Morgunblaðið - 28.04.1988, Blaðsíða 21
21
MORGUNBLAÐIÐ, FIMMTUDAGUR 28. APRÍL 1988
Ásökunum stjóm-
ar SINE svarað
eftirBelindu
Theriault
Sæmundur málgagn SÍNE kom
út um síðustu helgi. I blaðinu sem
og í ályktun, er meirihluti stjórn-
ar SINE hefur látið frá sér, er
fjallað um kosningar þær sem nú
fara fram innan SINE og er jafn-
framt deilt hart á framboð nok-
kurra einstaklinga. Einstakir
frambjóðendur eru sakaðir um
óheiðarleika vegna þess að þeir
settu fram skoðanir sínar í sam-
eiginlegu bréfi sem sent var til
SINE-félaga um heim allan, eftir
þvi sem efni leyfðu. Undirrituð
getur ekki lengur látið ósvarað
óréttmætum ásökunum meiri-
hluta stjómar SINE í fjölmiðlum.
Látum það vera að formaður
SÍNE hafi frá byrjun lagst gegn ein-
stökum framboðum. Látum það vera
að núverandi stjóm hafi ekki séð
ástæðu til að standa fyrir almenni-
legri framboðskynningfu. Látum það
vera að venja sé fyrir fyrir því að
senda út Sæmund sem inniheldur
framboðskynningu ásamt kjörgögn-
um. Látum það vera að undirrituð
hafi fengið tilkynningu með minna
en sólarhrings fyrirvara um að hún
mætti skila inn smá greinarstúf í
þetta blað og hafi síðan næsta dag
verið neitað um að fá greinina birta.
Látum það vera að öllum frambjóð-
endum sé meinað að tjá sig í þessu
tölublaði Sæmundar, á meðan sumir
núverandi stjómarmenn geta fjallað
um kosningamar, og gagnrýnt
frambjóðendur að vild. En að meiri-
hluti núverandi stjómar með form-
ann í fararbroddi skuli svo leyfa sér
að veitast að frambjóðendum sem
ákváðu að sýna framtakssemi er
þeir sáu sig knúna til að standa að
eigin kynninu er óskammfeilið í
meira lagi. Varla getur það talist
„moldvörpustarfsemi", svo ég noti
orð formanns SÍNE, að koma skoð-
unum okkar á framfæri við kjósend-
ur? Orðið „moldvörpustarfsemi" ætti
e.t.v. betur við um tilraunir form-
anns SÍNE til að fara á bak við fram-
bjóðendur og ógilda þau framboð
sem eru honum ekki að skapi.
Ánægjulegt hefði verið að fá full-
nægjandi kynningu á vegum SÍNE
og hefði undirrituð þá ekki séð
ástæðu til að grípa til þess neyðarúr-
ræðis að senda bréf ásamt öðmm
frambjóðendum. Ég vil ítreka það
hér að ekki er um listaframboð að
ræða af hálfu þeirra er skrifuðu
undir þetta bréf og bréfið sjálft hefði
verið með öllu óþarft ef betur hefði
verið staðið að framboðskynningu.
Eigi getur talist óeðlilegt að ffarn-
bjóðendur óski þess að koma sínum
skoðunum á ffamfæri, og kjósendur
eiga beinlínis rétt á því að heyra frá
frambjóðendum. Mikillar tortryggni
gætir hjá meirihluta stjómar SINE
í garð fimmmenninganna er sendu
út sameiginlega framboðskynningu.
Virðist þeim sérstaklega erfitt að
trúa að það hafi verið gert í spamað-
arskyni. En ekki er á það minnst
að stjómin beitir einmitt rökum um
spamað fyrir því að hafa ekki leyft
frambjóðendum að senda út fram-
boðskynningu með kjörgögnum.
Hefðu póstgjöldin þá hækkað, og
að mati meirihluta stjómar SÍNE
máttu samtökin alls ekki við þeim
auknu útgjöldum. Því ætti stjómin
sjálf best að skilja spamaðaraðgerð-
ir frambjóðenda.
Mikið veður hefur verið gert út
af því að undirrituð skuli vera fram-
kvæmdastjóri Sambands ungra
sjálfstæðismanna. Það er engu
líkara en að frambjóðendur megi
ekki hafa pólitískar skoðanir, séu
þær skoðanir ekki „réttar" að mati
núverandi formanns SÍNE, sem
siálfur er virkur á sviði stjómmála.
Eg undirrituð tek ekki þátt í þessum
kosningum sem fulltrúi Sjálfstæðis-
flokksins, heldur sem fulltrúi allra
íslenskra námsmanna erlendis.
Kannski að þeir sem mest veður
gera af þessum pólitísku skoðunum
mínum, geri það einmitt vegna þess
að þeir geta sjálfír ekki starfað í
óháðum hagsmunasamtökum án
þess að reyna að þröngva sínum
pólitísku skoðunum upp á samtökin
í heild. SÍNE styrkti t.d. framboð
Röskvu, félag vinstrimanna í HÍ,
með styrktarlínu í kosningabæklingi
þeirra síðamefndu í stúdentaráðs-
kosningum í vetur. Það hlýtur að
teljast gjörsamlega óviðunandi að
stjómarmenn SÍNE styðji stjóm-
málaöfi, hvort sem er innlend eða
Belinda Theriault
erlend, í nafni SÍNE og það jafnvel
með fjármunum félagsmanna. Það
er skoðun mín að stjóm SÍNE geti
„Ánægjulegt hefði ver-
ið að fá fullnægjandi
kynningn á vegum
SINE og hefði undirrit-
uð þá ekki séð ástæðu
til að grípa til þess
neyðarúrræðis að
senda bréf ásamt öðr-
um frambjóðendum. Ég
vil ítreka það hér að
ekki er um listafram-
boð að ræða af hálfu
þeirra er skrifuðu und-
ir þetta bréf og bréfið
sjálft hefði verið með
öllu óþarft ef betur
hefði verið staðið að
framboðskynningu. “
ekki komið þannig fram fyrir hönd
allra félagsmanna, og skiptir þá
ekki máli hvaða stjómmálasam-
tök eiga í hlut.
Vissulega ætti það að vera
áhyggjuefni þeirra sem notað hafa
SÍNE í pólitískum tilgangi ef ég og
aðrir frambjóðendur hygðumst feta
í fótspor þeirra, nema i nafni annarr-
ar stjómmálastefnu. En slíkar
áhyggjur em ónauðsynlegar. Undir-
rituð hefur ekki áhuga_ á að ala á
flokkadráttum innan SÍNE. Gagn-
legra væri að við ynnum saman að
sameiginlegum hagsmunum og
leyfðum síðan hverjum og einum
félagsmanni um það að mynda sér
eigin skoðanir á öðrum málefnum.
Höfundur er framkvæmdastjóri
Sambands ungra sjálfstæðis-
manna ogíframboði tilstjómar
SÍNE.
1.
mai
Næsti gjalddagi húsnæðislána
MEÐ SKIIVISI
HAGNAST ÞÚ
Það er þér í hag að greiða af lánum á réttum tíma og forðast óþarfa aukakostn-
að af dráttarvöxtum, svo ekki sé minnst á innheimtukostnað.
Þú hagnast á skilvísinni
því þú getur notað peningana þína
til gagnlegri hluta, til dæmis í að:
mála stofuna
fyrir sumarið 1
setja ný -
blöndunartæki
á baðherbergið
f eða
leggja parket
áforstofuna.
Lán með lánskjaravísitöiu.
Greiðslufrestur er til 15. maí. Þann 16. reiknast dráttarvextir.
Lán með byggingarvísitö
maí | Greiðslufrestur er til 31. maí. Þann 1. júní reiknast dráttarvextir.
SPARAÐU ÞÉR ÓÞARFA ÚTGJÓLD AF DRÁTTARVÖXTUM
Greiðsluseðlar hafa verið sendir gjaldendum og greiðslur má inna af hendi í öll-
um bönkum og sparisjóðum landsins.
^ Uúsiiæðisstöfnun nkisins
LAUGAVEGI 77 101 REYKJAVÍK S: 09 69 00
GYLMIR/SlA