Morgunblaðið - 14.12.1994, Blaðsíða 15

MORGUNBLAÐIÐ
' ✓
MIÐVIKUDAGUR 14. DESEMBER 1994 15
Islandsflug með aukaflug til Bretlands
ÍSLANDSFLUG flýgur nú einu
sinni á dag alla virka daga til
Bretlands. Síðastliðinn fimmtu-
dag var farið aukaflug til að
koma vörum heim fyrir helgina.
Undanfamar vikur hefur flugið
verið mjög vel nýtt og er útlitið
gott framundan, segir í fréttatil-
kynningu frá íslandsflugi.
Nú er hálft ár liðið frá því
að fraktflugið hófst. íslandsflug
flýgur til East Midlands-flug-
vallar sem er á milli Birming-
ham og Nottingham, en frá flug-
vellinum er innan við tveggja
tíma akstur til allra helstu stór-
borga. Félagið er með umboðs-
mann í Bretlandi sem er sér-
fræðingur í flutningum þar í
landi.
íslandsflug flytur alla DHL
frakt til og frá íslandi og gerir
DHL kleift að bjóða viðskipta-
vinum sínum sólarhringsaf-
greiðslu á sendingum. Flutning-
ar hjá DHL hafa aukist um 40%
og má það að mestu þakka þessu
nýja næturflugi íslandsflugs, að
því að segir í fréttinni.
Bílar
11.9% fleiri bílar
seldir í nóvember
Briissel. Reuter.
SALA nýrra bifreiða í Vestur-Evr-
ópu jókst um 11.9% í nóvember
miðað við sama mánuð í fyrra og
aukningin nemur 21.4% í Frakk-
landi og 18.4% á Ítalíu að sögn
bíliðnaðarsamtakanna ACEA.
Samkvæmt bráðabirgðatölum
voru 926,400 nýir farþegabílar
skráðir miðað við 827,900 í nóvem-
ber 1993. Eftirspum jókst um
11.4% í aðildarlöndum Evrópusam-
bandsins.
Á tímabilinu janúar-nóvember
jukust nýskráningar um 5.4% í
Vestur-Evrópu og um 5.2% í ESB
miðað við sömu mánuði 1993.
Eftirspum í nóvember jókst um
8.6% í Þýzkalandi, 60.3% í Dan-
mörku og 20% á írlandi, en minnk-
aði um 0.6% í Bretlandi og 14.3%
í Grikklandi.
Tölvur
Compaq
fer fram
úrlBMí
Evrópu
London. Reuter.
COMPAQ-tölvufyrirtæ'kið í Houston
hefur náð forystunni af IBM í sölu
einkatölva í Vestur-Evrópu á þessu
ári og mun líklega halda henni á
næsta ári. Heildarsala á markaðnum
er áætluð 24 milljarðar dollara 1994
og 25.5 milljarðar dollara 1995.
Sala á einkatölvum hefur einkum
þjónað þörfum fyrirtækja, en þær
höfða í vaxandi mæli til fjölskyldna,
sem telja CD-ROM-geisladiska
ómissandi kennslutæki. Sala hefur
einnig aukizt vegna alþjóðlega tölvu-
netsins Intemet, sem nær til 30 millj-
óna áskrifenda.
Aukinni sölu spáð
Sumir sérfræðingar telja að áskrif-
endum Intemet muni fjölga um 30
milljónir á næsta ári og sala á einka-
tölvum því aukast. í Vestur- Evrópu
er talið að salan verði rúmlega 13
milljónir 1994 miðað við tæplega 11
milljónir 1993 og aukist í um 15-1/2
milljónir 1995.
Markaðshlutdeild Compaq, sem
mun ýta IBM úr fyrsta sæti í Evrópu
í fyrsta sinn í ár, verður 13.5% 1994
að sögn sérfræðinga miðað við 10.5%
1993. Hlutur IBM muni minnka í um
13% úr 14.7% 1993.
Apple er í 3. sæti í Vestur-Evrópu
með rúmlega 8% markaðshlutdeild.
Olivetti er með rúmlega 4% og aðrir
minna.
Fjölmiðlar
New York
Times færir
út kvíarnar
New York. Regter.
NEW York Times hyggst veija einum
eða einum og hálfum milljarði dollara
til þess að kaupa sjónvarpsstöðvar
og kaplasjónvarp og þróa rafrænt
upplýsingakerfi fyrir árið 2000.
Ákvörðunin markar tímamót í sögu
virtasta dagblaðs Bandaríkjanna, sem
hefur lengi verið gagnrýnt fyrir
íhaldssemi. Framkvæmdastjóri blaðs-
ins, Lance Primis, hét því á fundi fjár-
festa að blaðið mundi hreppa fyrstu
Pulitzer-verðlaun rafrænna dagblaða.
Vonir standa til að tekjur blaðsins
af rafrænum fjölmiðlum aukist í 25%
fyrir aldamót. Langt er síðan aðrar
blaðaútgáfur eins og Knight-Ridder
og Dow Jones tóku upp rafræna upp-
lýsingaþjónustu til að drýgja tekjur
sínar og vega á móti minnkandi út-
breiðslu.
New York Times mun fyrst huga
að kaupum á sjónvarpsstöðvum, að-
allega á meðalstórum markaðssvæð-
um. Stöðvar fyrirtækisins ná nú til
um 2% bandarískra heimila og stefnt
er að því að þrefalda þá hlutdeild.
imoi
hlýlegu Jólagjafa
sem fást í
Slceljungsbúðinni
eðurkuldaskór,
uppháir og
loðfóðraðir
Stýrissleði
með bremsum
og dempara
Gönguskór,
loðfóðraðir
Skógrækt með Skeljungi
Ath. nýtt greiðslukortatímabil
hefst á morgun, 8. des
Skeljungsbúöin
Suðurlandsbraut 4 • Sími 603878
Opið mán. - fös. kl. 9.00-18.00, laug. kl. 10.00-14.00
á Suðurlandsbraut 4