Morgunblaðið - 16.09.2005, Blaðsíða 49

MORGUNBLAÐIÐ FÖSTUDAGUR 16. SEPTEMBER 2005 49
DAGBÓK
Samtökin Forma, samtök átrösk-unarsjúklinga á Íslandi, halda á morg-un, laugardag, málþing undir heitinuÍmynd 2005. Að samtökunum Forma
standa Edda Ýrr Einarsdóttir og Alma Geir-
dal.
„Við erum báðar búnar að ganga í gegnum
sjúkdóminn og málþingið er fyrst og fremst
haldið til að fá rétta umfjöllun um hann og
vekja fólk í landinu til umhugsunar,“ segir
Alma. „Þá viljum við fá fólk, sem málið kemur
við, til dæmis landlækni og heilbrigðisráðherra,
til að láta eitthvað fara að gerast í málefnum
átröskunarsjúklinga. Þetta er lífshættulegur
sjúkdómur og hærri dánartíðni af hans völdum
hjá konum á aldrinum 13 til 26 ára en af
krabbameini.“
Alma bendir á að hér á landi sé ekki hægt að
fá neina heildstæða meðferð við átröskun og
því hefur hún fengið fyrirlesara frá dönsku
meðferðarheimili til að tala á málþinginu.
„Við höfum hér Karen Bro frá meðferð-
arheimilinu Abegg og Bro í Danmörku,“ segir
hún. „Við kynntum okkur meðferðarheimili í
nágrannalöndum okkar og völdum þetta því að
við vorum mjög ánægðar með þá starfsemi sem
þar er rekin. Þær reka það tvær, Theresa
Abegg, og Karen Bro. Þeim leist vel á okkar
starfsemi og voru tilbúnar til að taka þátt í
þessu með okkur. Karen flytur fyrirlestur, sem
heitir Hinn viðkvæmi hugur átröskunar – mik-
ilvægi skilnings og þolinmæði. Hún sýnir fram
á hve mikilvægt er að hafa meðferðarheimili,
en þau eru ekki fyrir hendi hér á landi. Þær
bjóða upp á ítarlega meðferð, sem snýst um að
ná framförum og settu marki. Um er að ræða
hugræna atferlismeðferð, sem er mikið notuð
og hefur reynst vel. Við bjóðum einnig upp á
heildræna meðferð sem gengur út á að breyta
lífsmynstri og vinna í huganum hjá átrösk-
unarsjúklingnum því að hann er veikur og
sjálfsmyndin ónýt. Afleiðingin er sjálfshatur og
sjálfseyðingarhvöt.“
Sigrún Daníelsdóttir sálfræðingur flytur fyr-
irlestur um átröskun og samfélagið á mál-
þinginu.
„Sigrún varpar mynd á óttann við fitu, sem
er magnaður í okkar þjóðfélagi,“ segir Alma.
„Hún lætur okkur skoða okkur sjálf, enda er-
um við öll ábyrg fyrir því, sem er í gangi í
samfélaginu. Við þurfum því öll að horfa í eigin
barm. Sigrún er nýútskrifuð og hefur allt sitt
nám einbeitt sér að átröskun og skrifað rit-
gerðir um efnið.“
Alma segir að á þinginu verði einnig sagðar
reynslusögur, sýnd myndbönd og lesið upp
þannig að viðstaddir geti skynjað hugarástand
átröskunarsjúklingsins. Vigdís Finnbogadóttir
er verndari málþingsins. Það verður haldið í
Loftkastalanum og stendur frá klukkan 14 til
18 á morgun. Það er opið öllum og aðgangur
ókeypis.
Málþing | Samtök átröskunarsjúklinga á Íslandi vilja vekja almenning til umhugsunar

Alma Geirdal er
fædd 6. september
1979 í Reykjavík.
Hún hefur glímt
við átröskun og
unnið að barátt-
unni gegn sjúk-
dómnum síðan
samtökin Forma,
samtök
átröskunar-
sjúklinga á Íslandi,
voru stofnuð í apr-
íl. Alma er
formaður sam-
takanna ásamt Eddu Ýrr Einarsdóttur og reka
þær samtökin í sameiningu. Alma á sex ára
dóttur, Sylvíu Sól, og tveggja ára son, Martin
Mána. Sambýlismaður hennar er Kári Gunn-
arsson.
Átröskun er lífshættulegur sjúkdómur
80 ÁRA afmæli. Laugardaginn 17.september er áttræð Elísa G.
Jónsdóttir, Haukshólum 3, Reykjavík.
Af því tilefni taka hún og eiginmaður
hennar, Jón Hannesson, á móti ætt-
ingjum og vinum í Víkingasal Hótels
Loftleiða, milli kl. 17 og 19 á afmæl-
isdaginn.
Árnaðheilla
dagbók@mbl.is
80 ÁRA afmæli. Á morgun, laug-ardaginn 17. september, er átt-
ræður Lýður Jónsson, Akralandi 3,
Reykjavík. Af því tilefni taka Lýður og
eiginkona hans, Mundheiður Gunn-
arsdóttir, á móti ættingjum og vinum
kl. 16-19 í Flugvirkjasalnum, Borg-
artúni 22, Reykjavík.
1. e4 c5 2. Rf3 d6 3. d4 Rf6 4. Rc3
cxd4 5. Rxd4 a6 6. Be3 e5 7. Rf3 Be7
8. Bc4 0-0 9. 0-0 Be6 10. Bb3 Rc6 11.
Bg5 Ra5 12. Bxf6 Bxf6 13. Rd5 Bg5
14. Rxg5 Dxg5 15. Dd3 Hac8 16. Re3
Rxb3 17. axb3 Hc6 18. b4 Hfc8 19.
b5 axb5 20. Dxb5 Dd8 21. b3 Hb6
22. Da5 g6 23. Had1 Dc7 24. Hd3
Dc5 25. Dd2 Dc6 26. f3 Dc5 27. Kh1
Ha8 28. Hd1 Ha2 29. Hc3 Da5 30.
Hd3 Dc5 31. De1 Hba6 32. h3 Kg7
33. Kh2 h5 34. Dd2 Kh7 35. De1 Kg7
36. Dd2 Kh7 37. b4 Da7 38. b5 H6a3
39. Hxa3 Dxa3 40. Rd5 Dc5 41.
Rf6+ Kg7 42. Dg5 Kf8 43. Rh7+
Kg7 44. Rf6 Kf8 45. Dh6+ Ke7 46.
Rh7 Ha8 47. Dg5+ Ke8 48. Rf6+
Kf8 49. Rd5 Kg8 50. Rf6+ Kf8 51.
Rd5 Kg8 52. Re7+ Kh7
Staðan kom upp á franska meist-
aramótinu sem lauk fyrir skömmu í
Chartres. Andrei Sokolov (2.603)
hafði hvítt gegn Antony Kosten
(2.522). 53. Rxg6! Dxc2 53. … fxg6
hefði ekki gengið upp vegna 54.
De7+. 54. Hxd6 Hc8 55. Re7 Dc1
56. Dxh5+ Kg7 57. Dxe5+ f6 58.
Dg3+ Kf7 59. Rxc8 Dxc8 60. e5 og
svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
Smá kippur.
Norður
♠DG102
♥D
♦ÁG4
♣ÁKG93
Gunnar Þórðarson, Selfossi, tók upp
spilin að ofan í sumarbrids í Síðumúl-
anum fyrir skömmu. Makker hans var
Guðlaugur Sveinsson, Reykjavík, sem
sleppir sjaldan úr kvöldi í sumarbrids.
Guðlaugur var höfundur sagna og
vakti á tveimur spöðum, veikum. Næsti
passaði og Gunnar sá að slemma var
langsótt, en sagði samt tvö grönd af
rælni til að spyrja um styrk. Guðlaugur
svaraði með þremur spöðum, sem sýn-
ir lágmarks veika-tvo.
Allt í lagi, Gunnar hækkaði í fjóra
spaða, en þá ákvað austur að draga
fram rauða miðann með dobl-merkinu.
„Nú, ég redoblaði, náttúrulega,“ sagði
Gunnar, „en tók þá eftir því að Guð-
laugur kippist aðeins til – bara smá-
vegis. Mér þótti það skrýtið, því Gulli
lætur sér sjaldan bregða.“
Norður
♠DG102
♥D
♦áG4
♣ÁKG93
Suður
♠986543
♥7654
♦32
♣6
Lítils háttar kippur er vel skilj-
anlegur í ljósi aðstæðna: eftir að hafa
opnað á hreinan Yarborough (ekki svo
mikið sem tíu), lendir Guðlaugur í því
að makker keyrir í fjóra spaða og
redoblar í þokkabót.
Austur átti ÁK í báðum hálitum og
mannspil í tígli, en það dugði ekki til –
spilið rann nánast sjálfkrafa heim,
austur fékk aðeins á tvo efstu í spaða
og einn á hjarta.„Það er eins og ég hafi
fengið ryk í augað,“ sagði Guðlaugur
eftir átökin, en Gunnar skrásetti 1080 í
NS. Ef þeir Guðlaugur og Gunnar
hefðu ekki verið svo sælir með árang-
urinn hefðu þeir kannski tekið eftir því
að bæði austur og vestur voru illa
haldnir af fjörkipp í auga.
BRIDS
Guðmundur Páll Arnarson | dagbok@mbl.is Greiðsluáskorun
Innheimtumenn ríkissjóðs skora hér með á gjaldendur eftirtalinna gjalda að gera
skil nú þegar eða í síðasta lagi innan 15 daga frá dagsetningu áskorunar þessarar:
Gjöldin eru: Staðgreiðsla tekjuskatts, útsvars og og tryggingagjalds sem fallið hefur í eindaga til og
með 15. september 2005, virðisaukaskattur sem fallið hefur í eindaga til og með 5. september 2005
og önnur gjaldfallin álögð gjöld og ógreiddar hækkanir er fallið hafa í eindaga til og með 15.
september 2005, á staðgreiðslu tekjuskatts, útsvars og tryggingagjalds, virðisaukaskatti,
virðisaukaskatti í tolli, vanskilum launagreiðenda á gjöldum í og utan staðgreiðslu,
fjármagnstekjuskatti á skilaskylda aðila, áfengisgjaldi, launaskatti, bifreiðagjaldi, úrvinnslugjaldi,
föstu árgjaldi þungaskatts, þungaskatti skv. ökumælum, viðbótar- og aukaálagningu söluskatts
vegna fyrri tímabila, skráningargjaldi vegna lögskráningar sjómanna, iðgjaldi í Lífeyrissjóð bænda,
vinnueftirlitsgjaldi, vörugjaldi af innlendri framleiðslu, vörugjaldi af ökutækjum, eftirlitsgjöldum,
aðflutningsgjöldum, skilagjaldi á umbúðir, fasteignagjöldum, skipulagsgjaldi, skipagjöldum,
jarðarafgjaldi og álögðum þing- og sveitarsjóðsgjöldum, sem eru:
Tekjuskattur og útsvar ásamt verðbótum á ógreiddan tekjuskatt og útsvar, sérstakur
tekjuskattur manna, eignarskattur, sérstakur eignarskattur, fjármagnstekjuskattur,
slysatryggingagjald vegna heimilisstarfa, tryggingagjald, búnaðargjald, iðnlánasjóðs- og
iðnaðarmálagjald, markaðsgjald, gjald í framkvæmdasjóð aldraðra og skattur af verslunar-
og skrifstofuhúsnæði, ofgreiddar barnabætur og ofgreiddar vaxtabætur.
Fjárnáms verður krafist án frekari fyrirvara að þeim tíma liðnum fyrir vangoldnum
eftirstöðvum gjaldanna ásamt dráttarvöxtum og öllum kostnaði, sem af innheimtu
skuldarinnar kann að leiða, á kostnað gjaldenda.
Athygli skal vakin á því að auk óþæginda hefur fjárnám í för með sér verulegan kostnað fyrir
gjaldanda. Fjárnámsgjald í ríkissjóð er allt að 12.700 kr. fyrir hvert fjárnám. Þinglýsingargjald er
1.350 kr. og stimpilgjald 1,5% af heildarskuldinni, auk útlagðs kostnaðar eftir atvikum. Eru
gjaldendur hvattir til að gera full skil sem fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds, vörugjald,
afdreginn fjármagnstekjuskatt, áfengisgjald og virðisaukaskatt, búast við því að starfsemi þeirra
verði stöðvuð án frekari fyrirvara, þeir gjaldendur er skulda bifreiðagjöld og þungaskatt mega eiga
von á að skráningarnúmer verði tekin af ökutækjum þeirra án frekari fyrirvara og þeir gjaldendur
sem skulda gjöld þar sem lögveð fylgir mega búast við að send verði út sérstök greiðsluáskorun
fyrir gjaldföllnum kröfum. Greiðsluáskorunin hefur ekki áhrif á þessi innheimtuúrræði þannig að
fyrrgreindur 15 daga frestur frá dagsetningu áskorunar þessarar gildir ekki í þessum tilvikum.
Reykjavík, 16. september 2005.
Tollstjórinn í Reykjavík
Sýslumaðurinn í Kópavogi
Sýslumaðurinn í Hafnarfirði
Sýslumaðurinn í Keflavík
Sýslumaðurinn á Keflavíkurflugvelli
Sýslumaðurinn á Akranesi
Sýslumaðurinn í Borgarnesi
Sýslumaðurinn í Stykkishólmi
Sýslumaðurinn í Búðardal
Sýslumaðurinn á Ísafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavík
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Ólafsfirði
Sýslumaðurinn á Seyðisfirði
Sýslumaðurinn á Eskifirði
Sýslumaðurinn á Höfn
Sýslumaðurinn í Vestmannaeyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Gjaldheimta Vestfjarða
Gjaldheimta Austurlands
Gjaldheimtan í Vestmannaeyjum