Morgunblaðið - 16.09.2005, Blaðsíða 16

16 FÖSTUDAGUR 16. SEPTEMBER 2005 MORGUNBLAÐIÐ
ERLENT
ÚR VERINU
HEILDARAFLI íslenskra skipa í
nýliðnum ágústmánuði var tæp
83.000 tonn sem er rúmlega 5.700
tonnum meiri afli en í ágústmánuði
2004 en þá veiddust ríflega 77.200
tonn. Milli ágústmánaða 2004 og
2005 dróst verðmæti fiskaflans sam-
an, á föstu verði ársins 2003, um
6,2%. Það sem af er árinu 2005 hefur
verðmæti fiskaflans, á föstu verði
ársins 2003, dregist saman um 1,7%
miðað við árið 2004 samkvæmt upp-
lýsingum Hagstofunnar.
Botnfiskafli var 36.300 tonn sam-
anborið við tæp 38.000 tonn í ágúst-
mánuði 2004 og dróst því saman um
tæp 1.700 tonn. Þorskafli var tæp-
lega 11.900 tonn en liðlega 13.600
tonn bárust á land í ágúst 2004 og er
það samdráttur um 1.700 tonn. Af
ýsu veiddust tæp 6.300 tonn en í
fyrra nam aflinn 5.300 tonnum og er
það aukning um tæp 1.000 tonn milli
ára. Úthafskarfaafli var yfir 8.000
tonn í fyrra en í ágústmánuði í ár
nam hann tæpum 3.000 tonnum og
hefur því dregist saman um tæp
5.100 tonn. Flatfiskafli var rúm 1.600
tonn og dróst saman um ríflega 800
tonn frá ágústmánuði 2004. Grálúðu-
aflinn nam ríflega 700 tonnum sem
er tæpum 800 tonnum minni afli en í
sama mánuði í fyrra.
Afli uppsjávartegunda nam 42.900
tonnum, þar af nam síldarafli rúmum
38.600 tonnum og kolmunnaafli 4.000
tonnum. Í samanburði við afla ágúst-
mánaðar 2004 er aukning í síldarafla
rúm 18.700 tonn en kolmunnaaflinn
dróst saman um ríflega 8.700 tonn.
Skel- og krabbadýraafli var rúm
2.000 tonn samanborið við tæplega
4.200 tonna afla í ágúst 2004. Afla-
samdráttur í rækju nam tæplega
1.700 tonnum milli ára.
1,4 milljónir tonna
Heildarafli íslenskra skipa það
sem af er árinu 2005 nemur 1.337.900
tonnum og er það tæplega 32.800
tonnum meiri afli en á sama tímabili
ársins 2004. Botnfiskafli var tæp
337.700 tonn sem er um 7.100 tonna
aukning frá fyrra ári. Þorskafli er
hins vegar 10.600 tonnum minni en í
fyrra. Flatfiskafli er rúmum 2.500
tonnum minni en uppsjávarafli jókst
um tæp 43.900 tonn milli ára. Nemur
aukningin í síldarafla 23.000 tonnum
og aukning í loðnuafla var 77.700
tonn en kolmunnaafli dróst saman
um tæp 57.100 tonn. Þá hefur skel-
og krabbadýraafli dregist saman um
rúm 15.600 tonn.
Aflaheimildir vel nýttar
Bráðabirgðatölur um nýtingu afla-
marks aflamarkstegunda fiskveiði-
ársins 2004/2005 sýna áþekkar nið-
urstöður og árið á undan, samkvæmt
upplýsingum frá Fiskistofu. Talsvert
aflamark í loðnu og úthafsrækju fell-
ur niður ónýtt í lok fiskveiðiársins.
Afli í grálúðu og ýmsum kolategund-
um var líka minni en úthlutað afla-
mark ársins. Eftirstöðvum afla-
marks botnfisktegunda er að
ákveðnu marki heimilt að breyta í
aflamark annarra botnfisktegunda.
Auk þess er heimilt að flytja afla-
mark milli fiskveiðiára. Fyrir um-
framaflamarkið var greitt með afla-
marki í öðrum botnfisktegundum,
t.d. var greitt með aflamarki í skráp-
flúru. Í heildina voru raunar afla-
heimildir ársins vel nýttar og er
minna aflamark í botnfiski flutt til
fiskveiðiársins 2005/2006 en oftast
áður.
Þorskafli á fiskveiðiárinu var ríf-
lega 209.000 tonn, 4.000 tonn um-
fram útgefnar aflaheimildir. Ýsuafli
var 97.400 tonn, sem er 7.400 tonn
umfram aflamarkið. Skýringin á um-
framafla getur hvort tveggja í senn
verið flutningur aflaheimilda frá
fyrra fiskveiðiári eða flutningur milli
tegunda. Ufsaafli var tæp 1.000 tonn
umfram og af karfa veiddust tæp
4.000 tonn umfram útgefið aflamark.
Fiskaflinn nokkru meiri en í fyrra
LIÐSMENN samtaka græningja efndu til mótmæla við forsetahöllina í Buenos Aires, höf-
uðborg Argentínu, í gær til að krefjast þess að hætt verði við áætlun um að selja og nýta
náttúruverndarsvæði í Salta í norðanverðu landinu. Fólkið bar mörgæsagrímur en forseti
landsins, Nestor Kirchner, hefur sjálfur lýst sér sem „mörgæs frá Patagóníu“ sem er
heimahérað hans, syðst í landinu.
Reuters
Mörgæsir segja nei
Peking. AP. | Viðræður sem miða að því að fá
Norður-Kóreu til þess að falla frá kjarnorku-
áætlun sinni hafa lítinn árangur borið. Stjórnvöld
í Norður-Kóreu og Bandaríkjunum deildu í gær
hart á fundinum í Peking, höfuðborg Kína, um þá
kröfu Norður-Kóreumanna að fá aðstoð við að
reisa svonefndan léttvatnskjarnaofn, sem stjórn-
völd þar segjast ætla að nota til framleiðslu raf-
magns.
Bandaríkjamenn vilja fá tryggingu fyrir því að
stjórn kommúnistaleiðtogans Kim Jong-Il í
Pyongyang leggi á hilluna áætlanir um að smíða
kjarnorkuvopn en norður-kóreskir ráðamenn
hafa stært sig af því að eiga þegar slík vopn.
Sex ríki, Bandaríkin, Norður-Kórea, Suður-
Kórea, Japan, Rússland og Kína, taka þátt í við-
ræðunum sem hafa staðið í tvo daga. Sagði Hyun
Hak Bong, talsmaður Norður-Kóreu, að ósam-
komulagið um kjarnaofninn hefði komið í veg
fyrir að árangur næðist á fundinum, en hann stóð
í eina og hálfa klukkustund.
Rætt hefur verið um að veita Norður-Kóreu
efnahagsaðstoð, Bandaríkin hafa heitið því að
gera ekki árás á landið og Suður-Kóreumenn
hafa boðið þeim ókeypis rafmagn, hætti þeir við
framleiðslu kjarnavopna.
„Það eru enn mikil ágreiningsefni óleyst í sum-
um málum,“ sagði Liu Jianchao, utanríkisráð-
herra Kína, eftir að fulltrúum á fundinum mis-
tókst að finna málamiðlun.
Viðræður um
kjarnavopn ganga illa
N-Kóreumenn neita að falla frá kjarnorkuáætlun