Morgunblaðið - 03.03.1988, Blaðsíða 53

MORGUNBLAÐIÐ, FIMMTUDAGUR 3. MARZ 1988
53
Góð heilsa
er g’ulli betri
eftir Gissur
Guðmundsson
Ég þykist hafa orðið var við að
allmikill áhugi hafi vaknað hjá
ýmsum í sambandi við blómafrjó-
komin, sem ég skrifaði um í Morg-
unblaðið þann 10. nóvember síðast-
liðinn. Þykir mér þeim hlýða að
upplýsa lesendur nokkuð nánar um
kynni mín af því og reynslu.
Ég tel rétt að segja frá matseðli
mínum frá degi til dags, í grófum
dráttum. Ég byrja daginn með
neyslu blómafrjókorna ásamt glasi
af soðnu vatni, kældu, þar sem það
fer betur í maga. Nokkru seinna
borða ég disk af grófmeti og mjólk
útá. Kl. 2—3 fæ ég mér brauðsneið-
ar með ýmsu áleggi, með þvr' drekk
ég mysu blandaða ávaxtasafa eða
einhverju álíka hollu. Ennfremur
borða ég ávexti, en sneyði að mestu
hjá kaffi og te. Nokkru seinna tek
ég skammt af komi, eins og um
morguninn. Það er ekki talið ráð-
legt að taka það seinna en kl. 16.00.
Þá hef ég tekið alls 20 g yfir dag-
inn. Það tel ég hæfrlegt, en sumir
taka meira og aðrir minna.
Aðalmáltíð dagsins borða ég svo
kl. 18—19. Uppistaðan hennar ef
allskonar fiskmeti, nýjan fisk sýð
ég í þartilgerðum plastpoka, þá
missir hann síður bætiefni og er
ljúffengari þannig. Mjög sjaldan
borða ég steiktan fisk. Talsvert
borða ég af kartöflum. í eftirmat
hef ég oftastnær ávaxtagrauta og
mjólk eða rjóma útá. Sunnudags-
maturinn er alltaf kjöt, annaðhvort
soðið eða léttsteikt í lokuðum plast-
poka, sem verður þá hreinasta lost-
æti.
Þetta fæðuval hefur reynst mér
mjög vel og virðist falla vel saman
við blómaftjókornin, sem eru sann-
kölluð fæðubót og því góð aðferð
til bættrar heilsu. Lesendur þessar-
ar greinar munu ef til vill segja að
þetta sé fábrotið fæði. Því er til að
svara frjókomin bæta það fullkom-
lega upp. Vísa ég þar til töflu í leið-
arvísi High-Desert-boxanna þar
sem greint er frá næringargildi
þess og sundurgreiningu.
Ég vil minnast á tvennt, sem ber
að hafa í huga gagnvart bættri
heilsu. Annað er: Það sem ber að
forðast. Gervimatur allur er oftast
næringarminni, vegna vinnslu og
ofbættra litar- og rotvarnarefna.
Einnig er best að sneiða sem mest
hjá mat, sem soðinn er í feiti svo
sem kartöflur, fiskur og kjöt. Sér-
staklega ef það er harðsteikt. Enn-
fremur ber að forðast alla harða
feiti. Aftur á móti er öll sjávardýra-
feiti talin mjög holl. Sætindi öll ber
að forðast sem mest, í hvaða mynd
sem þau em. Þá er mikil kaffi-
neysla talinn óholl, ennfremur tób-
ak og vín. Þessu öllu, sem að fram-
an er upptalið, hefi ég að mestu
sneitt hjá. Það hefur reynst mér
haldgott í leit að bættri heilsu.
Þá er það hitt atriðið í þessari
upptalningu, sem ég tel mikilvægt
og reyndar lífsnauðsynlegt. Það er
öll hreyfing, í hvaða formi sem er,
svo sem sund, leikfimi, göngur,
trimm og einnig djúpöndun. Þetta
útheimtir nokkra ögun og ákveðni,
en skilar sér margfalt aftur í bættri
heilsu. Þetta er mín áþreifanlega
reynsla. Við alla hreyfingu brennir
líkaminn betur fæðunni og skilar
því meiri orku, sem þýðir aukinn
lífskraft.
Það sem ég hef nú dregið sam-
an, mun vissulega eiga við alla,
karla og konur, unga _sem aldna,
að sumu eða öllu leyti. Ég vil nefna
nokkrar staðreyndir um bætta
heilsu mina, til viðbótar því sem
áður er greint frá í fyrri grein
minni. Ég hafði þrautir í hálsliðum
sem leiddu upp í hnakkann og út í
eyrun. Einnig snerti það sjóntaug-
arnar og orsakaði truflun á sjón
öðruhvoru. Ég hefði stundum þurft
Gissur Guðmundsson
„Það sem ég hef nú
dregið saman, mun
vissulega eiga við alla,
karla og konur, unga
sem aldna, að sumu eða
öllu leyti.“
að hafa hálskraga til stuðnings,
sérstaklega ef ég sat við borð og
horfði fram, svo sem á sjónvarp,
þá komu verkir og hálsinn varð
magnlítill. Ég hélt um tíma að
æxli væri að myndast í höfðinu bak
við eyrað, svo voru þrautirnar mikl-
ar. Sem betur fór var það ekki.
Þessi einkenni eru nú öll horfin
fyrir alllöngu, ásamt höfuðþyngsl-
unum, sem hrjáðu mig oft. Stífir
vöðvar í öxlunj orsökuðu þrautir út
í handleggi og liðamót. Ennfremur
verkir í mjóhrygg og mjöðmum, sem
leiddu niður í lærin og fram í tær.
Þetta allt er nú í besta lagi.
Hnjáliðir voru mjög illa famir og
verkir oft óþolandi, enda bólgur í
þeim sem orsökuðu máttleysi og
bjúg í fótum. Það gagnaði lítið þótt
ég gengi við staf. Þá ráðlagði lækn-
ir minn í samráði við sjúkraþjálfara
að ég fengi teygjuhólka um hnén.
Það var skömmu áður en ég komst
í kynni við komið. Nú átti ég betra
með að ganga, þó ekki væri það
langt í einu og þá þurfti ég oft að
hvíla mig. Eins verkjaði mig í hand-
leggina ef ég hélt á einhvetju smá-
vegis.
I dag, 10. mánuðum seinna, er
ég einkennalaus og munar ekkert
um að ganga 10 km í einni lotu,
ef svo ber til, enda geng ég minnst
dag hvem 5—8 km. Meltingarfærin
hafa angrað mig í mörg ár, með
bólgum, bijóstsviða, of háum maga-
sýrum og mörgu fleira. _Nú er þetta
allt á góðum batavegi. Ég verð lítið
var við mæði lengur, þótt ég reyni
nokkuð á mig. Þrek hefur aukist
mikið miðað við aldur.
Það em dásamlegir hlutir sem
hafa gerst í mínum líkama. Það
þakka ég að stórum hluta þessu
fæðubótarefni, blómafijókomun-
um, og einnig þeim einföldu reglum,
sem ég hef tileinkað mér og kostar
ekkert. Ýmsir gætu þetta líka með
nokkurri einbeitni. Ég hef fest
þessa sjúkdómssögu mína á blað í
þeim tilgangi að lesendur geti betur
áttað sig á því hvað þeim beri að
gera í von um betri heilsu. Það er
von mín og ósk að þessi skrif mín
eigi eftir að leiða marga í þann
sannleika að góð heilsa er gulli
betri. Góðir lesendur, reynsla mín
af fæðubótarefninu High Desert-
blómafijókominu er ótvíræð, enda
ekki dómbær á annað korn. í dag
er nákvæmlega eitt ár síðan ég
byijaði notkun þess.
Höfundur er ellilifeyrisþegi.
Okkur
tókstþað
VID NÁÐUM VERÐINU NIÐUR
MED STÓRUM INNKAUPUM
KOMDU OG SKOÐAÐU ÞESSI FALLEGU SÓFASETT,
SEM ERU SVO MJÚK OG ÞÆGILEG - MEÐ HÁU BAKI.
ÞAU ERU BÓLSTRUÐ í SVAMP SEM ÞAKINN ER DAC-_ _
RONLÓ OG KLÆDD MEÐ NÍÐSTERKU, KRÓMSÚTUÐU
OG ANILINLITUÐU NAUTALEÐRI (EINS OG YFIRLEÐRIÐ
Á SKÓNUM ÞÍNUM) Á SLITFLÖTUM.
Verðið er mjög hagstætt, því við náðum því niður með
stórum innkaupum- og svo bjóðum við þér 2ja ára
ábyrgð.
6 SÆTA H0RNSÓFAR 97.860
5SÆTAH0RNSÓFAR 92.860
3+1+1SÓFASETT 92.860
3+2+1+SÓFASEH 99.860
ÚTB. 25.000 OGCA. 6-7.000 ÁMÁN.
ÚTB. 23.000 OGCA. 6-7.000 ÁMÁN.
ÚTB. 23.000 OGCA. 6-7.000 ÁMÁN.
ÚTB. 25.000 OGCA. 6-7.000 ÁMÁN.
LEÐURLITIR: SVART-BRÚN-UÓSGRÁTT-DÖKKGRÁTT-
BLEIKT-DRAPPLITT- OG DUMBRAUTT.
OG AUÐVITAÐ BORGARÐU ÚTBORGUNINA-
EÐA ÞÁ ALLT SAMAN MEÐ VISA OG EURO.
_
L