 - 6 - 8.15 - 10.30
THE 40 YEAR OLD VIRGIN Forsýning kl. 10.30
THE 40 YEAR OLD VIRGIN Forsýning í Lúxus VIP kl. 10.30
HERBIE FULLY LOADED kl. 3.50
MADAGASCAR m/ísl.tali. kl. 4
CHARLIE AND THE kl. 3.30 - 6 - 8.15 - 10.30
CHARLIE AND THE VIP kl. 3.30 - 6
STRÁKARNIR OKKAR kl. 6 - 8 - 10.10 B.i. 14 ára.
DUKES OF HAZZARD kl. 8.15
RACING STRIPES m/ensku.tali. kl. 6
RACING STRIPES m/ísl.tali. kl. 4
JOHNNY DEEP
Sýningartímar sambíóunum
SÍÐUMÚLA 37 - SÍMI 510 6000 - WWW.SVAR.IS