Morgunblaðið - 03.11.1999, Blaðsíða 8
8 MIÐVIKUDAGUR 3. NÓVEMBER 1999
MORGUNBLAÐIÐ
FRÉTTIR
Leikskólinn Engjaborg í Grafarvogi:
Dvalarsamningum o
rG-MU/vyO'
Hérna, þið getið bara passað grislingana ykkar sjálf.
Nýr forstöðumaður fjármála-
sviðs hjá Fræðslumiðstöð
RUNÓLFUR Birgir Leifsson við-
skiptafræðingur hefur verið ráðinn
forstöðumaður fjármálasviðs Fræð-
slumiðstöðvar Reykjavíkur. Runólfur
Birgir lauk kandídatsprófí í við-
skiptafræði frá Háskóla Islands árið
1984 og er að ljúka meistaraprófi frá
sama skóla í byrjun næsta árs. Run-
ólfur Birgir starfaði í menntamála-
ráðuneytinu, sem sérfræðingur og
síðar deildarstjóri, frá 1981 til 1990
og hjá Sinfóníuhljómsveit íslands frá
1990 til 1998, sem framkvæmdastjóri
frá 1991. Runólfur Birgir hefur störf
í ársbyrjun 2000.
Dagný Leifsdóttir viðskiptafræð-
ingur hefur verið ráðin deildarstjóri
fjárhags- og launadeildar Fræðslu-
miðstöðvar Reykjavíkur. Dagný
lauk prófi í viðskiptafræði frá Há-
skóla Islands árið 1986. Hún var
deildarstjóri í dóms- og kirkjumála-
ráðuneytinu frá 1992 til 1997 og for-
stöðumaður fjarstýringar hjá
Landssímanum frá 1997. Einnig hef-
ur hún starfað hjá Kaupþingi, Flug-
leiðum og víðar. Dagný hóf störf á
Fræðslumiðstöð í byrjun október.
Hákon Sigursteinsson hefur verið
ráðinn deildarstjóri sálfræðideildar
Fræðslumiðstöðvar Reykjavíkur.
Hákon lauk embættisprófi í sálar-
fræði frá háskólanum í Árósum árið
1996 og hefur starfað sem vinnusál-
fræðingur bæði í Danmörku og á Is-
landi. Hákon hefur starfað sem sál-
fræðingur á Fræðslumiðstöð frá
1997 en tók við deildarstjórastarfmu
um miðjan október.
á amerískum rúmum í örfáa daga
Queen rúm, dýnur og náttborð
Nýr formaður Norræna félagsins
Hlakkar
til starfsins
NÝLEGA var á
sambandsþingi
Norræna félags-
ins kosinn nýr formaður
félagsins. Fráfarandi for-
maður er Kristín Kvaran
en hinn nýi formaður er
Sigurlín Sveinbjarnar-
dóttir. Hún var spurð
hvort breyttar áherslur
yrðu í starfi félagsins í
framhaldi af formanns-
skiptunum.
„Starfsemin er marg-
skipt, annars vegar verk-
efni sem okkur eru falin
af Norrænu ráðherra-
nefndinni, svo sem Nor-
djobb, sem ganga mjög
vel og hins vegar er það
hin eiginlega starfsemi
félagsins sem fer fram í
félagsdeildum um allt land, nú
verður lögð meiri áhersla á að
efla deildirnar og starf þeirra.
Einkum er ætlunin að finna nýj-
an vettvang og ný verkefni til að
efla deildirnar. A sambandsþing-
inu kom t.d. fram mikill áhugi á
að vinna að umhverfismálum.
Pað hefur verið í lögum félagsins
lengi en kannski legið nokkuð
niðri síðasta áratuginn."
- Var sátt um þessi formanns-
skipti?
„Það var kosið á milli okkar
Kristínar Kvaran og ég fékk
tæpa tvo þriðju atkvæða. Eg tel
að ég hafi verið kosin vegna
áhuga míns á að efla innra starf
félagsins og félagsdeildirnar. Ég
hef unnið rétt um þrjátíu ár í fé-
lagsstarfi Norræna félagsins svo
ég gjörþekki það og vil gjarnan
leggja því lið - þótt félagið sé
orðið 77 ára gamalt þá hefur það
mikilvægu hlutverki að gegna
inn í nýja öld. Ég vil vera með í
umræðu um markmið og áhersl-
ur í norrænu samstarfi í framtíð-
inni og þá til lengri tíma.“
- Er mikill munur á að vera
framkvæmdastjóri félagsins og
aðgegna formannsstöðu?
„Já, það er það en ég held að
það sé tvímælalaust kostur að
koma þannig að stjórn félagsins
að gjörþekkja allt innra starfið.
Ég er mikill vinnuþjarkur og er
tilbúin að vinna mikið fyrir fé-
lagið eins og ég hef reyndar
gert. Þetta er ólaunað starf en
ástæðan fyrir því að ég vil vinna
fyrir þetta félag áfram eins og
ég hef gert lengi er að ég hef
mikla trú á þeim lífsgildum sem
Norræna félagið stendur fyrir.
Þar má nefna lýðræðið fyrst og
fremst en einnig hef ég mikinn
áhuga á umhverfismálum og vil
sinna þeim málaflokki sérstak-
lega.“
-Hvað viltu segja um sam-
starf féiagsins við hinar Norður-
landaþjóðirnar?
„Það er mikið samstarf, haldn-
ir reglulega fundir, bæði for-
manna og framkvæmdastjóra.
Ég hef sl. fjögur ár setið alla
þessa fundi og þekki því þ_að
starf vel. Norræna félagið á ís-
landi fer með for-
mennsku innan Sam-
bands norrænu félag-
anna næsta árið svo
þá er mikill kostur að
hinn nýi formaður sé
vel kunnugur þeim málum og
geti staðið vörð um þá stefnu og
hagsmuni sem stjórn okkar fé-
lags stendur fyrir.“
- Mun Norræna félagið gang-
ast fyrir ódýrum ferðalögum
áfram?
„Það hefur verið svo lengi og
mun verða svo áfram - í takt við
breytta tíma þó. Við stöndum
►Sigurlín Sveinbjarnardóttir
fæddist 3. júlí 1947 að Höfða í
Fljótshlíð. Hún tók kennara-
próf 1970 og BA-próf 1979 í
dönsku og sálarfræði í Há-
skóla Islands. Kandídatspróf í
sömu fögum tók hún frá
Kaupmannahafnarháskóla
1983. Nú stundar Sigurlín
meistaranám í umhverfís-
fræðum við Háskóla íslands.
Störf hennar hingað til hafa
mikið tengst norrænu sam-
starfí, hún starfaði sem
dönskukennari í tæp tuttugu
ár, var námsstjóri í mennta-
málaráðuneytinu í sjö ár og
hafði þá yfírumsjón með
dönskukennslu f skólum
landsins. Þá var hún fram-
kvæmdastjóri fyrir þúsund
manna ráðstefnu sem haldin
var í júní 1991, einnig var
hún verkefnasljóri í Norræna
húsinu í þijú ár, var fram-
kvæmdastjóri í Norræna
skólasetrinu og loks fram-
kvæmdastjóri Norræna fé-
lagsins sl. fjögur ár. Nú er
Sigurlín að láta af störfum
sem framkvæmdastjóri og er
nýkosin formaður Norræna
félagsins. Hún er gift Gylfa
Gunnarssyni, löggiltum end-
urskoðanda, og á þrjú upp-
komin börn.
ekki lengur fyrir leiguflugi eins
og félagið gerði áður en leggjum
því meiri áherslu á afsláttarkjör
fyrir félagsmenn í öllu sem lýtur
að ferðalögum á Norðurlöndum,
svo sem í flugi, með ferjum og
lestum, á hótelum eða öðrum
gististöðum. Félagsskírteinið
gildir sem afsláttarkort mjög
víða og nýtt fréttablað um fyrr-
nefnd afsláttarkjör verður sent
félagsmönnum eftir áramót.“
- Hvað eru félagsmenn margir
núna?
„Þeir eru rétt tæplega þrjú þús-
und og er félagatalan heidur að
aukast en hitt. Sérstaklega er
gaman að það er ungt fólk að
bætast við. Þess má geta að í
starfi félagsins er ýmislegt í boði
fyrir unga fólkið, fyrir
utan svonefnd ung-
mennaskipti (Nor-
djobb) og fleira þá
hafa t.d. verið haldnar
ráðstefnur, svo sem
Cafe Norden, sem var norræn
ráðstefna sem haldin var hér í
byrjun október þar sem þemað
var; Norræn poppmúsik. Sú ráð-
stefna endaði á frábærum tón-
leikum. Ég er mjög bjartsýn fyr-
ir hönd félagsins þegar ég lít til
nýrrar aldar - ég hlakka til
starfsins og tel að félagið eigi
mikla mögulcika."
Ungt fólk
að bætast
í félagið