Morgunblaðið - 16.09.2005, Síða 4

4 FÖSTUDAGUR 16. SEPTEMBER 2005 MORGUNBLAÐIÐ
FRÉTTIR
HJÓNIN Ingibjörg Jónsdóttir og
Bergur G. Gíslason fögnuðu 70 ára
brúðkaupsafmæli sínu, eða járnbrúð-
kaupi, sl. miðvikudag, en þau giftu sig
hinn 14. september árið 1935 heima
hjá séra Bjarna Jónssyni við Lækj-
argötu í Reykjavík.
Tóku þau hjónin á móti gestum á
heimili sínu við Laufásveg 14, en hús-
ið byggðu þau skömmu eftir að þau
giftu sig og hafa búið þar alla tíð.
Voru þar mættir afkomendur þeirra
hjóna ásamt mökum, en þau Ingi-
björg og Bergur eiga fjórar núlifandi
dætur, ellefu barnabörn, tuttugu og
þrjú barnabarnabörn og þrjú barna-
barnabarnabörn.
Aðspurð hvern hún telji galdurinn
að löngu og farsælu hjónabandi for-
eldra sinna segir Ása, yngsta dóttir,
þeirra hjóna, alla tíð hafa ríkt gagn-
kvæm virðing í hjónabandinu, auk
þess sem samheldni þeirra hafi verið
mikil.
Bergur G. Gíslason er fyrrverandi
forstjóri Garðars Gíslasonar hf. Hann
var einn af forystumönnum Árvakurs
hf., útgáfufélags Morgunblaðsins, í
hartnær hálfa öld. Hann tók sæti í
varastjórn félagsins í ársbyrjun 1953
og átti sæti í aðalstjórn 1963 til 1998.
Í fremstu röð eru frá vinstri: Ingibjörg Sandholt, Dísa Anderiman Þórarinsdóttir, Bergur G. Gíslason, Ingibjörg
Jónsdóttir Gíslason, Þórunn Lára Þórarinsdóttir, Hrafnhildur Ólafsdóttir.
Miðröð frá vinstri: Þórarinn Jónasson, Eydís Dóra Sverrisdóttir, Atli Hrafn Bernburg, Bergljót Bergsdóttir,
Ragnheiður Bergsdóttir, Ása Bergsdóttir, Þóra Bergsdóttir, Kristín Sandholt, Edda Þórarinsdóttir, Ragnheiður
Gísladóttir, Linda Guðmundsdóttir, Bergur Sandholt.
Aftasta röð frá vinstri: Ólafur Magnússon, Jón Gunnar Bernburg, Jón Svan Grétarsson, Gísli Gestsson, Ómar
Sveinsson, Ingvar Vilhelmsson, Bergur Gíslason, Einar Freyr Hilmarsson.
Fögnuðu járnbrúðkaupi á heimili sínu
ÓLAFUR Ragnar Grímsson, for-
seti Íslands, tekur þátt í ráðstefn-
unni Clinton Global Initiative sem
Bill Clinton, fyrrum forseti Banda-
ríkjanna, boðaði til. Í fréttatil-
kynningu frá forsetaembættinu
kemur fram að Clinton bauð Ólafi
Ragnari að sækja ráðstefnuna.
Auk þess að taka þátt í ráðstefn-
unni mun forsetinn eiga fundi í
New York með ýmsum sérfræð-
ingum og áhrifafólki.
Ráðstefnan hófst í gær og á
dagskrá voru setningarávörp Bill
Clintons, Jaques Chirac, Frakk-
landsforseta, Tony Blairs, for-
sætisráðherra Bretlands og
Condoleezzu Rice, utanríkisráð-
herra Bandaríkjanna. Fjöldi þjóð-
arleiðtoga, forystumanna í alþjóða-
samtökum, vísindum og við-
skiptum sækja auk þess ráð-
stefnuna.
Það er hefð fyrir því að fyrrum
Bandaríkjaforsetar nýti sér sam-
bönd sín og orðspor til að beita sér
fyrir ýmsum framfaramálum eftir
að þeir láta af embætti. Óhætt er
að segja að Clinton setur markið
hátt. Á ráðstefnunni Clinton
Global Initiative (Alþjóðlegt frum-
kvæði Clintons) munu umræðurn-
ar fyrst og fremst snúast um
hvernig hægt sé að berjast gegn
fátækt, stuðla að friði, draga úr
gróðurhúsaáhrifum og hvernig
bætt stjórnarfar og starf frum-
kvöðla getur stuðlað að auknum
hagvexti. Í viðtali við Financial
Times var Clinton spurður að því
hvort ætlun hans væri að skyggja
á Heimsviðskiptaráðstefnuna í
Davos, sem einnig er ætlað að
stuðla að betri heimi. Clinton svar-
aði að munurinn væri sá að hann
segði fólki að ef það vildi bara
ræða um hlutina þá ætti það ekki
að koma á ráðstefnu hans. „Ef þú
vilt ræða málin og öðlast þekkingu
á þessum málaflokkum þannig að
þú ákveður að gera eitthvað í mál-
unum, þá skaltu koma. Því við
munum koma og athuga hvað þú
hefur gert,“ sagði Clinton.
Forseti Íslands tekur
þátt í ráðstefnu Clintons
Eftir Rúnar Pálmason
runarp@mbl.is
VEGFARENDUR um nýju Hring-
brautina til austurs við Njarð-
argötu hafa verið óöruggir um
hvort þeir mega beygja til vinstri í
átt að Sóleyjargötu og gömlu
Hringbrautinni. Búið er að setja
upp skilti um að Njarðargata sé
lokuð milli Hringbrautar og Sól-
eyjargötu en engu að síður eru
beygjuljósin áfram virk og sýna
reglulega að beygja megi til
vinstri. Á meðan bíða ökumenn á
vesturleið um Hringbrautina til
einskis.
Ekki verður opnað fyrir umferð
á þennan hluta Njarðargötunnar
fyrr en 10. október nk. Þangað til
verða ökumenn á vesturleið að
sýna biðlund og þeir á austurleið
að vera vakandi, nema þá ef
starfsmenn ljósadeildar borg-
arinnar breyti stillingunni tíma-
bundið.
Frágangi vegna færslu Hring-
brautar í heild sinni á að vera lok-
ið um mánaðamótin október/
nóvember.
Morgunblaðið/Júlíus
Að beygja eða ekki beygja …
FJÁRMÁLARÁÐUNEYTIÐ gerir
ráð fyrir að kaupmáttur ráðstöf-
unartekna vaxi í ár um 3–4% eftir
því hvaða útreikningsaðferð er not-
uð, sem er svipuð aukning kaup-
máttar og var á síðasta ári.
Fjallað er
um kaupmátt
ráðstöfunar-
tekna í nýju
vefriti fjár-
málaráðuneyt-
isins. Þar
kemur fram
að tvær að-
ferðir eru
einkum til að
reikna kaup-
mátt, annars
vegar eftir að-
ferðum þjóð-
hagsreikn-
inga, en í því tilviki eru
eignaútgjöld, t.a.m. vaxtaútgjöld
vegna íbúðakaupa, dregin frá
tekjum, og hins vegar eftir þrengri
skilgreiningu skattgagna yfir fram-
taldar tekjur.
Kaupmátturinn hefur aukist sam-
kvæmt báðum aðferðum síðustu ár-
in, en þó ívið meira ef miðað er við
framtaldar tekjur. Þannig var
aukning kaupmáttar ráðstöfunar-
tekna yfir 5% samkvæmt báðum
mælingum árið 2003 og í fyrra var
aukningin þrjú prósent samkvæmt
aðferðum þjóðhagsreikninga og 4%
samkvæmt upplýsingum í skatt-
gögnum.
Nánar í þjóðhagsáætlun
Fjármálaráðuneytið segir að bú-
ist sé við svipaðri aukningu kaup-
máttar í ár og á síðasta ári þrátt
fyrir aukna verðbólgu, en nánar
verði fjallað um þróun kaupmáttar
ráðstöfunartekna í nýrri þjóðhags-
áætlun, sem birt verði með fjár-
lagafrumvarpinu í byrjun október
þegar þing kemur saman.
Fjármálaráðuneytið
Kaupmátt-
ur ráðstöf-
unartekna
eykst um
3–4% í ár
NÝR rafall Nesjavallavirkj-
unar sem eykur afl hennar úr
90 MW í 120 MW var form-
lega afhentur Orkuveitu
Reykjavíkur í gær, um einum
mánuði fyrr en upphaflega
var áætlað. Starfsmenn
Mitsubishi, framleiðanda raf-
alsins, hafa undanfarið gert
prófanir á honum og hafa þær
gengið vel, að sögn Ingólfs
Hrólfssonar, verkefnisstjóra
hjá Orkuveitunni.
Prófunum á rafalnum lýkur
væntanlega um mánaðamótin
og verður hann þá tekinn í
fulla notkun. Að sögn Ingólfs
var ákveðið að óska eftir að
rafallinn yrði tilbúinn fyrr til
að hægt yrði að slökkva tíma-
bundið á eldri rafal sem
þarfnast viðhalds. Gert ráð
fyrir að virkjunin skili 120
MW frá og með 1. nóvember.
Samið hefur verið við Norð-
urál um kaup á allri þeirri
orku sem nýi rafallinn skilar
og eftir 1. nóvember munu um
75% af þeirri orku sem fram-
leidd er á Nesjavöllum fara til
stóriðjuvera.
Áætlaður kostnaður vegna
stækkunarinnar var um 2,5
milljarðar og segir Ingólfur
að áætlunin hafi staðist.
Nýr rafall
Nesja-
valla-
virkjunar
afhentur