Morgunblaðið - 28.02.1987, Blaðsíða 68
ÍÞRÓTTI UNGLINGA
Umsjón/Vilmar Péturssor
Morgunblaðið/Bjarni Eiríksson
• Hvort þaA hjálpar að horfa til himins þegar lyfta skal þungum lóðum skal ósagt látið en þeir Aðal-
steinn Kjartansson og Bárður Ólsen eru að minnsta kosti ekki niðurlútir þegar þeir taka á öllu sem þeir eiga.
Kraftlyftingar:
Fjöldi meta
var settur
- á Islandsmeistaramóti unglinga
íslandsmeistaramót unglinga í
kraftlyftingum fór fram laugar-
dáginn 7. febrúar síðastliðinn.
Keppendur voru óvenju fáir að
þessu sinni og er skýringa að
leita til þess að á annan tug kepp-
enda á mótinu í fyrra gekk upp
úr unglingaflokki. Ljóst er að
áhugi á kröftum og kraftlyftingum
meðai unglinga í landinu er mik-
III. Sem dæmi um það má nefna
að Jón Páll fékk um 150 unga
drengi á námskeið á Akureyri og
hundruð æfa kraftlyftingar í
líkamsræktarstöðvum víða um
land.
Töluverður fjöldi meta var settur
á móti þessu. Strax í 60 kg flokki
setti Aðalsteinn Kjartansson, Ak-
ureyri, met í hnébeygju 147,5 kg
og sigraði í flokknum. í 67,5 kg
flokki sigraði Rúnar Friðriksson,
Akureyri, með 305 kg. Engin met
voru sett í 75 kg flokki en sigurveg-
ari þar varð Már Óskarsson,
Fáskrúðsfirði, með 507,5 kg í sam-
anlögöu. í öðru sæti varð yngsti
keppandi þessa móts, Kópavogs-
búinn Auöunn Jónsson, með 405
kg en hann er aðeins 14 ára gam-
all.
Elín Ragnarsdóttir keppti ein í
kvennaflokki og setti fjölda meta í
75 kg flokknum. Hún setti strax
met í hnébeygjunni er hún lyfti 135
kg léttilega. En hún lét ekki þar
við sitja því í réttstöðulyftunni lyfti
hún 157,5 kg örugglega. Bárður
Ólsen var í miklum ham í 82,5 kg
flokknum og reyndi við met bæði
í bekkpressu og hnébeygju sem
mistókust naumlega. í réttstöðu-
lyftunni mistókst hinsvegar ekkert
hjá honum og þar leit nýtt met
dagsins Ijós, 250 kg lyfti hann upp
af harðfylgi.
í 90 kg flokki sigraði Gunnar
Kjartanson Reykjavík og bætti sig
stórlega í öllum greinum og stefnir
á fremstu röð meðal kraftlyftinga-
manna hérlendis. í 100 kg flokki
sigraði Magnús Steinþórsson,
Reykjavík. Hann var við að setja
met í hnébeygju en tilraun hans
við 302,5 kg mistókst naumlega.
Júlíus B. Þórólfsson Reykjavík sigr-
aði í 110 kg flokki og er þar á
ferðinni stórefnilegur unglingur
sem þarna tók þátt í sínu fyrsta
móti. Júlíus var nálægt því að taka
500 kg í samanlögðu á sínu fyrsta
móti en tæknileg mistök með
207,5 kg í réttstöðulyftu eyðilögðu
þann draum.
í 125 kg flokki sigraði Agnar
M. Jónsson, sem betur er þekktur
sem ólympískur lyftingamaður.
Hann sýndi á þessu móti að í hon-
um býr mikill styrkur og gæti hann
náð langt sem kraftlyftingamaður.
Torfi Ólafsson sigraði örugglega í
yfirþungavigt en var töluvert frá
sínu besta.
Þeir Torfi Ólafsson og Magnús
Steinþórsson háðu harða baráttu
um sæmdarheitið „Besti unglingur
í kraftlyftingum á íslandsmeistara-
móti 1987,“ og sigraði Torfi
naumlega. Magnús fór þó ekki
sæmdarheitarlaus frá þessu móti,
því hann vann bæði hnébeygju-
og bekkpressubikarinn en Torfi
fékk réttstöðulyftubikarinn.
AuðunnJónsson:
Elín Ragnarsdóttir:
Strákarnir mönuðu mig
YNGSTI keppandi kraftlyftinga-
mótsins var Auðunn Jónsson 14
ára. „Ég er langyngstur á mótinu
því sá næsti er 18 ára,“ sagði
hann.
Yfirleitt byrja menn ekki að æfa
kraftlyftingar fyrr en um 17 ára
aldur og var Auðunn inntur eftir
ástæðum þess að hann byrjaði
svona snemma. „Já, það er satt,
flestir byrja ekki fyrr en um 17.
Ég er aftur á móti búinn að æfa í
tvö og hálft ár. Ég hélt að ég
mætti ekki æfa svo ég og vinur
minn fórum í líkamsrækt í Engi-
hjalla. Við spurðum konuna í
afgreiðslunni hvort við mættum
æfa kraftlyftingar og hún sagði að
það væri allt í þessu fína. Vinur
minn hætti fljótlega en strákarnir
mönuðu mig að halda áfram. Það
er talið að meiðslahættan sé dálít-
ið mikil þegar maður er ungur en
ég hef passað mig á að byrja með
léttum þyngdum á meðan líkaminn
er að styrkjast. Ég er nýbyrjaður
að keppa en þeir sem óg æfi með
töldu að ég væri búinn að byggja
mig það vel upp að ég væri tilbú-
inn í slaginn. Það má því segja að
ég hafi verið tvö ár að byggja mig
upp fyrir mótin. Síðustu vikuna fyr-
ir mót hvíli ég mig og lyfti einungis
léttum þyngdum nokkrum dögum
fyrir mót," sagði Auðunn.
Morgunblaðiö/Bjarni Eiriksson
• Auðunn Jónsson brosir fallega til Ijósmyndarans.
Slæmt að fá
enga keppni
EINA STELPAN á unglinga-
meistaramótinu í kraftlyfting-
um var Elín Ragnarsdóttir
Hún stóð sig mjög vel og setti
fjölda meta. „Mér kom það
ekki á óvart því ég hef verið
að lyfta þessum þyngdum á
æfingu,“ sagði hún eftir þess-
ar velheppnuðu metlyftur.
Elín hefur æft kraftlyftingar
í tvö ár með hléum á sumrin.
„Ég var í líkamsrækt og leidd-
ist síðan út í þetta. Núna æfi
ég 3—4 sinnum í viku og eftir
jólin hef ég æft sérstaklega vel
með þetta mót í huga," sagði
hún.
En skildi ekki vera leiðinlegt
að vera eina stelpan á mótinu.
„Jú það er nú hálf leiðinlegt.
Við áttum reyndar að vera tvær
en hin hætti við. Það er slæmt
að fá enga keppni. Á móti fyrir
jól vorum við fjórar en ég veit
ekki hvers vegna þær stelpur
mæta ekki. íslandsmótið er í
apríl og vonandi verðum við
fleiri þá,“ sagði Elín að lokum.
MorgunblaöiÖ/Bjarni Eiríksson
• Stfllinn f lyftunum hjá Elínu
Ragnarsdóttur er mjög góður
eins og þessi mynd ber með sór.