Morgunblaðið - 08.02.1997, Blaðsíða 21
MORGUNBLAÐIÐ
LAUGARDAGUR 8. FEBRÚAR 1997 21
STUTT
Ung'lingiir
dæmdur
fyrir morð
FJÓRTÁN ára breskur piltur
hefur verið dæmdur í ótíma-
bundna fangelsisvist fyrir að
hafa barið níu ára stúlku til
bana með gluggakarmi.
Ástæða morðsins var sú að
drengurinn óttaðist að stúlkan
myndi klaga hann fyrir stjúp-
föður sínum fyrir að hafa hrint
sér. Hefur mál þetta vakið
mikinn óhug í Bretlandi.
í mál við
Crichton
PORTÚGALSKA flugfélagið
TAP íhugar nú að fara í mál
við bandaríska metsöluhöf-
undinn Michael Crichton,
vegna nýjustu bókar hans
„Airframe". Þar skrifar höf-
undurinn að lélegt viðhald
portúgalsks flugfélags sé
ástæða þess að flugvél hrapar
um 10.000 fet.
Enginn frels-
ari í Fred-
riksstad
LÆKNAR á fæðingardeildinni
í Fredriksstad sögðu í gær að
ekki hefði fæðst barn á þeim
tíma sem franskur spámaður
hafði sagt fyrir um. Spáði
Frakkinn því að Frelsarinn
yrði endurborinn í Fredriks-
stad kl. 7.41 - 7.45 í gær-
morgun en barnið sem næst
þessu komst, fæddist kl. 7.03.
Leitinni að nýfæddum Frels-
ara er þó ekki lokið, því spá-
maðurinn útilokaði ekki að
hann hefði fæðst í Svíþjóð á
59. breiddargráðu en um 20
sveitarfélög koma þar með til
greina.
Kafbátur í
eiturlyfja-
flutning
EIGANDI nektarklúbbs í
Miami hefur verið ákærður
fyrir að vera milligöngumaður
fyrir kólumbískan eiturlyíja-
hring sem hefur reynt að
kaupa rússneskan kjarnorku-
knúinn kafbát. Átti að nota
kafbátinn til að flytja eiturlyf
frá Kólumbíu til Bandaríkj-
anna.
Sfcauel < lca/u/isuuH(i
Heimili
að heiman í
Kaupmannahöfn
„Nokkrar vikur lausar”
Ennerunokkrarvikurlausarívönduöum
feröamannaibúöum mlösvæöis I
Kaupmannahöfn. Allar ibúöimar ern með
sér baöí og eldhúsi. Haföu samband v(ð
feröaskrifstofuna þína eöa
In Travel Scandinavia
Fredriksberggade 34
1459 Kaupmannahöfn K
Slmi+45 3312 3330 • Telefax 3312 3103
ERLEIMT
Ofbeldisverk og einelti vandamál í skólum og menntastofnunum Spáni
„Grænt númer“ fyrir fórnarlömbin
Málaga. Morgunblaðið.
NEMENDUR í Andalúsíu, stærsta
héraði Spánar, geta framvegis
hringt í „grænt númer“ og greint
frá ofbeldisverkum, einelti og öðr-
um kraftbirtingarformum mann-
vonskunnar, sem þeir verða fyrir
af hálfu félaga sinna í skólum og
menntastofnunum.
Líkt og víðast annars staðar
hafa kannanir leitt í ljós að nánast
má telja til undantekninga að
spænskir nemendur greini kennur-
um sínum frá ofbeldisverkum og
þjáningum þeim sem margir þeirra
líða á skólatíma. Von yfirvalda er
sú að nemendur jafnt sem almenn-
ingur vakni til vitundar um þennan
vanda með því að bjóða ókeypis
aðstoð í þessu efni, sem einkennir
nú um stundir umræður um skóla-
mál í Vestur-Evrópu sem Banda-
ríkjunum.
Herferðinni er einkum beint að
nemendum á aldrinum 10-16 ára.
Einkunnarorðin eru: „Lifí félags-
skapurinn. Niður með ofbeldið.
Ekki þegja.“ Með því að hringja í
„græna númerið" geta nemendur
á skólaskyldualdri greint sérfræð-
ingum frá líðan sinni og þeim
óhæfuverkum sem þeir sæta í skól-
anum og fengið ráðgjöf. Höfuð-
stöðvar þessarar þjónustu eru í
Sevilla, höfuðborg Andalúsíu, en
forráðamenn hennar leggja
áherslu á að hún sé ætluð öllum
nemendum héraðsins.
Kannanir sem gerðar hafa verið
á umfangi þessa vanda hafa orðið
til þess að yfírvöld menntamála í
Andalúsíu hafa ákveðið að bregð-
ast við með þessum hætti. Sam-
kvæmt upplýsingum sem liggja
fyrir frá 23 skólum í Sevilla telja
átta prósent nemenda sig sæta
ofbeldi af hálfu skólafélaga sinna.
Þjást í hljóði
Verra þykir þó að sömu kannan-
ir hafa leitt í ljós að einungis einn
af hveijum hundrað nemendum,
sem verða fyrir ofbeldi eða rudda-
legum yfírgangi, greinir kennurum
sínum frá hryllingi skóladagsins.
Einungis um sjö prósent fórnar-
lambanna segja foreldrum sínum
frá því ofbeldi, andlegu sem líkam-
legu, sem þeir verða fyrir. „Við
viljum sérstaklega vekja athygli á
þessum tölfræðilegu staðreynd-
um,“ sagði ráðherra menntamála
í Andalúsíu, Manuel Pezzi, er starf-
semi „þjónustulínunnar“ nýju var
kynnt.
Einkaskólarnir ekki betri
Samkvæmt þeim upplýsingum
sem fyrir liggja verða nemendur í
spænskum einkaskólum ekki síður
fyrir ofbeldi, einelti og sálrænum
hryllingi af öðrum toga en þeir sem
sækja skóla sem reknir eru af rík-
inu. „Vandinn er ekki bundinn við
ríkisskólana, nemendur í einka-
skólum sæta ekki síður misþyrm-
ingum en jafnaldrar þeirra sem
sækja menntun sína til hins opin-
bera. í einkaskólunum gætir hins
vegar tregðu til að opinbera þenn-
an vanda,“ sagði Pezzi.
MEÐ: aflmikilli 16 ventla vél • vökvastýri
• veltistýri • samlæsingum • þjófavörn •
rafdrifnum rúðuvindum • rafstýrðum
útispeglum • útvarpi/segulbandi með 4
hátölurum • upphituðum ffamsætum •
öryggisloftpúðum fyrir ökumann og
farþega í framsæti • styrktarbitum í
hurðum • samlitum stuðurum.
SUZUKIBÍLAR HF
Skeifunni 17, 108 Reykjavík.
Sími 568 51 00.
$
SUZUKI