Morgunblaðið - 08.02.1997, Qupperneq 50

50 LAUGARDAGUR 8. FEBRÚAR 1997
MORGUNBLAÐIÐ
f u)mere\ /uumere\ tmat's m NEUI
1 U)ILL IT /wiLLUIHAT) PHIL0S0PHlf'..“U)MERE
IALL END?/\ALL EN VjJ WILL IT ALL END?"

IM PROUD OF YOU..
IT S0UND5 LIKE
YOU'VE BEEN D0IN6
50ME REALTHINKIN6
Hvar endar þetta allt? Hvar Þetta er nýja heim- Ég er stoltur af þér...
mun allt hvað enda? spekin mín: „Hvar það hljómar eins og þú
mun þetta allt enda?“ hafir verið að hugsa
eitthvað af viti . . .
Hvar mun
enda?
þetta allt

BREF
TIL BLAÐSINS
Kringlan 1 103 Reykjavík • Sími 5691100 • Símbréf 569 1329
• Netfang:lauga@mbl.is
Odýrar tölvur
Frá Einari Skúlasyni:
Tölvudagur íslenskra
námsmanna
Fyrir ári var haldinn tölvudagur
háskólanema í Odda og tókst hann
með ágætum þrátt fyrir að vera
smár í sniðum. Reynslunni ríkari
var ákveðið að leita samstarfs við
aðrar náms-
mannahreyfing-
ar á framhalds-
og háskólastigi
til þess að gera
hópinn enn
öflugri sem
stendur að baki
viðburðinum.
Afraksturinn
varð sá að auk
Einar Skúlason Stúdentaráðs
Háskóla Islands
taka Bandalag íslenskra sérskóla-
nema, Iðnnemasamband íslands og
Félag framhaldsskólanema þátt.
Laugardaginn 8. febrúar verður
Tölvudagur íslenskra námsmanna
haldinn í Háskólabíói. Átján fyrir-
tæki og stofnanir hafa boðað komu
sína til að kynna tölvubúnað og
annað sem tengist tölvunotkun.
Samhliða verður fróðleg fyrirlestra-
röð í sal 2 um framtíðarmöguleika
á hinum ýmsu sviðum tölvugeirans.
Flestir aðilanna verða með sýnis-
hom af ýmsum möguleikum sem
eru fyrir hendi í tölvuheiminum í
dag, þannig að óhætt er að lofa
hinni mestu skemmtun fyrir þá sem
líta inn.
Hvers vegna tölvudagur?
Tilgangur tölvudags námsmanna
er sá að fá tölvur á ódýrara verði
fyrir námsmenn, sem í mörgum til-
vikum verða að hafa aðgang að
tölvu til að leysa ýmis verkefni í
náminu. Það er í samræmi við hlut-
verk hagsmunasamtaka nemenda
að reyna að knýja fram lækkað
verð á þessum búnaði í krafti fjöld-
ans, þeim mun stærri sem þessi
hópur er þeim mun lægra ætti verð-
ið að vera. Þetta er því fyrst og
síðast kjarabót fýrir námsmenn sem
þurfa nauðsynlega á tölvum að
halda í sinni vinnu.
Ástand tölvumála
Ástæða er til þess að lýsa yfír
áhyggjum vegna ástands tölvumála
í flestum skólum á framhalds- og
háskólastigi á íslandi, skólamir
verða og eiga að vera í fararbroddi
með nýtingu hinnar nýju upplýs-
inga- og samskiptatækni. Nærtækt
er að taka fýrir aðstöðu nemenda
í Háskóla íslands, þar eru um 5.500
nemendur við nám en einungis um
130 tölvur standa þeim til afnota
og af þeim er um helmingur talinn
úreltur, þ.e. eldri en þriggja ára.
Til þess að viðunandi aðstaða
skapist til tölvunotkunar fyrir nem-
endur í skólanum þarf að fjölga
tölvum um a.m.k. helming og tölvu-
verum til samræmis, margfalda
fjölda innhringilína fyrir þá náms-
menn sem kjósa að vinna á tölvu
heimavið og bjóða lausnir í teng-
ingarmálum fyrir þá er búa á stúd-
entagörðum þannig að þeir geti
með einföldum hætti og án mikils
tilkostnaðar tengst háskólanetinu.
Hvernig sem ástandi tölvumála
innan skólanna líður þá vil ég hvetja
alla til að koma í Háskólabíó þann
8. febrúar næstkomandi. Bæði til
að kynna sér það helsta sem er að
gerast í tölvutækninni og hvað fyr-
irtæki hafa í boði fyrir námsmenn
og aðra.
EINAR SKÚLASON
er stjómmálafræðinemi og fram-
kvæmdastjóri Stúdentaráðs Háskóla
íslands.
Nei, við álverinu
Frá Magnúsi Davíð Norðdahl:
ÉG ER mjög á móti álverinu. Ég
tel að mestu mistök sem ísland
getur gert sé að leyfa Venture Star
að byggja álver hér. Ég veit að það
skapar allmörg störf, en er búið að
líta á hve mörg störf álverið tekur
eða kemur í veg fyrir?
Hingað til landsins koma margir
ferðamenn og þeim fer fjölgandi.
Þeir koma ekki hingað til að sjá
það sem þeir eru að flýja. í kring-
um þjónustu við ferðamenn skap-
ast mörg störf. Ef álverið verður
reist mun þeim fækka sem þýðir
að störf á því sviði hverfa og störf,
sem hefðu komið með auknum
straum ferðamanna, köma ekki.
Fyrirtækin standa í biðröðum eftir
að fá að reisa verksmiðjur hér á
landi. Það eru þrjár ástæður fyrir
því.
1. Ódýr orka.
2. Ódýr „góður“ vinnukraftur.
3. íslensk stjórnvöld gera ekki
miklar kröfur í mengunarvörnum
og eru alltaf til í að vera sveigjan-
leg í þeim efnum.
Föllum ekki í sömu gryfjuna
Mörg lönd eru mjög menguð.
Fólkið sem þar á heima mundi óska
sér að það gæti farið til baka og
gert betur.
Þessi lönd stóðu á krossgötum
fyrir allmörgum árum. Þau höfðu
tvær leiðir; þau gátu mengað landið
með miklum iðnaði eða passað að
með að menga það ekki; það er að
segja að velja aðrar umhverfisvænni
leiðjr til að afla fjár og skapa störf.
Öll löndin völdu fyrri leiðina og
sjá_ nú eftir því.
Island stendur nú á þessum sömu
krossgötum. Ég vel seinni leiðina
því ég veit að það eru aðrar um-
hverfísvænni leiðir til að skapa störf
og afla fjár.
Ég skora á þá sem stjóma ís-
landi að velja seinni leiðina og segja
nei við álverinu.
MAGNÚS DAVÍÐ NORÐDAHL,
Álfaheiði 7, Kópavogi.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.