Morgunblaðið - 03.11.1999, Blaðsíða 30

30 MIÐVIKUDAGUR 3. NÓVEMBER 1999
MORGUNBLAÐIÐ
LISTIR
Nýjar bækur
• DAGBÓK ANNE FRANK -
lokaútgáfa er í þýðingu Ólafs
Rafns Jónssonar. í fréttatilkynn-
ingu segir að þessi bók komi nú út
á Islandi í fyrsta skiptið óritskoðuð.
Allir kaflarnir sem faðir Anne kaus
að sleppa úr fyrri útgáfum eru með
og fyrir vikið verður til einstök
þroskasaga ungrar stúlku, sem lýs-
ir meðal annars áhuga hennar á
hinu kyninu, erfiðleikum í sambúð
foreldranna og vaxandi einsemd
hennar í hlutverki táningsins á
ógnartímum seinni heimsstyi’ja-
ldarinnar.
Útgefandi er Bókaútgáfan Hól-
ar. Bókin er292bls. Káputeikning
er eftir Kristin G. Jóhannsson.
Bókin er unnin íÁsprent/POB ehf.
Verð: 3.490 kr.
• ALDARREIÐ - saga hesta-
mennsku og hestamanna i Svarf-
aðardal á 20. öld, er eftir Þórarin
Hjartarson frá Tjörn. I bókinni er
meðal annars fjallað um tímabil
kerruhestsins, notkun hestaverk-
færa og hrossakynbætur í fortíð og
nútíð. *
Útgefandi er Bókaútgáfan Hól-
ar. Bókin er 293 bls., prentuð íÁsp-
rent/POB ehf. Leiðbeinandi verð:
4.900.
• DANSHINNA DAUÐUer ungl-
ingabók eftir Anthony Masters í
þýðingu Ásdísar ívarsdóttur. I
fréttatilkynningu segir að þetta sé
fyrsta bókin í draugabanaflokki og
fjalli um tvíburana skyggnu, David
og Jenny, sem lenda í alls kyns æv-
intýrum í baráttu sinni við fram-
liðna.
Bókin hefur verið á metsölulista
í Bretlandi.
Útgefandi er Bókaútgáfan Hól-
ar. Bókin er 112 bls. Prentunnin í
Ásprent/POB ehf. Verð 1.890 kr.
• SKAGFIRSK SKEMMTILJÓÐ
in, er í samantekt Bjarna Stefáns
Konráðssonar frá Frostastöðum.
Þetta er þriðja bókin í þessum
kvæðabókaflokki og sem fyrr stíga
fjölmargir hagyrðingar á stokk og
láta gamminn geisa, til dæmis al-
þingismennimir séra Hjálmar Jóns-
son og Jón Kristjánsson, Ami Gunn-
arsson, Birgir Hartmannsson, Pétur
Stefánsson, bræðumir séra Sigurð-
ur Helgi og Jóhann (Jói í Stapa)
Guðmundssynir og Sigurður.
Útgefandi er Bókaútgáfan Hólar.
Bókin er 120 bls. Prentvinnsla fór
fram íÁsprent/POB ehf. Verð 1.980
kr.
• LÍFSÞRÓTTUR næringarfræði
almennings er eftir Ólaf G. Sæ-
mundsson næringarfræðing.
í fréttatilkynningu segir að í
bókinni, sem ætluð er öllum þeim
er huga vilja að
eigin heilsu, sé
meðal annars
fjallað um offítu,
lystarstol og
áhrif næringar á
ýmsa sjúkdóma,
svo sem hjarta-
og æðasjúk-
dóma, sykursýki,
krabbamein,
liðagigt og melt-
ingarsjúkdóma.
Auk þess er í bókinni ítarlegt
neyslukerfi þar sem greint er frá
hitaeiningum í fjölda afurða.
Útgefandi er höfundur og Bóka-
útgáfan Hólar. Bókin er470 bls.
Kápa og teikningar eru eftir Braga
Einarsson. Umbrot og fiimuút-
keyrsla: Einar Baldursson. Prent-
un: Prentsmiðjan Oddi hf. Verð:
6.980. Bókin erá tilboðsverði til
jóla á 5.980 kr.
jlafur G.
Sæmundsson
• GETTU NÚ, er eftir Jón Hjalta-
son sagnfræðing og Guðjón Inga
Eiríksson kennara. Þetta er spurn-
inga- og gátubók.
• BESTU BARNABRANDAR-
ARNIR - svaka stuð. Fjölmörg
börn hafa lagt hönd á plóginn og
tilnefnt sína uppáhaldsbrandara.
Útgefandi er Bókaútgáfan Hólar
Gettu nú er 78 bls. ogkostar 990
kr. Bestu brandararnir eru 86 bls.
ogkostar990.
Svört kómedía
í leikhúsinu á Selfossi
LEIKFÉLAG Selfoss frumsýnir
kómediuna Illur fengur eftir Joe
Orton í litla leikhúsinu við Sig-
tún á Selfossi annað kvöld,
fimmtudagskvöld, kl. 20.30.
Söguþráðurinn greinir frá
manni sem hefur misst konu
sína, hjúkrunarkonunni sem
annaðist konu hans i veikindun-
um, syni hans sem hefur ýmis-
legt annað fyrir stafni en að
syrgja móður sína og frá starfs-
manni útfararstofu sem jafn-
framt er vinur sonarins. Inn í
söguna fléttast bankarán sem
vinirnir standa fyrir og þær að-
ferðir sem þeir nota til að koma
fengnum undan. „Höfundinum
er fátt heilagt, gerir ískalt grín
að hefðum og viðteknum venjum
og eru dásamlegir orðaleikir að-
al hans ásamt skemmtilegum
fléttum og kvikindislegum skot-
um á mannlegt eðli,“ segir í
fréttatilkynningu.
Sex leikarar taka þátt í upp-
setningunni. Auk þess vinna 15
félagar að sýningunni. Leik-
stjóri er Oddur Bjarni Þorkels-
son. Hann er reyndur Ieikari og
hefur leikið með ýmsum leikfé-
lögum, t.d. Leikfélagi Húsavíkur
og Leikfélaginu Sýnum og sett
upp margar sýningar, t.d. My
Fair Lady með Leikfélagi Fljóts-
dalshéraðs og Að eilífu með
Leikfélagi Dalvíkur.
Önnur sýning verður sunnu-
daginn 7. nóvember.
Sigurgeir Hilmar Friðþjófsson og Ólafur Jens Sigurðsson
í hlutverkum si'num.
Frumútgáfa
Snorra-Eddu
BÓKAVARÐAN er verslun í
Reykjavík sem höndlar með bækur
á öUum aldri, frá upphafi prentlistai-
á íslandi um 1530 til vorra daga,
segir í fréttatilkynningu.
I nýjustu bókaskránni eni aðal-
lega fræðirit í íslenskum og noiTæn-
um fræðum, textaútgáfur og skýr-
ingarit, gömul fágæt rit og útgáfur
fyrri alda.
M.a. má nefna frumútgáfu Njáls
sögu, prentaða í Kaupmannahöfn
1772, Eddu Snorra Sturlusonar,
fnimútgáfu verksins, prentaða í
Kaupmannahöfn 1665. Bók þessi er
merk, einnig fyrir þær sakir, að
Grímur Thorkelín hefur ritað í hana
athugasemdir með eigin hendi.
Þá er líka í skránni ein örfáira
bóka, sem Ami prófessor og hand-
ritasafnari Magnússon ritaði á sín-
um dögum, bók þessi er prentuð
1695. Þá er einnig eitt alelsta rit um
islenska málfræði eftir Runólf Jóns-
son, prentuð í Oxford 1688. „Ekkert
eintak er til af þessari útgáfu hér á
landi hvorki í Þjóðarbókhlöðu, hjá
Orðabók Háskólans, né annars stað-
ar, svo kunnugt sé,“ segir ennfrem-
ur í fréttatilkynningu frá Bókavörð-
unni.
Auk þessa eru fjölmargar merkar
útgáfur eldri fræðirita í íslenskum
og norrænum fræðum, sem afar
sjaldan koma fram á markaði eldri
bóka.
Djassað á
Puccini
DJASSKVÖLD verður á
Kaffí Puccini, Vitastíg lOa, í
kvöld, miðvikudagskvöld, kl.
21.30.
Gitar Iclancio spilar gítar-
tónlist 20. aldarinnar; djass,
blús, latin og þjóðlög. Verk
eftir Chick Corea, Duke
Ellington, George Gershwin,
Gunnai- Þórðarson og Bjöm
Thoroddsen.
Nýkomnir úr tónleikaferð
Gitar Islancio skipa þeir
Björn Thoroddsen, Gunnar
Þórðarson og Jón Rafnsson en
þeir eru nýkomnir úr tónleika-
ferðalagi um Danmörku, Sví-
þjóð og Noreg.
Nýjar bækur
• LEIÐARVÍSIR puttaferða-
langsins um Vetrarbrautina er eft-
ir Douglas Adams í þýðingu Kristj-
áns Kristmannssonar.
Bókin er vísindaskáldsaga í gam-
ansömum stíl, fyrsta bók í fimm
bóka röð um Arthur Dent og Ford
Prefect, Zaphod Beeblebrox og
vinkonu hans Trillan.
I fréttatilkynningu segir að
sagan hefjist á örvæntingarfull-
um mótmælum Artúrs Dents gegn
því að húsið hans verði rifið. Þetta
verður skyndilega að smámunum
einum þegar leikurinn berst út í
víðáttur Vetrarbrautarinnar, þar
sem Artúr lendir í háskalegum æv-
intýrum.
Douglas Adams
fæddist í Cambridge á Englandi
árið 1952. Upphaflega var verkið
flutt sem útvarpsleikrit á BBC
Radio 4 í mars árið 1978 og síðan
hefur sagan verið sögð í bókum,
sjónvarpsþáttum, á hljómplötu, í
tölvuleik ásamt sviðsuppfærslum
af ýmsu tagi. Útgefandi er Útgáfan
Bjarg. Teikningu á kápu gerði Bri-
an Pilkington. Bókin er 183 bls.,
prentuð íPrentsmiðjunni Viðey
ehf. Bókband: Félagsbókbandið
Bókfell hf. Umbrot og útlit: Sigur-
þór Jakobsson. Verð: 2.400 kr.
• AF FÖNGUM og frjálsum
mönnum eru endurminningar Jóns
Bjannans.
I fréttatilkynningu segir að hann
hafi m.a. verið
fyrstur til þess
að gegna emb-
ætti fangaprests
á Islandi og nýl-
ega skipaður
þegar Geirfinn-
smálið var tekið
til meðferðar.
Hér segir hann í
fyrsta skiptið
sögu þessa um-
talaðasta sakamáls Islandssögunn-
ar eins og það sneri við honum.
Víða er komið við bæði innan og ut-
an fangelsismúranna.
Útgefandi er Bókaútgáfan Hól-
ar. Bókin er342bls. Verð: 3.980 kr.
------♦ ♦ ♦
Djass á
Einari Ben
Kvartett Þóru Grétu leikur djass á
Einari Ben annað kvöld, fimmtu-
dagskvöld, kl. 22.
Kvartettin skipa Þóra Gréta
söngur, Agnar Már Magnússon á
píanó, PállPálsson á bassa og As-
geir Óskarssson á trommur.
Sérkennileg
efnisskrá
TONLIST
Fríkirkjan
KÓRTÓNLEIKAR
Skálholtskórinn undir stjórn Hilm-
ars Amar Agnarssonar flutti ís-
lenska og erlenda söngtónlist. Ein-
söngvari var Sigrún Hjálmtýsdóttir
og samleik önnuðust Þorkell Jóels-
son og Kári Þormar. Sunnudaginn
31.október.
SKÁLHOLTSKÓRINN er
nýkominn úr tónleikaferð erlendis
og af því tilefni hélt kórinn tónleika í
Fi-íkirkjunni sl. sunnudag. Tónleik-
amir hófust á Smávinir fagrir eftir
Jón Nordal, sem kórinn notaði sem
inngöngustef, og rýrði það að
nokkru annars ágætan flutning
kórsins á þessu fallega æskuverki
Jóns. I laginu Hver á sér fegra föð-
urland eftir Emil Thoroddsen sýndi
kórinn að hann er vel hljómandi og
raddlega vel skipaður. Islenska
hlutanum jauk með hinu tignarlega
lagi Páls ísólfssonar Úr útsæ rísa
íslands fjöll og þrátt fyrir smámist-
ök í upphafi söng kórinn þetta vin-
sæla lag sérlega hressilega.
Það er vandi að setja saman efnis-
skrá þar sem þrír aðilar koma við
sögu sem einleikarar og gætti þess
nokkuð að markmiðið var að gefa
þeim tækifæri. Fyrir það leið efnis-
skráin að nokkru, varð slitróttari en
annars hefði þurft. Borgin helga eft-
ir Stephen Adams er í raun ekki
áhugvert tónleikaverkefni en ágætt
þjónustulag, er var mjög vel flutt af
kór og Sigrúnu Hljámtýsdóttur,
sem söng svo Casta diva úr óper-
unni Normu eftir Bellini, og söng
Sigrún þessa viðhafnarmiklu bæna-
aríu mjög vel, með aðstoð Kára
Þormars.
Þorkell Jóelsson lék á horn ar-
íuna I attempt from Love’s sickness
úr maskleiknum The Indian Queen
eftir Purcell, við undirleik orgels, og
vai' leikur Þorkels mjög fallega mót-
aður. Hann lék einnig með í Saluta-
ris, eins og stendur í ekki villulausri
og því miður óunninni efnisskrá að
sé eftir Chaussier (Chausson), og er
líklega úr einhverju stæn-a verki, þá
væntanlega fyrir hljómsveit, kór og
einsöngvara, en hljómsveitarþátt-
inn léku Þorkell á horn og Kári á
orgel. Svona umritanir heppnast
sjaldan og kemur þá fyrir lítið þótt
flutningurin hafi verið góður. Kári
Þormar lék tilbrigðaþáttinn úr 5. or-
gelsinfóníunni eftir Charles Widor
og lék þennan fræga þátt af öryggi.
Laudate Dominum úr Hátíðar-
kvöldsöngvum K. 339 eftir Mozart
var flutt í umritun fyrir hom og or-
gel, í stað hljómsveitar, á móti kór
og einsöngvara. Að þessu sinni fór
þetta vel saman, enda er tónlist
Mozarts falleg og þar naut sín vel
gullinn hljómur homsins á móti
glæsilegum einsöng Sigrúnar. Hal-
elújakórinn eftir Hándel tókst ekki
sem skyldi, en þar var orgelið of
hljómfrekt gagnvart kómum. Agn-
us Dei er viðkvæmt lag og ekki
bætti kórútsetningin nokkru við
þetta fallega söngverk, sem Sigrún
flutti mjög vel. Heill þér himneska
orð eftir Fauré er falleg tónsmíð,
sem Þorkell lék mjög vel. Eitt ís-
lenskt innskot var Ave María eftir
Kaldalóns, sem er glæsilegt söng-
verk, og var það eitt best flutta verk
tónleikanna, bæði af kór og þó sér-
staklega einsöngvaranum Sigrúnu
Hjálmtýsdóttur.
Lokaverk og viðamesta viðfangs-
efni tónleikanna var Hear my
prayer eftir Mendelssohn, sem sam-
ið er upphaflega fyrir einsöng, kór
og orgel (1844) og síðar umritað fyr-
ir hljómsveit. Þetta er glæsilegt tón-
verk og þar reyndi mest á kórinn,
sem stóð sig með prýði og sýndi að
hann er að verða tilbúinn til átaka
við stór verkefni. Það þarf ekki að
spyi'ja um flutning Sigrúnar, sem
var borinn upp af því besta sem
áheyrendur þekkja hjá henni, sem
er öryggi, músíkölsk túlkun og af-
burða glæsileg rödd. Þrátt fyrir
sérkennilega blandaða efnisski'á
vom tónleikamir að mörgu leyti vel
fram færðir og söngur kórsins í
Hear my Prayer og í Ave Maríu
Kaldalóns mjög góður. Söngur Sig-
rúnar Hjálmtýsdóttur var glæsileg-
ur og samleikur Þorkels Jóelssonar
fallega mótaður. Undirleikarinn
Kári Þormar var ekki öfundsverður
af því að skipta sér á milli píanós og
orgels en síðarnefnda hljóðfærið er
hans sérgrein, svo sem heyra mátti í
tilbrigðaþættinum eftir Widor.
Jón Asgeirsson