Morgunblaðið - 27.02.2000, Blaðsíða 64

mm
heim að dyrum
í*
I PÓSTURINN
fHnr^minW^ip
MORGUNBLAÐIÐ, KRINGLUNNI1,103 REYKJAVÍK, SÍMI6691100, SÍMBRÉF6691181, PÓSTHÓLF3040,
ÁSKRIFT-AFGREIÐSLA 6691122, NETFANG: R1TSTJ@MBL.IS, AKUREYRI: KAUPVANGSSTRÆTI1
SUNNUDAGUR 27. FEBRÚAR 2000
VERÐ í LAUSASÖLU 150 KR. MEÐ VSK.
Síminn Internet
býður nýja þjónustu
Oæskileg’u
efni haldið
frá tölvunni
SÍMINN Internet setur á markað
á næstu dögum þjónustu sem nefn-
ist Fjölskylduvænt Internet. Þjón-
ustan er nýjung í baráttu foreldra
við óæskilegt efni á Netinu. Með
búnaðinum geta foreldrar skil-
greint og þjálfað svokallaða vaka
sem fylgjast með óvelkomnu efni.
Hugbúnaðurinn metur allt efni
sem berst í tölvuna af Netinu,
hvort sem það er vefsíða, tölvu-
póstur eða efni af spjallrásum og
ákveður hvað sleppur í gegn. Hug-
búnaðurinn er uppsettur með
varnir gegn klámi og djöfladýrkun
en foreldrum er í sjálfsvald sett að
kenna honum að sía úr annað efni.
Hann getur jafnframt gætt þess að
börn sendi ekki ákveðnar upplýs-
ingar frá tölvunni, s.s. greiðslu-
kortanúmer, nafn, símanúmer eða
annað sem foreldrar telja óæski-
legt að berist út á Netið.
Enginn hinna slösuðu í
rútunni er í lífshættu
EKKI er vitað með vissu hverjar orsakir umferð-
arslyssins á Vesturlandsvegi á föstudagskvöld
voru. Þrír biðu bana og sautján voru vistaðir á
sjúkrahúsunum í Reykjavík í fyrrinótt eftir að
jeppi og rúta með 19 farþega rákust saman við
Grundahverfi á Kjalarnesi. Umfangsmiklar að-
gerðir fóru fram við björgun á vettvangi og
sjúkrahúsin í Reykjavík unnu saman samkvæmt
hópslysaáætlun. Gekk áætlunin í alla staði vel. I
tilkynningu frá Sjúkrahúsi Reykjavíkur segir að
enginn hinna slösuðu sé í lífshættu.
I tilkynningunni kemur fram að alls var ráðgert
að ellefu hinna slösuðu fengju að fara heim í gær.
Tveir muni útskrifast í dag en fjórir verði
áfram til meðhöndlunar, þar af var einn sem hefur
—undirgengist aðgerð vegna mikilla beinbrota.
„Tveir aðrir eru með minni brot og tveir með
vægan höfuðáverka. Auk þeirra voru fimm á
gæsludeild í nótt sem allir fara heim [í gær],“ seg-
ir þar.
A bráðamóttöku Landspítala voru sex sjúkling-
ar hafðir til eftirlits í fyrrinótt. Gert var ráð íyrir
að fjórir færu heim í gær en líklegt þótti að tveir
yrðu eftir til frekari aðhlynningar. ,Aður en fólkið
fer heim munu starfsmenn sjúkrahúsanna úr
áfallahjálparteymum veita áfallahjálp," segir í til-
kynningunni.
Rannsókn á orsökum slyssins var að hefjast
snemma á laugardag með því að ná tali af vitnum.
Lögreglan segir að nokkur vitni hafi gefið sig
fram en vitað er að fleiri urðu vitni að slysinu og
verður reynt að hafa samband við þá. Að sögn lög-
reglu er ekki vitað um orsakirnar en talið hefur
verið að annað ökutækjanna hafi farið yfir á rang-
an vegarhelming. Ekkert er þó hægt að fullyrða
um það á þessu stigi. Athugunin mun einnig bein-
ast að ökutækjunum og rannsakað verður hvort
bilun í þeim gæti verið orsakavaldur.
Vesturlandsvegurinn var blautur og háll þegar
slysið varð og talsverðir sviptivindar frá Esju. Að
öðru leyti var veður þó ekki talið slæmt. Að sögn
lögreglu má búast við að það taki nokkra daga að
grafast fyrir um orsakir slyssins.
Vaktaskipti auðvelduðu störfin
Vaktaskipti voru hjá Slökkviliðinu í Reykjavík
þegar tilkynnt var um slysið og voru tvær vaktir
að mestu leyti sendar á slysstað og þriðja vaktin,
sem var kölluð út, aðstoðaði við móttöku á spítöl-
unum. Að sögn slökkviliðs gekk björgunin vel.
Ekki var unnið eftir neyðaráætlun og helgast það
af því hve fjölmennt lið tók þátt í björguninni.
Þrír karlmenn létust í slysinu en ekki er hægt
að greina frá nöfnum þeirra að svo stöddu.
Máva-
veisla á
loðnumið-
um
Morgunblaðið/Friðþjófur Helgason
Átta
ölvaðir við
akstur
ÁTTA ökumenn voru kærðir
fyrir ölvunarakstur í Reykja-
vík í fyrrinótt.
Nokkuð var um ryskingar
en engar alvarlegar líkamsár-
ásir voru þó. Talsvert var af
fólki í miðborginni. Á Akur-
eyri var einn tekinn fyrir ölv-
unarakstur og einn gisti
fangageymslur vegna ölvunar.
Fimm norrænir hópar sam-
tímis á leið á norðurpólinn
/
1. Islenski leiðangurinn heldur upp frá Kanada.
2. Sænskur leiðangur heldur upp frá Kanada.
3. Annar sænskur leiðangur heldur upp frá Síberíu.
4. Norskur leiðangur heldur upp frá Síberíu,
ætlar á pól og síðan áfram til Kanada.
5. Dönsk kona heldur upp frá Síberiu ein síns liðs.
I öðrum leiðöngrum eru tveir karlar.
(igirnsl®0 •

/■ ÍSLAND
: or
5
I-ce
O
-Ai-----
'Q ' - ,v
SEX, sjö skip voru á loðnumiðunum
suður af landinu í gærmorgun.
Sveinn ísaksson, skipstjóri á Vík-
ingi AK, var nýkominn á miðin
vestan við'Dyrhólaey þegar Morg-
unblaðið hringdi í hann í gær og
var þá búinn að finna loðnu. „Hún
sígur jafnt og þétt í vestur,“ sagði
Sveinn. „Við erum búnir að kasta
tvisvar en lítið fengið.“ Myndin var
Ainmitt tekin af Víkingi á miðunum
um daginn í gegnum mávagerið
sem mætir til veislu þegar nótin
kemur að skipshlið.
FIMM norrænir hópar, þar á meðal
leiðangur íslendinganna Haraldar
Arnar Ólafssonar og Ingþórs
Bjamasonar, verða á sama tíma á
leið á norðurpólinn nú á næstunni og
er farið að tala um að á döfinni sé
Norðurlandamót í pólferðum.
Allir hóparnir hyggjast ná pólnum
án utanaðkomandi aðstoðar og ætlar
einn þeirra, tveggja manna norskur
leiðangur, meira að segja að fara
áfram yfir norðurpólinn frá Síberíu
til Ward Hunt Island í Kanada. Hóp-
arnir taka því með sér mat, eldsneyti
og allan búnað.
Aðeins fjórir leiðangrar
hafa náð á norðurpólinn án
þess að fá aðstoð utan frá og
sagði Haraldur Örn að
reikna mætti með því að ekki
næðu allir leiðangramir
fimm settu marki.
íslenski leiðangurinn mun
leggja upp frá Ward Hunt
Island í Kanada og sömu-
leiðis annar tveggja leið-
angra frá Svíþjóð, sem er
þriggja manna. Frá Serdna,
aflagðri herstöð á Sevemaja
Zemlja í Síberíu, fara norski
leiðangurinn, hinn sænski
leiðangurinn, sem einnig er
tveggja manna, og Bettina
Aller frá Danmörku, sem fer
ein síns liðs og hyggst þar
með verða fyrsta konan til að
ná óstudd á norðurpólinn og
einsömul í þokkabót.
Haraldur sagði þegar
hann var spurður hvort farið væri að
gæta rígs milli hópanna að hann
vissi til þess að mikil keppni væri í
uppsiglingu milli sænsku leiðan-
granna.
Norski leiðangurinn lagði í hann
16. febrúar og danska konan og
sænski leiðangurinn í Síberíu leggja
af stað um mánaðamótin. Islenski og
sænski hópurinn í Kanada gera ráð
fyrir að leggja af stað um 10. mars.
Haraldur Öm sagði að fyrr væri
lagt af stað frá Síberíu vegna þess að
þar væri ísinn mjög þunnur upp við
landið. Hins vegar væri betra að
geta lagt síðar af stað vegna þess að
þá væri dag bæði tekið að lengja
meira og ekki eins kalt: „Nú hefur
verið milli 40 og 50 stiga frost [á
þessum slóðum] og má búast við því í
byrjun, en síðan hlýnar
þegar á líður, þannig að
gera má ráð fyrir milli
30 og 40 stiga frosti og í
lokin milli 20 og 30 stig-
um.“
Sama leið og Peary
fór 1909
Gert er ráð fyrir að ís-
lenski leiðangurinn taki
60 daga og verði kominn
um miðjan maí. Norski
leiðangurinn verður hins
vegar 120 daga á leiðinni
frá Síberíu til Kanada.
Leiðin frá Síberíu á
norðurpólinn er 1000 km
og leiðin frá Kanada 800
km. Það segir hins vegar
ekki alla söguna. Har-
aldur Öm sagði að Síb-
eríuleiðin væri mun
greiðfærari og ísrekið
hagstæðara, en þegar farið væri frá
Kanada þyrfti í raun að ganga
lengra en 800 km vegna þess að
krækja þyrfti fyrir vakir og rekið
væri á móti: „Það er erfitt að segja
hvers vegna við völdum þessa leið,
en hún á sér meiri sögu og þetta er
leiðin sem Robert Peary fór 1909.“
■ Áleiðis/Bl
smellir og seðillinn er greiddur
S) BÚNAÐARBANKINN
Traustur banki