Morgunblaðið - 14.12.1994, Blaðsíða 2
2 MIÐVIKUDAGUR 14. DESEMBER 1994
FRETTIR
MORGUNBLAÐIÐ
Ráðherra segir hugsanlegt
að hætta taimlæknakennslu
Formaður og varaformaður fjárlaga-
nefndar Alþingis sögðu deildina
hugsanlega óþarfa
FORMAÐUR og varaformaður
fjárlaganefndar vörpuðu báðir
fram þeirri spumingu á Alþingi í
gær, hvort ekki væri rétt að leggja
niður tannlæknadeild Háskóla Is-
lands og semja við nágrannaþjóðir
okkar um menntun íslenskra tann-
lækna. Menntamálaráðherra s^gð-
ist telja, að þetta kæmi til greina
og hefði raunar verið rætt inann
háskólans. Ráðherra sagði þetta
hins vegar mál stofnunarinnar og
myndi hann ekki beita sér fyrir
slíkri breytingu.
Of margar greinar?
Sigbjöm Gunnarsson formaður
íjárlaganefndar sagði, að á undan-
fömum vikum hefði mikið verið tal-
að um framlög til háskóla og há-
skólastarfsemi. Sigbjöm sagði að
það hefði stundum vakið athygli
sína að stjómendur ýmissa af
stærstu stofnunum landsins virtust
ragir að raða verkefnum í forgangs-
röð. Menn hlytu að hugleiða alvar-
lega í hvaða átt skuli þróa Háskóla
íslands hvað þetta varðaði og velta
mætti því fyrir sér hvort skynsam-
legt væri að hafa allar þær náms-
greinar á boðstólum sem nú em í HÍ.
„Ég nefni til að mynda tann-
læknadeild þar sem fáir nemendur
útskrifast árlega, en ég hygg að
rekstrarkostnaður við deildina sé
sérlega mikill. Það mætti jafnvel
hugleiða hvort ekki væri einfald-
lega auðveldara að semja við ein-
hveija af nágrannaþjóðum okkar
um menntun þeirra tannlækna sem
þjóðin þarf á að halda og verja í
staðinn þeim fjármunum sem við
það mundu sparast til öflugri
menntunar í þeim deildum sem fyr-
ir em í háskólanum," sagði Sig-
björn.
Dýr deild
Sturla Böðvarsson varaformaður
fjárlaganefndar tók undir þetta
sjónarmið og upplýsti, að tann-
læknadeildin væri í 1.600 fermetra
húsnæði og kostnaður við rekstur
hennar væri 44,6 milljónir króna.
49 nemendur væra í deilinni í ár
og sex útskrifuðust þaðan en stöðu-
gildi væm 19,1.
„Það má til samanburða,r nefna,
að verkfræðideild háskólans fær
87 milljónir króna af fjárlögum rík-
isins á þessu ári. Þar em 247 nem-
endur. Auðvitað er mjög erfítt að
bera saman framlög til einstakra
deilda háskólans en samt er rík
ástæða til að vekja athygli á þessu,
ekki síst vegna þeirrar umræðu
sem hefur verið um Háskóla ís-
lands og þá spumingu hvort hægt
sé að forgangsraða með öðmm
hætti. Og háskólinn verður að þola
það að vakin sé athygli á því sem
gerist þar innan veggja, ekki síður
en annars staðar í þjóðfélaginu,"
sagði Sturla.
Fjárlaganefnd hefur ekki lokið
umfjöllun um málefni Háskóla ís-
lands í tengslum við fjárlagafmm-
varpið og bíður sú umfjöllun þriðju
umræðu um frumvarpið. Þriðju
umræðu bíður einnig umfjöllun um
sjúkrastofnanir á höfuðborgar-
svæðinu og ýmis landbúnaðarmál
auk umfjöllunar um tekjuhlið fmm-
varpsins.
Gatnagerð og lagnir í
Borgahverfi
28 millj.
boði Loft-
orku tekið
BORGARRÁÐ samþykkti í gær til-
boð í 2. áfanga gatnagerðar og lagna
í Borgahverfí. Tilboði Loftorku upp
á 27,9 milljónir var tekið, en fyrir-
tækið átti næst lægsta tilboðið.
13 tilboð bámst og var hið lægsta
frá ÁN verktökum, rúmar 27,8 millj.,
eða 76,5% af kostnaðaráætlun, sem
var rúmar 36,3 millj. Tilboð Loftorku
var 77% af kostnaðaráætlun. í um-
sögn gatnamálastjóra til stjórnar
Innkaupastofnunar segir, að ÁN
verktakar hafí unnið að nokkmm
verkefnum fyrir gatnamálastjóra og
hafí þau öll gengið vel. Hann telji
því ÁN verktaka fullfæra tæknilega
til að taka að sér gatnagerðina. At-
hugun á fjárhag fyrirtækjanna hafí
hinsvegar leitt í ljós að staða Loft-
orku væri mun traustari og væri því
lagt tii að gengið yrði til samninga
við þá. Ummæli hitaveitunnar lutu
að því að ÁN verktakar hefðu ekki
unnið hliðstætt verk fyrir Hitaveitu
Reykjavíkur og þvi var lagt til að
tilboði Loftorku yrði tekið.
Ósanngjarn samanburður
Bréf frá Ágústi Nordgulen var
lagt fram á fundi borgarráðs í gær,
fyrir hönd ÁN verktaka. Þar er fjall-
að um þá ákvörðun að hafna tilboði
fyrirtækisins á þeim forsendum að
Loftorka væri fjárhagslega sterkari.
„Nú vill svo til að sá er átti næst-
Iægsta tilboðið er einn stærsti jarð-
vinnuverktaki landsins og jafnframt
einn af þeim eldri. í ljósi þessa fínnst
mér þessi samanburður vægast sagt
ósanngjarn," segir í bréfinu.
Nían gekk
ekki út
DREGIÐ var í Happdrætti Háskól-
ans kl. 18 í gær. Nían svokallaða,
trompmiði og fjórir einfaldir, að
upphæð 45 milljónir, gekk ekki
út en tveir 5 milljóna króna vinn-
ingar voru dregnir út. Að sögn
Ragnars Ingimarssonar, forstjóra
HHI, sem hér skoðar vinninga-
skrána ásamt Árna Steinssyni, er
heildarvinningsupphæð sem happ-
drættið greiðir út um 130 milljón-
ir króna að þessu sinni.
■ Vinningaskrá/41
Samninganefnd ríkisins á fundi með sjúkraliðum í gær
Olíubíll 1
árekstri
OLÍUBÍLL og fólksbíll rákust sam-
an á mótum Hringbrautar og Lauf-
ásvegar um hádegisbil í gær. Ekki
urðu alvarleg meiðsl á ökumönn-
um, en fólksbíllinn skemmdist tölu-
vert. Loka varð Hringbrautinni um
tíma vegna óhappsins og urðu tals-
verðar umferðartafir af þeim sök-
um.
Ekkert eldsneyti fór úr eldsneyt-
istanki olíubílsins við slysið og
óvemlegar skemmdir urðu á hon-
um.
Lögðu fram drög
að kjarasamningi
SAMNINGANEFND ríkisins lagði
fram drög að kjarasamningi við
Sjúkraliðafélagið á samningafundi
hjá ríkissáttasemjara í gær. Samn-
ingurinn tekur á öllum atriðum nýs
kjarasamnings að launaliðnum und-
anskildum. Búist er við að sjúkralið-
ar komi með viðbrögð við drögunum
á samningafundi í dag.
Samninganefnd ríkisins lagði
fram drög að fullbúnum kjarasamn-
ingi á samningafundi með sjúkralið-
um 10. nóvember sl. sama dag og
verkfall sjúkraliða hófst. Sjúkralið-
ar höfnuðu drögunum strax. Þor-
steinn Geirsson, formaður samn-
inganefndar ríkisins, sagði að þau
samningsdrög sem hefðu verið lögð
fram í gær fælu ekki í sér veruleg-
ar breytingar frá fyrri drögum.
Hins vegar væri nú búið að fara
yfír samninga sjúkraliða á lands-
byggðinni og á sjálfseignarstofnun-
um og taka út úr þau atriði sem
skera þessa samninga frá samning-
um sjúkraliða á höfuðborgarsvæð-
inu, en samningarnir eru mjög mis-
munandi milli einstakra stofnana.
Þorsteinn sagðist gera sér vonir um
að samningsdrögin yrðu tekin til
alvarlegrar umræðu og að samn-
ingsaðilar næðu saman um þessi
atriði á tiltölulega skömmum tíma.
Hann sagði að auðveldara ætti að
vera að ná samkomulag um launa-
liðinn þegar samkomulag væri kom-
ið um þessi atriði.
Alvara í samningaviðræðum
Kristín Á. Guðmundsdóttir, for-
maður Sjúkraliðafélagsins, sagði að
sjúkraliðar myndu skoða þessi
samningsdrög í sínum hópi og koma
með viðbrögð við þeim á fundi í
dag. Hún sagðist telja að meiri al-
vara væri í samningaviðræðunum
nú en verið hefði síðan verkfall
hófst.
Sjúkraliðar, sem vinna áttu sam-
kvæmt umdeildum undanþágulist-
um á Borgarspítala, mættu til
starfa í gær. Þetta er afleiðing úr-
skurðar Félagsdóms varðandi
ágreining sjúkraliða og Ríkisspítal-
anna. Sigríður Snæbjörnsdóttir,
hjúkmnarframkvæmdastjóri, sagði
að þetta myndi breyta talsverðu um
vinnuskipulag á nokkrum deildum.
Hún sagði að enn væri óleystur
smávægilegur ágreiningur við
sjúkraliða um mönnun á tveimur
deildum.
Um 40 sjúkraliðar komu til starfa
á Borgarspítala í gær. Þar með eru
um 100 sjúkraliðar við vinnu á spít-
alanum af þeim 200 sem þar vinna.
Morgunblaðið/Kristinn
Fundur í EFTA
Rættum
aðlögun
EES
UTANRÍKISRÁÐHERRAR
Fríverzlunarsamtaka Evrópu,
EFTA, hófu í gær fund í Genf,
þar sem rætt er um breyttar
aðstæður vegna inngöngu
þriggja EFTA-ríkja í Evrópu-
sambandið um áramót.
Meðal annars verður rætt um
aðlögun stofnana EFTA, sem
settar vom upp vegna EES-
samningsins, að fækkun í sam-
tökunum. Um áramót verða
flögur ríki eftir í EFTA; ísland,
Noregur, Liechtenstein og Sviss.
Sviss á ekki aðild að EES. Hins
vegar má búast við að Láecht-
enstein geti uppfyllt skilyrði
samningsins á næsta ári.
Jón Baldvin Hannibalsson
utanríkisráðherra situr fundinn
fyrir íslands hönd, ásamt emb-
ættismönnum.
Þykist safna
fyrir
sjúkraliða
MAÐUR gekk í hús við Hátún
í Reykjavík í gær og óskaði
eftir framlögum frá fólki í verk-
fallssjóð_ Sjúkraliðafélagsins.
Kristín Á. Guðmundsdóttir, for-
maður Sjúkraliðafélagsins,
sagði í samtali við Morgunblað-
ið, að engin söfnun væri í gangi
í verkfallssjóðinn. Hún sagði því
ljóst að maðurinn væri að safna
peningum undir fölsku flaggi.
Kristín sagði að eina söfn-
unin sem væri í gangi til styrkt-
ar sjúkraliðum væri sala á
límmiðum, sem væru sérstak-
lega merktir sjúkraliðum. Þessi
maður hefði hins végar ekki
boðið neina límmiða til sölu.
Utanríkisráð-
herra til
Moskvu
JÓN Baldvin Hannibalsson ut-
anríkisráðherra fer til Moskvu
næstkomandi l'augardag, og
mánudaginn 19. desember mun
hann hitta Andrej Kozyrev utan-
ríkisráðherra Rússlands að máli.
Samkvæmt upplýsingum frá
utanríkisráðuneytinu hefur
dagskrá heimsóknar utanríkis-
ráðherra til Moskvu að öðra
leyti ekki verið ákveðin. Hann
heldur frá Moskvu til Brussel á
mánudagskvöld, en þar mun
hann sitja fund í EES-ráðinu
þriðjudaginn 20. desember.
Hlutur Vatns-
veitu í Þórs-
brunni
aukinn
BORGARRÁÐ samþykkti í gær
erindi stjórnar Veitustofnana
Reykjavíkur um að auka hlutafé
Vatnsveitu Reykjavíkur í Þórs-
brunni hf. í 20%.
Hlutur Vatnsveitunnar var
áður 11,5%, en samþykkt borg-
arráðs þýðir að Vatnsveitan
leggur fram 14,5 milijónir í
auknu hlutafé,
Þórsbrunnur hefur flutt út
vatn til Bandaríkjanna undan-
farin 3 ár og er í eigu Hag-
kaups og Vífílfells, auk Vatns-
veitunnar.