Bókasafnið - 01.04.1992, Blaðsíða 28

Thomas Jefferson byggingin, elsta og ein fegursta bygging Library of Congress í miðborg Washington D.C.
þessu tagi er þrenns konar; CRS Issue Brief (IB), CRS
Info Pack (IP) og CRS Reportfor Congress (RCO). Einn-
ig er reglulega gefin út skrá um útgáfuna, Guide to CRS
Products.
Auk stjórnarprents og hvers kyns handbóka er mikið
stuðst við úrklippusöfn sem vel er haldið við, einnig tilvís-
anaskrár með útdráttum á geisladiskum og tölvulykla
safnsins að greinum í blöðum og tímaritum. Aðeins í fáum
tilvikum er leitað í gagnagrunnum utan safnsins. Gert er
betur við CRD/CRS en nokkra aðra deild í safninu enda
eru kröfurnar líklega mestar þar vegna nálægðarinnar við
þingmenn. Þótt safnið hafi bæði stóra tækniþróunardeild
(Integrated Technical Services, ITS) og tölvuþjónustu-
deild (APLO) þá hefur CRD/CRS komið sér upp marg-
víslegum hugbúnaði og tækni sem þróuð er eftir hendinni
af einstaklingum í deildinni á skakk og skjön við heildar-
stefnu safnsins. Þeir mega hreinlega ekki vera að því að
bíða eftir hinni fullkomnu lausn. Sumum finnst að þarna
sé um tvíverknað og bruðl á peningum og orku að ræða.
Um það má endalaust deila. I safninu er einnig höfundar-
réttardeild (Copyright Office, CO) þar sem eingöngu er
fengist við leyfisveitingar og gjaldtöku vegna skráningar
höfundarréttar á hug- og handverkum. CO og FRD eru
einna fjarskyldastar annarri starfsemi LC og ekki er al-
gengt að fyrirhitta slíkar deildir í söfnum.
Helstu önnur sérsöfn og safndeildir LC eru lagabóka-
safnið (Law Library) og landfræði- og kortadeildin
(Geography and Map Division) en þessar tvær deildir eru
taldar hýsa besta og alþjóðlegasta safnkost í heimi hvor á
sínu sviði. Kvikmynda-, víðvarps- og hljóðritasafnið
(Motion Picture, Broadcasting and Recorded Sound Div-
ision) á m.a. eintök af mörgum fyrstu kvikmyndum sem
framleiddar voru. Prentmynda og ljósmyndadeildin
(Print and Photographs Division) er gríðarstór, með yfir
tíu milljónir safngripa. Ameríska þjóðháttamiðstöðin
(American Folklife Center) safnar munnlegum frásögn-
um innfæddra Bandaríkjamanna, tekur einnig upp hefð-
bundna/einkennandi tónlist hinna ýmsu þjóðflokka í
Bandríkjunum og reynir að varðveita alþýðumenningu
þjóðarinnar hvaðan sem hún er komin. Miðstöð bókar-
innar (Center of the Book) nefnist ein nýjasta deild safns-
ins og er hlutverk hennar að ýta undir lestur/lestrarhneigð
barna og unglinga. Sú deild stóð m.a. fyrir „ári lesandans“
fyrir nokkrum árum og hefur einnig staðið að sjónvarps-
dagskrá fyrir börn og fullorðna.
Þjónustudeild við blinda og fatlaða (National Library
Service for the Blind and Handicapped) er söfnunar-,
framleiðslu- og dreifingarmiðstöð fyrir blindraleturs-
bækur og hljóðbækur og sér einnig sjónskertum fyrir
tækjum. Þessi deild er staðsett utan safnakjarnans á Kapít-
ólhæð og er mjög sjálfstæð. Viðgerðar- og varðveisludeild
LC (Preservation and Conservation Office) hefur áður
verið nefnd, þar er rekið verkstæði og rannsóknastofa þar
sem frumrannsóknir á pappír, filmum og segulmiðlum
fara fram, ennfremur afsýring, öskjugerð og fleira er teng-
ist forvörnum og varðveislu safnefnis. Tónlistardeildin
28