Morgunblaðið - 08.02.1997, Blaðsíða 15

MORGUNBLAÐIÐ
LAUGARDAGUR 8. FEBRÚAR 1997 15
VIÐSKIPTI
Veltan nálægt 2 milljörðum króna í metviðskiptum á Verðbréfaþingi í gær
Vextir langtímabréfa
lækkuðu um 20 punkta
VEXTIR á langtímaverðbréfum
lækkuðu verulega á Verðbréfaþingi
í gær á mesta viðskiptadegi á þing-
inu frá upphafí. Samtals seldust
verðbréf fyrir 1.931 milljón króna,
en mestu viðskiptin áður urðu 31.
maí í fyrra þegar veltan varð 1.788
milljónir króna. Vextir á 20 ára spari-
skírteinum lækkuðu um 0,20 pró-
sentustig eða 20 punkta og vextir á
húsbréfum um 22 punkta þegar mið
er tekið af lokum viðskipta í gær.
Vextir lækkuðu hins vegar tvöfalt
meira innan dagsins, en hækkuðu
aftur er nær dró lokun viðskipta.
Það var tilkynning fjármálaráð-
herra um endurskipulagningu á
verðbréfaútgáfu ríkissjóðs og fækk-
un skuldabréfaflokka úr 45 í 9 í
fyrrakvöld sem varð til þess að ýta
vaxtalækkununum af stað. Þar kom
einnig fram að í skiptikjaraútboði
sem fyrirhugað er síðar í þessum
mánuði verða einungis í boði spari-
skírteini til 5 og 8 ára, auk ríkis-
bréfa til þriggja ára. Til útboðsins
er efnt vegna uppsagnar skulda-
bréfaflokka að verðmæti tæplega
sex milljarðar króna sem eru með
lokagjalddaga í ár. Þessi styttri
spariskírteini voru einnig ein í boði
í síðasta skiptikjaraútboði í janúar.
Það varð til þess að eftirspum eftir
20 ára spariskírteinum jókst þá og
ávöxtunarkrafan lækkaði um rúma
20 punkta. Ávöxtunarkrafa þessara
spariskírteina hefur því lækkað um
samanlagt 45 punkta það sem af
er þessu ári.
300 miiyónir áþremur
korterum
Strax við opnun viðskipta í gær-
morgun urðu viðskiptin mjög lífleg
og voru það fyrstu klukkutímana.
Það voru einkum spariskírteini til
20 ára sem gengu kaupum og sölu
á markaðnum og á fyrstu þremur
korterunum skiptu spariskírteini úr
þessum flokki að verðmæti um 300
milljónir króna að markaðsverði um
eigendur. Fyrstu viðskiptin urðu
strax og markaðurinn opnaði klukk-
an 10 við ávöxtunarkröfunni 5,10%
sem var lækkun um 16 punkta frá
síðustu viðskiptum daginn áður.
Ellefu mínútum síðar hafði ávöxt-
unarkrafan lækkað í 4,84%, en
mjakaðist eftir það upp á við. I lok
dagsins var ávöxtunarkrafan komin
í 5,06% sem er 20 punkta lækkun
frá deginum áður.
Velta spariskírteina hefur einnig
ekki áður verið jafnmikil á einum
degi á Verðbréfaþingi. Spariskír-
teini seldust fyrir 686 milljónir
króna að markaðsverði, en mesti
viðskiptadagurinn áður var í október
árið 1995 þegar spariskírteini fyrir
589 milljónir króna seldust.
Lifleg hlutabréfaviðskipti
Ávöxtunarkrafa húsbréfa lækk-
aði einnig í viðskiptum á þinginu í
gær. Húsbréfín voru seld við ávöxt-
unarkröfunni 5,67% en lækkuðu í
5,45% í viðskiptum dagsins eða um
22 punkta. Ávöxtunarkrafa spari-
skírteina lækkaði um 13 punkta frá
deginum áður, en styttri bréf en
þetta stóðu í stað eða hækkuðu örlít-
ið í verði.
Viðskipti með hlutabréf urðu
einnig mjög lífleg og seldust hluta-
bréf fyrir 58 milljónir króna. Hluta-
bréfavísitalan hækkaði um eitt pró-
sent. Gengi hlutabréfa í Tæknivali
hækkuðu um 4%, í Hampiðjunni um
3,5%, í Marel um 3%, í Eimskip um
2% og í Flugleiðum um 1%. Hins
vegar lækkuðu hlutabréf í Vinnslu-
stöðinni um 7%.
Á verðbréfamarkaði er talið lík-
legt að um varanlega vaxtalækkun
sé að ræða á þessum bréfum og
meiri líkur séu til þess að vextir
eigi eftir að lækka frekar, en að
þeir eigi eftir að hækka aftur.
Ávöxtun húsbréfa, 2. flokkur 1996
Spariskírteini ríkissjóðs, 1. fl. D 1995, 20 ára
Sviptingar þann 7. febrúar 1997
Heildarsala spariskírteina nam 686 milljónum króna
sem er metsala á einum degi

5,26

Y
\ /
|S I I M t i-l j I 1 1 ! i I I t I I 1 I HtfH t- -
10.00 10.30 11.30 13.00
Nesjavallavirkjun
Opnun
tilboða
frestað
BORGARYFIRV ÖLD hafa
ákveðið að fresta opnun til-
boða í vélbúnað vegna Nesja-
vallavirkjunar til 19. febrúar
næstkomandi vegna athuga-
semdar ESA, Eftirlits-
stofnunar EFTA, um að
ákvæði í útboðsskilmálum um
ígildisviðskipti brjóti í bága
við samninginn um Evrópska
efnahagssvæðið. Að óbreyttu
hefði átt að opna tilboðin á
mánudaginn kemur, en fimm
fyrirtæki frá Evrópu og Jap-
an taka þátt í útboðinu.
Borgarlögmanni og for-
stjóra Innkaupastofnunar
Reykjavíkurborgar hefur
jafnframt verið falið að semja
greinargerð, þar sem rök-
stuðningur borgarinnar fyrir
útboðsskilmálunum kemur
fram og koma þeim á fram-
færi við fjármálaráðuneytið,
sem er það stjómvald hér á
landi sem hefur með þessi
mál að gera. í fyrirspurn ESA
er gefinn frestur til 12. febr-
úar til að koma athugasemd-
um á framfæri.
Viðskipta-
þing Verslun-
arráðs
Á VIÐSKTPTAÞINGI Verslun-
arráðs íslands verður jafnræði
í atvinnulífinu sérstaklega til
umfjöllunar og ber þingið
yfirskriftina „Er ríkisvaldið
andsnúið jafnræði í atvinnu-
lífínu?“
Þingið verður haldið á Hót-
el Loftleiðum fimmtudaginn
13. febrúar og verður það
sett klukkan 12:15.
Besta starfsár Kreditkorts hf. að baki
Hagnaður varð um 100
milljónir á síðasta ári
Morgunblaðið/Golli
TRYGGVI Pálsson, fráfarandi stjórnarfor-
maður Kreditkorts hf., á aðalfundinum í gær.
ÁRIÐ 1996 var besta starfsár í
sögu Kreditkorts hf., sem gefur út
Eurocard greiðslukort. Markaðs-
staða fyrirtækisins styrktist og
hagnaður hefur aldrei orðið meiri
eða um 100 milljónir króna borið
saman við 64 milljónir árið 1995.
Varð arðsemin sú hæsta í sögu fé-
lagsins eða 17,9%.
Nú er í undirbúningi útgáfa á
nýju alþjóðlegu Mastercard-korti
hérlendis sem verður hluti af heims-
keðju Mastercard og Europay. Við
þessar breytingar verða alþjóðlegu
greiðslukortin sem gefin eru út á
Islandi orðin þrjú: EUROCARD,
MASTERCARD og VISA.
Þetta kom fram á aðalfundi
Kreditkorts hf. sem haldinn var í
gær. Tryggvi Pálsson, fráfarandi
stjómarformaður, sagði þar í ræðu
sinni að árangur þessi hefði ekki
orðið vegna hækkunar á gjaldtöku
af korthöfum og seljendum þjón-
ustu. „Nei, þvert á móti varð raun-
lækkun á gjaldskránni. Skýringin á
hagnaðinum er aukin velta og að-
hald í kostnaði, sem hækkaði nán-
ast ekkert á liðnu ári. Hin aukna
velta á sér þijár orsakir. í fyrsta
lagi jukust umsvif í þjóðarbúinu
greinilega á liðnu ári. I öðru lagi
tókst að fjölga korthöfum, sérstak-
lega með sókn Atlaskortsins. Síðast
en ekki síst náði Kreditkort að vinna
um 1 prósentustigs markaðshlut-
deild af keppinautnum VISA.
Velta Kreditkorts var 18,2 millj-
arðar kr. og jókst um 16,2% á ár-
inu. Korthöfum fjölgaði um tæp
11% og munaði þar mest um gott
gengi Atlaskortsins. Gild kort í dag
eru samtals tæplega 39.500. Mark-
aðshlutdeildin hefur hækkað á síð-
ustu tveimur árum. I kortum talið
úr 25,6% í árslok 1994 í 25,8%
1995 og 26,8% á síðasta ári. Svip-
aða sögu má segja ef velta er skoð-
uð en hlutdeild í heildarveltu var á
árinu í fyrra tæp 26%.“
Rekstrartekjur Kreditkorts námu
alls 488,5 milljónum á liðnu ári og
jukust um tæp 20% frá árinu á
undan. Hagnaður af reglulegri
starfsemi nam 154 milljónum.
Þriðja alþjóðlega
greiðslukortið
Tryggvi skýrði frá því að á und-
anfórnum misserum hefði verið
unnið að þróun á nýju korti fyrir
banka og sparisjóði. „Kortið sem
við erum með í undirbúningi er al-
þjóðlegt MasterCard-kort og er
hægt að notað það hjá yfir 13 millj-
ónum afgreiðslustaða um allan
heim. Kortið verður hluti af heims-
keðju MasterCard og Europay. Það
verður sérmerkt þeim banka eða
sparisjóði sem er útgefandi og mun
sá aðili bera ábyrgð á notkun korts-
ins.
Þessi tilhögun er önnur en verið
hefur hjá Kreditkorti til þessa þar
sem fyrirtækið ber að öllu leyti
ábyrgð á Eurocard-kortunum. Með
tilkomu MasterCard-kortsins mun
starfsemi Kreditkorts verða breytt
þannig að skilið verður á milli eigin
útgáfu fyrirtækis og þeirrar starf-
semi sem þjónustar MasterCard hjá
bönkum og sparisjóðum. I vaxandi
mæli verður heitið Europay fram-
vegis notað í kynn-
ingu á fyrirtækinu
í stað afurðaheitis-
ins Eurocard."
Það kom enn-
fremur fram hjá
Tryggva að með
nýju MasterCard-
kortunum myndu
starfsmenn banka
og sparisjóða fá
nýtt og betra upp-
lýsingakerfi um
kortaútgáfuna og
stjórnun viðskipta.
Notaður verður
hugbúnaður sem
Kreditkort hefur
þróað á undan-
fömum árum.
Upplýsingakerfíð
hefði reynst mjög
vel og er notenda-
vænna en það sem
Visa getur boðið.
í stjórn Kreditkorts voru kjörnir
þeir Ásmundur Stefánsson, Halldór
Guðbjarnason, Hallgrímur Jónsson,
Jón Ádolf Guðjónsson og Ragnar
Önundarson.
Vertu ekki of seinn
að panta fermingar-
myndatökuna
Við vorum ódýrari í
fyrra og erum það
enn, hjá okkur færðu
fermingarmyndatöku
frá kr. 15.000,00
Ljósmyndastofan Mynd
sími: 565 42 07
Ljósmyndstofa Kópavogs
sími: 554 30 20
Athugaðu vel hvar þú
færð mest og bezt fyrir
peningana þína.
3 Ódýrari