Ólafía : rit Fornleifafræðingafélags Íslands. - 01.05.2007, Page 7
Ritstjóraspjall
__________
7
Fyrsta hefti Ólafíu, rits Fornleifa-
fræðingafélags Íslands (FFÍ), kom út
í mars 2006 en stefnt er að því að
nýtt hefti komi út að minnsta kosti
árlega. Stefna ritstjóra er jafnframt
að innihald ritsins verði mismunandi
hverju sinni. Það getur þess vegna
verið bundið ákveðnu þema, ákveð-
num hópi fræðimanna eða jafnvel
einu tilteknu efni úr ritgerð eða
skýrslu. Krafa er hins vegar gerð á
höfunda um að í greinum þeirra
felist fræðileg úrlausn rannsókna, í
stað lýsinga á gögnum.
Markmiðið er ennfremur að
greinar í ritinu verði birtar á íslensku
til þess að skapa hefð fyrir notkun
fræðilegra hugtaka í fornleifafræði á
íslensku. Engu að síður verður heftið
ekki bundið við íslensku eingöngu.
Efni á ensku, dönsku, norsku eða
sænsku verður birt á frummálinu í
ritinu ef það hefur ekki verið gefið
út áður en ef það hefur þegar verið
birt á öðrum vettvangi verður það
þýtt yfir á íslensku.
Annað hefti Ólafíu er að þessu
sinni gefið út án sérstaks þema, ólíkt
fyrsta heftinu sem var tileinkað
greinum um kynjafornleifafræðilegt
efni. Heiti þess er Félagatal en með
því er verið að vísa til samtalsefnis
félagsmanna í Fornleifafræðinga-
félaginu, FFÍ. Greinarnar eru þess
vegna eingöngu eftir félagsmenn,
jafnt heiðursfélaga sem aðal- og
aukafélaga, en innihald þeirra er
óbundið að öðru leyti.
Allir heiðursfélagar félagsins, þau
dr. Ólafía Einarsdóttir, dr. Lotte
Hedeager og dr. Anders Andrén,
eiga greinar í heftinu. Ákveðið var
að tilnefna Ólafíu sem heiðursfélaga
vegna þess að hún var fyrst
Íslendinga til þess að útskrifast með
háskólagráðu í fornleifafræði. Lotte
og Anders komu hins vegar hingað
til lands í boði félagsins til þess að
flytja fyrirlestra og var þeim í
framhaldi af því boðin heiðurs-
félagaaðild.
Greinar heiðursfélaganna þriggja
hafa allar birst áður en eru hér birtar
í íslenskri þýðingu dr. Þorkels
Jóhannessonar sagnfræðings, Her-
manns Bjarnasonar heimspekings og
dr. Steinunnar Kristjánsdóttur forn-
leifafræðings. Grein Ólafíu nefnist á
frummálinu „Om husfreyjamyndig-
hed i det gamle Island“ og var fyrst
birt í Festskrift til Thelma Jexlev;
Fromhed, verdslighed i middelalder
og renaissance árið 1985. Greinin
var síðan birt í Skildi fyrr á þessu ári
en ritstjórum þótti við hæfi að birta
hana einnig í riti Fornleifafélagsins.
Grein Lotte heitir á frummálinu
„Dyr og andre mennesker – menn-
esker og andre dyr. Dyreorna-
mentikkens transcendentale realitet“