Morgunblaðið - 16.09.2005, Page 23

MORGUNBLAÐIÐ FÖSTUDAGUR 16. SEPTEMBER 2005 23
MINNSTAÐUR
Reykjavík | Hóphjólreiðar verða í
miðborginni á morgun auk þess
sem hjólreiðamenn keppa í Tjarn-
arsprettinum. Hér er því um að
ræða gullið tækifæri fyrir fjöl-
skylduna til að bregða undir sig
betra hjólinu og kynnast borginni
á vistvænan og heilsusamlegan
hátt.
Klukkan 13.00 leggja hjólalestir
af stað frá Spönginni í Grafarvogi,
Árbæjarsafni, ísbúðinni við Hjarð-
arhaga og verslunarmiðstöðinni
Firði í Hafnarfirði og mætast í
Nauthólsvík. Þaðan hjóla allir sam-
an, í lögreglufylgd, að Hlemmi og
þaðan niður Laugaveginn. Hjóla-
lestin endar síðan för sína við
Hljómskálagarðinn.
Hjólreiðakeppni meistara
Kl. 15.30 verður síðan Tjarnar-
spretturinn – hjólreiðakeppni
meistara – ræstur á Skothús-
brúnni. Aðeins bestu hjólreiða-
menn landsins taka þátt og því má
búast við ógnarhraða hjólreiða-
manna eftir Skothúsvegi, Tjarnar-
götu, Vonarstræti og Fríkirkju-
vegi. Nokkrum götum kringum
Tjörnina verður lokað á meðan
keppnin fer fram. Þess má geta að
þetta er í fyrsta sinn síðan 1926
sem hjólreiðakeppni fer fram í
miðborg Reykjavíkur.
Borgarstjóri afhendir þremur
bestu keppendum verðlaun að
keppni lokinni í Hljómskálagarð-
inum.
Í Hljómskálagarðinum verður
hægt að fá ráðgjöf og upplýsingar
frá vönum hjólreiðamönnum um
ýmiss konar öryggisbúnað eins og
ljós, endurskinsmerki og annað
sem þarf til að getað hjólað allt ár-
ið um kring. Einnig verður hægt
að nálgast nýtt kort af hjóla- og
gönguleiðum í Reykjavík.
Kl. 16.30 sýna ofurhugar úr
Team GÁP kúnstir sínar á reið-
hjólum í Hljómskálagarðinum, s.s.
stökk, snúninga og fleira skemmti-
legt.
Gengið saman á sunnudegi
Á sunnudag verður síðan göngu-
dagur fjölskylduvikunnar og eru
allir borgarbúar hvattir til að
ganga um hverfin sín, sérstaklega
með það í huga að kenna börnum
góðar gönguleiðir á þá staði sem
þau sækja. Ábendingar um það
sem betur má fara má senda á
samgonguvika@reykjavik.is fyrir
1. október, en verðlaun verða veitt
fyrir þrjár bestu hugmyndirnar.
Klukkan 14 mun Guðjón Frið-
riksson síðan leiða göngu um Vest-
urbæinn þar sem hann rýnir í sögu
og skipulag þessa gróna bæjar-
hluta. Gangan hefst við Ingólfs-
naust á horni Vesturgötu og Að-
alstrætis.
Hjólað og
rölt um
borgina
Hreyfing í
samgönguviku
HÖFUÐBORGARSVÆÐIÐ
FULLTRÚAR Landverndar fund-
uðu með bæjaryfirvöldum í Garðabæ
um málefni framkvæmda við Urriða-
holt á þriðjudag þar sem báðir aðilar
fengu tækifæri til að skýra sín viðhorf
til málsins en Landvernd hefur kraf-
ist þess að framkvæmdir verði stöðv-
aðar þar til niðurstaða kærumáls
þeirra berst frá úrskurðarnefnd
skipulags- og byggingarmála. Á fund-
inum kom fram að yfirvöldum í
Garðabæ finnst Landvernd hafa
gengið fulllangt í þessu máli og að vel
hafi verið staðið að kynningu og um-
fjöllun um aðalskipulag svæðisins.
Tryggvi Felixson, formaður Land-
verndar, segir að byggingarleyfið fyr-
ir svæðið hafi einnig borið á góma en
að mati Landverndar hafi fram-
kvæmdirnar fram að þessu verið
langt umfram það sem hægt er að
skilgreina sem jarðvegsrannsóknir.
„Það er alveg ljóst að okkur finnst
bæjaryfirvöld hafa farið offari en við
bíðum eftir formlegu svari frá bæj-
arstjórninni í Garðabæ sem ætti að
berast í kjölfar bæjarstjórnarfundar
á morgun. Við fórum fram á það að
framkvæmdir yrðu stöðvaðar en nú
virðist liggja fyrir að menn ætli að
gefa út byggingarleyfi, sem er beint í
hina áttina,“ sagði Tryggvi sem vonar
að ákveðið verði að stöðva fram-
kvæmdir þar til niðurstaða liggur fyr-
ir hjá úrskurðarnefnd skipulags- og
byggingamála sem og félagsmála-
ráðuneytinu. Hann segir málið ekki
vera til lykta leitt a.m.k. fyrr en þeir
úrskurðir verða birtir.
Tryggvi vill að aðrir möguleikar
verði skoðaðir áður en ráðist verður í
stórframkvæmdir við Urriðaholt.
„Bæjaryfirvöld fóru offari“
Framkvæmdir við Urriðaholt í Garðabæ.
Landvernd vill stöðva framkvæmdir við Urriðaholt
Morgunblaðið/Júlíus
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
F
LU
2
95
63

09
/2
00
5
Komdu hópnum þínum á óvart!
Við gerum hópnum þínum frábær ferðatilboð til allra
áfangastaða okkar innanlands, hvort sem ferðinni er heitið
norður, suður, austur eða vestur, og til Færeyja að auki.
Þið njótið þeirrar fjölbreyttu afþreyingar sem í boði er vítt
um land í skemmtun, menningu, ævintýrum og upplifun.
Kannaðu hópafargjöldin fyrir þinn hóp og þá möguleika sem
í boði eru á hverjum stað, í síma 570 3075, á vefsíðunni
www.flugfelag.is eða sendu fyrirspurn á netfangið
hopadeild@flugfelag.is (Lágmarksfjöldi er 10 manns.)
árshátíð - menning - áskorun - hópefli - hvíld - djamm - samstaða - óvissa - upplifun - ævintýri - félög - klúbbar - vinir - samtök - konur - karlar - stelpur - strákar
flugfelag.is | 570 3075
Taktu flugið