Morgunblaðið - 14.12.1994, Blaðsíða 10
10 MIÐVIKUDAGUR 14. DESEMBER 1994
MORGUNBLAÐIÐ
FRÉTTIR
V estfjarðaaðstoð
Fyrstu
þrjú lánin
afgreidd
STJÓRN Byggðastofnunar samþykkti
í gær þrjár lánveitingar til fyrirtækja
á Vestfjörðum að tillögu Vestfjarða-
nefndar. Lánveitingamar era til
Kambs á Flateyri, Hólmadrangs á
Hólmavík og Riturs á Isafírði. Þær
umsóknir sem enn eru óafgreiddar
verða afgreiddar í þessum mánuði.
Kambur fékk 50 millj. að láni, en
fyrirtækið er sameinað úr þremur
fyrirtækjum, m.a. Hjálmi og Kambi
á Flateyri. Hólmadrangur á Hólma-
vík fékk 30 millj., en í því sameinuð-
ust Hraðfrystihúsið á Hólmavík,
Hraðfrystihúsið á Drangsnesi og
Hólmadrangur hf. Þá fékk Ritur á
ísafirði 20 millj., en fyrirtækið keypti
eignir Niðursuðuverksmiðjunnar hf.
og Rækjustöðvarinnar hf. á ísafirði.
Vestfjarðanefnd bárust 17 um-
sóknir, en að sögn Eyjólfs Sveinsson-
ar, formanns Vestfjarðanefndar, full-
nægja ekki allar þeirra ákvæðum
laga um Vestfjarðaaðstoð.
Alls verður 300 milljónum varið
til Vestfjarðaaðstoðar.
Samkomulag hefur náðst um fjárhagsleg samskipti ríkis og sveitarfélaga
Sveitarfélög greiða ekki í
Atvinnuley sistryggingasj óð
RÍKISSTJÓRNIN mun hverfa frá áformum í
fjárlagafrumvarpi fyrir árið 1995 um að sveitar-
félögin greiði framlög í Atvinnuleysistrygginga-
sjóð. Hins vegar mun ríkisstjómin beita sér
fyrir því að sjóðurinn hafi áfram ótvíræðar
heimildir til að styrkja átaksverkefni sveitarfé-
laga með sambærilegum hætti og á þessu ári.
Þá mun ríkisstjórnin beita sér fyrir lántöku-
heimild til handa Innheimtustofnun sveitarfé-
laga fyrir allt að 150 milljónum króna í því
skyni að unnt verði að draga samsvarandi úr
framlagi Jöfnunarsjóðs sveitarfélaga til stofn-
unarinnar á þessu ári. Þau sveitarfélög sem
ekki hafa fengið greidd að fullu þjónustufram-
lög úr Jöfnunarsjóði munu fá þau greidd á
næstunni.
Auðveldar samstarf ríkis og sveitarfélaga
Vilhjálmur Þ. Vilhjálmsson, formaður Sam-
bands íslenskra sveitarfélaga, sagðist í samtali
við Morgunblaðið vera mjög ánægður með þá
niðurstöðu sem fengist hefði í viðræðum
sveitarfélaganna og ríkisins og mikilvægt að
það skuli hafa náðst„Þessi niðurstaða mun
vissulega auðvelda nauðsynlegt samstarf ríkis
og sveitarfélaga um ýmis mikilvæg mál eins
og til dæmis framkvæmdina vegna reynslu-
sveitarfélaga og áframhaldandi vinnu vegna
yfirfærslu grunnskólans til sveitarfélaganna.‘.‘
Fylgst með atvinnuskapandi verkefnum
„Sveitarfélögin munu nú ekki greiða 600
milljónir króna í Atvinnuleysistryggingasjóð
eins og þau hafa gert tvö undanfarin ár, en
hins vegar mun sjóðurinn áfram hafa heimild
til að styrkja átaksverkefni sveitarfélaga með
sama hætti og verið hefur. Stjóm Sambands
íslenskra sveitarfélaga mun beina því til sveitar-
félaganna að þau haldi áfram samstarfi við
Atvinnuleysistryggingasjóð í þeim tilgangi að
skapa atvinnutækifæri fyrir fólk á atvinnu-
leysiskrá. Sveitarfélögin hafa lagt mikið af
mörkum í þessu sambandi, aðallega á tveimur
síðastliðnum árum, og það liggur ljóst fyrir að
það er fullur vilji hjá þeim til að sinna þessum
þætti áfram,“ sagði Vilhjálmur.
Til að stuðla að framkvæmd átaksverkefna
sveitarfélaga í samstarfi við Atvinnuleysis-
tryggingasjóð svo og sérstökum aðgerðum í
þágu langtíma atvinnulausra verður komið á
fót nefnd fulltrúa fjármálaráðuneytis, félags-
málaráðuneytis, stjórnar Atvinnuleysistrygg-
ingasjóðs og Sambands íslenskra sveitarfélaga.
Á nefndin jafnframt að fylgjast með öðrum
atvinnuskapandi aðgerðum sveitarfélaganna.
Þá verður komið á fót nefnd félagsmálaráð-
herra, heilbrigðis- og tiyggingamálaráðþerra,
fjármálaráðherra og Sambands íslenskra sveitar-
félaga sem m.a. á að leggja fram tillögur til
úrbóta í málefnum meðlagsgreiðenda og með-
lagsmóttakenda, sem miðist varanlega að því
að fjárvöntun Innheimtustofnunar sveitarfélaga
verði undir 300 milljónum króna á ári, til þess
að ekki þurfi framar að taka lán vegna óinn-
heimtra meðlaga og að Jöfnunarsjóður sveitarfé-
laga geti sinnt hlutverki sínu í framtíðinni.
Forsætisráðuneytið um ráðningu umboðsmanns barna
Ekkert bendir til að
aðrir umsækjendur
hafi verið hæfari
ÞEGAR til alls þessa er litið, er
ekkert sem bendir til að aðrir um-
sækjendur um starf umboðsmanns
bama hafi verið hæfari Þórhildi
Líndal eins og það er hugsað af
löggjafans hálfu, segir í fréttatil-
kynningu frá forsætisráðuneytinu,
sem Morgunblaðinu hefur borizt.
Fréttatilkynningin fer hér á eftir:
„FORSÆTISRÁÐUNEYTIÐ
hefur í dag svarað beiðni tveggja
umsækjenda um embætti umboðs-
manns barna um að skipun í emb-
ættið verði rökstudd. í svari ráðu-
neytisins kemur fram að enda þótt
litið sé svo á, að þeim hafi þegar
verið greint frá sjónarmiðum þeim
sem réðu niðurstöðu ráðuneytisins
í bréfí til þeirra, dags. hinn 28.
október sl., sé eftirfarandi tekið
fram til skýringar:
Ákvæði stjómsýslulaga gera
ekki ráð fyrir að rökstuðningur
fylgi ákvörðunum stjórnvalda. Þeir
sem hlut eiga að máli geta hins
vegar krafist þess, að stjórnvald
rökstyðji ákvörðun sína skriflega,
hafi slíkur rökstuðningur ekki
fylgt ákvörðuninni þegar hún var
tilkynnt, sbr. 21. gr. laganna.
Ráðuneytið gekk því lengra en
stjómsýslulögin mæla fyrir um
með því að láta skriflegan rökst-
uðning fylgja umræddri ákvörðun
um leið og hún var kunngerð.
Þá er rétt að taka fram að ráðu-
neytinu er einungis skylt, svo seip
það hefur þegar gert, að færa fyrir
því rök hvers vegna tiltekinn um-
sækjandi varð fyrir valinu, en ekki
af hveiju aðrir umsækjendur vom
ekki skipaðir í umrætt embætti.
í 22. gr. stjómsýslulaga er m.a.
fjallað um efni rökstuðnings. Þar
kemur fram að í fyrsta lagi beri
að vísa til þeirra réttarreglna sem
ákvörðun er byggð á, í öðru lagi
að skýrt skuli frá þeim meginsjón-
armiðum sem réðu ákvörðun þegar
um mat er að ræða, og loks í þriðja
lagi að raktar skuli í stuttu máli
upplýsingar um atvik sem höfðu
verulega þýðingu við úrlausn máls-
ins. Öll þessi atriði koma fram í
fréttatilkynningu þeirri, sem fylgdi
erindi ráðuneytisins til umsækj-
enda og myndaði þannig hluta af
rökstuðningi þess.
í 2. gr. laga um umboðsmann
bama er áskilið, að hann skuli
hafa lokið háskólaprófi og jafn-
framt segir að hafi hann ekki lok-
ið embættisprófi í lögfræði skuli
lögfræðingur starfa við embættið.
í athugasemdum með frumvarpi
því, er varð að lögum þessum, er
sérstaklega tekið fram að án efa
muni „umfjöllun um ýmis lagaleg
atriði varðandi börn verða eitt
meginverkefni umboðsmanns“,
auk þess sem víða má sjá þessa
stað í lögunum sjálfum. Með hlið-
sjón af þessu telur ráðuneytið það
bæði vera í samræmi við skýran
vilja löggjafans og um leið hag-
kvæmt fyrir ríkið að í embætti
umboðsmanns veljist lögfræðingur
með langa og farsæla starfs-
reynslu, m.a. af málefnum barna.
Það kemur einnig fram í lögum
um umboðsmann bama að verk-
smið hans er mjög rúmt þ.á m. er
honum ætlað að „setja fram ábend-
ingar og tillögur um úrbætur sem
snerta hag bama á öllum sviðum
samfélagsins“. Þess vegn? er eðli-
legt að sá, sem embættinu gegnir^
hafi sem víðtækasta reynslu. I
þessu sambandi er rétt að taka fram
að skv. 7. gr. laga um umboðsmann
barna er umboðsmanni heimilt að
ráða sérfræðinga til að vinna að
einstökum verkefnum þegar þörf
er sérstakrar sérfræðiþekkingar.
Þórhildur Líndal hefur lengstan
starfsaldur hjá hinu opinbera af
þeim lögfræðingur sem um emb-
ættið sóttu. Á hún að baki fjöl-
breyttan starfsferil þar sem hún
hefur í störfum sínum hjá yfirborg-
ardómaranum í Reykjavík, félags-
málaráðuneyti og forsætisráðu-
neyti fengist við margbreytileg við-
fangsefni sem m.a. varða hags-
muni barna, beint og óbeint. Aug-
ljóst er að staðgóð þekking á rétt-
arkerfinu og stjórnkerfinu er mikil-
væg í baráttu fyrir hagsmunum
og réttindum barna. Eins og fram
kemur í fyrrgreindri fréttatilkynn-
ingu hefur Þórhildur sinnt málefn-
um barna sérstaklega, þ.á m. farið
með barnaverndarmálefni í félags-
málaráðuneytinu og nú síðast
gegnt formennsku í nefnd sem
hefur það hlutverk að semja allar
reglugerðir skv. nýjum lögum um
vernd barna og ungmenna.
Þegar til alls þessa er litið, sem
að framan segir, svo og til þess,
sem fram kemur í fyrrgreindri
fréttatilkynningu, er ekkert sem
bendir til að aðrir umsækjendur
hafi verið hæfari Þórhildi Líndal
til þess að gegna embætti umboðs-
manns barna eins og það er hugs-
að af löggjafans hálfu.
Loks skal tekið fram að allar
umsóknir um stöðuna gengu beint
til ráðuneytisstjóra og undirbjó
hann tillögu um afgreiðslu málsins
í hendur ráðherra."
Opið hús í kvöld
HELLISGATA 7, HF. - EINBÝLI
Nýkomið í sölu 154 fm einbýli, sem er bjárujámsklætt timburhús,
tvær hæðir, auk rýmis í kjallara. 4 svefnherb., stofur, gott eldhús.
Frábær staðsctning. Útsýni. Verð 8,5 millj.
Opið hús í kvöld frá kl. 20-22. Steinunn og Gísli taka vel á
móti þér. Heitt á könnunni. Líttu við!
VALHÚS, fasteignasala,
Reyhjavíkurveg 62,
sími 651122.
Kristján Jóhannsson
Kristján Jóhanns-
son í bandarísku
sjónvarpi
UPPTAKA sem bandaríska
sjónvarpsstöðin CBS gerði á
hátíðartónleikum Kristjáns
Jóhannssonar á Listahátíð í
sumar, verður send um öll
Bandaríkin á sunnudagsmorg-
un, milli klukkan 09.00 og
10.30 að New York tíma.
Útsendingin verður í þætti
sem er nefndur „Sunday
Morning" en stjórnandi hans
er Charles Osgood.
Við undirleik _
Sinfóníuhljómsveitar íslands
Á tónleikunum, sem voru í
Laugardalshöllinni, fimmtu-
daginn 16. júní, söng Kristján
með Sinfóníuhljómsveit ís-
lands, undir sfjórn Ricos Sacc-
anis.
Á efnisskránni var Forleik-
ur að Mignon, eftir Amroise
Thomas, La fleur que tu
m’avais jetée, aría úr Carmen,
eftir Bizet, Intermezzo úr
Pagliacci, Visti la giubba, aría
úr Pagliacci, eftir Leonca-
vallo, Iprovisio, aría úr
Andrea Chenier, eftir Giord-
ano, Stundadansinn úr La Gi-
oconda, eftir Ponchielli, For-
leikur að Vespri Siciliani, Ah
si ben mio, aría úr II Trovat-
ore, eftir Verdi, Intermezzo,
úr Manon Lescau, Che gelida
manina, aría úr La Bohéme
og Nessun dorma, aría úr
Turandot, eftir Puccini.
Sterkt fyrir mig
Morgunblaðið náði tali af
Kristjáni á heimili hans á ítal-
íu í gær og sagði hann að þessi
útsending væri mjög sterk fyr-
ir sig. „Eg hef að vísu komið
áður fram í Bandarísku sjón-
varpi,“ sagði Krislján, en þessi
þáttur á sunnudagsmorgnum
hjá CBS er miklu vinsælli sá
var. Auk þess sjá hann miklu
fleiri. Hann er sendur út um
öll Bandaríkin og Kanada, svo
það geta eitthvað á bilinu
200-400 milljónir manna séð
hann.“
í þætti Lettermans?
Á gamlársdag verða síðan
sendir út tónleikar sem Krist-
ján kom fram á í Bandaríkj-
unum í nóvember, á PBS sjón-
varpsstöðinni, rás 13. Tónleik-
arnir vour í Avery-Fisher Hall
i Lincoln Centre og voru til
styrktar krabbameinssjúkum.
I bígerð er einnig að Kristján
verði gestur Davids Letter-
mans í rabbþætti hans á bilinu
febrúar til mars.