Morgunblaðið - 14.12.1994, Side 44

44 MIÐVIKUDAGUR 14. DESEMBER 1994
MORGUNBLAÐIÐ
Dýraglens
BREF
TIL BLAÐSINS
Kringlan 1103 Reykjavík # Sími 691100 • Símbréf 691329
ER skólabíllinn ekki kominn Af hverju opnarðu ekki augun Það er of árla morguns til að
ennþá? og gáir að því sjálf? vera að hafa fyrir því.
Kristilegar
rannsóknar-
niðurstöður
Frá Vilhjálmi Erni Vilhjálmssyni:
í BRÉFI Þorsteins Guðjónssonar,
sem birtist 24. nóvember, heldur
hann því fram að ég viti, að að-
eins 500.000 gyðingar hafi látist
í Osviecim. Ég kallaði þetta nú
reyndar morð í fyrsta svari mínu,
en ekki andlát eða manntjón eins
og Þorsteinn. Ég trúi ekki á töluna
500.000, þar sem nýlegar rann-
sóknir benda í allt aðra átt. Þar
að auki er ekkert sem hindrar mig
í að kalla staðinn Auschwitz, þótt
Þorsteinn Guðjónsson sé hallari
undir hið pólska nafn Osviecim.
Menn gleyma ekki Auschwitz nas-
ista með þvi nota hið minna þekkta
nafn staðarins.
Þorsteinn er á þeirri skoðun að
engar útrýmingarbúðir hafi verið
til í Þýskalandi og aðeins sé um
útrýmingu að ræða ef gas er not-
að. Neuengamme, Belsen, Ravens-
briick, Sachsenhausen, Buchen-
wald, Flossenburg, Natzweiler,
Dachau og Mathausen voru meðal
búða í Stór-Þýskalandi, þar sem
gyðingar voru myrtir. Þar af leið-
andi voru það útrýmingarbúðir.
Nasistar gerðu einnig tilraunir
með gasútrýmingar á fötluðum í
Þýskalandi. Gyðingar voru myrtir
í flutningabílum með því að leiða
útblástur bílanna inn í þá. Gasið,
sem var notað í útrýmingarbúðum
nasista, var t.d. Zyklon B, fram-
leitt með fágun þýsks iðnaðar og
misnotað af nasistum til að full-
komna áform þeirra. Þau áform
mótuðust á fundinum um loka-
lausnina í Wannsee í janúar árið
1942. Áður en það gerðist höfðu
hundruð þúsunda gyðinga verið
myrt af nasistum allt frá árinu
1933.
Eins sé ég að Þorsteinn veit
ekki hvað margar þrælkunarbúðir
voru umhverfis stóru útrýmingar-
búðirnar. Umhverfis Auschwitz
voru u.þ.b. 30 þrælkunarbúðir og
þar var fólk einnig myrt. í flestum
löndum, sem nasistar hertóku,
voru þrælkunar- og útrýmingar-
búðir. Þar var fólk myrt og það
er ekki til fínna orð yfir það sem
átti sér stað. Þegar búið var að
nýta vinnukraftinn og sjúga lífs-
kraftinn úr fólkinu var það sent
til útrýmingar.
Þorsteinn Guðjónsson dregur í
efa að 5‘/2 milljón manna hafi ver-
ið til og lítilsvirðir um leið fólk sem
missti ættingja sína og heilu fjöl-
skyldurnar sem hurfu af yfirborði
jarðar. Það er mannfyrirlitning og
fordómar á hæsta stigi. Mann-
fyrirlitningu sýnir Þorsteinn einnig
þegar hann varar íslendinga við
Þjóðverjum og Efnahagsbandalag-
inu. Það eru því ekki bara gyðing-
ar sem hann treystir ekki.
Allan sinn sannleika virðist Þor-
steinn sækja til kristilegra rann-
sókna „Christian Research“ í Ariz-
ona í Bandaríkjunum. Þá vitum
við að samtök sem kenna sig við
gyðinginn Jesúm Krist, dreifa svo-
kölluðum sannleika um þjóðar-
morð á gyðingum á 20. öld. Christ-
ian Research er reyndar nafngjöf
á samtökum og tímariti, sem dreif-
ir áróðri kynþáttahatara, endur-
skoðunarsinna og nýnasista. Þor-
steinn er í samfloti með þessum
samtökum þegar hann rekur áróð-
ur fyrir þau í íslenskum fjölmiðlum
og tengist því ef til vill alheims-
samtökum kynþáttahatara og
nýnasista. Hvað á maður annars
að halda?
Ef fleiri skoðanabræður og
-systur Þorsteins Guðjónssonar
eru til á Islandi þá skora ég á þau
að koma úr fylgsnum sínum og
leggja fyrir okkur þann mikla
sannleika sem þau hafa höndlað
um gyðinga og „Holocaust-iðnað“
þeirra. Ef slíkur sannleikur er til
í okkar litla landi verður hann að
sjálfsögðu að koma fram. Nú er
kominn tími til að fólk í samtök-
um, sem hatar nýja íslendinga,
ákveðna útlendinga og sérstaklega
gyðinga komi fram og skýri sín
sjónarmið.
I grein sinni 7. desember lýsir
Þ.G. því yfir að hann sé stoltur
af þeim „norræna stofni“ sem
hann segist tilheyra. Er Þorsteinn
nú alveg viss um að hann sé af
norrænum stofni? Hann hefur ef
til vill fengið „rassenattest"?
Að lokum þetta. Ég er fullviss
um að skoðanir Þorsteins eru ein-
ungis slæmt tilfelli af einangr-
unarstefnu, útlendingahatri og öf-
und, sem alltaf hefur hijáð marga
hér á landi. Sú ómenning mun líða
undir lok með auknum §ölda er-
Jends fólks, sem getur bætt og
blómgað þann merka stofn sem
sumir telja að hafi verið hér
óblandaður frá upphafi landnáms.
Við erum nú fyrst að sjá nokkur
dæmi um fjölbreytileikann og feg-
urð hans í mannlegum samskipt-
um. Sjóndeildarhringurinn breikk-
ar og vonandi mun litrík og for-
dómaminni þjóð búa í þessu landi
í framtíðinni. Við getum heldur
ekki gert það að aðalskilyrði að
fólk tali reiprennandi íslensku til
að geta talist íslendingar eins og
oft hefur verið hamrað á. Lítils-
virðingu við erlent fólk og þá sem
eru öðruvísi en fjöldinn verður að
linna. Það er ekki nóg að yrkja
landið, fólkið verður einnig að
fegra. Ég fagna þeim degi, að
moska rís í Mosfellssveit eða sýna-
góga á Selfossi og að bænir á
Alþingi verði ekki aðeins kristnar.
Einhvern daginn lærir Þorsteinn
Guðjónsson að elska aðra og þá
fyrst verður hann hreykinn af sjálf-
um sér.
VILHJÁLMUR ÖRN
VILHJÁLMSSON,
Neshaga 15, Reykjavík.
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 691100. Aug-
lýsingar: 691111. Áskriftir: 691122. SÍMBRÉK: Ritstjórn 691329, fréttir 691181,
íþróttir 691156, sérblöð 691222, auglýsingar 691110, skrifstofa 681811, gjaldkeri
691115. Áskriftargjald 1.500 kr. á mánuði innanlands. í lausasölu 125 kr. eintakið.
\