Bókasafnið - 01.04.1992, Side 50

var forritimarvinna og þróun bókasafnskerfis fyrir
NORSK DATA námsvinna hjá okkur.
Tölvubúnaður skólans batnaði mjög á þessum tveim
árum sem ég var í náminu og fólst heilmikill lærdómur í
því að taka þátt í að taka nýjar tölvur í notkun og berjast
við ýmsar gerðir prentara, svo að eitthvað sé nefnt af því
sem hvergi kemur fram í námsskrá.
Þeir sem hafa lokið prófi sem Diplombibliotekarere, en
það heitir prófgráðan, vinna flestir við störf sem tengjast
upplýsingum á einhvern hátt. Olíuiðnaðurinn hefur
tryggt sér að minnsta kosti einn tug okkar og vinna flestir
sem deildarstjórar eða verkefnisstjórar við ýmsa þróunar-
vinnu á skipulagningu gagnasafna olíufélaganna. Nokkrir
hafa orðið deildarstjórar eða háskólabókaverðir við há-
skólabókasöfnin í Osló, Tromsö og Þrándheimi. Einn er
yfirbókavörður hjá Norges Statsbaner. Tveir eða þrír eru
kerfisbókaverðir hjá stórum almenningsbókasöfnum.
BRODD hefur ráðið nokkra sem sérfræðinga og skólinn
hefur tryggt sér að minnsta kosti tvo sem lektora. Nokkrir
vinna síðan við þróun tölvukerfa hjá einkafyrirtækjum.
Eftir á að hyggja er ég mjög ánægð með námið þótt
örvænting og uppgjöf gripi óneitanlega um sig annað
slagið þegar „raunafögin" virtust óskiljanleg máladeildar-
stúdentinum. Yfirleitt reyndust þeir hlutir viðráðanlegir
þótt það krefðist ef til vill meiri vinnu en ef undirstaðan
hefði verið nýlegt stærðfræðideildar stúdentspróf.
SUMMARY
Advanced studies in information and computer
sciences at Statens bibliotek- og
informasjonshögskole in Oslo in 1985-1987
The author graduated from the Oslo College of Library and In-
formation Science after two years of advanced studies in 1987. She
specialized in information and computer studies. Beginning with the
admission requirements she reports about the structure, method-
ology and study conditions for this special programme. Software
writing, database structure and retrieval techniques as well as social,
economic and management aspects of information have been empha-
sized. The author also reports on the two major projects she did as
part of the requirements. A survey of job opportunities for the
graduates completes the program description.
Hildur G. Eyþórsdóttir deildarstjóri, Landsbókasafni íslands
Meistaraprófsnám í bókasafns- og
upplýsingafræði við McGill
háskólann í Kanada 1988-1989
Yfirlýst stefna bókasafns- og upplýsingafræðideildar
McGill háskóla í Montreal er að halda markmiði
skólans sem er að auka þekkingu, víðsýni og efla mennt-
un. Bókasafnsfræði hefur verið kennd við skólann allt frá
árinu 1927 (sumarnámskeið voru í boði 1904-1926) og frá
árinu 1956 hefur verið hægt að taka meistarapróf, MLIS
(Master of Library and Information Studies), í greininni.
Námið er viðurkennt af Bandarísku bókavarðasamtökun-
um.
Meistaragráðu er hægt að ná eftir minnst tveggja ára
fullt nám eða fjórar annir en hægt er að taka námið á allt að
fimm árum. Krafist er 54 eininga eða 18 þriggja eininga
námskeiða. Inntökuskilyrði eru BA próf frá viðurkennd-
um háskóla með fyrstu einkunn. Sýna þarf fram á kunn-
áttu í einu tungumáli auk ensku. Einnig er krafist þekk-
ingar á ritvinnslukerfinu WordPerfect og DOS stýrikerf-
inu. Umsækjendur sem hafa unnið á bókasöfnum eru
látnir ganga fyrir um skólavist. Margir umsækjendur hafa
lokið háskólaprófi í annarri grein en bókasafnsfræði.
Ég var í hópi 66 nemenda sem hófu nám í ágúst 1988 en í
deildinni eru að meðaltali um 140 nemendur. Byrjað var á
fjögurra daga kynningarnámskeiði þar sem starfsemi
deildarinnar og háskólans var m.a. kynnt. Einnig ræddu
eldri nemendur við nýkomna nemendur um námið í
deildinni og tækifæri gafst til að kynnast nemendum og
kennurum. Þessari kynningardagskrá var að vissu leyti
haldið áfram út allan námstímann því a.m.k. einu sinni í
mánuði var skylda að mæta á fyrirlestur á laugardögum
þar sem fjallað var um eitthvert ákveðið efni eins og t.d.
ólæsi, varðveislu safnefnis og efnisorð. Erindin voru flutt
af gestafyrirlesurum. Fyrirlestrarnir voru einnig sóttir af
starfandi bókasafnsfræðingum í Montreal og höfðu því
eins konar endurmenntunargildi. Einnig var boðið upp á
námsferðir út allan námstímann.
Af 18 námskeiðum sem þarf til að ná meistaraprófi eru
átta þeirra skýldunámskeið; Upplýsingaefni og aðferðir I
og II, Skráning og flokkun I, Tölvufraði og forritun,
Rannsóknaraðferðir I, Stjórnun, Uppbygging safnkosts og
Tcekni og þjónusta.
Eftirfarandi valnámskeið voru í boði;
Almenningsbókasöfn, Efnifyrir börn, Efni og þjónusta
fiyrir unglinga, Fágxtisrit og bandrit,
Fjölmiðlar og bókasöfn, Forvarsla — varðveisla,
Framhaldsskóla- og háskólasöfn, Geymsla og miðlun
upplýsinga Kerfisgreining, Listasöfn, Lyklun,
Markaðssetning upplýsingaþjónustu, Nýsigögn ogþjón-
usta, Opinber menningarstefna og bókasöfn, Rann-
sóknaraðferðir II, Rannsóknarverkefni, Saga prent-
listar, Sérfræðisöfn,
Sjálfstætt sjálfvalið verkefni, Skipulagning bókasafna
og arkitektúr, Skjalastjórnun,
Skjalasöfn og rannsóknir, Skráning ogflokkun I og II,
Stjórnarprent, Tónlistarsöfn, Tæknivœðing bókasafna
og netuppbygging, Upplýsingaflæði, Upplýsingakerfi í
50