Morgunblaðið - 10.08.1985, Blaðsíða 5

5
iqQRGUNPLADID, LAUQARPAGUIUq. ÁGtJST,^
Morgunblaðid/Þorkell
Einar Ingimundarson hefur fengið aftur bjórinn, sem tek;nn var af
honum i Keflavíkurflugvelli.
Einar fær bjórinn:
Kristján fær
opinbera
áminningu
fyrir óhlýðni í starfi
KRISTJÁNI Péturssyni deildar-
stjóra í tollgæslunni á Keflavíkur-
flugvelli hefur verið veitt opinber
áminning fyrir að hafa tekið bjór-
kassa af flugfarþega á vellinum
fyrr í þessari viku. Þá hefur
ríkissaksóknari komist að þeirri
niðurstöðu að ekki sé ástæða til
frekari aðgerða í kærumáli Krist-
jáns gegn Einari Ingimundarsyni
aðstoðarverslunarstjóra, sem
Kristján tók bjórkassann af. Hefur
verið fyrirskipað að Einar fái bjór
sinn aftur.
Það var lögreglustjórinn á
Keflavíkurflugvelli, sem að
höfðu samráði við varnarmála-
skrifstofu utanríkisráðuneytis-
ins veitti Kristjáni áminninguna
fyrir að óhlýðnast lögmætum
fyrirmælum yfirboðara sinna.
Er þar átt við reglugerð
fjármálaráðuneytisins um und-
anþágu fyrir ferðamenn til að
flytja áfengan bjór með sér inn í
landið. í áminningunni er tekið
fram, að í stjórnarskránni séu
skýr ákvæði um hvernig leysa
beri ágreining um stjórnvalds-
boð.
Þetta er í annað skipti sem
ríkissaksóknari vísar frá kæru
frá Kristjáni Péturssyni vegna
meints ólöglegs innflutnings á
bjór. Kristján sagðist í gær enn
þeirrar skoðunar, að umrædd
reglugerð stangaðist á við áfeng-
islöggjöfina í landinu. „Lögin
hljóta að vera rétthærri en
reglugerðin," sagði hann. „Ég
mun að sjálfsögðu gera þá kröfu
að áminningin verði tekin til
baka en mig langar að vita hvað
gerist ef ég framfyigi settum
lögum og stöðva til dæmis inn-
flutning Flugleiða á kjötmeti og
hráum eggjum. Fæ ég þá nýja
áminningu eða má ég búast við
brottrekstri úr starfi?“ spurði
Kristján.
Samkvæmt. lögum um réttindi
og skyldur opinberra starfs-
manna getur óhlýðni við boð eða
bann yfirmanns varðað frávikn-
ingu úr starfi, annaðhvort um
stundarsakir eða fyrir fullt og
allt. í almennum hegningarlög-
um er ákvæði um að það sé refsi-
vert ef opinber starfsmaður
synjar, eða lætur farast fyrir af
ásettu ráði, að gera það sem hon-
um er boðið á löglegan hátt.
Fimm í gæsluvarð-
haldi vegna inn-
brota og þjófnaða
— þar af einn í þrjá mánuði vegna síbrota
FJÓRIR ungir menn og ein kona
sitja nú í gæsluvarðhaldi grunuð um
innbrot í mannlausar íbúðir og
þjófnaði úr þeim. Að minnsta kosti
þrjú innbrotanna voru framin um
verslunarmannahelgina. Þá var stol-
ið miklum verðmætum úr mannlaus-
um íbúðum — silfurmunum, skart-
gripum, frímerkjum, hljóm-
flutningstækjum og fleiru, skv. upp-
lýsingum Rannsóknarlögreglu ríkis-
ins.
Tveir mannanna voru hand-
teknir aðfaranótt miðvikudagsins
og úrskurðaðir í gæsluvarðhald í
sakadómi Reykjavíkur á fimmtu-
daginn. Annar, sem er síbrota-
maður, var úrskurðaður í gæslu-
varðhald í allt að þrjá mánuði, en
hinn í fjórtán daga. Á miðvikudag
voru svo handteknir tveir menn til
viðbótar, grunaðir um aðild að
innbrotunum, og í gærmorgun var
handtekin stúlka í tengslum við
málið. Hún var úrskurðuð í allt að
tveggja vikna gæsluvarðhald i
sakadómi í gær og sömuleiðis ann-
ar pilturinn en þriðji úrskurður-
inn í gær hljóðaði upp á sjö daga
gæsluvarðhald.
Rannsóknarlögregla ríkisins
hefur ítrekað haft afskipti af
þessu fólki og eins fíkniefnalög-
reglan í Reykjavík. Ekki hefur
verið staðfest að um skipulagðan
þjófaflokk sé að ræða, né að þýfið
hafi átt að nota til að fjármagna
fíkniefnakaup.
Engin eiturvín
til sölu í ÁTVR
TIL ÞESSA hefur eiturefnið diethyl-
englykol fundist í 24 vestur-þýskum
víntegundum. í Áfengis- og tóbaks-
verslun ríkisins eru seldar 28 vest-
ur-þýskar víntegundir, en enginn
þeirra er á lista yfir eitruð vín sem
Morgunblaðinu hefur borist frá
sendiráði Vestur-Þýskalands og á
fréttaskeytum AP.
Lothar Zube, talsmaður vestur-
þýska sendiráðsins, sagði aðspurð-
ur að starfsmenn sendiráðsins
fylgdust grannt með því hvort vín
blönduð diethylenglykol væru til
sölu í ÁTVR og myndu þeir láta
vita samstundis, ef slíkt tilfelli
vitnaðist.
HONDA
Kynnum hinn nýja
Honda Civic Shuttle —
Fjórhjóladrifna bílinn
Tæknilegar upplýsingar:
Hestöfl vélar: 85 Din/600 RPM
Tog KR. (Torque) 12.8 kg/m — 3500 RPM
Vél: 4 cyl OHC 12 ventla „Crossflow"
Lægsti punktur: 17.7 cm.
Hinn rúmgóöi Civic Shuttle fæst nú fjórhjóladrifinn. Þaö er
margt sem kemur þér á óvart í þessum bíl. Auöveld skipting úr
framhjóla- í fjórhjóladrif. 6 gíra, meö „Super-Low“ gír og margt
fleira.
Verö
559200
Gengl Yens 0.16826
®
cn
SHUTTLE

Á ÍSLANDI, VATNAGÖRDUM 24. S: 3S772 - 39460