Morgunblaðið - 27.09.1997, Blaðsíða 10
10 LAUGARDAGUR 27. SEPTEMBER 1997
MORGUNBLAÐIÐ
FRÉTTIR
Morgunblaðið/Þorkell
VIÐ afhendingu bjartsýnisverðlauna Breste í gær. Frá vinstri: Olafur Ragnar Grímsson, Karolína
Lárusdóttir, Peter Broste og Vigdís Finnbogadóttir.
Heilbrigðisráðuneytið svarar gagn-
rýni á flutning lungnasjúklinga
Stefnt að fimmtíu
milljóna spamaði
Prófkjör
Sjálfstæðisflokksins
Enginn
hefur
tilkynnt
þátttöku
ENGINN hefur enn tilkynnt skrif-
stofu Sjálfstæðisflokksins um
þátttöku í prófkjöri flokksins
vegna borgarstjórnarkosning-
anna, en prófkjörið fer fram 24.
og 25. október. Margir eru hins
vegar að hugsa málið og línur
varðandi framboð eru smám sam-
an að skýrast, samkvæmt upplýs-
ingum skrifstofu Sjálfstæðis-
flokksins.
Kjartan Magnússon, blaðamað-
ur og varaborgarfulltrúi, hefur
ákveðið að gefa kost á sér í próf-
kjörinu og stefnir ap því að ná
aðalsæti á listanum. í tilkynningu
frá stuðningsmönnum hans kem-
ur fram að Kjartan hefur verið
varaborgarfulltrúi frá árinu 1994
og situr í stjórn Strætisvagna
Reykjavíkur, heilbrigðisnefnd,
húsnæðisnefnd og jafnréttis-
nefnd. Þá kemur fram að Kjartan
hafi gegnt ýmsum trúnaðarstörf-
um innan Sjálfstæðisflokksins.
Hann hafi til dæmis verið formað-
ur Heimdallar, félags ungra sjálf-
stæðismanna í Reykjavík,
1991-93 og hafi stýrt borgar-
málahópi félagsins síðustu miss-
eri.
Júlíus gefur ekki
kost á sér
Þá hefur Júlíus Hafstein ákveð-
ið að gefa ekki kost á sér í próf-
kjörinu, en hann var borgarfull-
trúi fyrir Sjálfstæðisflokkinn, þar
til á yfirstandandi kjörtímabili.
Hann sagði að margir hefðu haft
samband við hann og hvatt hann
til að gefa kost á sér. „Eftir að
hafa skoðað þetta nokkuð vel og
vandlega finnst mér aðstæður
vera þannig að það sé ekki nægi-
legur áhugi hjá mér til þess að
taka þátt í prófkjöri,“ sagði Júlíus
í samtali við Morgunblaðið.
Þá hefur verið rætt við Ágústu
Johnson, sem rekur Stúdíó Ág-
ústu og Hrafns, um að hún gefi
kost á sér í prófkjörinu. Hún sagði
í samtali við Morgunblaðið að það
hefði verið stungið upp á þessu
við sig og hún væri að hugsa
málið.
Karolína
verðlauna-
hafí Bröste
KAROLÍNA Lárusdóttir myndlist-
armaður fékk í gær afhent bjart-
sýnisverðlaun Braste við hátíðlega
athöfn í Norræna húsinu og tók
hún við verðlaununum, um
500.000 kr., úr hendi herra Ólafs
Ragnars Grímssonar forseta Is-
lands. Þetta er 17. árið í röð sem
verðlaunin eru veitt íslenskum
listamanni sem þykir sýna atorku
og bjartsýni í starfi sínu.
Fyrir verðlaunaafhendinguna
sagði frú Vigdis Finnbogadóttir,
sem situr í dómnefnd Broste verð-
launanna, að Karolína Lárusdóttir
væri mikill og góður listamaður
sem hefði aldrei gleymt því að hún
væri íslensk þrátt fyrir að hafa
lengst af ævi sinni dvalið erlendis.
„Það er líka eins og hún hafi aldr-
ei farið frá íslandi, því að í mynd-
um hennar er íslenskt landslag
og íslenskt fólk,“ sagði Vigdís og
beindi orðum sínum að Karolínu.
„í ljósi þess að í myndum þínum,
svo undurfallegum, er allur þessi
gáski, öll þessi gleði, eru þér veitt
í dag bjartsýnisverðlaun Broste."
Karolína sagðist eftir móttöku
verðlaunanna vera mjög þakklát
fyrir auðsýndan heiður. „Og mér
þykir ekkert eins dýrmætt og
bjartsýnin, sem við öll þurfum á
að halda, ölium stundum," sagði
hún.
„ÞESSI hugmynd kemur meðal ann-
ars til af þeirri kvörtun frá sjúkra-
húsunum að illa gangi að útskrifa
fólk í endurhæfingu eða á hjúkrun-
arheimili að lokinni bráðameðferð.
Mjög margir sjúklingar bíða eftir
slíkum úrræðum og því er þessi
hugmynd sett fram,“ segir Kristján
Erlendsson, læknir og skrifstofu-
stjóri í heilbrigðisráðuneytinu, vegna
gagnrýni frá SÍBS á fyrirhugaðan
flutning lungnasjúklinga frá Vífils-
stöðum á Landspítala.
Hugmynd heilbrigðisyfirvalda er
að á Vífilsstöðum verði eingöngu
hjúkrunarsjúklingar, að þeir verði
fluttir frá Landspítalanum og við
það losni rúm fyrir lungnasjúklinga
frá Vífílsstöðum. Stjóm SÍBS telur
flutninginn óheppilegan og að varla
verði rúm fyrir þessa sjúklinga á
Landspítalanum því þótt einhver
rúm losni, muni þau vera dreifð um
allan spítalann. Kristján Erlendsson
segir að nú sé á Vífilsstöðum bráða-
þjónusta við lungnasjúklinga og
göngudeildarþjónusta fyrir lungna-
og ofnæmissjúklinga auk slíkrar
þjónustu sem veitt sé á heilsuvernd-
arstöðinni. Ætlunin væri að sam-
ræma þá þjónustu jafnframt því sem
útskrift væri auðvelduð. Hann segir
það framkvæmdaatriði á Landspítal-
anum hvemig rúm sem losna við
flutning sjúklinga af mörgum deild-
um verði færð saman.
Göngudeild flutt á
Landspítalalóð
„Sé það rétt að milli 40 og 60
sjúklingar á Landspítalanum bíði
eftir að komast í hjúkrunar- eða
endurhæfingarþjónustu má losa þar
rúm og þannig má segja að höfð
verði skipti á sjúklingahópum og
Vífilsstöðum þar með breytt í hjúkr-
unarheimili," segir Kristján og segir
hann jafnframt gert ráð fyrir að
göngudeild lungnasjúklinga verði
líka flutt á Landspítalalóðina eða
nágrenni hennar og verið sé að leita
húsnæðis fyrir hana. Kristján segir
að ná megi umtalsverðum sparnaði
með því að vista sjúklinga á ódýrari
hátt en á bráðasjúkrahúsi og er
stefnt að því að ná um 50 milljóna
króna spamaði með þessum tilfærsl-
um.
Segir
ummæli
*
Amunda út
í bláinn
PÁLL Vilhjálmsson, einn eigenda
Lesmáls ehf., segir þau ummæli
sem höfð voru eftir Ámunda
Ámundasonar í Morgunblaðinu í
gær, að sala á rekstri Lesmáls til
Perluútgáfunnar ehf. sé þjófnað-
ur á eignum fyrirtækisins, séu
fullkomlega út í bláinn.
„Ef þetta væri merkilegri papp-
ír þá myndi ég biðja lögfræðing
að kíkja á þetta, en ég nenni því
ekki einu sinni,“ sagði Páll í sam-
tali við Morgunblaðið.
„Ég held að allir sem hafa
minnstu þekkingu á Ámunda taki
ekki mark á honum. Hann er lepp-
ur í öllu þessu spili, hann á engan
hlut þarna, hann er enginn máls-
aðili. Hann er búinn að fá vilyrði
fyrir því að fá að kaupa þetta en
þá verður það bara að fara eftir
formlegum reglum sem félög
starfa eftir. Ef hann vill kaupa
þennan hlut í Lesmáli þá er það
allt í sóma, en þá er hann að
kaupa samning milli Lesmáls og
Perluútgáfunnar,“ sagði Páll.
Tók niðri
undan
Kambanesi
STÁLBÁTURINN Garðar II
frá Höfn í Hornafirði tók
niðri suður undan Kambanesi
skömmu fyrir miðnætti í
fyrrakvöld.
Þyrla Landhelgisgæslunn-
ar var kölluð út en skömmu
seinna var tilkynnt að bátur-
inn væri kominn af skerinu
og lítill leki væri að honum,
þannig að aðstoð Landhelgis-
gæslunnar var afturkölluð.
Um hálftíma eftir að Garð-
ar tók niðri var hann kominn
að bryggju á Stöðvarfirði og
í gær var svo landað úr hon-
um á Fáskúðsfirði. Að því
loknu var ætlunin að fara
með hann í slipp á Seyðis-
firði, þar sem skemmdir
verða kannaðar, að sögn
Axels Jónssonar skipstjóra,
en hann taldi þær ekki alvar-
legar.
11 CÍ1 CC9 1 97Í1 k l/AHHMARSSON, FRflMKUÆMOflSTJÚR1
ODl I luU'UUL | u/U JÓHANMÞÓRÐflRSON,HRL.LÖGGILTURFflSTEIGNASflll.
Til sýnis og sölu meðal annarra eigna:
Grandahverfi — hagstæð eignaskipti
Glæsileg rishæó rúmir 140 fm næstum fullgerð. Skipti æskileg á
minni eign t.d. í nágrenninu. Einstakt tækifæri. Tilboð óskast.
Sogavegur — sólrík sérhæð — bílskúr
Efri hæð 6 herb. um 150 fm. Allt sér. Sólsvalir. Innb. bílsk. Mikið út-
sýni. Jilboð óskast.
í vesturborginni — skipti æskileg
Nljög stór 4ra herb. íbúð tæpir 120 fm á 4. hæð í lyftuhúsi. 3 stór
svefnherb. Skipti æskileg á minni eign helst í nágrenninu. Tilboð
óskast.
Neðri hæð — tvíbýli — bflskúr/vinnukj.
Sólrík neðri hæð neðst í Seljahverfi um 90 fm. Sérinng. Sérhiti. í
kjallara fylgja tvö rúmg. herb. Góður bílskúr með vinnukjallara. Sér-
stakt tækifæri. Nánari uppl. aðeins á skrifst.
Fjársterkir kaupendur óska eftir:
Sérbýli — einbylishúsi eða raðhúsi f borginni eða á Nesinu á einni
hæð frá 110—200 fm. Skipti möguleg. Einnig staðgreiðsla í boði.
2ja—5 herb. íbúðir í Laugarnesi/nágrenni. Skipti möguleg.
2ja—3ja herb. þjónustuíbúð í borginni.
4ra—5 herb. ibúð eða hæð í vesturborginni. Skipti möguleg.
Opið í dag kl. 10—14.
Opið
mánud.—föstud. kl. 10—12
og kl. 14-18.
ALMENNA
FASTEIGNASALAN
LAUGAVEG118 S. 5521150 - 5521370
Jafnréttísmáli vísað
frá vegna formsatriða
Strassborp. Morgunblaðið.
JAFNRETTISMAL voru meðal um-
ræðuefna á þingi Evrópuráðsins í
Strassborg í liðinni viku. Lagt hafði
verið til að stofna nefnd um jafn-
rétti kvenna og karla í stað vinnu-
hóps sem starfað hefur tímabundið.
Eftirvænting ríkti um niðurstöðuna
en ekki kom til atkvæðagreiðslu í
gærmorgun. Málinu var vísað frá
eftir umræður á þeim forsendum að
ekki væru nógu margir þingmenn í
salnum til atkvæðagreiðslu.
„Þetta ber vitni um málefnalega
fátækt," segir Ólafur Öm Haralds-
son alþingismaður sem þátt tók í
umræðunum,, að vísa svona framf-
aramáli frá vegna formsatriða. Evr-
ópuráðið er vettvangur mannréttinda
og þessi þáttur þeirra er sérstaklega
brýnn í löndum Austur-Evrópu sem
nýlega eru gengin í ráðið. Og vitan-
lega þurfum við hin að huga miklu
betur að jafnrétti kvenna og karla.“
Ólafur Örn benti á það í ræðu sinni
að engin kona verður meðal 40 leið-
toga Evrópuráðslandanna sem hitt-
ast í Strassborg eftir hálfan mánuð.
Hann sagði að jafnréttismál þyrftu
meira vægi í þinginu, það yrði íönd-
unum hvatning til að taka sig á. Nú
væri þessum málaflokki dreift á
ýmsar nefndir ráðsins þannig að
engin þeirra sinnti því sem skyldi.
Lára Margrét Ragnarsdóttir var
meðal þeirra sem studdu tillögu
breska íhaldsmannsins Davids Atk-
inson um að láta telja í salnum. Hún
segir það ekki þýða að hún sé því
mótfallin að Evrópuráðið vinni að
jafnréttismálum með enn markviss-
ari hætti en nú, þetta hafí verið
spurning um að fórna annarri mikil-
vægri nefnd fyrir þessa. Það sé nefnd
um almannatengsl og lýðræði, ein-
mitt fyrir Austur-Evrópulöndin.
Þingnefndirnar íjórtán í ráðinu kosti
mikið og óvíst hvort hægt hefði ver-
ið nú að bæta þeirri fimmtándu við.
Ólafur Öm segir að þetta hafí
ekki verið spurning um kostnað.
Hann bætir við að sumar yngri þing-
konumar ekki hafa viljað jafnréttis-
nefnd, þær séu á þeirri línu að konur
geti bjargað sér sjálfar og þurfi ekki
sérstaka meðhöndlun. Eldri starfs-
systur hans segi frekar að góður vilji
hafi dugað ailtof skammt það verði
að grípa til ákveðinna aðgerða. Mar-
grét Frímannsdóttir, sem einnig var
í íslenska þingmannahópnum, segir
það ótrúlegt sem rússnesku þing-
mennirnir héldu fram: Málflutningur
þeirra hefði gengið út á nauðsyn
þess að hlúa að heimili og fjölskyld-
um með því að hafa konur heima í
barnseignum og uppeldi.