Morgunblaðið - 03.11.1999, Blaðsíða 50
> 50 MIÐVIKUDAGUR 3. NÓVEMBER 1999
MORGUNBLAÐIÐ
Dýraglens
Gerðu mðr greiða, segðu Það var enginn
öllum heiminum að ég sé sem hafði áhuga.
tilbúinn að fara á fætur
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Manns vil
ég minnast
Frá Sigurlaugu Sigurðai-dóttur:
OFT kemur það fram í máli manna,
að nú séu síðustu og verstu tímar,
allt sé að snúast til verri vegar.
Einkum gætir þessa hugsunarhátt-
ar meðal eldra fólks, sem oft er
hætt að fylgjast með. Þetta er al-
kunna og ekkert til að gera veður út
af. Hitt er annað mál, að oft er það
gott, sem gamlir kveða. Hér vil ég
minnast á eitt atriði, sem kannske
er ekki eingöngu íslenskt sérfyrir-
brigði en áberandi löstur. Er hér átt
við þann ósið, er lengi hefur tíðkast
hérlendis, að gera lítið úr öðrum eða
meta ekki að verðleikum það sem
vel er gert. Þetta á við um ýmsa
listamenn, sem eiga sér fylgjendur
fáa, njóta ekki frændsemi eða fylgi
pólitískra áhrifamanna eða ein-
hverra klíkuhópa, sem geta veitt
þeim brautargengi. í þessu sam-
bandi koma upp í hugann orð
skáldsins, sem sagði: „Islendingar
einskis meta alla sem þeir geta.“
Að framansögðu, verður þá snúið
að tilefni þessarar minningargrein-
ar um góðan en genginn listamann,
sem hingað til hefur að mestu verið
sniðgenginn í umfjöllun um tilurð
vissra íslenskra listaverka. Hann
hét Guðmundur Kristinn Ögmunds-
son, f. 29. júlí 1888 að Bolafæti í
Hrunamannahreppi, d. 20. maí
1952, bóndi á Hofi á Skagaströnd,
Skag., á Iðu, Biskupstungnahreppi,
Árn. 1916-1917, í tvíbýli á Þórarins-
stöðum 1917-1919, síðan atvinnu-
rekandi og málari í Reykjavík til
æviloka.
Eins atriðis er þó vant í framan-
greindri upptalningu, en það er
þáttur Guðmundar í því að gera af-
steypur af listaverkum Einars Jóns-
sonar. Hingað til lands hafði á sín-
um tíma komið danskur maður, sem
vann við að gera afsteypur af lista-
verkum, en af honum mun Guð-
mundur hafa lært þá list. Guðmund-
ur vann með Einari Jónssyni við af-
steypur á listaverkum hans, en
einnig vann hann nokkuð með Guð-
mundi frá Miðdal. En sjaldan eða
aldrei er Guðmundar getið, þótt
verið sé að fjalla um verk, sem hann
hefur farið höndum um. Undirrit-
aðri hefur alla tíð fundist undarlegt
að hans sé að engu getið, þegar ver-
ið er að sýna eða setja upp lista-
verk, sem hann hefur átt þátt í að
móta.
Þótt liðin séu mörg ár frá því
Guðmundur lést, er hann þeim sem
þekktu hann best enn í fersku
minni. Þegar ég kynntist honum var
ég umkomulítill unglingur, sem átti
engan til að snúa mér að við komu
mína til Reykjavikur, nema Mar-
gréti Hinriksdóttur, eiginkonu Guð-
mundar, sem er fædd 6. október
1892 á Tindum á Ásum, Svínavatns-
hreppi, d. 19. mars 1963 í Reykja-
vík. Þessi ágæta kona tók mér ein-
staklega vel og sama má segja um
mann hennar, sem sýndi af sér al-
veg einstakan skilning og góð-
mennsku. Sveitastelpu innan við
tvítugt var sem sé tekið með kost-
um og kynjum á heimili þessara
góðu hjóna, og verður það seint lof-
að sem vert er. Hjónin Margrét og
Guðmundur eignuðust þrjá syni.
Elstur var Ögmundur Jóhann, f. 28.
maí 1916, d. 2. maí 1998, yfirtoll-
vörður í Reykjavík. Næstur er Hin-
rik, f. 22. mars 1918, verkfræðingur
í Reykjavík. Þriðji í röðinni er Geir,
f. 28. júní 1921, skrifstofustjóri í
Reykjavík. Allt þetta fólk hefur lagt
sitt af mörkum til eflingar mannlífi í
Reykjavík, og fjöldi mannvænlegra
afkomenda prýðir nú borgina og er
henni til vegs og sóma.
SIGURLAUG SIGURÐARDÓTTIR,
Einarsnesi 64, Reykjavík.
Jólakort
MS-félags íslands
Frá Vilborgu Traustadóttur:
JÓLAKORT MS-félags íslands eru
komin út. Þau eru að þessu sinni
eftir listakonuna Erlu Sigurðardótt-
ur og heita „Ljósbrot" og „Vetrar-
birta“.
Aðalfjármögnun MS-félagsins er
ágóði jólakortasölunnar, í ár rennur
allur ágóði hennar til viðbyggingar
sem MS-félagið stendur fyrir við
dagvist félagsins á Sléttuvegi 5.
Viðbyggingin mun auka svigrúm
fyrir félagsstarfsemi, ásamt því að
dagvist félagsins fær meira pláss.
Kortin er hægt að panta á skrifstofu
félagsins á Sléttuvegi 5 hjá Elínu í
síma 568-8620 og kostar búnt með 6
kortum 500 kr.
Heimasíða félagsins hefur verið
opnuð og þar er að fínna ýmsan fróð-
leik tengdan félaginu og höfum við
nú tekið upp þá nýbreytni að hafa á
henni síðu þar sem fólk sendir inn
fyrirspumir og fær svör við þeim
hvert frá öðru. T.d. þegar ný ein-
kenni gera vart við sig sem gerir
marga óörugga, þá er bráðnauðsyn-
legt að geta spurt samsjúklinga
þessara „heimskulegu" (að manni
finnst stundum) spuminga. Þá er t.d.
hægt að spyrja eins og oft er nú gert
þegar við hittumst í þeim tilgangi að
ræða sjúkdóminn; „hefur þú fengið
branatilfinningu“? eða „hvemig er
það með þig, færð þú svirna"? „hvað
með mataræði"? o.s.frv. Vonandi
verður þetta til að hrista fólk saman
um land allt, en Netið gerir okkur
kleift að deila reynslu okkar hvar
sem við eram stödd í heiminum.
Heimasíða MS-félags íslands á
netinu er örlítið breytt og er
http://home.isIandia.is/ms/
VILBORG TRAUSTADÓTTIR,
formaður MS-félagsins.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
tii birtingar teljast samþykkja þetta, ef ekki fylgir fyrirvari hér að lútandi.