Morgunblaðið - 16.09.2005, Blaðsíða 29

MORGUNBLAÐIÐ FÖSTUDAGUR 16. SEPTEMBER 2005 29
UMRÆÐAN
ÉG HLUSTAÐI nýlega á Ernu
Hauksdóttur, framkvæmdastjóra
Samtaka ferðaþjónustunnar, í
fréttaviðtali í Ríkisútvarpinu þar
sem hún lýsti áhyggjum sýnum yfir
gengisþróun og hinu
að nú þyrftu aðilar
ferðageirans að sýna
verðskrár fyrir næsta
ár. Sökum áður-
nefndrar gengisþróun-
ar væri mikil hætta á
að ferðamönnum
myndi fækka á næsta
ári. Erna lauk viðtal-
inu með þeim orðum
að nú væri lag að
spýta í lófana og herða
á markaðssetningar-
maskínunni og þar
liggur hundurinn graf-
inn. Ég veit þó eitt sem líklegast
fæstir lesendur vita að Erna og
hennar góða fólk hjá SAF hafa sett
saman ráðgjafar- og þekkingarhóp
fyrir samtökin, nokkurs konar hug-
myndabanka þangað sem SAF get-
ur sótt ráðleggingar um markaðs-
setningu á Netinu fyrir sig og
félagsmenn sína.
Málið er nefnilega að stjórnendur
SAF gera sér grein fyrir því hvað
Internetið skiptir miklu máli og átta
sig jafnframt á þeirri staðreynd að
þeir vita næsta lítið um þennan mið-
il sem markaðstól og þurfa því góða
sérfræðiráðgjöf. Í dag eru yfir
8.000.000.000 vefsíður skráðar inn á
Google, mest notuðu leitarvél í
heimi, og í hverjum mánuði eru
skráð inn hundruð þúsunda síðna af
aðilum sem allir eiga þá ósk heitasta
að finnast á undan öllum hinum.
Það er mjög algengur misskilningur
að það eitt að opna vef tryggi árang-
ur. Þegar vefurinn sé kominn í loftið
þá sé þetta bara komið og nú
streymi peningarnir í kassann.
Þannig er það ekki og raunin er sú
að yfir 95% vefja eru hreinlega ekki
tilbúnir fyrir leitarvélarnar og eiga
því aldrei möguleika í harðri sam-
keppni Internetsins um olnboga-
rými. Ísland á að geta náð algjörri
sérstöðu hvað varðar sjáanleika á
Internetinu og við eigum að geta
rúllað upp andstæðingum í allri
samkeppni þar. Þar leikur smæð
landsins stórt hlutverk, hversu
skjótt við getum brugðist við sökum
stuttra boðleiða og það hversu auð-
velt er að nálgast þá sem eru að
sækja á netmiðin. Í júlí 2005 voru
yfir 1.000.000 leitir gerðar með leit-
arorðunum „family vacation“ á leit-
arvélum Internetsins
og í Stóra-Bretlandi
var leitað hartnær
600.000 sinnum eftir
„luxury holidays“ á
leitarvélum byggðum á
Yahoo. Ísland kom
hvergi upp. Annað
dæmi sem stendur
okkur kannski enn nær
er „adventure vaca-
tion.“ Eftir þessu var
leitað nær 200.000
sinnum og líkt og í
fyrri dæmum kom Ís-
land hvergi upp. Svona
mætti lengi telja, ekkert fyrirtæki
eða stofnun frá Íslandi var að keppa
um hylli þessara aðila og við því
hvergi sjáanleg með alla okkar
þjónustu og vilja til góðra verka.
Samkvæmt nýlegum könnunum
Global Market Insite (GMI), sem
World Travel Organization birti,
bóka 22% Breta allar ferðir sínar á
Netinu og í flestum löndum heims-
ins ræður Netið ákvörðunum hjá
meira en 60% einstaklinga þegar
spurt er hvaða þáttur ráði mestu
þegar ákvörðun um ferðalög er tek-
in. Þvert gegn því sem halda mætti
eru ferðavefir eins og Expedia og
Travelocity ekki ráðandi þegar bók-
anir í gegnum Netið eru ann-
arsvegar, heldur svæðabundnir
miðlar. Þetta á sérstaklega við um
Evrópu. Tökum aðeins heims-
markað Netsins saman í tölum. Allt
eru þetta tilvitnanir í kannanir
gerðar af virtum fyrirtækjum eins
og Nilsen/NetRatings, GMI, Hit-
Wise og eMarketer svo eitthvað sé
nefnt. Nýlegar kannanir sýna að æ
fleiri snúa sér til Internetsins í leit
sinni af áfangastöðum eða yfir 60%.
Samkvæmt nýlegri könnun Barclay-
card Business nota 28% af við-
skiptavinum þeirra Internetið til að
bóka allar ferðir, þar er flug með
hæsta hlutafallið eða 77%. Þetta er
11% hækkun frá 2003 og gisting er
með 73%. Á síðasta ári ákváðu tæp-
lega 4.000.000 Bandaríkjamanna að
nota Internetið til að ákveða hvert
átti að ferðast þegar bókað var með
skemmri fyrirvara en einni viku.
Líklega notuðu þeir leitarfrasa eins
og „family vacation“, „vacation
package“ , „honeymoon vacation“,
„ski vacation“, „adventure vacation“
eða „golf vacation“ svo eitthvað sé
nefnt. Samtals voru „vacation“-
tengdar leitir yfir 2.000.000 í einum
leitargrunni í júlí sl. og það má leiða
að því sterkar líkur að í heildina,
miðað við markaðshlutdeild þessara
leitarvéla, séu leitir eftir áðurnefnd-
um frösum um 4.000.000 í hverjum
mánuði. Og hvar er Ísland? Hvergi.
Með þessu stutta innleggi get ég
fullyrt að við erum langt frá því að
gera nóg og að með réttri að-
ferðafræði, nýtingu á stuttum boð-
leiðum og útrásarkrafti landans,
getur Ísland náð sterkri stöðu undir
þessum leitarfrösum og öðrum. Ís-
land kemur til dæmis hvergi við
sögu þegar leitarorðið „Vacation“ er
notað en eftir því er leitað meira en
5.000.000 sinnum í hverjum mánuði.
Við getum fellt heilu skógana til að
gefa út allskyns rit og bæklinga og
flogið fram og aftur um allan heim-
inn til að rápa um risastór sýning-
arsvæði. Árangurinn af slíku starfi
mun aldrei ná nema broti af því sem
Netið getur fært okkur með réttu
átaki. Um leið og við finnum vax-
andi mátt Internetsins og nýtum
okkur krafta þess, náum við firna-
sterkri stöðu í alþjóðasamkeppni
þar sem stærðin skiptir ekki máli,
heldur þekkingin.
Íslensk ferðaþjónusta
og Internetið
Kristjan Már Hauksson
fjallar um tölvunotkun ’Um leið og við finnumvaxandi mátt Internets-
ins og nýtum okkur
krafta þess, náum við
firnasterkri stöðu í al-
þjóðasamkeppni þar
sem stærðin skiptir ekki
máli, heldur þekkingin.‘
Kristjan Már Hauksson
Höfundur er Internet-
markaðsfræðingur.
ÞESSU svaraði samgöngu-
ráðherra í viðtali á Stöð 2 þann 1.
september sl. þegar
þáttastjórnandi
spurði hver væri
besti kosturinn ef
flugvöllur í Vatns-
mýri yrði að víkja.
Það er útilokað að
undirritaður sé að
finna upp þessi orð.
Auðvelt er að spila
þáttinn „Ísland í
dag“ á visir.is og
hlusta þar á ráð-
herrann, ég bý ekki
til þessi orð.
Ráðherrann hefur
uppi stóryrði í minn
garð í grein í Morg-
unblaðinu í fyrradag.
Það er ástæða til
þess að útskýra fyrir
Álftnesingum og les-
endum Morgunblaðs-
ins í hverju svar mitt
við spurningu þátta-
stjórnenda var fólgið
í þættinum „Í bítið“ á
Stöð 2 þann 2. sept-
ember sl. sem ráð-
herra gerir að um-
talsefni í grein í
Mogga þann 14. sept-
ember sl.
Þáttastjórnandinn
spurði um viðbrögð mín við yf-
irlýsingu samgönguráðherra um
flugvöll á Álftanesi.
Mitt svar var: „Hann á að segja
af sér og fá sér aðra vinnu“. Þetta
hefði ég ekki sagt ef einhver ann-
ar en samgönguráðherra hefði við-
haft þessi orð, sem eru fyrirsögn
þessa pistils. Svona orð af munni
ráðherra samgöngumála ganga
ekki í dag, þegar horft er til for-
sögu málsins á Álftanesi.
En þannig háttaði til á Álftanesi
á árunum 1960 til 1971 að algert
byggingarbann var, vegna skoð-
unar á möguleikum þess að á nes-
inu yrði byggður flugvöllur. Ég tel
að ekkert byggðarlag hafi lent í
slíkum hremmingum nokkurn tíma
á Íslandi. Sem sagt, íbúum og
hreppsyfirvöldum þá var haldið í
gíslingu þess máls og var sá far-
vegur allur með ólíkindum og þá-
verandi stjórnvöldum
til mikils vansa. Það
var síðan Hannibal
Valdimarsson heitinn,
þá ráðherra, sem
skrifaði hreppsnefnd
bréf, sennilega á árinu
1972 um að hér yrði
ekki byggður flug-
völlur. Öll slík áform
væru út af borðinu.
Það var reyndar
gert eftir að nokkrir
framsýnir þingmenn
allra flokka, með
Matthías Mathiesen í
farabroddi, fluttu
þingsályktunartillögu
á alþingi 1969 um að á
Álftanesi yrði fólk-
vangur. Þessu erindi
var vísað til ríkis-
stjórnar, sem ákvað
málalyktir.
Þess vegna erum
við, ég og fleiri Álft-
nesingar, móðgaðir
þegar núverandi sam-
gönguráðherra kann
ekki söguna betur en
raun ber vitni. Hann
ber á borð fyrir alþjóð
í sjónvarpi að Álftanes
sé valkostur um flug-
vallarstæði á höfuðborgarsvæðinu.
Álftnesingar í dag hafa sterkar
taugar til þess ágæta fólks, sem
bjó hér á nesinu á þessu sér-
kennilega tímabili á árum áður.
Það er vissulega svolítið sér-
stakt, þegar ráðherra rifjar upp
orðrétt sitt tal úr umræddum
þætti þann 1. september sl., að
hann skuli ekki hafa eftir fyr-
irsögn þessarar greinar.
Dæmi hver sem vill. Það er mín
skoðun að höfuðborgin eigi skyld-
um að gegna, flugvöllurinn á að
vera áfram í Vatnsmýrinni.
„Besti kosturinn
er Álftanes“
Guðmundur G. Gunnarsson
gerir athugasemdir við ummæli
samgönguráðherra
Guðmundur G.
Gunnarsson
’Þess vegna er-um við, ég og
fleiri Álftnes-
ingar, móðgaðir
þegar núverandi
samgöngu-
ráðherra kann
ekki söguna bet-
ur en raun ber
vitni.‘
Höfundur er bæjarstjóri á Álftanesi.
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
AÐ UNDANFÖRNU hafa stjórn-
málamenn sem bjóða ætla fram í
borgarstjórnarkosningum á næsta
ári keppst um að lofa hver geti verið
fyrstur til að fjarlægja flugvöllinn úr
hjarta höfuðborgarinnar. Þessi um-
ræða vekur furðu mína sem fyrr og
margra annarra, en ætla má að flest-
ir stuðningsmenn flugvallarins hafi
verið úr stuðningsliði Sjálfstæð-
isflokksins. Þeir skipta þúsundum og
þangað til nýlega taldi ég sjálfan mig
vera í þeim hópi, en sú afstaða mín
hefur breyst og nú er atkvæði mitt
til sölu. Ég vona einnig að aðrir sem
áfram vilja eðlilegar flugsamgöngur
til höfuðborgarinnar geri slíkt hið
sama og endurskoði hvaða stjórn-
málaafl þeir ætla að styðja í næstu
borgarstjórnarkosningum.
Karpið um flugvöllinn er löngu
hætt að snúast um öryggi eða sam-
göngur, þetta mál snýst um, eins og
virðist vera allt í þjóðfélaginu um
þessar mundir, peninga.
Fæstir virðast gera sér grein fyrir
umfangi sjúkraflugs til Reykjavík-
urflugvallar. Það sem af er árinu
hafa einkareknu flugfélögin flogið
rúmlega 300 sjúkraflugferðir til
Reykjavíkurflugvallar. Þá á eftir að
telja allt sjúkraflug Landhelgisgæsl-
unnar.
Nú er orðið ljóst að ríkisstjórnin
ætlar að verja 18 milljörðum króna
til uppbyggingar nýs hátækni-
sjúkrahúss af ágóða sölu Símans. Nú
er stóra spurningin: Hvar á að reisa
sjúkrahúsið? Ef flugvöllurinn á að
vera áfram í Vatnsmýrinni er engin
spurning að mínu mati að sjúkra-
húsið eigi að reisa á fyrirhuguðum
stað á Landspítalalóðinni, meira að
segja er auðveldlega hægt að tengja
bráðamóttöku þess spítala við flug-
völlinn.
Ef flugvöllurinn á að víkja úr
Reykjavík er sá staður hins vegar af-
leitur fyrir sjúkrahúsið. Tekist hefur
með furðugóðum árangri upp á síð-
kastið að rústa allar vegasamgöngur
að Landspítalanum, og staðsetning
spítala framtíðarinnar þar mundi
einungis nýtast íbúum næsta ná-
grennis. Ef flugstarfsemi framtíð-
arinnar á að flytjast til Keflavíkur
væri eðlilegast að mínu mati að
sjúkrahúsið risi í úthverfi Hafn-
arfjarðar við álverið. Þensla höf-
uðborgarsvæðisins er hvort sem er í
þá áttina og vegasamgöngur þangað
betri og fljótlegri en til miðborg-
arinnar fyrir flesta íbúa höfuðborg-
arsvæðisins, auk þess sem þolanleg
tenging við landsbyggðina næðist í
gegnum Keflavíkurflugvöll.
SIGURÐUR ÁSGEIRSSON,
Kaplaskjólsvegi 41,
107 Reykjavík.
101 sjúkrahús?
Frá Sigurði Ásgeirssyni