Morgunblaðið - 03.03.1988, Side 44

44
MORGUNBLAÐIÐ, FIMMTÚDAGUR 3. MARZ 1988
Þrjú norðlensk fyrirtæki
ræða um kaup á Stokkfiski
Fiskiðjusamlag Húsavíkur,
Útgerðarfélag Akureyringa og
Kaldbakur á Grenivík ræða nú
um sameiginleg kaup á fyrir-
tækinu Stokkfiski í Reykjadal
sem nú er i eigu Byggðastofn-
unar. Stokkfiskur var sleginn
Byggðastofnun á uppboði 15.
febrúar sl. fyrir 10,5 milljónir
króna, en kröfur stofnunarinn-
ar á fyrirtækið námu 12,5 millj.
kr.
Islandsgangan:
Urslit í Lamba-
göngunni kunn
SA HLUTI íslandsgöngunnar,
i.ambagangan, sem fram fer á
Akureyri, var haldinn sl. sunnu-
dag. Gengnir voru 25 km, frá
Súlumýrum inn Glerárdal í
Lamba og til baka. Fjórtán
manns tóku þátt í göngunni þar
sem tími var tekinn og álika
margir fóru vegalengdina án
tímatöku í fylgd leiðsögumanns
og ekki með neina keppni í
huga.
í Islandsgöngunni, sem saman-
^tendur af fimm göngum alls, sem
fara fram á Ólafsfírði, Akureyri,
Egilsstöðum, Ísafírði og í
Reykjavík er keppt í þremur ald-
ursflokkum karla og kvenna:
17-34 ára, 35-49 ára og 50 ára
og eldri. Samanlögð stig úr öllum
göngunum eru reiknuð út til vinn-
ings. Úrslit í Lambagöngunni urðu
eftirfarandi:
Karlar 50 ára og eldri:
1. Rúnar Sigmundsson, Akureyri, 2.07:14 klst.
2. Haraldur Sveinbjöms., Akureyri, 2.32:10 klst.
Karlar 35-49 ára:
1. Sigurður Bjarklind, Akureyri, 2.05:02 klst.
2. Teitur Jónsson, Akureyri, 2.28:15 klst.
Karlar 17-34 ára:
1. Haukur Eiríksson, Akureyri, 1.35:38 klst.
2. Sigurgeir Svavarsson, ólafsfirði, 1.35:51 klst.
3. Ólafur H. Bjömsson, Ólafsfírði, 1.38:36 klst.
4. Rögnv. D. Ingþórss., ísafirði, 1.41:10 klst.
Næsta mót Islandsgöngunnar
verður nk. laugardag á Egilsstöð-
um og er það Skógargangan sem
þar fer fram. Verður gengið í
Egilsstaðaskógi og hefst keppni
kl. 13.00. Þátttökutilkynningar
eru í símum 97-11891 og
97-11470 og svo á mótstað.
Byggðastofnun hefur fullan hug
á að selja fyrirtækið. Skömmu
eftir áramót tók Fiskiðjusamlag
Húsavíkur fyrirtækið á leigu og
er þessa dagana að kanna rekstr-
argrundvöll þess. Auk FH, hafa
ÚA og Kaldbakur séð fyrirtækinu
fyrir hráefni, en þar fer fram
þurrkun þorskhausa á Nígeríu-
markað auk þess sem lítillega hef-
ur verið framleitt gæludýrafóður.
Knútur Karlsson framkvæmda-
stjóri Kaldbaks sagði í samtali við
Morgunblaðið að fyrirtækin þrjú
hefðu fullan hug á kaupum svo
framarlega sem séð væri fram á
að reksturinn gengi sæmilega.
„Markaðurinn lítur sæmilega út
sem stendur og Nígeríumarkaður
er opinn. Við vitum hinsvegar ekki
ennþá nákvæmlega hvað Byggða-
stofnun ætlar sér að fá fyrir fyrir-
tækið. Við vitum þó að fyrirtækin
þijú munu geta útvegað Stokkfiski
nægilegt hráefni og ætti því að
vera hægt að halda uppi fullri at-
vinnu þar, eða um 10-12 störf-
um,“ sagði Knútur.
Vélsleðamót í Mývatnssveit 3.-6. mars:
Fjallarall, brautar- og spymu
keppni meðal keppnisgreina
ÁRLEG vélsleðakeppni, sem að
þessu sinni ber heitið „Mývatn
’88“, fer fram í Mývatnssveit
dagana 3.-6. mars. Keppni þessi
hefur verið haldin frá því 1979
ár hvert, eða í níu ár, og er hún
orðin að einskonar Islandsmóti
í vélsleðaakstri. Vélsleðamenn
hvaðanæva af landinu flykkjast
nú til Mývatnssveitar og eru
þeir í dag að týnast i hlað Hót-
els Reynihlíðar. Að sögn Björns
Björnssonar, sem séð hefur um
undirbúning keppninnar, er
metaðsókn að keppninni að
þessu sinni og hafa 183 manns
pantað gistingu í sveitinni.
Reynt verður að koma öllum
þessum fjölda fyrir, á hótelinu,
i heimahúsum og öðrum þeim
skúmaskotum sem finnast, að
sögn Björns. Þeir vélsleðamenn
er koma að sunnan lögðu flest-
ir af stað á miðvikudag yfir
hálendið og gistu í skálum á
leiðinni.
Keppnin er sameign Björgunar-
sveitarinnar Stefáns og íþróttafé-
■ lagsins Eilífs í Mývatnssveit og
rennur allur ágóði af henni til
þessara félaga. Áhugi fyrir
keppninni hefur farið mjög vax-
andi undanfarin ár og keppenda-
fjöldi hefur margfaldast. I ár er
stefnt að enn fjölbreyttari dagskrá
en endranær. Mývatnssveit er
kjörinn vettvangur fyrir þá er
J stunda vilja útiveru og vetrarí-
þróttir svo sem gönguskíði og
dorgveiði er leyfð í vatninu.
Meiningin er að sleðamenn
komist í ferðir með leiðsögn um
nágrennið alla dagana sem mótið
stendur. Keppnin sjálf hefst föstu-
daginn 4. mars með nýrri keppnis-
grein sem hlotið hefur nafnið
„Fjallarall". Sú keppni verður
sveitakeppni á milli þeirra fjög-
urra vélsleðaumboða, sem í.
landinu eru, og verður vegalengd-
in 30-50 km. Hvert umboð fær
að senda þrjá sleða í fjallarallið.
Spymukeppnin verður síðaji á
laugardagsmorgun og brautar-
keppnin seinnihluta laugardags.
Hátt í 30 keppendur hafa látið
skrá sig í þær. Alfar skráningar
í keppnina þurfa að hafa borist
til mótsaðila fyrir kl. 12.00 föstu-
daginn 4. mars því dregið verður
um rásröð á föstudagskvöld.
Mótsslit og verðlaunaafhending
fer síðan fram í lokahófi í Skjól-
brekku, þar sem boðið verður upp
á kvöldverð, skemmtiatriði og
dans.
Frá æfingu Ungmennafélags Skriðuhrepps á verki Kartans Ragnars-
sonar Blessuðu barnaláni.
Ungmennafélag
Skriðuhrepps sýnir
„Blessað barnalán“
Ungmennafélag Skriðuhrepps
sýnir um þessar mundir ærsla-
leik Kjartans Ragnarssonar
„Blessað barnalán". Leikurinn
gerist í þorpi austur á landi.
Tólf leikarar taka þátt í upp-
færslunni, allt áhugafólk, en
leikstjórinn Pétur Eggerz er at-
vinnuleikari hjá Leikfélagi Akur-
eyrar.
Pétur Ieikstýrir nú í annað sinn
hjá Ungmennafélagi Skriðuhrepps.
Hitt verkið var „Ingiríður Óskars-
dóttir" eftir Trausta Jónsson, sem
jafnframt var fyrsta verkefni hans
sem leikstjóra. Eftir leiklistarnám
í „The Webber Douglas Academy
of Dramatic Art“ í London árið
1984, réðst Pétur til Leikfélags
Akureyrar þar sem hann var til
1986. Þá fór hann til Þjóðleik-
hússins og lék í Rómúlusi mikla. í
vetur kom Pétur síðan aftur til LA
og lék Indriða í Pilti og stúlku.
Leikendur í Blessuðu barnaláni
eru: Dagný Kjartansdóttir, Sesselja
Ingólfsdóttir, Gunnhildur Sveins-
dóttir, Hólmfríður Helgadóttir,
Sigrún Gunnarsdóttir, Sigurður
Þórisson, Erlingur Bergvinsson,
Margrét Ketilsdóttir, Þórður
Steindórsson, Sigrún Þórisdóttir,
Ketill Freysson og Dagur Her-
mannsson.
Ungmennafélag Skriðuhrepps
var stofnað árið 1903 og hefur leik-
starfsemi verið einhver af og til,
en allt frá 1970 hefur reglulega
verið sett upp leiksýning annað
hvert ár. Þórður Steindórsson, sem
sæti á í leiknefnd, sagði að stefnan
væri að taka upp létt efni, gaman-
leiki og ærslaleiki, erlenda og
íslenska. Slíkir leikir virðast ganga
best í sveitinni. „Þá er leikhúsið
okkar ekki allt of stórt um sig né
senan svo að við verðum að sníða
okkur stakk eftir vexti. Það er ein-
faldlega ekkert rými fyrir viðamikl-
ar leikmyndir, en við komum rúm-
um hundrað áhorfendum í sæti
hveiju sinni,“ sagði Þórður.
Ungmennafélagið hefur oftast
nær farið með verkið austur í Þing-
eyjarsýslu og sýnt verk sín í Ljós-
vetningabúð, en önnur ferðalög
hafa ekki verið á döfinni. Félagið
fær styrk frá Bandalagi íslenskra
leikfélaga fyrir hvert það verk sem
það setur upp og kemur jafnhár
styrkur frá sveitarfélaginu, sem
félagið nýtur góðs af. „Uppfærsla
leikrits kostar alltaf einhveija pen-
inga og þurfum við vissulega að
borga að minnsta kosti leikstjóran-
um launin sín. Að öðru leyti, veltur
starfið nær eingöngu á fólkinu í
sveitinni og á burtfluttum sveitung-
um, sem búa á Akureyri. Þeir hafa
í gegnum tíðina haldið tryggð við
okkur og er meirihluti leikarahóps-
ins nú byggður á þeim. Við byijuð-
um að lesa saman í desembermán-
uði, en æfingar hófust af kappi
strax eftir áramót og hafa um eða
jrfir 40 æfingar verið haldnar."
Þórður sagði að ekki væri efnt
til neinna fjáraflana svo hægt væri
að standa undir leikstarfseminni.
Sýningarnar sæju jrfirleitt um að
ná endum saman. Það verk, sem
best hefur gengið hjá félaginu, er
Piltur og stúlka, sem sýnt var árið
1980 í leikstjóm Jóhanns Ögmunds-
sonar. Þá voru sautján sýningar og
þurfti oft að vísa gestum frá. „Við
vonumst vissulega til að geta sýnt
Bamalánið að minnsta kosti tíu
sinnum, okkur veitti ekkert af því,“
sagði Þórður að lokum, en hann fer
með hlutverk Tryggva Ólafs í verk-
inu.
Næstu sýningar verða í kvöld,
föstudagskvöld 4. mars, síðan á
laugardagskvöld, þriðjudagskvöld
og fimmtudagskvöld, 5., 8. og 10.
mars.
Fimmtán píanó-
nemendur á
tónleikum
AÐRIR píanótónleikar píanó-
deildar Tónlistarskólans á Akur-
eyri verða á sal skólans í kvöld,
finuntudagskvöld, klukkan 20.30.
Þar munu fimmtán píanónem-
endur leika ýmis verk, meðal ann-
ars eftir Bach, Bartok, Mozart,
Schubert, Liszt, Gade, Prokofiev og
fleiri. I vetur stunda 95 nemendur
píanónám, en píanókennarar við
skólann eru fimm talsins. Aðgangur
að tónleikunum er ókeypis og öllum
heimill.
NÝOG
BETRISÓSA
iroi.humrai
Dreifingaraðili:
Heildverslun
Valdimars Baldvinssonar h/f,
Akureyri. Sími 96-21344.
Fæst í öllum betri
matvöruverslunum.