Morgunblaðið - 16.09.2005, Blaðsíða 6
6 FÖSTUDAGUR 16. SEPTEMBER 2005 MORGUNBLAÐIÐ
FRÉTTIR
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
L
YF
2
95
06
09
/2
00
5
www.lyfja.is
- Lifið heil
Garðatorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni -
Egilsstöðum - Höfn - Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði -
Borgarnesi - Grundarfirði - Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi -
Hvammstanga - Skagaströnd - Selfossi - Laugarási
Nicorette nikótínlyf eru fáanleg án lyfseðils og eru notuð þegar reykingum er hætt eða þegar dregið er úr reykingum.
Til að ná sem bestum árangri skal ávallt fylgja leiðbeiningum í fylgiseðli. Skammtar eru einstaklingsbundnir eftir því
hve mikið er reykt, hvort hætta á reykingum eða draga úr þeim. Því ber að kynna sér upplýsingar um notkun í fylgi-
seðli. Í fylgiseðlinum eru upplýsingar um: verkun og notkun, varúðarreglur, mikilvægar upplýsingar sem nauðsynlegt
er að lesa áður en lyfin eru notuð, hugsanlegar aukaverkanir og aðrar upplýsingar. Leitið til læknis eða lyfjafræðings
ef þörf er á frekari upplýsingumumlyfin. Þeir sem fengið hafa ofnæmi fyrir nikótíni eða öðrum innihaldsefnum lyfsins,
nýlegt hjartaáfall, óstöðuga versnandi hjartaöng, alvarleg hjartsláttarglöp eða nýlegt heilablóðfall eiga ekki að nota
Nicorette nikótínlyf. Börn yngri en 15 ára, þungaðar konur og konur með barn á brjósti eiga ekki að nota Nicorette
nikótínlyf nema að ráði læknis. Lesið allan fylgiseðilinn vandlega áður en byrjað er að nota lyfið. Geymið fylgiseðilinn.
Nauðsynlegt getur verið að lesa hann síðar.
Nýtt í Lyfju
Nicorette Freshmint 210 stk.
20% afsláttur í september
LÁTTU REYKLAUSA DRAUMINN
RÆTAST
AFSLÁTTURINN GILDIR AF FRESHMINT 210 STK. 2 MG og 4 MG.
VILHJÁLMUR Guðmundsson hjá
Útflutningsráði segir að við-
skiptaráðstefnan sem haldin var í
Tókýó á miðvikudag, í tengslum
við heimsókn íslensku viðskipta-
sendinefndarinnar, hafi heppnast
afar vel. Með ráðstefnunni lauk
heimsókn sendinefndarinnar til
Japans.
Að sögn Vilhjálms var við-
skiptaráðstefnan hápunktur ferð-
arinnar. Áður en hún hófst hittust
fulltrúar íslenskra og japanskra
fyrirtækja á fundum sem Útflutn-
ingsráð hafði aðstoðað við að
skipuleggja. Tilgangurinn með
slíkum fundum er að stuðla að nýj-
um viðskiptasamböndum eða
treysta þau sem fyrir eru. „Út-
gangspunkturinn er að við erum
að hjálpa fyrirtækjum að komast í
viðskiptasambönd erlendis. Við-
skiptasendinefndir hafa ákveðið
gildi, sérstaklega þegar ráðherra
er með í för. Þær hjálpa stundum
við að koma hlutum af stað og
einnig við að ljúka samningum. Þá
hefur það mikla þýðingu að ráð-
herra sé viðstaddur undirritun
samninga,“ sagði Vilhjálmur. Að-
spurður sagði hann að reynsla
væri fyrir því að heimsóknir við-
skiptasendinefnda leiddu til nýrra
viðskiptasamninga.
Að fundunum loknum hófst ráð-
stefna þar sem Davíð Oddsson, ut-
anríkisráðherra, sem fór fyrir
sendinefndinni, hélt ræðu sem og
Hachiro Okonogi, annar af tveimur
varaviðskiptaráðherrum Japans.
Í sendinefndinni voru fulltrúar
25 fyrirtækja og samtaka, m.a.
fisksölufyrirtækis, flugfélaga og
ferðaþjónustufyrirtækis, svo nokk-
ur dæmi séu nefnd.
Næsta viðskiptasendinefnd fer
til Póllands undir forystu Val-
gerðar Sverrisdóttur, iðnaðar- og
viðskiptaráðherra, í lok október og
hafa þegar 14 fyrirtæki skráð sig
til þátttöku.
Morgunblaðið/Jónas Hallgrímsson
Davíð Oddsson utanríkisráðherra skiptir á nafnspjöldum við forstjóra japanska fyrirtækisins Nichiro, eftir að
hafa gefið honum Hávamál. Með Davíð var Júlíus Hafstein en Japansheimsókn utanríkisráðherra er nú lokið.
Segir viðskiptaráðstefnu
hafa heppnast vel
Heimsókn viðskiptasendinefndar til Japans lokið
KÓPAVOGSBÆR hefur auglýst til
úthlutunar lóðir samkvæmt nýjum
úthlutunarreglum sem bæjarráð
samþykkti 8. september síðastlið-
inn.
Um er að ræða 27 lóðir undir
einbýlis-, rað- og parhús við
Fróðaþing, Dalaþing, Dimmu-
hvarf, Álaþing, Hafraþing, Háls-
aþing, Gulaþing, Breiðahvarf og
Boðaþing. Flatarmál lóðanna er
allt frá 800 fermetrum upp í 3.000
fermetra.
Byggingarrétti að lóðum við
Dimmuhvarf, Breiðahvarf og
Boðaþing er úthlutað með fyrir-
vara um samþykkt deiliskipulag.
Umsóknum skal skilað á skrif-
stofu Bæjarskipulags Kópavogs,
fyrir klukkan 15 þriðjudaginn 27.
september næstkomandi, að því er
fram kemur á vef Kópavogsbæjar.
Þar segir einnig að þeir sem sóttu
um byggingarrétt í fyrri áfanga
Þinga í júní sl. þurfi að leggja
fram nýja umsókn, en ekki er
nauðsynlegt að henni fylgi skrif-
leg staðfesting frá banka eða lána-
stofnun um greiðsluhæfi og mögu-
lega lánafyrirgreiðslu umsækjanda
vegna fyrirhugaðrar húsbygg-
ingar.
Kópavogsbær
auglýsir lóðir
til úthlutunar
í Þingahverfi
FORSTÖÐUMENN hjá ríkinu eru
samtals 222 talsins og hefur fækkað
um þrjá frá árinu 2004. 172, eða
77%, eru karlar og 50, eða 23%, eru
konur.
Flestar konur eru forstöðumenn í
menntamálaráðuneytinu, eða 19
talsins, 10 eru í dóms- og kirkju-
málaráðuneytinu og 8 í heilbrigðis-
og tryggingamálaráðuneytinu.
Karlmenn eru einnig flestir for-
stöðumenn í menntamálaráðuneyt-
inu, eða 35 talsins, 33 í dóms- og
kirkjumálaráðuneytinu, 25 í heil-
brigðis- og tryggingamálaráðu-
neytinu og 20 í fjármálaráðuneyt-
inu, en þar er einungis ein kona
forstöðumaður.
23% forstöðu-
manna hjá
ríkinu konur
GUNNAR Snorri Gunnarsson, ráðu-
neytisstjóri utanríkisráðuneytisins,
segir Norðurlöndin munu styrkja
framboð Íslands
til öryggisráðs
Sameinuðu þjóð-
anna (SÞ). Fram-
boðið sé sameig-
inlegt og öll
sendiráð Norður-
landanna um all-
an heim vinni að
því að kynna það.
„Það er tals-
verður bakhjarl
sem við höfum hjá öðrum Norð-
urlandaþjóðum.“ Gunnar Snorri
bendir á að öryggisráðið sé æðsta
stofnun SÞ og ávallt sérstök vigt og
áhersla lögð á það meðal Norð-
urlandaþjóðanna. „Það er samræm-
ing í þessu og fólki í öðrum utanrík-
isþjónustum er beitt fyrir vagninn
líka,“ segir Gunnar. Kostnaðar-
áætlun vegna baráttu Íslands fyrir
að ná kjöri og vegna setu í ráðinu
hljóðar upp á um 600 milljónir króna
sem dreifist á sex ára tímabil, eða
frá 2005–2010. „Það má sjálfsagt
fara yfir og endurskoða einhverja
kostnaðarliði og sjá hvort það megi
ekki gera þetta með eitthvað ódýr-
ari hætti,“ segir Gunnar. Davíð
Oddsson utanríkisráðherra sagði í
samtali við Ríkisútvarpið að það
kæmi í hlut nýs utanríkisráðherra
að taka ákvörðun um hvort við
myndum standa við fyrri ákvörðun
um að sækjast eftir sæti í örygg-
isráðinu. Geir H. Haarde, verðandi
utanríkisráðherra, segist ekki ætla
að ræða þetta mál fyrr en hann hef-
ur tekið við starfi utanríkisráðherra.
Norðurlöndin
styrkja
framboðið
Gunnar Snorri
Gunnarsson
BREYTINGAR verða hjá utanrík-
isþjónustunni í nóvember þegar
Magnús Gústafsson, forstjóri Ice-
landic USA, mun taka við starfi að-
alræðismanns í New York. Hannes
Heimisson sem gegnt hefur stöðu
aðalræðismanns mun þá fara til
Finnlands og taka við starfi sendi-
herra við sendiráð Íslands.
Breytingar hjá
utanríkis-
þjónustunni
GÖNG undir Berufjörð er sá jarð-
gangakostur á Austurlandi sem hag-
kvæmastur er miðað við tilteknar
forsendur. Göng á milli Eskifjarðar,
Norðfjarðar, Mjóafjarðar og Seyðis-
fjarðar eru meðal bestu kosta í jarð-
gangagerð á Austurlandi. Þetta
kemur fram í nýrri skýrslu um mat á
samfélagsáhrifum og arðsemi jarð-
gangatenginga á Austurlandi, sem
kynnt var í gær á aðalfundi Sam-
bands sveitarfélaga á Austurlandi.
Skýrslan var unnin af Rannsókn-
arstofnun Háskólans á Akureyri
(RHA) fyrir SSA. Tilgangurinn var
að meta jarðgangakosti eftir aðferð-
um sem RHA hefur þróað, þar sem
litið er til arðsemi og samfélags-
áhrifa og gerð ákveðin tilraun til for-
gangsröðunar.
Setur fyrirvara við forsendur
Forsendur matsins eru m.a. stytt-
ing vegalengda í kílómetrum, spá um
dagsumferð, stofnkostnaður með
vöxtum og núvirtur ábati og arð-
semi. Auknu umferðaröryggi, teng-
ingu atvinnu- og búsvæða og
byggðaþróun voru gefnar einkunnir
og einnig lagðar til grundvallar mat-
inu. Skýrsluhöfundar gefa sér að
þeir jarðgangakostir sem athugaðir
eru verði tilbúnir árið 2014.
Soffía Lárusdóttir, formaður SSA,
sagði í gær að hún setti ákveðna fyr-
irvara við forsendur í skýrslunni.
„Það hefur verið mikið í umræðunni
að tengja saman þéttbýlisstaðina á
Mið-Austurlandi og það kemur á
óvart að stærstu þéttbýliskjarnarnir
þar eru ekki tengdir inn í forsendur
matsins. Það er því ýmislegt varð-
andi einkunnagjöfina um áhrif ganga
á byggðaþróun og tengingu svæða
sem kemur á óvart.“
Björn Hafþór Guðmundsson,
sveitarstjóri í Djúpavogshreppi,
sagði þá niðurstöðu skýrslunnar að
göng undir Berufjörð væri besti
jarðgangakosturinn á Austurlandi
koma nokkuð á óvart. „Þetta snýr
auðvitað ekki eingöngu að okkur
Djúpavogsmönnum, heldur einnig
að þeim sem myndu nota þennan veg
og þetta styttir leiðir á milli svæða
og landshluta. Við erum í þjóðleið í
dag og höldum áfram að vera það.
Við værum ekkert að koma út úr
þokunni með þessu.“ Björn Hafþór
segir SSA hafa beðið eftir skýrslunni
og samgöngunefnd SSA muni taka
hana til umfjöllunar í dag. „Þá skýr-
ist væntanlega hvort menn gleypa
þessar upplýsingar eða kjósa að
halda sínum byggðarlögum sterkar
inni í umræðunni, eins og verið hefur
og kannski óþarflega mikið að
margra mati.“
Jarðgöng undir Berufjörð
eru talin besti kosturinn
Morgunblaðið/Steinunn Ásmundsdóttir
Einar Már Sigurðsson, þingmaður Samfylkingar í Norðausturkjördæmi,
Smári Geirsson, forseti bæjarstjórnar Fjarðabyggðar, og Kjartan Ólafsson
hjá Rannsóknarstofnun Háskólans á Akureyri skeggræða niðurstöðurnar.
Eftir Steinunni Ásmundsdóttur
austurland@mbl.is