Morgunblaðið - 28.02.1987, Blaðsíða 30

30
MORGUNBLAÐIÐ, LAUGARDAGUR 28. FEBRÚAR 1987
Menn frá Flugmálastj órn í Þórshöfn í Færeyjum:
Athugun á hagkvæmni
flugvallar í Þórshöfn
TVEIR sérfrseðingar á vegum Flugmálastjórnar eru nú staddir í
Þórshöfn í Færeyjum, þar sem þeir eru við mælingar og hag-
kvæmnirannsóknir vegna hugsanlegrar gerðar flugvallar í eða við
Þórshöfn. Þessi för tvímenninganna, kemur í kjölfar heimsóknar
borgarstjóra Þórshafnar, Paul Michaelsen, hingað til lands fyrir
tveimur vikum, en þá átti hann fundi með Pétri Einarssyni flugmála-
stjóra og fleiri starfsmönnum flugmálastjómar um þessi mál, og
hugsanlega samvinnu við íslendinga um undirbúninginn að flugvaU-
argerðinni. Ef af verður, er ætlunin að þessi fhigvöllur leysi
flugvöUinn í Vogum af hólmi, að mestu leyti, samkvæmt upplýsing-
um Michaelsen.
„Við hér í Þórshöfn, höfum mik-
inn áhuga á að gerður verði flug-
völlur hér eða í grennd við bæinn.
Því hefur borgarstjómin ákveðið
að forathugun fari fram á vegum
Þórshafnar, þar sem komi fram
hver er líklegur kostnaður, hver
væri heppilegasta staðsetningin og
hvaða kosti slíkur flugvöllur hefði,
umfram þann sem við Færeyingar
eigum í Vogum. Þetta þarf að ger-
ast nokkuð fljótlega, því niðurstöð-
ur þurfa að liggja fyrir, áður en
hugsanlega verður ákveðið að eyða
miklum §ármunum í endurbætur
og lagfæringar á flugvellinum í
Vogum, sem er alveg ljóst að verð-
ur aldrei góður flugvöllur," sagði
Paul Michaelsen borgarstjóri í Þórs-
höfn í samtali við blaðamann
Morgunblaðsins.
Aðalfundur
B.í. er í dag
AÐALFUNDUR Blaðamannafé-
lags íslands verður haldinn í
dag, laugardag, i húsakynnum
félagsins að Síðumúla 23 í
Reykjavík. Fundurinn hefst
klukkan 14.
Á dagskrá fundarins verða venju-
leg aðalfundarstörf.
Michaelsen sagði að íslenskir sér-
fræðingar kæmu við sögu, í þessari
forathugun. „Við vitum jú, að þið
á íslandi eigið marga góða sérfræð-
inga í flugmálum og flugvallargerð,
þar sem þið hafíð gert flugvelli um
allt land, við ekki ósvipaðar aðstæð-
ur og eru hér hjá okkur Færeying-
um. Hér, eins og hjá ykkur, þarf
að huga að fjöllum, ijörðum, vind-
átt og fleiru. Reyndar hefur
samvinna okkar við íslendinga þeg-
ar hafíst. Ég var á íslandi fyrir
tæpum tveimur vikum, og raeddi
þá við fulltrúa Flugmálastjómar.
Nú eru hingað komnir tveir sér-
fræðingar á vegum Flugmálastjóm-
ar, til þess að gera ýmsar mælingar
og athuganir, en endanlega höfum
við ekki gengið frá neinum samn-
ingum á milli okkar og Flugmála-
stjómar," sagði Michaelsen.
Michaelsen sagði að hann gerði
sér vonir um að niðurstöður þessar-
ar forathugunar gætu legið fyrir í
upphafí næsta árs, þannig að hægt
væri að taka stefnumarkandi
ákvörðun um framtíðarskipan flug-
vallarmála í Færeyjum hið fyrsta.
Það væri að sjálfsögðu ekki hægt,
fyrr en kostnaðaráætlanir og annað
lægju fyrir. Til dæmis væri ekki
hægt að ákveða hvort Þórshöfn ein
réðist í flugvallargerðina eða fengi
Landstjómina í lið með sér, en
vissulega væri vilji fyrir því í borg-
Paul Michaelsen, borgarstjór-
inn í Þórshöfn í Færeyjum.
arstjóm Þórshafnar, þó að vilji
Landsstjómarinnar væri enn sem
komið er, ekki borðleggjandi.
„Okkar röksemdafærsla fyrir því
að Landstjómin verði með í þessari
athugun og hugsanlegri gerð flug-
vallarins, er að sjálfsögðu sú, að
slíkur flugvöllur við Þórshöfn myndi
nýtast öllum Færeyingum, en ekki
einungis Þórshafnarbúum," sagði
Michaelsen, „en Landstjómin hefur
ekki viljað taka af skarið, enn sem
komið er, hvort hún vill vera með,
og þar myndi ég nú segja að lands-
málapólitíkin hér í Færeyjum hefði
sitt að segja. Jafnframt kæmi til
greina að danska ríkið legði slíkri
flugvallargerð eitthvert fjármagn
til, en um það er ekki hægt að segja
á þessu stigi, þar sem það er Land-
stjómin sem ákveður á hvaða hátt
fjárffamlögum frá Danmörku er
deilt niður á sveitarfélögin hér.“
Davíð Gunnarsson forstjóri Ríkisspitalanna tekur við afsali ibúð-
arinnar úr hendi Gunnlaugs Snædal, formanns Krabbameinsfélags
íslands. Á milli þeirra má sjá Viking Amórsson, prófessor i baraa-
lækningum og Jón Ásgeirsson framkvæmdastjóra Rauða Krossins.
Gáfu íbúð fyrir
foreldra krabba-
meinsveikra bama
RÍKISSPÍTÖLUNUM fyrir hönd Barnaspítala Hringsins
var í gær færð að gjöf tveggja herbergja íbúð í Reykjavík.
Gefendur eru Krabbameinsfélag íslands, Kvenfélagið
Hringurinn og Rauðikross íslands. íbúðin var gefin fyrir
tilstuðlan Samhjálpar foreldra sem er félagsskapur for-
eldra krabbameinsveikra barna.
Markmið gjafarinnar er að þeirra hafa því oft þurft að
foreldrar bama með krabbamein
og aðra sjúkdóma sem krefjast
langvinnrar meðferðar eigi at-
hvarf fyrir sig og bömin meðan
á lyfjameðferð og sjúkrahúsvist
stendur. í fréttatilkynningu seg-
ir að foreldrar bama utan af
landi með þennan sjúkdóm hafí
hingað til ekki átt neitt afdrep
utan sjúkrahússins. Ættingjar
hlaupa undir bagga.
Landsspítalinn hefur látið
endumýja íbúðina. Kvenfélagið
Hringurinn gaf húsgögn í hana.
Samhjálp foreldra gaf eldavél,
ísskáp, eldúsáhöld og síma.
Gefendur vilja færa seljanda
íbúðarinnar, Ögmundi Friðfínns-
syni og ættingjum hans þakkir
fyrir skilning á þessu málefni.
Hæstiréttur:
Dæmdur 1 sex man-
aða fangelsi vegna
falsaðra kvittana
FYRRUM fræðslustjóri Vestfjarðaumdæmis var í Hæstaréttí
dæmdur í 6 mánaða fangelsi fyrir að hafa notuð fölsuð skjöl
í blekkingarskyni og er það þyngri dómur en í héraði, þar sem
hann var dæmdur til 5 mánaða fangelsisvistar.
Málið snýst um notkun á 299
fölsuðum skjölum, sem eru kvitt-
anir frá pósthúsum árin
1976-1982, ökugjaldskvittanir frá
1981-1982 og reikningar frá rit-
fangaverslunum á árinu 1982. í
dómi Hæstaréttar segir að mörg
þessara skjala beri það ljóslega
með sér að breytt hafí verið tölum
í þeim, svo sem með því að bæta
tölustöfum ffatnan við eða inn í
tölur, breyta tölustöfum og fleira.
Þessar viðbætur séu oft gerðar
með annars konar bleki eða öðru-
vísi penna og stafagerð sé önnur.
Ákærði var settur í stöðu
Fræðslustjóra árið 1976 og skip-
aður ári síðar. Honum var veitt
lausn um stundarsakir vegna máls
þessa sumarið 1983. í dómi
Hæstaréttar segir að ákærði hafí
notað umrædd skjöl í reiknings-
skilum sínum við ríkissjóð. Þótt
ekki væri sannað svo óyggjandi
væri að ákærði hafí falsað skjölin
sjálfur með eigin hendi þætti ekki
efamál að skjölin hafí hann notað
vísvitandi til þess að blekkja með
þeim í lögskiptum. Því bæri að
refsa honum fyrir það og til refsi-
hækkunar bæri að líta á að hann
var opinber starfsmaður og mis-
notaði aðstöðu sína. Taldi Hæsti-
réttur hæfílega refsingu vera 6
mánaða fangelsi. Auk þess var
ákærða gert að endurgreiða það
fé sem hann hafði af ríkissjóði,
eða 39.558,25 krónur, auk vaxta.
Hæstiréttur gerði athugasemdir
við meðferð héraðsdómara á mál-
inu. Var það í fyrsta lagi varðandi
skýrslur sem teknar voru af vitn-
um og segir Hæstiréttur að þau
hafí lítt eða ekki verið spurð sjálf-
stætt, heldur látið nægja að bóka
að þau staðfesti framburð sinn
fyrir lögreglu. Engar lögreglu-
skýrslur hafí þó verið teknar af
vitnunum, heldur liggi aðeins fyrir
skýrsla rannsóknarlögreglu-
manns, þar sem hann segir ffá
viðtölum við vitnin. Þá gerði
Hæstiréttur athugasemd við það
að héraðsdómari hafði við samn-
ingu dóms fellt inn í hann margar
af skýrslum ákærða og vitna fyrir
dómi og fyrir rannsóknarlögreglu,
í heilu lagi, nær orðréttar og án
nokkurrar úrvinnslu.
Dóminn kváðu upp hæstaréttar-
dómaramir Magnús Thoroddsen,
Guðmundur Jónsson, Guðmundur
Skaftason, Halldór Þorbjömsson
og Magnús Þ. Torfason.
Forseti íslands, Vigdís Finnbogadóttir, afhendir Sören Jessen Petersen, yfirmanni Norðurlandaskrif-
stofu Flóttamannastofnunarinnar framlag Rauða kross íslands. Lengst tÚ vinstri eru Jón Ásgeirsson
framkvæmdastjóri RKÍ og Guðjón Magnússon formaður RKÍ.
Flóttamenn ’86:
Rauði krossinn leggur
fram 6 milljónir króna
FORSETI íslands, Vigdís Finnbogadóttir, sem var vemdari söfnunar
Rauða kross íslands fyrir Flóttamannastofnun Sameinuðu þjóðanna
afhenti í gærmorgun Sören Jessen Petersen, yfirmanni Norðurlanda-
skrifstofu stofnunarinnar 6 milljónir króna sem framlag íslendinga
tíl söfnunarinnar „Flóttamenn ’86“.
Söfnunin hófst 20. desember og
stóð yfír í tvo daga á flestum stöð-
um á landinu, en var nokkru síðar
á sumum stöðum. Alls söfnuðust
tæplega 2,7 milljónir króna í söfn-
uninni. Ríkissjóður lagði síðan fram
2,5 milljónir króna og beint framlag
RKÍ var rúmar 800 þúsund krónur,
eða samanlagt 6 milljónir króna.
Kostnaður við söfnunina hér á landi
varð samtals tæpar 1,9 milljónir
króna.
í reikningsyfirliti sem Rauði
krossinn hefur sent frá sér vegna
söfnunarinnar kemur fram, að allt
söfnunarféð rennur óskert til verk-
efna á vegum Flóttamannastofnun-
arinnar og raunar heldur meira, eða
sem nemur beinu framlagi RKÍ. í
fréttatilkynningu RKÍ segir að það
sé Rauða krossinum mikils virði að
geta með þessum hætti stutt flótta-
fólk, sem líður skort og á við
margvísleg vandamál að stríða og
er þeim fjölmörgu íslendingum, sem
lögðu fram fé málefni þessu til
stuðnings færðar þakkir fyrir fram-
lagið.