Morgunblaðið - 03.11.1999, Blaðsíða 17
MORGUNBLAÐIÐ
MIÐVIKUDAGUR 3. NÓVEMBER 1999 17
AKUREYRI
Umræður um nektardansstaði í bæjarstjórn Akureyrar
Ekki góð viðbót við
skemmtanalífið
ÞRJÁR nefndir á vegum Akureyr-
arbæjar, jafnréttisnefnd, félags-
málaráð og áfengis- og vímuvarnar-
nefnd, standa sameiginlega að fundi
um nektardansstaði á Akrueyri
annan laugardag, 13. nóvember.
Miklar umræður hafa verið um
þessa staði á Akureyri að undan-
fórnu og í gær náði hún inn í sal
bæjarstjómar Akureyrar.
Nýlega fengu bæjaryfirvöld er-
indi frá norðandeild Stéttarfélags
íslenskra félagsráðgjafa þar sem
spurt var hvernig bregðast ætti við
því ástandi sem skapast hefur eftir
að farið var að reka þrjá nektar-
skemmtistaði í bænum og þá skor-
aði fundur á vegum jafnréttisnefnd-
ar á bæjaryfirvöld að banna rekstur
slíkra staða.
Oktavía Jóhannesdóttir bæjar-
fulltrúi Akureyrarlista kvaðst hafa
áhyggjur af því ástandi sem skapast
hefur í kjölfar þess að þrír nektar-
dansstaðir væru reknir í bænum.
Haldið hefði verið fram að Akureyr-
ingar ættu heimsmet í rekstri slíkra
staða miðað við höfðatölu og sagðist
Oktavía ekki stolt af heimsmeti af
því tagi. „Þetta er ekki góð viðbót í
skemmtanalífi bæjarins," sagði hún.
Fagnaði umræðu
Ásgeir Magnússon, formaður
bæjarráðs, fagnaði því að málið
væri til umræðu og vakin hefði ver-
ið athygli á ýmsum neikvæðum
þáttum sem fylgdu þessari stai-f-
semi. Hann taldi að um óæskilega
viðbót í skemmtanalífi bæjarins
væri að ræða, að minnsta kosti í
þeim mæli sem orðið væri.
Guðmundur Ómar Guðmundsson,
Framsóknarflokki, sagði ábyrgðina
liggja hjá Alþingi sem ekki hefði
treyst sér til að setja skýrar reglur
um þessa starfsemi á sínum tíma.
Dansarar væru undanþegnir at-
vinnuleyfi og þá væri sennilega ekki
greiddur skattur af þessari starf-
semi í öllum tilvikum.
Óæskileg þróun
Ásta Sigurðardóttir, Fram-
sóknarflokki, sagði mikil bágindi
fylgja þessari starfsemi, það ætti
við um þá sem rækju staði af þessu
tagi, þá sem sæktu þá, að ekki væri
talað um þá sem hefðu nektardans
að atvinnu sinni.
Ki-istján Þór Júlíusson bæjar-
stjóri sagði að um óæskilega þróun
væri að ræða að flestra mati, en
grundvallarspurningin snerist um
hvers konar samfélag það væri sem
hefði þörf fyrir þessa þjónustu.
Verktaki ekki staðið í skilum
með gatnagerðargjöld
Gjöldin falla
á íbúana
GATNAGERÐARGJÖLD tæplega
15 íbúa við Skessugil og víðar í Gilja-
hverfi hafa gjaldfallið á kaupendur
húsa þar sem byggingarverktaki
hefur ekki staðið í skilum með af-
borganir. Þrír íbúanna vöktu máls á
þessari stöðu í viðtalstíma bæjarfull-
trúa og var málið rætt á fundi bæjar-
stjórnar Akureyrar í gær. Bæjarlög-
maður kannar nú hvort og þá með
hvaða hætti málinu verði vísað til
efnahagsbrotadeildar lögreglunnar.
Skuldar 7-8 milljónir
Baldur Dýrfjörð bæjarlögmaður
Akureyrarbæjar sagði að umræddur
verktaki væri í vanskilum með
gatnagerðargjöld að upphæð um 7-8
milljónir ki’óna. Hann hefði tekið að
sér gagnvart kaupendum íbúðanna
að greiða gjöldin, en ekki staðið í
skilum í um tvö ár.
Guðmundur Ómar Guðmundsson,
bæjarfúlltrúi Framsóknarflokks,
sagði að svo virtist sem verktaki
þessi hefði sérstaka fyrirgreiðslu hjá
Akureyi’arbæ varðandi frest á gjöld-
um og eins gæti hann fengið ótak-
markað af lóðum þrátt fyrir þessa
fortíð. Guðmundur taldi að farið
hefði verið út fyrir reglur sem í gildi
eru í þessu máli.
Kristján Þór Júlíusson bæjarstjóri
sagði að um mistök væri að ræða
kæmi í ljós að verktakinn nyti ein-
hverra sérstakra fyrirgreiðslna hjá
Akureyrarbæ og benti á að honum
hefði verið ýtt út úr hópi bjóðenda
vegna viðbyggingar við Lundarskóla
í fyrrahaust. Hann sagði að forsvars-
menn bæjarins væru tilbúnir að fella
niður vexti og kostnað sem hlaðist
hafi á skuldina, en ekki væri unnt að
afskrifa höfuðstól skuldarinnar.
Sigurhæðir - Hús skáldsins
Jón Erlendsson
gestur á ljóðakvöldi
JÓN Erlendsson, starfsmaður
Vegagerðarinnar, verður gestur
á ljóðakvöldi á Sigurhæðum -
Húsi skáldsins í kvöld, miðviku-
dagskvöldið 3. nóvember. Hann
hefur á siðustu árum birst sem
athyglisvert skáld, vann m.a. til
verðlauna í ljóðasamkeppni
Dags og Menor fyrir nokkrum
árum. Eftir hann hefur enn ekki
komið út bók, en hann á sitthvað
óprentað og mun flylja áheyr-
endum það á ljóðakvöldinu. Þá
hefur hann nokkuð fengist við
þýðingar og ekki ráðist á garð-
inn þar sem hann er lægstur, en
hann er langt kominn með nýja
þýðingu á Pétri Gaut eftir Hen-
rik Ibsen.
Á ljóðaskrá kvöldsins ætlar
Erlingur Sigurðarson, forstöðu-
maður Sigurhæða, einnig að
minnast skáldsins Jóhannesar úr
Kötlum með því að fara með
brot úr ljóðum hans, en á morg-
un, 4. nóvmeber, verður öld liðin
frá fæðingu hans. Jóhannes var
afar mikilvirkt skáld, opinber
ferill hans spannaði nær hálfa
öld.
Hús skáldsins er opið frá kl.
20 til 22 á miðvikudagskvöldum,
en flutningur ljóðaskrárinnar
hefst kl. 20.30 og tekur um þrjá
stundarfjórðunga. Þar fyrir ut-
an er tekið á móti hópum í sam-
ráði við forstöðumann.
Morgunblaðið/Kristján
Fulltrúar L-lista og Framsóknarflokks lögðu fram bókun
á fundi ITA vegna umrnæla formanns í bæjarstjórn
Minnihlutinn hefur mál-
frelsi og tillögurétt
NÓI Bjömsson fulltrúi L-lista og
Þórarinn E. Sveinsson fulltrúi
Framsóknai-flokks í Iþrótta- og
tómstundaráði Akureyrarbæjar
lögðu fram harðorða bókun á fundi
ITA í gær, vegna ummæla Þórarins
B. Jónssonar formanns ITA og bæj-
arfulltrúa á fundi bæjarstjórnar í
síðasta mánuði. Þar taldi formaður
ITA að bókun eða fyrirspurn sem
Nói og Þórai’inn lögðu fram á fundi
ITA 12. október vegna erindis Ki'i-
stjáns Þórs Júlíussonar bæjarstjóra
um sameiningu Þórs og KA, vera
„þessum mönnum frekar til
minkunnar".
Á fundi ÍTA 12. október sl. svar-
aði bæjarstjóri fyrirspurnum vegna
málsins en þeir Nói og Þórarinn
spurðu hvort það væri vilji meiri-
hluta bæjarstjórnar að knýja
íþróttafélögin Þór og KA til þessa
samstarfs. Einnig hvort félögunum
yi'ði refsað ef ekki yrði af því sam-
starfi sem bæjarstjóri tali fyrir.
Einnig spurðu Nói og Þórarinn um
frekari fjárveitingar til ÍTA til að
hvetja til betri árangurs í íþróttum
og um frekari fjárveitingar til
reksturs íþróttafélaganna á næstu
fjárhagsáætlun.
Einnig var spurt hvort fyrirspum
bæjarstjóra boðaði það að hætta
eigi að hafa samráð við ITA og ÍBA
um málefni íþróttahreyfingarinnar
og að þeim eigi hér eftir að sinna
beint frá skrifstofu bæjarstjóra.
Kristján Þór svaraði fyrirspurn-
um Nóa og Þórarins og í bókun ITA
kemur fram að bæjarstjóri hafi
svarað því neitandi að knýja ætti fé-
lögin til samstarfs, eða refsa þeim
fjárhagslega ef ekki yi'ði af sam-
starfi þeirra. Þá standi ekki til að
sinna málaflokknum beint frá skrif-
stofu bæjarstjóra. Varðandi spurn-
ingar um fjárveitingar var í bókun-
inni vísað til umræðna á fundinum.
Hagur félaganna í liuga
Formaður ÍTA lét bóka á þessum
fundi að bæjarstjóri hafi haft sam-
band við sig áður en hann hafði
samband við fulltrúa íþróttafélajg-
anna og kynnti honum málið. „Eg
veit að bæjarstjóri fór í gang með
þessa umræðu við formenn félag-
anna með hag félaganna í huga og
íþróttahreyfingarinnar í bænum,“
segir í bókun formanns ITA.
I bókun Nóa og Þórarins sem
lögð var fram á fundi ITA í gær,
vegna ummæla formanns ÍTA á
fundi bæjarstjórnar 19. október,
kemur m.a. fram að formaður ITA
hafi ekki tekið svo stórt upp í sig á
fundi ITA þegar bókun þeirra var
lögð fram. Þeir spm’ðu því hvers
vegna ekki hafi verið hægt að svara
fyrirspurnum á málefnalegan hátt
og hvað það hafi verið sem fór svona
fyrir brjóstið á formanni ÍTA.
Svona gerir maður ekki
„Getur verið að formaður ÍTA
hafi ekkert vitað um gjörðir bæjar-
stjóra, þrátt fyrir bókun sína á
sama fundi? Og til að reyna að fela
innan flokks vandamál og sárindi
„réðst“ formaður ÍTA á fyrirspyrj-
endur með „skítkasti" þar sem þeir
voru ekki á staðnum til þess að
svara fyrir sig,“ segir í bókun Nóa
og Þórarins. I lok hennar segir:
„Ágæti formaður ITA Þórarinn B.
Jónsson. Svona gerir maður ekki.
Þessi vinnubrögð eru þér sem for-
manni ITA ekki sæmandi. Ef þú
veist það ekki nú þegar ágæti for-
maður, þá hefur minnihlutinn, skip-
aður Nóa Björnssyni og Þórarni E.
Sveinssyni, bæði málfrelsi og til-
lögurétt á fundum ITA.“
Kólnandi
veður fyrir
norðan
HELDUR er nú farið að kólna á
Norðurlandi, enda komið fram í
nóvember. En það er ekki bara
mannfólkið sem þarf þá að klæða
sig betur, því dýrunum getur líka
orðið kalt. Danielle Palade á
Akureyri, sem var á ferð með
tíkina sína Goldie í miðbænum í
gær, sá ástæðu til að klæða hana
í hlýja kápu, enda frekar kalt í
veðri. Danielle, sem á 10
mexíkóska dverghunda af Chihu-
ahua-kyni, saumar sjálf flíkurnar
á hunda sína og sagði að þeir
kynnu vel við sig í fötum. í gær
var hitastigið nálægt frostmarki
á Akureyri og heldur kaldara
niður við jörð.
Handteknir
með hass
FJORIR menn voru handteknir
skammt norðan Akureyrar í fyrra-
dag, en þeir voru á leið út úr bæn-
um. í fórum þeirra fundust um 40
grömm af hassi. Við yfirheyrslur
könnuðust þrír mannanna við að
eiga efnið, en einum fjórmenning-
anna var sleppt strax þar sem hann
var málinu óviðkomandi. Mennirnir
viðurkenndu að hafa selt lítinn hluta
efnisins.
Starfsmaður ráðinn á
skrifstofu Þroskahjálpar
Veitir for-
eldrum fatl-
aðra barna
stuðning
ÞROSKAHJÁLP á Norðurlandi
eystra hefur ráðið Lilju Ragnars-
dóttur starfsmann á skrifstofu sína í
Kaupangi við Mýrarveg á Akureyri.
Starfsmaður félagsins er stuðnings-
aðili foreldra fatlaðra barna og ann-
arra aðstandenda þeirra og veitir
þeim ráðgjöf. Þjónusta hans stend-
ur öllum foreldrum fatlaðra til boða.
Ef þess er óskað getur starfs-
maðurinn bent ungum foreldrum á
foreldra sem hafa reynslu af um-
önnun fatlaðs bai-ns og sett þá í
samband við félagið, eins og segii- í
fréttatilkynningu Þroskahjálpar.
Hann sér um að hafa til taks upp-
lýsingar um réttindi og þá þjónustu
sem stendur til boða, útvegar lög og
reglugerðir, fræðsluefni er varðar
málefnið, upplýsingar um fundi og
fleira.
Starfsmaður félagsins setur sig í
samband við alla þá aðila sem þjóna
fötluðum, fjölskyldudeild að Glerár-
götu 26, svæðisráð um málefni fatl-
aða, fæðingardeild, barnadeild og
heilsusgæslu og leggur sitt af mörk-
um til þess að kerfið vinni sem best
saman og veiti foreldrum fatlaðra
og fótluðum sem besta þjónustu. Þá
skal starfsmaður aðstoða skjólstæð-
inga sína við að leita réttar síns í
kerfinu og hann getur verið fulltrúi
foreldra í nefndum og á fundum að
beiðni stjórnar og skal hann þá
koma upplýsingum til foreldra með
fundahöldum eða bréfleiðis.
Forstöðumaður
N ey ðarhnunnar
Gerist ekki
aftur
ÞÓRHALLUR Ólafsson, for-
stöðumaðm’ Neyðarlínunnar,
segir mannleg mistök hafa vald-
ið því að boðun slökkviliðs-
manna á Grenivík misfórst þeg-
ar eldur kom upp í íbúðarhúsi
þar á laugardagskvöld.
Hann segir mistök af þessu
tagi afar sjaldgæf og búið sé að
gera ráðstafanir til að þetta
endurtaki sig ekki. Honum þyki
leitt að þetta skyldi hafa gerst
og er ánægður með að ekki
skyldi hafa hlotist skaði af.