Morgunblaðið - 03.04.1990, Síða 36
36
MORGUNBLAÐIÐ ÞRIÐJUDAGUR 3. APRÍL 1990
Sveinn Hupfeldt Áma-
son - Kveðjuorð
Fæddur 3. febrúar 1969
Dáinn 21. mars 1990
Daginn sem Svenni fæddist
voru allir glaðir. Hann var sá eini
sem grét.
Lifðu þannig að á þinni hinstu stund gráti
allir aðrir, þú sért sá eini sem ekkert tár
fellir. Þá getur þú tekið dauðanum með ró
hvenær sem hann kemur.
(Dag Hammarskjöid)
Þannig lifði Svenni sínu lífi og
getum við mörg tekið hann okkur
til fyrirmyndar.
Svenni frændi var rúmum
tveimur árum eldri en ég, svo að
það er margt sem við höfum brall-
að saman ásamt Arnþóri bróður
hans.
Ég man vel sumarið sem við
frændumir vorum með foreldrum
okkar í sumarhúsi í Danmörku þá
fimm og sjö ára gamlir. Ég man
öll dýrin sem við.veiddum í sjónum
og skóginum og vildum fá að hafa
með okkur heim til íslands, en
þurftum svo að sleppa láusum, þó
að við værum búnir að hafa mikið
fyrir að ná þeim, en það kom ekki
til greina að taka froska og krabba
með heim sem gæludýr.
Skíðaferðir með Svenna eru
ógleymanlegar. Þar naut hann sín,
því öll útivera átti vel við hann,
að fara á gæsa- og ijúpnaveiðar
var hans líf og yndi. Hann átti
marga fallega riffla sem hann
hugsaði vel um og voru þeir ávallt
pússaðir og fínir.
Það er svo margt sem við
frændur tókum okkur fyrir hendur
frá því að við vorum litlir og þang-
að til Svenni var tekinn frá okk-
ur, þær eru svo margar minnin-
garnar sem riíjast upp á svona
stundu.
Langar mig til þess að ljúka
þessari grein með orðum Sókrates-
ar.
Nú er mál til komið að vér göngum héðan,
ég til þess að deyja, en þér til þess að lifa.
Hvorir okkar fari betri för er öllum hulið
nema guðinum einum.
Orvar Daði
■ UTANRÍKISMÁLANEFND
Heimdallar, félags ungra sjálf-
stæðismanna í Reykjavík, hefur
sent frá sér ályktun, þar sem skor-
að er á ríkisstjórnina að lýsa yfir
stuðningi við Litáa í sjálfstæðisbar-
áttu þeirra. Ályktunin hljóðar svo:
„Utanríkismálanefnd Heimdallar
hvetur ríkisstjórn íslands til að lýsa
nú þegar yfir fullum stuðningi við
sjálfstætt og fullvalda Litháen.
Nefndin harmar, að Kremlar-
sljórnin skuli ekki enn hafa sleppt
hramminum af smáþjóðunum þrem-
ur við Eystrasalt og telur, að
íslensk stjórnvöld megi ekki bíða
lengur með að veita þeim stuðning
í sjálfstæðisbaráttu þeirra. Á meðan
Vesturlönd sýna þessu máli það
áhugaleysi, sem raun ber vitni, eiga
þessar kúguðu þjóðir litla mögu-
leika í baráttu sinni við Sovétrík-
in.“
ATVINNUA/ l(^;i Y^IKIC^AR
ST. JÓSEFSSPÍTALI, LANDAKOTI
Fóstrur
Okkur á Öldukoti vantar áhugasamar fóstrur
til starfa í vor eða sumar til frambúðar.
Öldukot er nýlegt barnaheimili og er stað-
sett í gömlu, hlýlegu húsi við Öldugötu. Á
barnaheimilinu eru tvær deildir með börnum
á aldrinum 11/2 til 4ra ára og 4ra til 6 ára.
Þeir sem hafa áhuga hafi samband við for-
stöðumann í síma 604365 milli kl. 9 og 14.
Lausar
kennarastöður
Sölumenn óskast
Sölumenn óskast til að selja auðseljanlegar
vörur, bæði í gegnum síma og með heim-
sóknum ífyrirtæki. Mikil vinna og miklir tekju-
möguleikar (prósentur) fyrir harðduglegt fólk.
Skriflegar umsóknir óskast sendartil auglýs-
ingadeildar Mbl. fyrir 6. apríl nk. merktar:
„V - 100“.
FRJÁLS
MARKAÐUR HE
Sölufólk óskast
Nokkrar kennarastöður eru lausar við Grunn-
skólann á Þingeyri skólaárið 1990-1991. Við
skólann er góð starfsaðstaða, bæði fyrir
nemendur og kennara. Áætlaður nemenda-
fjöldi næsta skólaár er 83. Á Vestfjörðum
er gott mannlíf með batnandi samgöngum;
á næstu árum mun það verða enn betra.
Upplýsingar veitir skólastjóri í síma 94-8181
eða 94-8134 og formaður skólanefndar í
síma 94-8309.
Grunnskólinn Þingeyri.
Viltu vinna hjá ört vaxandi fyrirtæki með
ungu og hressu fólki?
Mjög góð vinnuaðstaða og möguleikar á
góðum tekjum fyrir harðduglegt fólk.
Ef ofangreint vekur áhuga þinn, þá hafðu
samband við okkur eða líttu við hjá okkur á
skrifstofutíma.
Frjáls markaður,
Skeifunni 19,
108 Reykjavík,
sími 91-681720.
Byggingameistarar
Verktakar! Maður með góða menntun og
starfsreynslu við byggingar óskar eftir góðu
starfi t.d. við verkstjórn, eftirlit o.fl.
Launakröfur sveiganlegar.
Upplýsingar í síma 91-11338.
Sjúkrahús Suðurlands
Hjúkrunarfræðingar
Hjúkrunarfræðinga vantar til sumarafleys-
inga, einnig á langlegudeild sjúkrahússins
og jafnvel til lengri tíma.
Aðstoð við útvegun húsnæðis.
Meinatæknar
Meinatækni vantar til sumarafleysinga. Um
er að ræða fullt starf.
Ljósmæður
Ljósmæður vantar til sumarafleysinga. Góð
vinnuaðstaða.
Nánari upplýsingar veitir hjúkrunarforstjóri í
síma 98-21300.
t BLIZZAR^ skíðin hafa verið í 1. sæti í öllum skíðaprófunum,
„Ski Tests“ sem gerð hafa verið í Evrópu, Japan og
Bandaríkjunum enda eru skíðin framleidd f fullkomnustu
skíðaverksmiðju heims í Mittersill í Austurríki þar sem öll
framleiðslan er tölvustýrð og hvert par gæðaprófað.
HITASTILLT
MORATERM blöndunar-
tæki með sjálfvirkri hita-
stillingu og öryggis-
hnapp, sem takmarkar
hitastig við 38 C.
Mora sænsk gæðavara
fyrir íslenskar aðstæður.
Fást íbyggingavöruverslunum.
<Jg)
^ meiri ánægja^