Bókasafnið - 01.04.1992, Blaðsíða 29
(Music Division) er stór deild með nýtískulegum tækja-
búnaði og aðstöðu fyrir notendur og safnið á m.a. talsvert
af frægum og fágætum hljóðfærum. Safnið rekur einnig
tónlistardeild í Kennedy Center í miðborg Washington.
Geymslusöfn, birgðageymsla og fleira er í Landover í
Maryland. Þar eru m.a. starfsmenn sem sjá um ýmis konar
innkaup og birgðaskráningu fyrir LC, þar er einnig hluti
starfsmanna og birgðageymsla höfundarréttardeildar.
Þarna er mikið af blöðum og tímaritum alls staðar að úr
heiminum. Einnig bókagjafir sem bíða úrvinnslu.
Ekki er rúm hér til að telja upp fleiri deildir en þær eru
margar fleiri og tengjast ýmist sérsviðum eða tilteknum
heimshlutum. Lestrarsalir eru margir og starfa í tengslum
við upplýsingaþjónustu deildanna. Aðallestrarsalurinn
(Main Reading Room) er í Thomasjefferson byggingunni
og yfir honum hvelfingin mikla sem margir kannast við.
Kerfismál og afturvirk tölvuskráning
Ekki vil ég skiljast svo við að ég nefni ekki það sem mest
brennur á safninu nú en það eru kerfismálin og óskráð efni
frá fyrri tíð. Hið síðarnefnda er eitt aðaláhyggjuefni dr.
Billingtons og hefur verið ráðið dálítið af sjálfboðaliðum
til þess að ganga á eldra efni og skammskrá það inn í
tölvukerfið. Mikið álag er á fasta fólkinu vegna þessa, það
verður að sjá um skipulagningu verksins og sjá til að það
fari ekki úr böndunum. Talsvert er um að fyrrverandi
starfsmenn sem komnir eru á eftirlaun gefi sig fram í svona
vinnu en einnig alltaf nokkuð af fólki sem ekki hefur
fengist við safnstörf fyrr. En auk þessa var störfum fjölgað
til muna í skráningardeild síðastliðið vor.
Vegna yfirstandandi kerfisvæðingar Háskólabókasafns
og Landsbókasafns fór ekki hjá því að ég hefði talsverðan
áhuga á kerfismálum LC. Safnið var fyrsta altölvuvædda
safnið í heiminum. Tölvukerfið (Library of Congress In-
formation System, LOCIS) er nú komið á þrítugsaldur og
ber aldrinum glöggt vitni. Það er flókið í notkun og
umhendis óvönum að fara milli skráa (og gagnabanka).
Notandinn getur því hæglega farið fram hjá mikilsverðum
upplýsingum án þess að gera sér nokkra grein fyrir því að
hann er ekki búinn að þaulkemba skrárnar. Hann þarf að
vita af öllum skrám og hafa aðgang að handbók um notk-
un kerfisins. Slíkar notendahandbækur eru því við hlið
hvers almenningsskjás í safninu. Auk þess er alltaf hjálp-
arlið hjá tölvuskránum og er mikið til þess leitað því að
leiðbeiningarnar eru á mörgum blöðum og tekur tíma að
átta sig á þeim. Ef skipanir eru notaðar rétt er kerfið hins
vegar mjög öflugt. Hverri útstöð fylgir prentari sem nota
má að vild. Unnið hefur verið að ýmsum endurbótum á
kerfinu sem einkum miða að því að gera það notendablíð-
ara. Meðal annars hafa verið teknir í notkun nokkrir
snertiskjáir með valmyndastýrðum skjámyndum. Nefnist
nýi almenningsaðgangurinn ACCESS og verður hluti af
nýju kerfi sem unnið er að. Nýi aðfangaþátturinn,
ACQUIRE, var tekinn í notkun síðastliðið haust. Jafn-
framt nýhönnuninni verður að viðhalda gamla kerfinu og
liggja ýmsir ITS deildinni á hálsi fyrir hvað seint gengur.
Ekkert kerfi á markaði telst svara kröfum LC.
Lokaorð
Hér hefur verið stiklað á stóru. Ég hugsa til starfs-
bræðra minna í LC og minnist margra góðra samveru-
stunda innan safns sem utan. Svovona ég að menn virði
mér það á betri veg að til þess að spara rúm hef ég notað
styttingar á amerískum heitum þegar þau hafa einu sinni
kornið fyrir í fullu formi ásamt íslenskri þýðingu eða
skýringu.
Annað lesefni m.a.:
Goodrum, C.A. 1991. Treasures of the Library of Congress. New
York : H.N. Abrams.
Guide to the Library of Congress. 1988. Washington, D.C. : Library
of Congress.
Melville, A. 1980. Special collections in the Library of Congress: a
selective guide. Washington, D.C. : Library of Congress.
SUMMARY
With watchful eyes on Capitol Hill — the story
of a nine months internship at Library of
Congress
Library of Congress has maintained a special Intern Program
since 1968 which has become accessible to foreign applicants since
1989. The author was one of those first admitted and the article is a
summary of her experiences during the internship period. The
programme offers continuing education and training in the field
of general library management and is evenly divided into three
major parts. The first three months cover a thorough introduc-
tion to the organization and activities of LC. This is followed by a
theoretical as well as practical discussion of various management
issues while the third period is devoted to working on individual
projects. Beyond the account about the actual content of the
program the article gives a brief description of most special fea-
tures of LC including various departments, collections and ser-
vices. Automation, of particular interest to the author, is also
discussed.
29